سرايا - نا بدي احكيلكم انو بابا ظلمنا كتير انا وحده متجوزه وعندي ٤ ولاد وعمر ابوي ٦٠ سنه !!! وهوه كل يوم بروح سكران عالبيت وانا مخبيه عجوزي انو ابوي هيك من يوم ما اتجوزت بتجنب انروح عندهم المسا او مثلن احرد عنهم ازا صار معي شي كبير لخوف انو جوزي يشوف ابوي بهيك منظر ويضل يعايرني فيه طب انا شو اعمل يا الله ليه هيك حظي زفت نفسي اتباهى بأبوي زي كل البنات نفسي ارفع راسي فيه ليه هيك بعمل فينا ليه ومن احنا وصغار وهوه بخون فأمي وعايشين بمشاكل وهلا من جديد منكتشف انو شكلو متجوز وحده بنت نوادي طب ايش اعمل بحالي عالفضيحه ولكم ابوي هاد مش اخوي !!!!! وما حد يحكيلي احكي لبيت سيدك او عمامك صار مشاكل كتير وما قدرو يعملو شي وحكينا انا وخواتي معو وعالفااااااضي مشان الله ماحد يدعي عأبوي مو ناقصنا اللي فينا مكفينا بلا ما تيجي الدعوه فينا اللي عندو حل يحكي وللي ما عندو يستغفر الله ويدعيلي من قلبو انو الله يهدي وينور بصيرتو بلكي دعوة الغريب استجابت والله تعبت انا عندي ولاد بدي اهتم فيهم مش بدي اهكل هم ابوي !!!!!!

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا