لا ارتاح في منزلي بسبب شقيق زوجي

21-03-2017 10:20 AM

تعديل حجم الخط:

سرايا - سرايا - انا عايشه بالغربه وأهل زوجي ساكنين قريب مني وكل نهاية اسبوع يجي اخو زوجي ينام عنا بالبيت خميس وجمعه وسبت وبتكون عطلة زوجي ومابقدر لا ألبس ولا اخد راحتي بالبيت فكرت هاي الشغله بس فتره وبتوقف بس صارلو مده طويله على هالحال وأهل زوجي بتغربو فتره قصيره وأغلب الإجازة بتكون عندي ببيتي وتعبت من المسؤوليه ومن تقييد الحريه مافي حريه بالمره من لما اصحى لحد ما انام وانا لابسه الحجاب بتدخل الله يكرمكم عالحمام وانا لابسه الحجاب مابقدر اخد راحتي بالحمام ولا بالشغل ولا بأشي وصرت بس بدي اتطلق وارجع ع بيت اهلي واخلص من العبودية احكولي شو اعمل

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 51525


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	21-03-2017 10:20 AM سرايا
2 -	طلقي الله لايردك هو بتجوز وحده ثانية وانتي يمكن تضلي مزتوتة لحد مايجي واحد عندو ست ولاد يعني بتجوزك خدامة..........	21-03-2017 10:37 AM AHMAD التبليغ عن إساءة
3 -	بصراحة الله يكون بعونك بس لا تلومي حد لانه في المقام الاول الحق على زوجك الي مش مأمن لزوجتة الاستقرار وحريتها في منزلها بنصحك تقعدي مع جوزك وتحكيله وما حلها بتخبري اهلك يشوفولك حل	21-03-2017 01:00 PM ابراهيم التبليغ عن إساءة
4 -	بسيطة معقول بترتاحي اكتر ازا روحتي عند اهلك ؟؟؟	21-03-2017 01:41 PM بسيطة التبليغ عن إساءة
5 -	وجوزك شو رايه ؟؟؟؟؟؟؟؟ يعني جوزك حتى لو إنه مو راضي ما بقدر يطرد اخوه ؟؟؟؟ اطلبي من جوزك كل فترة والثانيه قضاء الإجازة بعيد عن بيتكم ونروحوا تطشوا لحالكم....او حاولي تقنعي اخو جوزك بالزواج يمكن يحل عنكم....يخرب بيته ما ازنخه	21-03-2017 01:44 PM متابع .. التبليغ عن إساءة
6 -	احك لجوزك وفهميه الموضوع	21-03-2017 01:51 PM فراس التبليغ عن إساءة
7 -	جوزك مثلاً مش زلمه ؟؟؟ يستأجر بيت خاص فيه يعيش فيه حياه زوجيه مطلقه ؟؟؟؟ مش عاوزه حكي ع فكره لو يشحد أجار البيت شحده	21-03-2017 01:54 PM ؟؟؟ التبليغ عن إساءة
8 -	الملافظ سعد إلي بدو ينصح ويساعد بحل المشكلة يا ليت ما بغلط وبسب تلاقي صاحبة المشكلة ندمت على نشر مشكلتها وتخيل انتى صاحب المشكلة بتحب حدى بغلط عليك	21-03-2017 08:12 PM الرحمة التبليغ عن إساءة
9 -	تفاهمي مع زوجك لانه حقك بيت مستقل توخذي فيه راحتك انتي وزوجك والرسول حذر من الحمو يعني فيها شبهة حرمه	22-03-2017 01:05 AM تفاهمي مع زوجك التبليغ عن إساءة
10 -	أختي إذا علاقتك مع زوجك كويسة ومتفهمين بعض.. بأسلوب كويس (يعني عشان ما يتحسس) تناقشي معه في الموضوع. يعني حاولي تبيني إنه مشكلتك مش أخوه إنما مشكلتك بيتك مش عارفة تبلسي وتقعدي وتتحركي فيه وخاصة إنه نهاية أسبوع ووقت عطلة. يعني يا أختي بأسلوبك وبفهمك لطبيعة جوزك ممكن تحلي المشكلة وإن شاء الله يتفهم هو الوضع وتنبسطوا بحياتكوا	22-03-2017 05:43 AM عبدالله التبليغ عن إساءة
11 -	مشكلتك سخيفه اذا انت خابه تخليها سخيفه اما اذا حابه تتطلقي علشان اهل جوزك بيقعدو معكم وبيحرموك من عدم لبس الحجاب فهذه سخافه وسبب غير قوي لابغض الحلال عمد ربنا وجوزك اكيد ليس متصايقا للبسك الحجاب لمده ٣ أيام مما يعني اختمالين او كلاهما ان جمالك لا يفرق بحجاب او بدون حجاب والاحتمال الثاني انك كبيره بالعمر عزيزتي اتقي الله بنفسك وباولادك	22-03-2017 09:32 AM الرل التبليغ عن إساءة
