على مهلك على يابو قنوه !!! 2-2

22-09-2009 04:00 PM

تعديل حجم الخط:

بقلم :

ابو قنوه اسشتاط غضبا واصبح يتمتم بكلمات لم افهمها واستشعرت خطرا من قنوته وصاح يااستاذ يااستاذوشو هو قانون السيداو هذا وتعليماته والله دخلتني بمتاهات وخرابيط وانا جاي اصيح عليك بدي اخوفك بلكي توقف تكتب عن الديمقراطيه وخزعبلاتك هذي اللي ودتنا بداهيه وتشوف لي حكاية العلفات والتبنات والسوق السوداءماانت عارف الجفاف والسنه بدهم اسموها سنة الزراعه والقلاعه بعد ما عبو الاراضي الزراعيه اكوام اسمنت وحجار !!! قلت له يابو قنوه زيح قنوتك عن وجهي والله غير قنوتك هذي اقعدوك عليها ؟؟قال وشو بتحكي يا استاذ انت انجنيت وشو صار لعقلك قلت له بدهم اجوزوك لواحد ثاني وتعترف بزواج الشذوذ وحقوق الشواذجنسيا !! يعني اذا اجاك واحد وقال بدي اتجوزك وين تروح بشنباتك وصاح ابو قنوه وهو يبرم شنباته ولك هذولا مني بخوف فيهن حماتي وبعدين ما هما متجوزينا مواريث اب بورث لابنه اقطاعيات ؟؟؟ قلت له مهي شروط الحريه وحقوق الانسان وبدنا نعترف بزواج المثلين لا واكثر من هيك هه...هه وشو فيه كمان !!بدها المره تتزوج اربعه مش انت الشرع محلل لك اربعه فمن شان المساواه ونكمل حقوق النسوان لانك ديكتاتوري يا ابو قنوه أي انا خوفتني وخليتني اش...اش...عاحالي فكيف حال ام العبد عندك ؟؟؟ ابو قنوه شعر بالحامي يعني ام العبد بدها تتزوج اربعه آه ولا كيف هاي حقوق النسوان واذا ما وقعت يابو قنوه مش راح نساعدك لتشتري العلفات للنعجات وبدهم نوابنا اوقعو بالقوه !! يازلمه قول وغير ما فيه عندك غير هالسولافه يابو قنوه هاي حقوق الانسان اللي وضعها الشيطان وبدنا نحط عارقبتك كدان يعني تصير حراث و....و... والاتحاد الاوروبي يعتبرك متخلف وارهابي وبدك تدجين وتهجين !!! يا استاذ هذا الحكي من وين جايبه هما الاوروبيين من وين عرفو حقوق الانسان ما هي المراءه عندهم ما كانت تتصرف باموالها الا من قبل خمسين سنه والحايض بيعملو عليها حجر صحي وكانت تنباع بالسوق السوداء و...و....وبس احنا العرب النا خمسة عشر قرن معطينها حقوقها بكل اشى ومعززه ومكرمه ولك يابو قنوه ما بدهنش حقوقنا احنا المسلمين والعرب ماهي الاسره هي الهدف وتدميرها والفطره اللي انفطرنا عليها بدهم اغيروها يابو قنوه ؟؟؟؟ لاول مره يخاف ابو قنوه مني في هذه المعركه المريره حول حقوق الانسان وفجأه يصيح ياخوي هاي هن بالكويت نافسن وحصلن على اربع مقاعد واحنا عاملين الهن كوته فرض ومش عاجبهن كمان و هي البلد كلها صارت كوتات ؟؟؟ ولك يابو قنوه كأنك مش فاهم علي فيه اكثر واكثر !! يابو قنوه اعطيني عطوه حليني احكي لك عن حقوق الانسان في فلسطين وغزه وتبادل السلطه في العالم العربي سلمي مثل بقية شعوب الارض وبعدين بناقش شروط البلوى اللي جايتنا من برا...برا من بلاد الاسكيمو ؟؟ وهيك بدي اخلص من قنوتك واتفرغ للحرب اللي جايه واحنا فيها مثل حمار العرس لحمل الميه والحطب يابو قنوه !!!!

الكاتب الصحفي والشاعر :

نايف حطاب السليم Nayef_alslayem@yahoo.com

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 7580


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	22-09-2009 04:00 PM سرايا
لا يوجد تعليقات