سرايا - بعد أسابيع على وفاة والدته والحزن الكبير الذي تركته في قلبه منذ رحيلها، وجه السيناريست تامر حبيب رسالة مؤثرة إلى في أول عيد للأم يمر عليه بعد رحليها.

وكتب على فايسبوك رسالة مؤثرة، ارفقها بأغنية للنجمة الراحلة سعاد حسني عن الأم، وقال: "من قبل ما تمشي وانا شايل هم اليوم ده لما ييجي وانتي مش معايا، وطول عمري بشوفه يوم كئيب وقاسي على كل من اللي اتحرموا من امهاتهم، وانتي كمان كان رأيك كده".

وأضاف: "أهو حصل يا حبيبتي، جاه اليوم اللي كنتي كل سنة بتصحي تلاقي قدامك الورد البلدي الأحمر والكارت المكتوب عليه: صباح الخير يا مولاتي... اللي ما كنتش عارف انه هايحصل انه مش حقيقي انك مش ها تبقي معايا لا في اليوم ده ولا غيره".

وتابع: "اللي حصل انك من يوم ما مشيتي وانتي معايا وما بتفارقينيش ولا لحظة اكتر من لما كنتي موجودة بكتير، انتي معايا وحاسس بيكي حواليا وحاسة بيا، انتي معايا حتى دلوقتي حالاً وشايفة و سامعة كل حرف باكتبه".

وأضاف: "صحيح وحشتيني قوي، قوي، وحشتيني قوي قوي، وحشني المسك واحضنك، بس انتي معايا وحياة غلاوتك يا غالية ويا مش ها تفارقيني ابداً عشان كده هأفضل اقولهالك لغاية ما نتقابل في الحتة الحلوة قوي اللي انتي فيها. صباح الخير يا مولاتي".

وكان الكاتب المصري شيّع والدته الشهر الماضي، بحضور عدد من نجوم الفن الذين حضروا لمواساته ودعمه.

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا