توفي زوجي وأحببت شقيقه .. مالعمل؟!

25-09-2017 12:19 PM

تعديل حجم الخط:

سرايا - سرايا - انا ست ارملة عمري ٣٥
ترملت بعد سنة ونص زواج بس من خمس سنين ونص وعندي ولد عمر حاليا ٦ سنوات
بحب زوجي الله يرحمه وقررت ضل ساكنة ببيت اهل زوجي بعد وفاتو لحتى ربي ابني بين اهلو وناسو ورافضة فكرة الزواج كليا لاني بحب زوجي وبدي ربي ابني بين اهل ابوه وعلاقتي بالكل ممتازة وبحبن وبيحبوني كتير
عندي ابن احمى متزوج وعندو ولدين من لما دخلت العيلة كان هو سندي ومصدر الدعم النفسي والعاطفي والمادي من بعد زوجي طبعا وهاد الشي كان بدعم من زوجي يعني هو كان بمثابة اب روحي الي ولزوجي
دعمني كتير وسندني وخفف عني بعد وفاة زوجي بس من سنة ونص تحولت مشاعرو تجاهي وصار يعبر عن حبو الي بطريقة تانية وانا قاومت بس بالاخر ضعفت ووقعت هالشعرة اللي بتفصل الصداقة عن الحب وتطورت علاقتنا كتيييير وطلب مني الزواج اكتر من مرة بس انا رافضة لان اذا حدا عرف بالموضوع رح تنخرب علاقتي ببيت عمي واخسر كلشي عملتو كرمال ابني ورح أؤذي سلفتي رغم معرفتي بسوء العلاقة بينها وبين زوجها
وصرلي فترة عم حاول اهرب وبعد بس ماعم اقدر نحنا تعلقنا ببعض كتير وانو نضل بالخفى فهاد حرام ومابيرضي ؤبنا ولابيرضي ضميري وانو نعلن اللي بينا فهاد رح يخرب بيتي ويخرب علاقتي بعيلة ابني
انا ضايعة وماعم اقدر اتصرف
انصحوني
انا بحياتي ماعملت الغلط وكل عمري مثال بين الناس بس من لما دخل حياتي لبست توب مو توبي وماعم اقدر اطلع منو مع اني مو مرتاحة ابدا ابدا وضميري رح يموتني..

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 69597


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	25-09-2017 12:19 PM سرايا
2 -	عزيزتي لا تخفي ولا تعلني !! اقعدي وربي ابنك واكسبي سلفتك وبيت حماكي احسنلك والرجال مش كلشي بهالدنيا ابنك اهم من كل الرجال	25-09-2017 01:01 PM عاشقة القهوة التبليغ عن إساءة
3 -	إسمعي يا اختي..... قبل ان تكتبي مشكلتك في هذه الزاويه كنت قد قررت الإستمرارا بالعلاقه مع اخو زوجك وتتويجها بالزواج بسبب حبك له وبسبب رفضك للحرام. لذى اي نصيحه ستكتب لك بالإبتعاد عنه سيكون مرفوض بالنسبه لك.. أنت بدك الطريقه يلي بتناسبك في كيفية اعلان زواجكم وبنفس الوقت عدم شعور اهل زوجك بحبكم لبعض. فالطريقة الأمثل إنه مادام اخو زوجك يتمع بتلك الشخصيه إلي وصفتيها بمضمون مشكلتك و تتلخص برجولته وشهامته و تحمله للمسؤوليه فعليه ان يبادر بفتح الموضوع مع اهله دون التطرق لعلاقتكم وكأن شيئا لم يكن علشان يضمن ترباية إبن اخوه في بيتهم ولم شملكم فإذا وافقوا كان بها و إذا ما وافقوا وبتوقعش الرفض يكرر المحاوله تل والاخرى وإذا في إصرار من قبلهم بالرفض أعملي حالك لا من شاف ولا من دري بالموضوع واطلبي إنك ترجعي عند اهلك بحجة أنه وجودك عندهم مخالف لشرع الله لعدم وجود محرم ولانهم بحبوك مثل ما بتحكي رايحين يطلبو منك إنك تتزوجي إبنهم و اعملي حالك متفاجأه بالموضوع. بالمناسبه انت لسه صغيره وحرام يروح شبابك بدون زواج لانه رايحه بالمستقبل تصفي لحالك بالدنيا. "مجرد رأي يحتمل الخطأ"	25-09-2017 01:06 PM فارس بلا جواد التبليغ عن إساءة
4 -	بلا تخويث القصة معادة لانه قبل فترة كنت انت اللي دايرة وراه بس المرة هاي هو اللي داير وراك وبالاخير كله مسخرة !!!	25-09-2017 01:39 PM الكاسر التبليغ عن إساءة
5 -	اصلا انت ما عندك ضمير وعينك فارغه وشكلك خريبة بيوت ما ضاقت عينك الا على سلفك ول عليكي	25-09-2017 01:46 PM غيور التبليغ عن إساءة
6 -	هاي مشاعر مش بيد الانسان ويمكن هالشي احسن الك انتي بعدك بعز شبابك وبحاجة رجل بحياتك والزواج مش عيبة وياما نسوان ترملن اخذن اخو زوجهن اني بحكي انك تحكيله يخطو خطوة الزواج و يتقدملك بدون اي تردد ولا تظلي تفكري بشي ثاني	25-09-2017 02:05 PM عابر سبيل التبليغ عن إساءة
7 -	ابعدي .البعيد عن العين بعيد الذهن.يعني عن الفكر .ربنا يوفقك	25-09-2017 02:16 PM ملكه على عرش النساء التبليغ عن إساءة
8 -	الرجال مش كل إشي بالدنيا. طيب فطرة الأنثى ورغباتها وحاجاتها من الجنس وخاصه إنها ارمله شو تساوي فيهن ؟؟؟؟؟ اعزب دهر ولا ارمل شهر	25-09-2017 02:29 PM الى عاشقه القهوة التبليغ عن إساءة
9 -	الموضوع من اساسه غلط فسكنها مع اهل جوزها وبوجود اخوان زوجها مرفوض بالدين الإسلامي. المراة وهي على ذمة رجل لا يجب ان تكشف شعرها او مصافخه اخو زوجها وزوجها عايش فكيف بعد مماته ؟؟ صح يا مها ؟؟؟؟؟؟؟	25-09-2017 02:35 PM فارس بلا جواد التبليغ عن إساءة
10 -	نحن يا اخي لا نعيش في غابه ولو كنا نعيش في غابه لكان هذا التفكير مزبوط ميه بالميه تحياتي لك ولازم نرتقي بكلامنا اكثر شوي	25-09-2017 03:37 PM ملكه على عرش النساءالى تعليق 7 التبليغ عن إساءة
11 -	خليه يتقدم ويطلبك رسميا وتزوجوا عالسريع .. هذا اصلا هوالحل الامثل , من اجل الولد ومن اجلك انت وكلام الناس ما برحم , كونك عايشة معهم بنفس البيت , وليس عيبا او حراما ان تتزوجيه بل هو اولى بتربية ابن اخيه , بعدين الولد لازمه اخ او اخت مشان يلعبوا مع بعض هههه. وافقي وخليه يتصرف ويعلن الخبر السعيد . وبالرفاه والبنين .	25-09-2017 04:01 PM المتكتك التبليغ عن إساءة
12 -	انا معك اخي او اختي بس يعني داقت عينها على سلفها يعني تخرب بيت سلفتها وتخسر بيت حماها وابنها رح يخسر اعمامه وسته وسيده	25-09-2017 04:22 PM عاشقة القهوة التبليغ عن إساءة
13 -	على فكرة هيك السوريات بخربوا بيوت الناس وبعدين بحكوا بدي اطلع منها ومو ائدرة عيب عليكي بتخربي بيت مبني على أسس متينة وانتي جاي هلا تخربية وتهدية اتوقع مافي حب لروح زوجك ابدآ واللي بحب حب بخلص حتى بعد الوفاة هادا الحب بس للأسف؟؟؟؟؟	25-09-2017 05:49 PM سندريلا التبليغ عن إساءة
14 -	اذا كانت لك علاقه جنسيه معه تزوجي لان حرام الزنا اما اذا كان كلام حب وما شابه انسي الموضوع ربي النك ولا تفكري بالرجل عيشي محترمه بينهم	25-09-2017 05:55 PM O التبليغ عن إساءة
15 -	مها احمد الصوره. حمراء. يا ريت نتواصل. اليوم	25-09-2017 06:45 PM مها الى فارس بلا جواد التبليغ عن إساءة
16 -	مها احمد الصوره. حمراء. يا ريت نتواصل. اليوم	25-09-2017 06:45 PM مها الى فارس بلا جواد التبليغ عن إساءة
17 -	مها احمد الصوره. حمراء. يا ريت نتواصل. اليوم	25-09-2017 06:46 PM مها الى فارس بلا جواد التبليغ عن إساءة
18 -	اختي هذاا مهو حب انتي شفتيه مهتم فيكي وبابنك وعندك نقص عاطفي فتعلقتي فيه ابعدي عنه شوي ورح ترجعي لعقلك وبالنسبه اله مجرد شفقه وعطف عليكي وعلى ابنك فنصيحتي الك ربي ابنك احسنلك	25-09-2017 09:30 PM السهم التبليغ عن إساءة
19 -	يعني عادي تخربي بيت سلفتك والمشاكل بينهاتهم من وراكي ورا جوزها الخاين الله لا يريح بالك	25-09-2017 11:52 PM ولسا بتسأل التبليغ عن إساءة
20 -	طيب اذا بيحبك ليش ما يكتب كتابو عليكي وهيك بتكوني حلالو بدل الحرام اللي بتعملوه بس شكلوه هوه بدو اياكي للبسط مو زوجة رسمية وهوه بينو وبين حالو ما بدو اياكي لان مارستو الحرام لو بدو اياكي ما في شي بيوقفو بالعكس اهلو بيضمنو انو ابنهم بينهم معناتو احسنلك تعيشي بعيد عنهم لان انت مخربة علاقتو مع مرتو بحكم بتعرفيهم او تتجوزي وتكوني رسمية وهوه زلمة بس عالأكيد هوه بدو هاي العلاقة	26-09-2017 07:05 AM soso التبليغ عن إساءة
21 -	معك حق، انتي فعلا ضايعة!	26-09-2017 07:09 AM GooG التبليغ عن إساءة
22 -	عليك بالرحيل من البيت الى بيت اخر الى ان يقضى الله امرا كان مفعولا	26-09-2017 08:27 AM طارق التبليغ عن إساءة
23 -	مسكينه ما عمرها عملت العيب ههههه اتركي بيت سلفك وشوفي حد غيره ما عنده عيله بلا حكي فاضي انت عارفه انك غلطانه بس بدك تتمسكني والناس تقول لك توكلي على الله وتزوجيه	08-10-2017 04:17 PM اردنيه التبليغ عن إساءة