اريد الزواج

29-05-2017 01:23 PM

تعديل حجم الخط:

سرايا - سرايا - انا شب عمري 26 سنة. ..قضاء الله لي. ..انا وحيد أهلي عندي أخ أصغر مني بس مريض الله يشافيه ويشافي كل مريض. ..يا رجل كل ما اروح اشوف بنت واحكيلها ظروفي..بتصير بدها حياة مستقلة وبيت مستقل ...انا بدور على بنت حلال اتعيش معي ومع ابوي وأمي وأخي المريض.مع العلم بيتنا كبير ..وابوي وأمي الحمد لله صحتهم اكويسة ومش كبار كثير بالعمر ...صرت رايح على بنتين وما رضو. ..للعلم الحمد لله أمورنا المادية كويسة. ..وشغلي اكويس. .وعلى قدر من الجمال. ..وعنأ شقق مؤجرة
يعني ما بعرف الخطأ مني ولا من الظروف ولا من بنات اليوم. ...ولا شو اسوي. ..يعني أبعد عن ابوي وأمي. ..طيب هذا الحكي برضي رب العباد. ...بالله عليكم شو اسوي
وانتي يا بنت الناس. ..شو المشكلة عندك لما يكون عندك غرفة مستقلة والك كامل الحقوق. . وزيك زينا بنعيش...
حاب اسمع آرائكم.

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 31215


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	29-05-2017 01:23 PM سرايا
2 -	اخي أنته لسا ما شفت الا بنتين يعني لا تحكم ع الكل أدعي رب العالمين انه يرزقك الزوجه الصالحه ودور وان	29-05-2017 01:33 PM امونه التبليغ عن إساءة
3 -	توكل على الله واصبر الا ما تلاقي بنت الحلال اللي ترضى تعيش مع اهلك بنفس البيت	29-05-2017 01:53 PM بسمه التبليغ عن إساءة
4 -	لساتك بوبو بدك تعيش مع اهلك حدا ضل بسكن مع حدا هاي الايام هي الشباب كلها بتتجوز وبتسكن لحالها الوحدة بدها ااستقلالية وبيت مو تعيش بغرفة	29-05-2017 01:57 PM م التبليغ عن إساءة
5 -	اخي ليش ما تبني فوق ابوك وامك وهيك بتنهي المشكلة الحياة بتفرض على البنت في الوقت الحالي تعيش لحالها هيك صارت الدنيا وانت ما بتعرف المشاكل الي راح تصير من هاي السكنة لساتك مش مجرب بعدين بعرف ناس اقسم بالله انه كان هو واهله بعاملوها معاملة الملاك بس خلص بدها تطلع وكان راح يطلقها وبالآخر رجعها وسكنها لحالها ابعد عن الشر وغيلوا اخي واسكن لحالك من البداية بتريح راسك وبالنسبة لأمك وابوك متل ما حكيتلك يا بتشتري بيت جمبهم يا اما بتبني فوقهم وانا بحكي عن خبرة بالحياة	29-05-2017 02:55 PM دلع التبليغ عن إساءة
6 -	دور بتلاقي والله بنات الحلال كثر لا تيأس من أولها وتوكل على الله	29-05-2017 03:48 PM فاعل خير التبليغ عن إساءة
7 -	دور بتلاقي والله بنات الحلال كثر لا تيأس من أولها وتوكل على الله	29-05-2017 03:49 PM ياسر الغول التبليغ عن إساءة
8 -	مهما صار معك . لا تترك أبوك وأمك...	29-05-2017 10:25 PM العميد التبليغ عن إساءة
9 -	السلام عليكم ورحمة الله وبركاته.... ياأخي والله بنات الحلال اللي بدهم ينسترو كثيير ..اصبر ودور بتلاقي بس اذا مالقيت شو المشكله اذا سكنتها بشقه من الشقق المؤجره اللي عندكو أي وحده من حقها تعيش ببيت لحالها وتحس بالإستقلاليه وزور اهلك كل يوم .. ابعد تحلا...	30-05-2017 12:06 AM زهرة النرجس التبليغ عن إساءة
10 -	استخير الله أولا ... وثانيا :شو رأي أهلك. بالموضوع؟	30-05-2017 06:09 AM البراق التبليغ عن إساءة
11 -	السلام عليكم ،،،،،،،،،،،،،، بدون تعليق ////////////// الحل بسيط .................. لا تتزوج ، مش ضروري ، لن تجني من ورائها سوى وجعة الراس ، رأيت مثل هذه المشاكل ، لو وافقت أولها ستوافق بس كي لا تعنس ، ومن ثم تتجبد عليك خاصة بعد أول ولد سيأتيك . سلام	30-05-2017 09:13 AM محمدكو التبليغ عن إساءة
12 -	بتلاقي اخي في بنات كتير بدهن الستره دور منيح	30-05-2017 09:18 AM ع التبليغ عن إساءة
13 -	طيب يعني مثلا حابه زوجتك تلبس شي عبالها في البيت لَبْس بيتي مثلا والدنيا صيف وهيكا كيف بدها تاخد راحتها بيتها وأخوك وأبوك موجودين فهمني اياها هاي ولا اضل طول اليوم لابسه دشداشة مطرزه وأشارب مزركش تحكيش بتبيع فجل وجرجير يعني لو عندك اخت بترضى هيك اما ازا عندكم كونديشنات نحلت المشكله غير هيك ما عندي حل اللهم لك الحمد حتى ترضى ...رفيقي زئبق يسعد صباحاتك ورمضان كريم اشتقتلك كتييييييير :)))	30-05-2017 11:48 AM داليلا ..... التبليغ عن إساءة
14 -	هلا بالورد هلا . . . نفس اسلوبك متغيرش يكطع شرك تعليقك ... خلاني افكع من الضحك لما قرأته أحلى اشي هاي اللي لابسة اشارب مزركش وبتبيع فجل وجرجير ذكرتني بانشراح . . .	31-05-2017 07:32 AM زئبق . . . التبليغ عن إساءة
15 -	الحق يقال بما انك وضعك ميسور حق اي بنت تعيش في بيت مستقل و تاخد راحتها.. الوضع الطبيعي انه الزوج و زوجته يعيشوا في بيت لحالهم الله ييسر امرك	31-05-2017 03:46 PM me التبليغ عن إساءة
16 -	معلش كيف ممكن ا تواصل مع عاد الشباب فاعت خير	02-06-2017 04:24 PM حياة التبليغ عن إساءة
17 -	أي بنت من حقها تعيش ببيت مستقل بعيدا عن المشاكل وكمان بدها توخد راحتها	20-07-2017 05:00 PM يا رب التبليغ عن إساءة