سرايا -

 وصلت سرايا رسالة من احد الافراد يريد حلا وتاليا نص الرسالة :

 سرايا - فتاه انا فتاه عمري 22 سنه موظفه بدائره حكوميه جميله واخلاقي رفيعه الحمدلله والكل بشهدلي تعرفت على واحد بشتغل معي بنفس المكان حبيته كثير وبعد فتره اكتشفت انه هو بحبني كمان حكالي بدو يتقدملي واتفقنا بعدها بفتره راح عمره وبس رجع كانه واحد تاني طلب مني نبعد عن بعض بحجة انه ما في بينا نصيب والخ بالاصل في ولاد حلال فرقونا عن بعض وبعد معاناه مني ومنه تركنا بعض بس ضلت تصرفاته معي نفسها ما تغيرت بحاول يحكي معي بالدوام ويشوفني .... ضلينا على هالحال شهرين بس هو ما اعطاني شي ثابت انه بدو يرجع الي ويتقدملي ولالا رفضت ناس كثيره بسببه ولحد ما هو تركني وبعد هدول الشهرين تقدملي اخو مرته لاخوي بفترتها كانت اصعب ايام حياتي ضروف سيئه جدا هو شب منيح وشغله منيح وانا فكرت حكيت هاي فرصه منيحه ما رح ضيعها متل ما ضيعت الي قبليها مشان شخص ما بعرف ازا كان بحبني بعده ولا لا ووافقت على اخو مرت اخوي مع اني لساتني بحب هداك الشخص وكانت الخطبه بعد فتره من لما تقدملي وقبل ما نخطب بشهر اجالي الشخص الي معي بالدوام وحكالي لساتك بتحبيني انا بدياكي وبدي اخطبك مع العلم ما كان بعرف اني رح اخطب حدا وانا ما حكيتله عطول اني رح اخطب حكيتله انت تخليت عني ما رح ارجعلك وضله يقنع فيي وحكالي ازا بتوافقي بكره بخطبك ولما شفت انه جدي بالموضوع وكان رح يجي على اهلي حكيتله اني رح اخطب انصدم وصار يبكي ويصرخ وحاول اني اترك الي بدي اخطبه وانا حاولت ما قدرنا وانا هلا خطبت اخو مرت اخوي وانا بحب هداك الشخص وهو بحبني وبشوفه وبشوفني وبحكي معه وبحكي معي مش قادرين نبعد عن بعض خطيبي ما حس بشي وانا ماني حاسه معه بشي ما بحب لما يجي عندي او يحكي معي وغير هيك مو هاد الشخص الي نفسي فيه او فتى احلامي انا حاسه رح اضلمه بنفس الوقت ازا بدي افسخ الخطبه رح يصير كتير مشاكل لانه اخو مرت اخوي وقرايب اكيد رح تحكو ليش توافقي عليه والله ما بعرف كيف صارت الاومور بضرف اسبوع كانت الاومور منتهيه وانا كانت نفسيتي كتير مدمره وقتها انا محتاره والله لا ليلي ليل ولا نهاري نهار مو عارفه شو بدي اعمل ارجوكو ساعدوني بعرف طولت عليكو بالقصه وهي اكبر من هيك بس هاد الي صار معي وانا مش عارفه اوصل لحل لاني واقعه بين نار حبي لحبيبي ونا خطيبي واخوته واهلي واهله شو الحل ساعدوني.....
 

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا