ورطتني بموضوع الخطبة

25-07-2017 12:04 PM

تعديل حجم الخط:

سرايا - سرايا - مرحبا انا شاب في صداقة قديمة بين أهلى واحد العائلات وهاي العائلة عندهم بنت اصغر مني بسنتين وصدفة اجتمعما بالجامعة وكانت نفس تخصصي وهالبنت بحكم صداقة عائلاتنا صار في علاقة بسيطة جدا بيننا اساعدها وتساعدني وندرس مع بعض لحد ما يوم بينتلها اعجابي وهاد الاشي اللي خرب بيتي لأنو البنت طلعت كتير هبلة وصارت تصرفاتها غريبة وخبرت اهلها اني بدي اطلبها واهلها عاتبو اهلي لأنو لازم نفوت من الباب مش بهاي الطريقة مع انو كل اللي حكيتو كان عبارة عن اني معجب فيها وبرتاح لما اكون معها وهي بوقتها حكتلي نفس الاشي.
هلأ المشكلة انو صارت الامور كتير بسرعة وطلبوها اهلي ووافقو اهلها بس انا البنت ما بدي اياها لأني اكتشفت انو عقلها صغير زي ما خبرتكم وهلأ انا بالسعودية ومتفين انو يتم الزواج لما ارجع عالاردن بشهر 8 وانا ما عم بلاقي طريقة أأجل فيها الموضوع الا اني الغي زيارتي للاردن هاي السنة لأنو الموضوع كلو تلبيس بتلبيس.
هاد الاشي واضح تماما الها بس مش قابلة تتدخل قال هاد قرار اهلها واهلي مش قابلين نفسخ بحكم صداقة العائلة.
ارجوكم ساعدوني حل مشاااان الله"

