اهلي رفضوا تزويجي لكرههم أهل الشاب

21-08-2017 09:33 AM

تعديل حجم الخط:

سرايا - سرايا - السلام عليكم انا عمري 17 سنة عشت قصة حب كتير حلوة و صادقة الشب اللي بحبو بعت اهلو تلت مرات يطلبوني بس اهلي رفضو لان ما بحبو اهلو وابو للشب كان ماضيه ما منيح بس تاب من زمان حتى بعد ما رفضو اهلي ضلينا نحكي وما تخلينا عن بعض بس بعدا ماما لقطتني عم حكيه وحلفت يمين ما باخدو غير وهي غضبانة عليه انا هي ما حكت ل بابا شي وعم حاول اقنعا انو بحبو وبدياه بس ماعم تقتنع شو اعمل ؟؟؟ انا وياه لسا بدنا بعض وما تخلينا عن بعض بس المشكلة انو كيف اقنع اهلي فيه ؟؟؟؟؟ ماما عاملة عليه حصار مطبق خانق ومابقدر احكي معو بس اختو بتحكيني وبتقلي هوي بدوياني وبس اقنع اهلي فورا بيرجع بيبعت امو
شو الحل ؟

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 30248


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	21-08-2017 09:33 AM سرايا
2 -	صباح الخير للجميع يا اختي الأهل ما بعملو هيك إلا عشان خوفهم عليكي لأنه ما بدهم يرموكي لأي ناس الحب لا عيب ولا حرام بس إذا أهلك رافضين خلص لأنه بدهم مصلحتك وبعدين احكيلك اشي يا بنت الناس لو في نصيب لو كل الناس رافضه رح توخديه لا أنا ولا انتي ولا حد رح بعرف إذا كان من نصيبك أو لأ ومعك حق الحب مش سهل أبدأ الله يوفقك امين يا رب	21-08-2017 10:44 AM وعد التبليغ عن إساءة
3 -	اولا صباح الخير ام عامر.ثانيا عموه يا صاحبة المشكله فيه منزلين نوعيه كثير منيحه من حليب النيدو خلي ماما تجيبلك بسرعه	21-08-2017 11:18 AM عامر كمال التبليغ عن إساءة
4 -	الحل انك تظلي تزني على راس امك لحتى تقتنع وتقنع ابوكي . وحسني خطك شوي لان كتابتك معفشكة .	21-08-2017 01:15 PM المتكتك التبليغ عن إساءة
5 -	الحل تبطلي تحكي لهجتين ماما لقطتني عم حكيه خخخخخ هوي اقنعا ما منيح ايمتى بدها الناس تبطل تحكي بلهجة غيرها	21-08-2017 01:33 PM المارد التبليغ عن إساءة
6 -	والله انا وجهة نظري انه اتشمي وتستحي على حالك لساتك17 سنة بلاش تفضحي اهلك وتوطي روسهم	21-08-2017 02:15 PM غسان الزيود التبليغ عن إساءة
7 -	شو عبوره ما علقتي على حليب النيدو؟ما عجبتك !	21-08-2017 03:35 PM عامر كمال التبليغ عن إساءة
8 -	عفوا بس انتو متجوزين لأنه حضرتك بدلعها عبوره وهي بدلعك عموره استحو وحبو بعض بمواقع تانيه مش هون رح تسألوني شو دخلك لا يا حلوين دخلني ونص شوي بس	21-08-2017 06:10 PM الى عامر وعبير التبليغ عن إساءة
9 -	لو أنك إليه أو أنك مره كان كتبت اسمك بس بدون اسم هذا يعني أنك مش بشر وعشان هيك ما أردت عليك !!!!!	21-08-2017 08:15 PM عامر إلى رقم 7 التبليغ عن إساءة
10 -	لا عجبتني والله كتير هههههه مساء الورد عمورة مساؤؤؤ سعادة	21-08-2017 08:32 PM عبير الورد التبليغ عن إساءة
11 -	السلام عليكم ورحمة الله وبركاته... عفوآ اختي كل عمرك لم يتجاوز 17 سنه متى لحقتي تعيشي قصة حب حلوة مابعرف ، وانتي تحكي ابوه كان مابعرف شو بس تاب ... يعني اتوقعي ان ابنه يمر بنفس المرحلة واصبري بعدين لحد ما يتوب إن شالله تمسكي فيه واتزوجيه وبعد أكم شهر ارجعي اكتبي مشكله جديده زوجي تغير معي أو زوجي بيهيني وأنا وأهلي ما عندهم علم بالتوفيق ★★★	21-08-2017 08:56 PM زهرة النرجس التبليغ عن إساءة
12 -	لو انك زلمه وليس لو انك اليه اقتضى التنويه	21-08-2017 09:51 PM عامر كمال التبليغ عن إساءة
13 -	بالله كم عمرك اول ماحبيتي؟؟؟ الحب بعد الخمس والعشرين اضمن واوعى وافهم !!!!	21-08-2017 11:54 PM سندريلا التبليغ عن إساءة
14 -	الحب بعد الزواج يستمر افضل من قبل الزواج (الملل) ووقت الفراغ بعمل كل شي	21-08-2017 11:59 PM سندريلا التبليغ عن إساءة
15 -	مش مهم مين أنا واحد ولا وحده بس جد بحكي عيييييب عليكو زودتوها	22-08-2017 12:05 AM الى عامر وعبير التبليغ عن إساءة
16 -	من عندي ومن عند اجاويد الله انا بقول نه اهلك لازم يجوزوكي اي مارق طريق لانه انتي بمياصتك هاي اذا ما بتتجوزي اكيد رح تجيبي الهم مصيبه ,,, حبك قرد عمرك 17 سنه استحي على المصروف اللي بتوخذيه	22-08-2017 01:34 AM انا التبليغ عن إساءة