25-03-2017 10:12 AM
سرايا - انا شب عمري 18 سنة .. صغير عمري صح .. بس عندي مشكلة اني فعلا اكبر من عمري .. انا والدي الله برجمه توفى من 5 سنين وانا بعد بسنة من وفاتو صار عندي نضج فجاة ما بعرف كيف .. قرررت اترك المدرسة واشتغل لانو عمامي االله يخلف عليهم متبريين منا ونفوسهم دنية .. اشتغلت وزبطت اموري وهسا الحمد لله عمرت بيت لاهلي وبصرف عالكل واموري المادية كثيير ممتازة .. بس مفتقد شغلة وحدة .. صحابي اللي بعمري لما بطلع معهم بمزحو وبضحكو وبتلاقي الضحكة طالعة من قلبهم فعلا..لكن بالنسبة الي بضحك مجاملة .. وبلاقي كثير من اللي بعملوه هبل وما منو فايدة .. مفتقد انا متعة.الحياة اللي بهالعمر .. صح مستقبلي رح يكون مرتاح بس اقسم بالله مش حاسس بسعادة بالمرة
لمتابعة وكالة سرايا الإخبارية على "فيسبوك" : إضغط هنا
لمتابعة وكالة سرايا الإخبارية على "تيك توك" : إضغط هنا
لمتابعة وكالة سرايا الإخبارية على "يوتيوب" : إضغط هنا
1 - |
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
|
25-03-2017 10:12 AM
سرايا |
2 - |
أخي أولا أنت مش زغير.. عمرك 18 اللي بعمرك بزمن الصحابة كان يقود معارك ضخمة وينتصر فيها!
ما شاء الله عليك قصتك وكفاحك جميل جدا وبالنسبة للنضوج المفاجئ فهو نتيجة للصدمة الي نتجت عن وفاة والدك رحمة الله عليه. أخي أنت حكيتتها بلسانك.. بتلاقي كثير من اللي بعملوه تافه أنا بحكم عمري حاليا 30 سنة بشوف اللي كنت أعمله قبل 12 سنة تافه! هاي سنة الحياة. لا تنسى أنه أصحابك كلهم لليوم بوخذوا مصروفهم من أبائهم وما عندهم إعتماد على النفس ولا بيعرف شو يعني قرشي من عرق جبيني. إنك أكبر من عمرك مش عيب بالعكس هذا قمة النضج وصدقني إنت المفروض تفتخر وتحمد ربنا إنه تفكيرك أكبر من تفكير المراهقين. واحد بعمرك إشتغل وسد الفراغ اللي تركه أبوه وكمان قدر يعمر بيت لأهله وبيصرف على أمه وإخوانه هاذ لازم ينضرب فيه المثل لا تنسى قديش أمك وإخوانك حاطين أملهم عليك خاصة بعد ما شافوا معدنك الأصيل وبعد ما عوضتهم بشكل كبير عن فراغ المرحوم الوالد. أخي أنا بدي أحاول أوصلك إنه أنت ما عندك مشكلة.. إنت عندك قصة كفاح كثير حلوة لازم تضلك مصر على إنك تكون للأحسن مش للأسوأ (لا ترد على حدا بقلك عمرك زغير وعيش شبابك) لا يا أخي إنت هسه قاعد بتبني للمستقبل بس أنت سبقت جيالك بسنوات كثيرة. وبالنسبة لمتعة الحياة، أنت بتشعر فيها بس انت مصر تربطها بطيش الشباب اللي من جيلك، حاول تطلع حالك من هذا الموضوع ولا تضلك تطلع على إبتسامتهم وعلى طيشهم! تذكر إنك تملك نفسك وقرارك وأنه أصحابك ما بيقدر واحدهم يطلع من برا غرفته إلا يطلب مصروفه من أبوه! تذكر إنه أنت وراك عيلة بحكم القدر وهمه بعدهم بيستنوا لقمة العيش من أبائهم! أخي تلذذ بنجاحك ولا تنتبه لغيره! أخي تلذذ بلقمة العيش من عرق جبينك لما تشوف أمك وإخوانك مرتاحين وشبعانين بسبب تضحيتك. تلذذ بسعادة إمك وإخوانك. الله يوفقك ويخليك لأهلك.. |
25-03-2017 11:25 AM
عبدالله التبليغ عن إساءة |
3 - |
على فكرة :
اللي بيعلق خير وبركة واللي ما بعلق . . بخفف لبكة !!! |
25-03-2017 01:45 PM
الزيبق . . . التبليغ عن إساءة |
4 - |
الله يوفقك دوم يارب بافتخر بشباب من امثالك ربي يوفقك نشرت الفرح بوجهه اهلك انت الشب المناضل المكافح لا تنظر الى طيش الشباب خلك بطريقك لا تنظر الى الخلف ودائمآ انظر الى المستقبل ينتظرك الاجمل والاحلى يعطيك الصحة والعافية تعليق رقم ١
استمع بنصيحة الاخ عبدالله كلامه سليم وجميل ١٠٠℅ |
25-03-2017 10:45 PM
الوردة التبليغ عن إساءة |
5 - |
يسعد صباحك اخي
ما فيي احكي الا الله يبارك فيك ويخليك لاهلك .. وفاة الوالد جعلك تكون اقوى وانا كتير بحترم الشخص الي بيعرف شو بده وشو يعمل ويكون عنده شخصيه وقدر بزمن كتر فيه الانسياب والانحطاط .... الله يكون معك |
26-03-2017 07:50 AM
❤ التبليغ عن إساءة |
6 - |
عمرك 18 سنه واشتغلت وزبطت أمورك وعمرت بيت لأهلك . . وبتصرف عليهم . . . يا زلمة احكي غير هالحكي حكي . . . عرطتك مملة
مش رايقلك . . . اطلع من راسي على هالمسا . . . :( |
27-03-2017 12:49 AM
سلفادور . . . التبليغ عن إساءة |
7 - |
لا تعليق بعيد تعليق السيد عبدالله لانه كفى ووفى بس بدي اقلك علمنا ووووووول
|
27-03-2017 11:52 AM
محمد التبليغ عن إساءة |