سرايا - سرايا - مرحبا بدي احكي مشكلتي منو فضفضه وثاني شي ممكن اشوف حل او ارتاح شوي بس بدون دكر اسم لو سمحتو يا جماعه مشكلتي باختصار انو انا بنت عمري 32 سنه والحمدلله متوسطه الجمال والحمدلله اخلاق وادب ومو ناقصني شي والكل بيتمنا يناسبنا ومين ما يشوفني بيعجب في وبيحكو ماشالله المهم بلا ما طول انا بيجني نصيب من عمري 17سنه وما بصير نصيب اول شي كنت لدراستي وانو صغيره كنت ارفض لحد ما صار عمري منيح للزواج صرت اوافق من هون بلشت المشكله وانا مو حاسه صار يجي ناس يوافقو انا ما اوافق وبس يوافقو ما يرجعو حكيت نصيب وما اخدت فيها وهيك لاخدت معي سنين القصه وانا بضل احكي نصيب الاصغر مني والاكبر والابشع كلو تزوج وانا لسا ناس تشوف وما يصير شي وحتى انو جربت الحب وبرضو ما صار نصيب واكثر من مره شخص بدو يرتبط في وما يصير نصيب يصير عندو مشاكل واترك وقرأت فاتحه مع شخص بموت ع الارض البمشي عليها وكنا رح نتزوج لهيك يوم زي لمح البصر تركتو والتلو ما رح كمل معك وضليت هيك الت ربنا مش رايدلي اياه لحتى صار عنا مشكله مع اخوي مرض وتعب ما خلينا دكتور او مستشفي ما حدا عارف ليش بيغمى عليه وناس دلونا ع شيخ يقرا عليه اخر حل وفعلا الحمدلله تعالج طلع ممسوس مسحور اشي من هالحكي وبعدها انا رحت لنفس الشيخ وقرا علي وحكالي اني مسحوره من 13 سنه حرك ايدو بعصاي ع معدتي وتحرك شي بمعدتي من جوا اشي غريب وبالعصاي ع رجلي ارتفعت لحالها عن الارض المهم قرا بس قران وحصني وروحت وبعدها كمان كل شخص بدو يرتبط في اكون معطيتو فرصه لاعرفو ويجي يطلبني يصير عندهم مشاكل اجتماعيه وتتاجل الامور وهيك الا يصير اشي واترك وحاليا في شخص بدو يرتبط في وانا خايفه كمان ما يصير نصيب لانو شخص ملتزم وخلوق ومركز واصغر مني وبرضو بالوقت الي بدو يجي يطلبني صار عند مشكله اجتماعيه ببيتهم ولهلا كل موضوعي معاه متاجل بسبب هالمشكله وانا تعبت ومضغوطه من الي بصير معي ولغايه مبارخ حلمت حلم بمرت سيدي حلم مو كويس وهي مرت سيدي بتتعامل بالسحر وانا شاكه انو كلشي بصيرلي منها والي صار معنا بالعيله من اخوي ولخالتي كمان منها من يوم ما تزوجها سيدي واحنا الهموم والمشاكل ما بتخلص واحنا كافين خيرنا وشرنا عليها بس هي وحده حقوده ومريضه نفسيا وليش انا شاكه فيها من عمري 17 سنه صار موقف معها اتهمتني بسرقه علبه شامبو من ببيتها مع انو ربي بيشهد اني اديش ملتزمه وبخاف الله الله لا يسامحها لهلا مو مسامحتها قطعت علاقه امي بابوها سنين ولهيك انا شاكه لا مو شك متاكده انها بتعمللنا شي وكل شي بصير من وراها حتى الاحلام بضل احلم فيها بتاكد انها هي بكلشي عم يصرلنا طولت عليكم يا جماعه بس بلكن ارتحت واسمع ارائكم وتشوفولي حل مش عارفه شو اعمل فيها وكيف اتجنبها وازا عامله شي كيف اتقي شرها وسحرها والي بيعرف شي مجرب شبيه لقصتي يحكي تجربتو لعله استفيد بدي علاج من القرآن لتتسهل اموري ويتيسر زواجي الي عندها حل ومجرب تحكيه ورئيكم بهمني بقصتي او مشكلتي والحمدلله بكل الاحوال وع اي حال انا راضيه بنصيبي متوكله ع ربنا بس ربنا قال اسعى يا عبدي وانا بسعى معك لهيك الله يخليكم ما حدا يزودها علي والله الي فيني كافيني ومقهوره لو بايدي اريحها من هالحياه ما بقصر بس حرام ربنا يصطفل فيها وبكل حدا ظالم زي هيك ويفرجها ع كل مظلوم وشكرا الكم

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا