صوري وصلت لصديق زوجي خطأ!!!

09-02-2016 11:07 AM

تعديل حجم الخط:

سرايا - سرايا - انا بمشكله كبيرة بنتي عمرا 3 سنين وعم تلعب بتلفوني وفايته عالواتس اب وباعتا صور لرفيق جوزي انا مسجله رقم رفيقو للضرورةومن بين الصور في صورتين بلا حجاب وطلعو الصور ووصلوه للزلمه وشافهم ومابعت شي وهو اكيد رقمي مو عندو وللان انا ما بحاكيه بس انا مسجلتو يعني للضرورة لان هو صديق مقرب لجوزي شو اعمل؟
خبر جوزي ولا انسى الموضوع ؟
جوزي بغااار كتير وصورتين يلي نبعتو بلا حجاب

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 63466


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	09-02-2016 11:07 AM سرايا
2 -	عادي ليش كثير قلقانة يتم المسح اولا بأول - ولا يبقى سوى الذكرى الجميلة اقطع باي اقطع	09-02-2016 11:52 AM مهند الصمادي التبليغ عن إساءة
3 -	اذا الصور انبعثوا بالغلط فأنتي لازم تحكي مع زوجك وتشرحيله الشي يلي صار ولا تخبي عليه لانه اذا عرف من غيرك او شاف الصور عند صاحبه رايحه توقعي بمشكله وان شاء الله تنحل مشكلتك وربنا ينجيكي	09-02-2016 11:56 AM امونه التبليغ عن إساءة
4 -	تحكي تلفون مع صاحب زوجك وتقولي له بنتي بعثت صور لي بالغلط وبطريقه مهذبه ارجوا مسح الصور لان لو يعرف زوجي بعمل مشكله لي ولك وتاكدي انه مسح الصور ولا تخبري زوجك وانسي الموضوع لان اول شي بحكي ليش تحطي صور بتلفون هذا اذا صدق انه انبعث الصور باللغط	09-02-2016 12:02 PM مها احمد التبليغ عن إساءة
5 -	طبعا لازم تبلغي زوجك عن الموضوع واكيد هوه بعرف انه رقم صديقه عندك	09-02-2016 12:28 PM اسماء التبليغ عن إساءة
6 -	عليك اخبار زوجك بالموضوع فورا احتراما له .. حتى لا يظن صديق زوجك انك امرأة غير سويه أو انك قاصده هذا الفعل .. وزوجك يقوم بالاتصال مع صديقه ويخبره بكل بساطه بالموضوع الذي حصل .. ويطلب منه شطب الصور بكل احترام .	09-02-2016 01:05 PM خالد خالد التبليغ عن إساءة
7 -	اختي الموضوع مش مستاهل احكي لزوجك انك كنتي حافظة رقم صاحبوا للضرورة عادي جدا وانوا بنتك لعبة بالتلفون وبتعتت الصور ولما زوجك يحكي مع صاحبوا بكون احسن بكتير من انوا انت الي تحكي مع صاحبوا يعني لو مفكرة تحلي الموضوع لحالك ممكن يطلع صاحبوا مبتز فيصير يبتزك بالصور خلي موقفك قوي وبعدين يزعل زوجك ويغار احسن ما يشك ويفكر فيك بشكل مو كويس والا شو رايك حبي على كل حال النصيحة الاستخارة وان شاء الله ربنا ييسيرلك الأمر الجيد الله يوفقك	09-02-2016 01:05 PM دلع التبليغ عن إساءة
8 -	انتي شكلك من عائله فرررررري والحق مو عليك الحق ع زوجك المحترم المصون وين الغيره بالموضوع وين ع اي اساس بتحطي رقم زلمه ع موبيلك ع اي اساس وزوجك المحترم بعرف بهاد الشي وبصراحه انا مع اي واحد برد نفس تعليقي على هالمنشور يا بنت انتي اقترفتي ذنب عظيم بوضع رقم زلمه وما هي الضروره في الموضوع اما الحل ان تذهبي الى زوجة هذا الرجال سوف يكون عندها الحل وحذاري من الخطأ	09-02-2016 01:23 PM ياسر الروسان التبليغ عن إساءة
9 -	لا تحكي لجوزك..اتصلي عليه و احكيله اللي صار و احكيله يمسحهم	09-02-2016 02:02 PM ايمان التبليغ عن إساءة
10 -	ازا شعراتك حلوين اكلتي هوى وازا بشعين الزلمه اكل هوى رح يمسحهم أكيد لا تخافي	09-02-2016 03:09 PM Sama التبليغ عن إساءة
11 -	ما تخافي ولا تنشغلي ربنا بحماكي من عنده اذا الموضوع بالغلط يمكن تلفون صاحبه يخرب بالصدفة او اي اشي ثاني ما بتعرفي يمكن محاهم وفكر وحدة باعتله الصور وخاف زوجته تشوفه شو عرفك انت ربنا كريم شو بلهم الانسان كونك بريئة	09-02-2016 03:12 PM شوق التبليغ عن إساءة
12 -	وال عليكن ينسوان هذا تقنعيني انها بالخطاء	09-02-2016 03:24 PM فات الميعاد التبليغ عن إساءة
13 -	والله والدلدول بعدو حاويكي	09-02-2016 03:25 PM rhj hglduh] التبليغ عن إساءة
