هل أعطيه فرصة أخرى .. أم أن من يبيع مرة سيبيع كل مرة ؟

06-01-2014 09:34 AM

تعديل حجم الخط:

سرايا - سرايا - حبيت شاب واستمرت علاقتنا حوالي سنة ، كانت العلاقة بس حكي على التلفون ،وما التقينا سوا إلا أول مرتين لما شافني وحكى معي بالسوق ..

وبالاخير طلب مني انه نترك بعض لأنه صار عندهم حالة وفاة بالبيت وخايف من ربنا وما بده نضل نحكي سوا.. ( و أنا تأكدت انه فعلاً كان عندهم حالة وفاة ) ..المهم طلبت منه ييجي يطلبني من أهلي ، بس هو ما رضي بحجة انه لسه مش مكون حاله ومش وقت هالحكي وهيك شي !!! وفعلا تركنا بعض حوالي 4 شهور وما حكينا أبدا..

ورجع بعدها بده يحكي معي.. بس أنا رفضت .. وأرسل لي مسجات كتيرة إنه مشتاق لي وبيحبني ومن هالحكي.. بس أنا رديت بمسج واحد إنه اللي بيننا خلص ..انتهى..

شو بتنصحوني ؟؟ أرجع له وأعطيه فرصة تانية .. وإلا أنساه .. لإنه برأيي اللي ببيع مرة رح يبيع 100 مرة ..

طباعة

المشاهدات: 28541


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	06-01-2014 09:34 AM سرايا
2 -	انا برأيي تروحي تغسلي وجهك وتشتغلي شغل البيت هاي احسن فرصة	06-01-2014 09:41 AM bani amer التبليغ عن إساءة
3 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	06-01-2014 09:43 AM سرايا التبليغ عن إساءة
4 -	لا طبعا مو تحت امره انتي وين كرامتك تعالي تعالي روحي روحي على خاطره وقت ما يفضى يرجع يتسلى انسي حبيبتي	06-01-2014 11:01 AM مجنونه بس بفهم التبليغ عن إساءة
5 -	لا تردي بلعب فيكي خله يجي وويخطب	06-01-2014 11:55 AM سليمان محمود التبليغ عن إساءة
6 -	بإختصار جداً......... انا لو اني منك ما بعطيه فرصه ثانية ولا ثانية وحده.... والقرار لك	06-01-2014 12:17 PM يارا التبليغ عن إساءة
7 -	اصلا كل الي بتعملوه حرام .. الله يهديكم اجمعين اذا كان فعلا بحبك ما برضالك هاد الشي وما برضالك هاي السمعة السيئة وازا كان عنجد بخبك بيجي يخطبك	06-01-2014 06:18 PM sakura التبليغ عن إساءة
8 -	ردي على مشكلتك...اعلمي ان من احب بغير شرع الله عوقب به...فإياك من اي علاقة حب محرمة تؤودك للويلات والحسرات....ولا تبحثي عن الزواج بهذه الطرق وإياك والتهاون بحدود الله ومن ارادك زوجة يتقدم لخطبتك بالطرق الشرعية ....فإياك من الخوض بالعلاقات والمقابلات والأسواق والمكالمات ...فوالله اغلب قصص الحب المحرم والتي انتهت بالزواج كان الزواج فاشل وباء بالطلاق والمشاكل والشتم والضرب و...و...القصص في ذلك كثيرة...والجزاء من جنس العمل..تابعي ردودي على المشاكل المشابهة لمشكلتك.....الله اسأل ان تيسر لها زوجا ان احبها اكرمها وإن كرهها لا يظلمها اللهم يسر لها الزوج الصالح وعجل في زواجها يا رب العالمين....محب فلا تلوموني	10-01-2014 09:53 AM محب فلا تلوموني التبليغ عن إساءة