12 -	الصبر طيب ... الزمن يغير كل شيء	22-03-2017 09:34 AM ابو امجد التبليغ عن إساءة
13 -	بسيطة، صارحي زوجك و ناقشيه بهدوء أظن أنه رح يفهم و يحل المشكلة.	22-03-2017 09:39 AM زيد التبليغ عن إساءة
14 -	افضل شي تحكي مع زوجك بهدوء و باسلوب منيح وتقنعيه بالحسنى انه انت مش مرتاحه بالبيت وانه حابه تاخدي راحتك وتلبسي لزوجك بعطلته وتعيشي حياتك بلكي بفهم شو يعني بيت زوجية وشو يعني خصوصية ويحكي مع اخوه بالحسنى بلكي اتزوج وحل عنكم ما ابرده و ع الاغلب راح يتفهم زوجك الموضوع هيك افضل حل مشان ما تصير بينكم مشكله	22-03-2017 09:52 AM ابوراشد التبليغ عن إساءة
15 -	شريرين المعلقين الست معها حق ال مش حلوه بحجاب او بدونه نسيو ان الحمو الموت سبحان الله تناقض غريب في حل المشاكل ونفسكو حسدتو الي بحكي مع صاحباته وهو خاطب وخطيبته مو غيرانه عليه ونفسكو تكونو محله وهلا بتلومو الست صارت بدها تفرق الأخوه وبعدين انتي يا صاحبة المشكله بتحكي بيت حماكي جنبك ليش بيجي ايام العطله عندكم ينام يروح عاهله مش لو حبكتيها اكثر لونو بغربه واهله مو عنده بقلك اعتبري اخوكي وما اله حدا الي بدو بنزل مشكله يحبكها اوك .....تاتا بتقلك رجع. الكعكات الي اكلتهم	22-03-2017 11:35 AM ليلى ... التبليغ عن إساءة
16 -	حتى أنا شرير . . . ليلى ؟ بالنسبة للكعكات . . . كل سنة وإنتي سالمة . . صاروا في خبر كان . . . تبخروا . . بس عنجد زاكيات يسلموا اديها ستك وستك كمان زاكية . . . طئطوئة بتشكرها كتير على الجينات اللي نقلتها الك . . :)	23-03-2017 05:31 AM الذيب . . . التبليغ عن إساءة
17 -	اذا بيتكم ملك ...افصلوا موقع للضيافة مع حمام خاص....ولو البيت اجار...ابحثي عن طريقة تبلغي زوجك انو هذا الامر مش شرعي لانو الرسول الكريم حذرنا من الحمو ووصفو بالموت...انصح بعدم الاستمرار بهيك امر لانه خطير	23-03-2017 07:51 AM ناصح التبليغ عن إساءة
18 -	ضلي اقراي قران بالبيت	23-03-2017 08:54 AM غازي سعيد عوض التبليغ عن إساءة
19 -	وسيدك شو نقلك ؟انا مو مسامحه بالكعكات لأنك أخذتهن بالاكراه ...وانا تعبت بالغابه وانا امشي ...بيت ستي. بعيد بعييييييييد وانت اكلت ستي والكعكات رجع الكعكات وصحتين عليك ستي ههههه	23-03-2017 09:59 AM ليلى ... التبليغ عن إساءة
20 -	إتق الله يا ليلى على هالصبح قال إكراه قال . . . والله مرات بحس حالي أهبل ذيب بالعالم وأنا ما أكلت ستك ولا بدي آكلها القصة كلها كذب في كذب . . مؤامرة على الذئاب بعيد عنك وأنا لما قلت عن ستك زاكيه يعني إنه شخصيتها حلوة وأنيقة مش يعني إني أكلتها كبري مخك ولا توخذي الكلام بشكل حرفي . . :(	23-03-2017 10:52 AM الذيب . . . التبليغ عن إساءة
21 -	ذئب اهبل ...حزنتني هو في ذيب اهبل في ذيب ماكر وعامل حاله اهبل بس انا كشفته ...تجنبني :(	23-03-2017 11:40 AM ذيبه .. التبليغ عن إساءة
22 -	الواحد حس انه بغابه ....ما ضل غير اسد بتكمل المجموعه.	23-03-2017 01:24 PM مساافر لوحدي التبليغ عن إساءة
23 -	الواحد حس انه بغابه ....ما ضل غير اسد بتكمل المجموعه.	23-03-2017 01:24 PM مساافر لوحدي التبليغ عن إساءة