14 -	انتي بتحكي مابتحاكيه ليش رقمه عندك وصورك من دون حجاب ليش ع الموبايل يعني ممكن الموبايل يضيع والشغله التالته ليش مش حاطه رمز بما انه عندك طفل احكي ل زوجك افضل احسن مايشوف صورك	09-02-2016 03:41 PM سوسو التبليغ عن إساءة
15 -	يا معلقين المحترمنين ليش هيك بتحكوا الامر غايه في البساطه تحكي لصاخب زوجها واحتمال يطلع صاحب زوجهاابن حلال لا يريد مشاكل ويمسح الصوره ما يجيب سيره لزوجها	09-02-2016 05:44 PM مها احمد التبليغ عن إساءة
16 -	تحيه يا شوق يااللي كلك ادب وزوق ان شاء الله تكون لكي مرتبه وعاليه وفوق وان شاء الله تكون لكي مولات وسوق والناس تنظر لكي بكل حب وشوق وتحيه لكي يا حلوه يا شوق	09-02-2016 08:19 PM مها احمد الى شوق التبليغ عن إساءة
17 -	بنية عم تكبر من يوم ليوم زهرة محروسة بسيوف النوم كتلوني عيون السود يا ليل اللي ماله حدود كتلوني كتلوني عيونه السوووووود خوفي يا سنين لتمر سنين ينسوني عيونه السوووووووود انا لاسال عليهم من حي لحي دور عصورهم ببرك المي كتلوني كتلوني عيونه السود	09-02-2016 08:57 PM شوق التبليغ عن إساءة
18 -	ضحكتيني شو دخل المولات والسوق بمشكلة الست أنا فقط أعشق قهوتي بالحياة وأعشق نفسي واسمي وحياتي وحريتي ونصيبي من الدنيا بما كتبه الله لي سبحانه وتعالى وهو قدري كل شيء اعطاني اياه الله سبحانه وتعالى احمد الله عليه دائما وابدا اللهم اني اسالك حسن الخاتمة	09-02-2016 09:03 PM شوق التبليغ عن إساءة
19 -	نصيحة لكل بنت ما تحط أي صورة بموبايلها لأنها شغلة بتخوف و ما إلها أي داعي و نصيحة أخرى لأي بنت إوعي تثقي بأي شب لأنه راح يبتزك و يفضحك	09-02-2016 10:48 PM Hero التبليغ عن إساءة
20 -	مها بتلحن وشوق بتغني وفؤنش قاعد ومستني وسامحوني اذا قلتلكم روحو حلو عني هههه كيف هالشعر	09-02-2016 11:31 PM فؤنش ل مها وشوق الشوق التبليغ عن إساءة
21 -	كان بدك او ما بدك ما بدي احل عنك لانك خفيف دمك والله خليك لاهلك كيف الشعر هل عجبك يا ريت تعبرني اخت وصديقه لك يا اخي	09-02-2016 11:55 PM مها احمد الى فؤنش السعيد التبليغ عن إساءة
22 -	حبيتبي شوق انا بكتب شعر وحيبت اكتب لكي شعر حلو ان شاء الله يعجبك	10-02-2016 12:33 AM مها احمد الى شوق التبليغ عن إساءة
23 -	أن كثرت همومك غنيلها ....... بس شكلها بدنا نضربلها كمان مووووايويل من كثرتها بفرجها ربنا هانت كلها كمان سبعين سنة هيك أشي ما النا غير الصبر .	10-02-2016 12:39 AM شوق لـــ مهى التبليغ عن إساءة
24 -	قبتك اخت لي واتشرف كمان فيكي وبكل المعلقين والمتابعين تحياتي للجميع	10-02-2016 12:40 AM فؤنش للاخت مها التبليغ عن إساءة
25 -	تحياتي للجميع .. اختي الشغله ما بدها كل هالدراما اشي طبيعي تحكي لزوجك شو صار لانه المفروض ما في شي تخبيه عليه اولا وتاني شي هالموضوع بالزات لازم يعرف فيه لانه في صورك وممكن الشباب مع بعض يحكو لبعض شو بيصير معهم ..ويحكي صديق زوجك لزوجك انه وصلتو صور من وحده..خصوصي ما بيعرف رقمك وما بيعرف انها صورك...خبري زوجك والشغله سهله .. نهارك سعيد	10-02-2016 08:03 AM انشودة المطر التبليغ عن إساءة
26 -	الله يستر ههههه حبيبتي الله يهديك بصراحه الغلط منك ليش مسيفه الرقم عندك ............ احكي لزوجك وهو بتصرف	10-02-2016 12:11 PM جود التبليغ عن إساءة
27 -	شو اول حرف من اسمك وآخر حرف ؟؟؟؟منعا للبس وتحياتي	10-02-2016 02:32 PM الى فونش السعيد التبليغ عن إساءة
28 -	السلام عليكم بنصحك تصلي استخارة تخبري زوجك بالموضوع او لا لانه الموضوع في غايه الخطورة والله يهديكِ للصواب وع العموم شكله صاحب زوجك محترم لأنه لو غير هيك كان رن عليكي وحاول يتحركش فيكْ	11-02-2016 07:01 AM م.عبد الرحمن التبليغ عن إساءة
29 -	اختي العزيزه نصيحه لا تحكي لجوزك يمكن يطلع مجنون و شكاك الزلم منهبلين هاليومين حبيبتي احكي مع الزلمه و اشرحيله انه بالغلط و اطلبي منه يمسحها احسنلك اما لا تحكي لجوزك رح تهدي الثقه اوعي تحكي	18-02-2016 07:29 AM ام ادم التبليغ عن إساءة