حرية سقفها السماء

وكالة سرايا الإخبارية

إبحــث في ســــرايا
انت الزائر رقم: 8418108 الأحد ,25 فبراير, 2018 م يوجد الآن عدد (4897) زائر
طباعة
  • التعليقات: 14
  • المشاهدات: 40506

اختي في مشكلة

اختي في مشكلة

اختي في مشكلة

03-01-2018 10:29 AM

تعديل حجم الخط:

سرايا - اختي تزوجت من سنتين
من اول ماتزوجت وهي مشاكل مع زوجها
بعد الزواج بشهر اجا شهر رمضان واول يوم طردها من البيت لانها نظفت التلاجة وكبت سمكة منتهية صلاحيتها
رجعتلو ومشي الحال
حملت صارت بالشهر الرابع حكالها خديلي قرض اخدتلو على اسمها على اساس بدو يستاجر بيت ويسكر كم دينه عليه عزلو على بيت جديد وهي حامل خلاها تحمل الاغراض وترتبهم سكنوا بالبيت ماعجبوا صار بدو بيت غيرو
عزلو على بيت تاني بطابق روف وهي حامل بالشهر السادس مارحمها اهلهي كانوا يودوها تراجع الدكتورة ماكان يصرف عليها مع انها ماقصرت معه وكانوا اهلي يعطوها مصروف وتخبي منهم لبيتها تجيب النواقص بدها تستر على حالها بس هو حقير
بالعيد كانت حامل ضربها ورماها بنص الشارع ليش بدها تيجي عنا يومها عزمناهم ومارضي انها تيجي
ومن وقتها ماسأل عنها وحكالها لما تولدي لاتناديني
ولدت اختي وماحاسب على المستشفى ولا سأل عنها اهلي حاسبوا عنها بتضل اختنا لانه
بعد ماولدت بشهر جاي بدو يشوف بنتها اهلي كويسين اجا وشافها حتى مصروف ما اعطاها وفوط وجهاز البنت ماجاب معو
المهم غاب ورجع رجع اختي عنده على البيت رجعوها اهلي راحت اسبوعين بالزبط ورجع ضربها ليش اختي تحكي مع امه وتحكيلها انه البنت دخلتها مستشفى من وراكي امه ماخدة البنت ومحمميتها وهي عمرها شهر ونص وحاطيتها قبال المروحة وهي بتتحممها دخلت المستشفى ٤ ايام البنت الله لطف فيها امه بتحكي عادي هاي بنت ابني لو تموت احنا حرين فيها
اختي عنا الها ٥ اشهر حاليا ورفعت قضية نفقة لانه مابيعطيها لا هي ولا بنته مصروف
اول مارفعتها وحكملها القاضي صار بدو يطلقها على اساس تتنازل عن نفقتها ونفقة بنتها بالتراضي يعني بدو يطلقها بدون مايدفعلها المؤخر شو الحل برأيكم






طباعة
  • التعليقات: 14
  • المشاهدات: 40506
 
1 -
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
03-01-2018 10:29 AM

سرايا

2 -
بناءا على كلامك ارجو ان تستشيري محامي تقي ومحترم حيث يعرف ويفهم بدهاليز القوانيين
03-01-2018 10:53 AM

abu zaid

التبليغ عن إساءة
3 -
لاحول ولا قوة الا بالله
03-01-2018 11:19 AM

ام عمر

التبليغ عن إساءة
4 -
لا تتنازل
03-01-2018 12:44 PM

العميد

التبليغ عن إساءة
5 -
هاي الاشكال ما بيجي معها المنيح

اولا…..

ترفع قضيه نفقه الها وللبيبي وبدل سكن وبدل حضانه.

ثانيا…..

ترفع قضيه المقدم من مهرها.

واذا بده يطلع يروح يطلق وهيك بطلع لها حقوقها كامله .

واذا بده البنت يوخذها واذا بصير لها اي شي تشتكي عليه وتحطه بالسجن هو وامه .

فعلا البشر بطلت تستحي على حالها .

واذا ماخذه له قرض تروح تشتكي عليه انو مسترد .

03-01-2018 03:34 PM

عبير الزهور

التبليغ عن إساءة
6 -
حسبي الله ونعم الوكيل ع هيك ناس .يلي مثل زوج اختك لازمه تربايه
03-01-2018 03:53 PM

امونه

التبليغ عن إساءة
7 -
الحل هو إني أقدم نصيحة لكل بنت مقبلة عالخطوبة إنها تسأل عن الشب و أهله و كلشي كلشي .

و نصيحة لكل الأهالي لا ترموا بناكم حيالله..

الرسول ص حكى : ارحموا الضعيفين يلي هم النساء و الأطفال .. و وصى بالنساء خيرآ بس الظاهر إنه هاللئيم مخاوي عليها .أناكمان بلوم أختك ليش ترضى عحالها من البدايةتساعد هالشكل ؟! هذا الشي يلي خلاه يركبها

هو ماخذها منشان مصاريه .
03-01-2018 04:04 PM

الحل عندي

التبليغ عن إساءة
8 -
والله شي بحزن اختي ازا الشخص ماعنده مخافة ربنا هادا اللي بنخاف منه

لا تتنازل ولا عن شي ما تئبل الانفصال لحتى تحصل على النفقة وهو حر ازا ساعتها بده ينفصل عنها يدفع المتقدم والمتأخر والبنت بحضانتها بضل المصروف لبنته كل شهر غصب عن إمه اللي ضلمت بنات العالم مع تربايتها الفاشلة
03-01-2018 04:21 PM

سندريلا

التبليغ عن إساءة
9 -
انتو ادرى بهيك مواضيع، و الطلاق صار اسهل منه مافي من كثرة الذكور و قلة الرجال، للاسف الغالبية العظمى من شعبنا ذكور فقط. بستقوا على النسوان و لو بتشوفيهم بالشغل مثل "التوتو" كلهم ببوسوا الايادي. للعلم انا شب مش بنت و بتكلم عن خبره عندنا اختين طلقناهم و منصرف على الاولاد و البنات ولا بدك جميلة حد مثل هيك نفسيات و بالنهاية كل واحد بعمل باصلوا و تربايتو. خليها تستخير و بعدها هي تاخد قرار و نصيحه لا حد يضغط عليها بأي قرار
03-01-2018 04:58 PM

مجهول

التبليغ عن إساءة
10 -
انتو ادرى بهيك مواضيع، و الطلاق صار اسهل منه مافي من كثرة الذكور و قلة الرجال، للاسف الغالبية العظمى من شعبنا ذكور فقط. بستقوا على النسوان و لو بتشوفيهم بالشغل مثل "التوتو" كلهم ببوسوا الايادي. للعلم انا شب مش بنت و بتكلم عن خبره عندنا اختين طلقناهم و منصرف على الاولاد و البنات ولا بدك جميلة حد مثل هيك نفسيات و بالنهاية كل واحد بعمل باصلوا و تربايتو. خليها تستخير و بعدها هي تاخد قرار و نصيحه لا حد يضغط عليها بأي قرار
03-01-2018 04:58 PM

مجهول٤

التبليغ عن إساءة
11 -
لو من البدايه شاف العين الحمرا من اهلها كان إحترم نفسه ويجب عليها أن لا تتنازل عن أي حق من حقوقها
03-01-2018 07:51 PM

أبو طارق

التبليغ عن إساءة
12 -
من الاساس المفروض السوال عن العريس كويس لانه اشباه الرجال كثااااااااار بهالزمن .. وعندي قناعه تامه انه البنت تضل عايشه تحت جناح ابوها واخوانها معززه مكرمه افضل من زواجها من شخص ناقص قليل اصل حتى لو كان صاحب جاه وعز… اتقو الله في اخواتكم يا بشر واسالو كويس عن العريس واقعدو معو وجربوه .. سلام عليكم
03-01-2018 08:31 PM

مستر ماهر

التبليغ عن إساءة
13 -
بده دعس ع راسه و يمسحو فيه و بأهله الأرض

يخرب بيت هيك أشكال بتتمادى ع بنات الناس الله ينتقم منه
04-01-2018 12:44 AM

Green Eyes

التبليغ عن إساءة
14 -
فعلآ لازم الوحدة تسأل العريس مليون سؤال و سؤال بالنظرة الشرعية .

و النذل زوجها مستقوي عليها لإنها ضعيفة و مش قد حالها

و على قولة هالمعلق إنه الدنيا كلها ذكور مش رجال

إذا عمستوى ماخذ قرض عراتبها هالطماع و البخيل بذات الوقت .

الله يعين
04-01-2018 02:08 AM

سهى

التبليغ عن إساءة
15 -
حتى لو اطلقت و تنازلت عن حقوقها حضانة البنت من حقها و عليه انه يدفع النفقة لاختك سواء كانت عنده او لا و بطلعها سكن عليه و غصبن عنه بدفع و ما تتنازل عن حقوقها و حقوق بنتها لانه هذول شكلهم ناس زباله باختصار
05-01-2018 08:28 AM

م.احمد

التبليغ عن إساءة
الاسم : *
البريد الالكتروني :
التعليق : *
رمز التحقق : تحديث الرمز
أكتب الرمز :

الأكثر مشاهدة خلال اليوم

إقرأ أيـضـاَ

أخبار فنية

رياضـة

منوعات من العالم