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 31743


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	25-07-2017 12:04 PM سرايا
2 -	تعيش و توكل غيرها	25-07-2017 12:36 PM منى التبليغ عن إساءة
3 -	يسعد مساك .... هاي حياتك ومو يوم ويومين وازا فعلا مو عاجبتك البنت اعمل اي شي لتفسخ بالاخر انت ما وعدتها بشي لحتى يأنبك ضميرك عليه ... نصيحه لا تستمر بهالعلاقه ازا انت مو مقتنع لانه حتحكم على حياتك بالفشل ...موفئ	25-07-2017 12:53 PM ❤ التبليغ عن إساءة
4 -	اذا شاعر انك تورطت اهرب بريشك يسعد مساكم	25-07-2017 01:17 PM اميره التبليغ عن إساءة
5 -	بدون طولة سيرة ... اكيد معك رقم ابوها ، بكل بساطة رن عليه واحكيله عمي ما في نصيب ... وشكرا	25-07-2017 02:08 PM نسرين التبليغ عن إساءة
6 -	وحضرتك لما قررت تحكيلها انك معجب شو كانت نيتك بالزبط؟ ولا بس رفقة جامعة؟ حسبي الله ونعم الوكيل بهيك جيل،،،،	25-07-2017 07:44 PM دنيا،،،، التبليغ عن إساءة
7 -	قلهم غيرت ديني اذا عاجبكم ديني الجديد منكمل	26-07-2017 12:49 AM محمد 1990 التبليغ عن إساءة
8 -	اخ محمدكو وانل كمان بعتزر منك انتا بتحكيلي تعليقي رقم 22 بالمشكلة السابقة زي ما فمهت انا علية ملاحظات واستفهام رحت شفت شو كتبت وماشفت شي غلك بال كتبتو انا كتبت بصير حجن يتبنى يتيم ويربية بدون ما يسجل على اسمو وانا ماقصدت بالتبني شي تاني يمكن انا ماوضحت الصورة صح بس مش بحاحة توضيح اللبيب من الاشارة يفهم وكمان مش غلط حدن يربي طفل يتيم ويتكفلو وياخد الاجر وخصوصا المخرومين من الخلفة صاحبيتها لاختي اخدت كفلة من الملجأ وربتها بس من دون ماتسجلها على اسم زوجها قول رسول الله :انا وكافل اليتيم بالجنة	26-07-2017 09:22 AM شطورة التبليغ عن إساءة
9 -	اخ محمدكو وانل كمان بعتزر منك انتا بتحكيلي تعليقي رقم 22 بالمشكلة السابقة زي ما فمهت انا علية ملاحظات واستفهام رحت شفت شو كتبت وماشفت شي غلك بال كتبتو انا كتبت بصير حجن يتبنى يتيم ويربية بدون ما يسجل على اسمو وانا ماقصدت بالتبني شي تاني يمكن انا ماوضحت الصورة صح بس مش بحاحة توضيح اللبيب من الاشارة يفهم وكمان مش غلط حدن يربي طفل يتيم ويتكفلو وياخد الاجر وخصوصا المخرومين من الخلفة صاحبيتها لاختي اخدت كفلة من الملجأ وربتها بس من دون ماتسجلها على اسم زوجها قول رسول الله :انا وكافل اليتيم بالجنة	26-07-2017 09:22 AM شطورة التبليغ عن إساءة
10 -	طيب انتا لما حكيت معجب فيها شو كان قصدك ؟؟ ولا بدك علاقة هيك تسلاية يعني ! خرجك اتحمل الي صار يمكن نيتك ماكانت صافية ربنا الو حكمة الله اعلم	26-07-2017 09:28 AM شطورة التبليغ عن إساءة
11 -	ما حدا حكالك تزتلها حكي انك معجب فيها ومن هالحكي وهلا بس خطبتوا وين راح الاعجاب هلا طلعت ام عقل صغير وما بين معك غير وقت الخطبة	26-07-2017 10:23 AM بتستاهل التبليغ عن إساءة
12 -	نصيحتي اذا كانت هبله وعلى نياتها كمل معها وخاصه انوا في علاقات صداقه بين العيلتين بتربطكوا بقوة .. البنت الهبله هالايام كنز احسنلك من المفتحه بزياده لانها رح بتجنن عيشتك وبتقرفك حياتك كل ما حكيتلها اشي بتطلعلك بالعكس ...اسم مني انا مجرب وعارف	26-07-2017 10:55 AM مجرب التبليغ عن إساءة
13 -	الهبلة احسن من المفتحة هالايام هاذا اذا هي فعلا هبلة لانه ما في حدا اهبل هالايام تحياتي لك	26-07-2017 11:29 AM يوسف التبليغ عن إساءة
14 -	السلام عليكم ،،،،،،،،،،،،، الأخت الفاضلة { شطورة } ، لقد سبق وأن علقت لي في مشكلة ( مش عارفة أعيش بدون أطفال ) وفي تعليق رقم { 31 } ، وكتبت :- * وبنصحك لما تكتب آيات من القرآن الكريم تكتب بدون اخطاء املائية اكتر من تعليق شفت هالشي * على إثر ذلك ، قمت بمراجعة سريعة لما قدمت من تعليقات من قبل ولم أجد الأخطاء التي تحدثت عنها ، فأغدو ممتنا لو كتبت لي بعض تلك الأخطاء الإملائية والتي وردت مني ولم ألحظها ، حيث أن ذلك كلام الله ولم ولن أسامح نفسي لو كتبت آية غلط ، فأرجو منك تبيان ذلك للتصحيح ، ولأحرص بعدم تكرار ذلك ، وأتمنى منك إفادتي في ذلك ، ودمت عونا للمساعدة ، مع قبول فائق الإحترام ....... ... الأخت الفاضلة { مها أحمد } :- لو سمحت لي بسؤال شخصي بعض الشيئ ، وبإمكان حضرتك الإجابة أو تجنبها ، فلك حرية الإختيار ، وكونك ذكرت من قبل أنك واعظة في أحد المساجد ، والسؤال هو :- { هل أنت مجازة ؟؟ } . وعلى ما أعتقد أن السؤال غريب لبض القراء ، ولكنك وبما أنك واعظة ، السؤال سيكون واضحا ومفهوما لك . محمدكو . سلام .	26-07-2017 11:33 AM محمدكو التبليغ عن إساءة
15 -	محمدكوا كيفك ...انحلت مشكلتك ولا لسه ؟؟	26-07-2017 01:46 PM الامير التبليغ عن إساءة
16 -	يمكن تكون البنت شاطره كتير و تعمدت تورطك على كل ما الك غير الاعتراف بانه قصدك ما كان شريف ازا ىبتسترجي تعترف	26-07-2017 02:07 PM البنت شاطره التبليغ عن إساءة
17 -	السلام عليكم ،،،،،،،، أهلا وسهلا بك يا { أمير } ، وأشكرك على تذكري وعلى تذكر مشاكلي ، لأنها ليست مشكلة واحدة فقط . والجواب :- { إن مشاكلي تزداد تعقيدا } ، والحمد لله على كل حال ، وأعيد شكري لك . سلام	27-07-2017 08:15 AM محمدكو التبليغ عن إساءة