23-03-2017 10:22 AM
سرايا - سرايا - انا بنت باواخر العشرينات حلمي متل اي بنت انه اتزوج ويسير عندي اولاد ويكون الانسان اللي ارتبط فيه عمره قريب من عمري
فعلا وعن مدة قريبة اجا شب واجا ليشوفني ببيت اهلي بس صارت شغلة انه بابا رفض افوت اشوفه وعامله هو واهله بطريقة مش حلوة المشكلة بابا مبدأه انه ما بيعطي الا لقرايب ومن نفس البلدة اللي احنا فيها طب ليش ما هو اخواني كل واحد ماخد من ديرة
مش هاد ظلم مع انه بابا اطيب واحن واحد بالدنيا
حاسيته عم بظلمني وباذيني
انا كتير بكيت حاسة انه حلمي راح وانكسرت فرحتي
طب شو اعمل انا شو احكيله هو عم بخرب علي ومش حاس الله يسامحه
لمتابعة وكالة سرايا الإخبارية على "فيسبوك" : إضغط هنا
لمتابعة وكالة سرايا الإخبارية على "تيك توك" : إضغط هنا
لمتابعة وكالة سرايا الإخبارية على "يوتيوب" : إضغط هنا
1 - |
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
|
23-03-2017 10:22 AM
سرايا |
2 - |
أنا بنصحك تصارحي أمك بكل شي وهي راح تعرف شغلها مع ابوك
وبالتوفيق نشاءالله |
23-03-2017 11:00 AM
الأمير التبليغ عن إساءة |
3 - |
اختي الفاضلة اكيد الوالد بحبك لدرجة كبيرة جدا و خايف عليكي وما بده حدا غريب يتجوزك وبده قريب عشان اذا صار شي يعرف يتصرف
نصيحة وحل جذري للموضوع: احكي مع الوالد بكل صراحة وامانة و تعالي من باب الدين والشرع والحلال والحرام.... 1- الزواج حلال حتى لو مش قريب طالما شرعا جائز 2- لازم الايمان بالله يكون قوي جدا يعني لو الموضوع خوف اذا ربنا كاتب شي يسير رح يسير حتى لو قريب او مش قريب 3- لازم تفهمي انه طاعته واجب و انه رضاه اهم من اي شي ثاني شكرا واتمنى يكون حل ناسبك يا رب |
23-03-2017 11:13 AM
eyadbaik التبليغ عن إساءة |
4 - |
مش لحالك هاي قصتنا كلنا بابا مش مخليني اعرف اعيش و بده يوديني في داهيه بقراراته الغريبه ما الك غير الرضى بالامر و الواقع و الامل بحياه سعيده في الدار الاخره ان شاء الله
|
23-03-2017 12:47 PM
Amal التبليغ عن إساءة |
5 - |
حطي بالك انه والدك اكثر شخص حريص على مستقبلك وهو اعرف منك بامور الحياه وخبرنه كبيره ..انا بقول دخلي وزاره الخارجيه بالوضوع بتعرفي شو بفكر..امك الها ثاثير كبير على ابوك..كونها تحمل حقيبه وزاره الخارجيه والداخليه معا.
|
23-03-2017 01:35 PM
مساافر لوحدي التبليغ عن إساءة |
6 - |
حطي بالك انه والدك اكثر شخص حريص على مستقبلك وهو اعرف منك بامور الحياه وخبرنه كبيره ..انا بقول دخلي وزاره الخارجيه بالوضوع بتعرفي شو بفكر..امك الها ثاثير كبير على ابوك..كونها تحمل حقيبه وزاره الخارجيه والداخليه معا.
|
23-03-2017 01:36 PM
مساافر لوحدي التبليغ عن إساءة |
7 - |
احكي معه او خلي والدتك تحكي معه
اوقات في اباء بعيد عنك عندهم غباء بدهم يحرموا ما احل الله بحبوا يتزوجوا وبحرموا الزواج على بناتهم او انك موظفة وبده راتبك مسافر بتحكي ان والدها بده مصلحتها شو مصلحتها لما تكبر وتروح عليها وبتحجج بده اقارب ليزوجها ليش ماطبق هاد على ابنائه |
23-03-2017 05:54 PM
السوسنة السوداء الى مسافر وصاحبة المشكلة التبليغ عن إساءة |
8 - |
إحنا حاسين انه مشكلتك حلها بسيط . . . وحلها موجود عند سندريلا . . . وحكنالها تعطيكي الحل لمشكلتك . . كمان شوية . . وينك سندريلا . . . لا تطولي على صاحبة المشكلة ؛)
|
23-03-2017 08:05 PM
الأقزام السبعة . . . التبليغ عن إساءة |
9 - |
احكي مع بابا بكل صراحة والله ولي التوفيق الله يبعتلك ابن الحلال
|
24-03-2017 12:15 AM
السندريلا التبليغ عن إساءة |
10 - |
المنطق يقول ان الأب هو احرص شخص على بناته .... والقله القليله لا تعنينا ... والسواد الاعظم يمثلوا جميع الاباء. تحياتي
|
24-03-2017 01:41 PM
مساافر لوحدي الى السوسنه التبليغ عن إساءة |
11 - |
البين يطسكم . . واحد واحد . . . . هلا صارت سندريلا هي حلالة المشاكل عندكم ؟ وانا في الباي باي
وانتي يا أخت سندريلا . . لو سمحتي . . لو تكرمتي . . ما تتدخلي بيني وبين الأقزام السبعة ماشي !! . . :( |
24-03-2017 04:10 PM
سنو وايت . . . إلى الأقزام السبعة التبليغ عن إساءة |
12 - |
عيب البنّت تحكي على ابوها بتروحي فورا بتكتبي كتابك ع اي حدا وبتحطي الوالد تحت الامر الواقع بتفوتي مشنكله فيه وبتحكيلو بابا انا جبت عربس و زغزتي يا انشراح الي جاي أخلى من الي راح ...سوْال. ....الزواج حلم ولا كابوس (:
|
24-03-2017 05:06 PM
الاقزام السبعه ... التبليغ عن إساءة |
13 - |
مسافر
ليه مانعتبر ه هاد من القلة لانه مشترط قريب ودينا اصلا بحكي غربوا النكاح وبلكي مافي قريب وكمان مش كل غريب سيء |
24-03-2017 06:20 PM
السوسنة لمسافر التبليغ عن إساءة |
14 - |
فعلا البين يطسكم انتا وياه وياه . . هيك خليتو سنووايت تزعل مني . . وشوي كان علقت معاها . . . نفسي الاقي فردة البابوج عشان اشي واحد بس ؟!!!
|
24-03-2017 09:58 PM
سندريلا . . . إلى الاقزام السبعة التبليغ عن إساءة |
15 - |
سوفاااااج ...:)
|
24-03-2017 11:13 PM
باربي ... التبليغ عن إساءة |
16 - |
نعم يختي . . . . . . . . . . قال سوفااااج قال ؟
الله يرحم أيام ما كان جدك يفكر السنيورة لزقات جروووح ؛( |
25-03-2017 06:36 AM
سندريلا . . . التبليغ عن إساءة |
17 - |
أنا متلك.. بأول الثلاثينات وأبوي بس يعرف أنو في حدا جاي يشوفني يا بفل من البيت أو بلبس بيجامة وبقعد .. تقول العفاريت بركبوه ... الله يفرجها
|
25-03-2017 11:57 AM
متلك التبليغ عن إساءة |
18 - |
جد عيب تحكي عالجدو بتحبي حد يحكي عجدك صحيح انك نوتي وسوفاج وصفيقه ئي شو بدك مني ال ساندريلا ال تلاءيكي بتشبهي اخوات سندريلا يا الله كش :(
|
25-03-2017 02:53 PM
باربي ... التبليغ عن إساءة |
19 - |
اللله يبعتلك ابن حلال
|
27-03-2017 09:48 AM
قلب الاسد الى متللك التبليغ عن إساءة |