بقلم :

   " يا ولد بلا خلاعة، شدّ حنكك، ليش بتضحك مثل النسوان..! خليك زلمة ،  أبوي وجدي ، علّموني إنّه الكشرة هيبة ، وإنت بدك توطّي راسي بالعيلة ، خلي الكل لمّا يشوفك بالحارة ينضبع " عبارات شائعة ، ومواقف متكررة تترد هنا وهناك .

   لست أدري هل الكشرة " دقّة قديمة " ، عند عزوتنا ، أم أنّها نتيجة ؛ لضغوط الحياة ، أظنّ كلا العاملين يلتقيان ليؤديان لنفس النّتيجة ، هي ضغوط الحياة ، الّتي ملّ المواطن الأردني ، من الحديث عنها لصاحب الدّكان ، هو ما يعانيه مواطن الأردن الغالي ، الديون ، الأسعار ، الّتي تقلب طاقيّة رأسه ..! الراتب القليل ، الّذي لا يصل لجيبه ، وإجار البيت المتراكم ، وعمّا قريب رح يصفّي مع زوجته ، وأولاده في الشارع ، وفوق ذلك ، الأوضاع السياسية المتقلّبة في الأردن والمحيط العربي ، بس مع هيك لازم نتخلّص من الكشرة  ، كيف بدنا نفك الكشرة ..؟

    أقولك شغلة ، وإذا إنت بتسمع النّصيحة ، ترى النّصيحة كانت زمان بجمل ، دائما تذّكر أنّ هناك من هو أسوأ منك حالاً فهناك من هم بلا قدمين ، بلا عينيين ، بلا ، وبلا ، أين أنت منهم..؟  إبتسم لأن الله حبانا قيادة حكيمة ، إبتسم لنعمة الأمن والإستقرار ، إنظر إلى المحيط من حولك.. ما رأيك..؟! إبتسم رغم الفقر،  رغم الألم ، رغم المرض ، رغم البطالة المديونيّة ، ابتسم فما زالت أوضاعنا بخير ، الإنسان هو من يصنع الظروف ، ويتحكّم بها ، لا تكن فاشل ، وتدعها تغلبك  شايف الدنيا قديش مليانه هموم ، بس والله يا خيّ، ما بتسوى جناح بعوضة ، عند رب العزّة ، طيّب ليش لا عاد لساتك زعلان ومكشّر...؟! خليني أحكيلك نصيحة صحيّة ، علّ وعسى ، إنّك تسمع منّي هالمرّة ، لمّا تبتسم بتستخدم عضلة وحدة ، بس لمّا تكشّر بتستخدم أكثر من عشرة عضلات ..! أين الأسهل برأيك ..؟!

   " لا تسمّ بدنك"  ، هاي العبارة إلها مدلول صحّي ، بتعرف إنّه لمّا تكشّر يمكن يصير معك سرطان الدم ، لا سمح الله فلا تسمّ بدنك نصيحة ،  الحياة يا صاحبي بدها تمرّ ، غصب عنّي وعنّك ، يا بتمر برضا بالقدر ، مع ابتسامة ساخرة من ظروف الحياة القاسية ، هذه الإبتسامة التي تقهر الظروف ، أو بتمر بنكد وعصبيّة ، ويمكن توصل للسرطان بعيد عن السامعين ، ليش يا صديقي ما تتحكّم بظروف الحياة ، يا سيدي إذا حدا سبّ عليك، عادي مشّيها بالله يسامحك ، مع ابتسامة عريضة ، أكيد رح يرجع ويبوس رأسك ، إذا ما معك مصاري تروّح بالباص ، كمان مش مشكلة ، ابتسم واحمد الله على القدمين ، إلّي رح يوصلوك لوين ما بدّك ، إذا كنت خايف من الحكومة ، ترفع الأسعارابتسم وتذّكر " لن يصيبكم إلّا ما كتب الله لكم " ، " والمكتوب على الجبين بدها تشوفه العين " ، وإذا لسّاتك بتستنّى دورك في ديوان الخدمة المدنيّة ، مش مشكلة ، ابتسم إنتا عندك بسطة في وسط البلد ، بس غيرك صار يشحد عالإشارة .

    أمّاجانب كشرتنا هيبتنا ، فهاي العبارة غلط وستيين غلط يا عزوتنا ، الهيبة بالإحترام والعطف،  الإبتسامة السلاح الفتّاك في معركة الحياة ، وتذّكر " تبسمك في وجه أخيك صدقة " إبتسم ، وإبتسم ، فإبتسم ، لأنك مبتسم .