سرايا - سرايا-رصد- ما زال ناشطون على مواقع التواصل الاجتماعي يتداولون رسالة مواطن اشتكى من تحرير مخالفة من قبل صاحب كراج، وادعى صاحب الكراج ان الذي حررها شرطي السير.

وتناقل الناشطون الرسالة ، على اعتبار انها ظلم ، ولا يجوز ، مطالبين بفتح تحقيق حول حقيقة المخالفة.

وقال مصدر امني لسرايا ، ان ادارة السير فتحت تحقيقاً بالموضوع، حيث تم جمع المعلومات والافادات الاولية ، وتبين ان تحرير المخالفه كانت محقه، لوقف المواطن بشكل خاطئ .

وأضاف المصدر ، ان رجل السير الذي حرر المخالفة ، وليس مواطن اخر كما تم ادعاء صاحب المخالفة، حيث تم ابلاغ العمليات من قبل احد المواطنين بوجود مركبة تقف بشكل مخالف للقانون امام محله، حيث تم تحريك رقيب سير للمنطقة، وتوجيه مخالفه للسائق 'تحت بند الوقوف على الرصيف العام'

ولفت المصدر انه سيتم تحويل كافة الافادات الاولية ، الى المدعي العام ، للتحقيق فيها .

وتالياً الرسالة التي نشرها رواد مواقع التواصل الاجتماعي

اليوم كنت بإربد ورحت على الحسبه لإجيب غرض.
دخلت الحسبه بسيارتي كوني ما بدي أتأخر قلت خليني أوقف بدخله من هالدخلات، و قبل ما أنزل من السيارة
أجى لعندي شب بالثلاثينات من عمره (الله لا يكبره) بحكيلي لا توقف هون
وقف بالكراج.
حكيتله بدي انزل دقيقتين مش مستاهلها ادخلها ع الكراج، حاول معي ما رديت عليه.
حكالي أنا بورجيك !!!
شوف شو بدك تدفع عشان توفر ليره (إجرة الكراج)

طلع هو صاحب الكراج !!!
الصراحه نزلت من السياره وأنا خايف عليها
قلت بدي ابعد شوي وأشوف شو بده يعمل، خفت يبنشر عجل، او يخشطها او يعمل شي بالسياره .
المهم ابعدت عنه بمسافة مسير خمس دقايق وأنا اراقب فيه شو بده يعمل، وإلا نفس الشب بيمشي إتجاه السياره
وحط شي ع الزجاج الأمامي .
إرجعت بسرعه على السيارة
لقيت مخالفه سير على المساحات
حطها الشب المدني صاحب الكراج !!!!
بحكيله شو هاي ؟؟
حكالي بدك توفر دينار
بتدفع مخالفه عشرين دينار
حكيتله طيب وين الشرطي إلي خالفني ؟؟
ما أنا براقب بالسياره وما في شرطي أجى
وانت الي حطيت المخالفه ؟؟
حكالي :
الشرطي أجى خالفك وكان مستعجل اعطاني المخالفه ورجع على دوار وصفي التل
هون طار عقلي وإتأكدت إنه دفتر مخالفات السير موجود مع صاحب الكراج !!!
شغلت السياره ورحت على دوار وصفي التل
وصفيتها بنص الطريق وانزلت
لقيت ثلاث رقباء سير
سألت عن .... محرر المخالفه
طلع واحد من الثلاث
حكيتله كيف بتخالفني وانت هون ومش شايف السياره وبتخلي صاحب الكراج يعلق المخالفه على مساحات السياره ؟؟
وما في إشارة ممنوع الوقوف ؟؟
حكالي السياره عليها شكوى وتبليغ من العمليات
طبعا كل هاد خلال الخمس دقايق
طلبت منه يورجيني دفتر المخالفات
ويورجيني مسودة المخالفه!!
رفض
حكيتله دفتر المخالفات مش معك
والي كتبلي المخالفه صاحب الكراج
إرتبك الشرطي الشريف المحترم
وزملائه صاروا يغيروا بالموضوع !!!
طيب أنا كمواطن
مين إلي ينصفني ؟؟
مين يرجعلي حقي ؟؟
مين يحاسب الشرطي ؟؟
مين يحاسب صاحب الكراج؟؟

* إقسم بالله بينزعوا الولاء والإنتماء من قلب المواطن
* إقسم بالله بلدنا على حافة الهاويه

* إقسم بالله لن يبقى الأردن بخير إذا بقي على هذا

* إقسم بالله لا عتب على الحكومة ما دام الشعب هيك

حسبي الله ونعم الوكيل

 

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا