وقعت في شر أعمالي .. ساعدوني؟؟

19-02-2017 09:19 AM

تعديل حجم الخط:

سرايا - سرايا - انا صبية عمري 19 سنه وبصراحه انا قبل سنتين كنت مراهقة كان عندي عادة سيئه لهلأ فيني واللي هي بحب اوقع الرجال خاصه المتزوجين بحبي واهتم فيهم واعلقهم فيني يمكن السبب اني بحب اتحدى حالي و اثبت اني بقدر اخلي الكل يعجب فيني ويتعلق في حتى لو كان متزوج وسبب تاني انه لما يكون متزوج واكبر مني بالعمر ف بكون واعي وفاهم الحياة وانه مستحيل يئذيني او يهددني بشي اما لو شب صغير ف رح يكون منه خطر ..
والسبب التاني هو الملل والوحدة يعني بصراحه كنت اتسلى واحب اخد واعطي معهم واعرف كيف بفكروا وشو اللي بحبوه وشو اللي بكرهوه واظهرلهم اني نفس تفكيرهم وميولهم واحكيلهم قصص واسليهم منها صدق ومنها تأليف والي شخصيتي بالتمثيل لحتى اخليهم يتعلقوا فيني ولما اقابلهم عالواقع اعمل حالي مهتمه فيهم كتير لدرجه اقدر اعرف مشاكلهم وهمومهم وكل اسرارهم وكانوا يطلعوني اماكن ومطاعم ومشاوير وهدايا وفلوس ...وبعمل متل المسلسلات رومانسيات وحب وما يتجاوز الوضع اكتر من هيك .. ضليت عالحال سنتين لحتى كنت عم طبق نفس الشي على واحد متزوج وكنت بالبداية اتسلى بس .. وبعدها سارت الشغله عناد لاني عجزت اخد منه شي وعجزت اعرف اسراره وعجزت اخليه يهتم فيني ف هاد الشي قهرني كتير
ف صرت ابعتله صور لالي وفيديوهات قلت ما ضل الا هالطريقه لحتى اوقعه واخليه يهتم فيني ...والمشكله انه هلأ عم يهددني بالصور والفيديوهات وانا مش عارفه شو اعمل
وندمانه كتير لاني كنت اعمل هيك بالرجال واخدهم من زواجهم وبعدها اتركهم واخرب بيوت العالم .

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 36227


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	19-02-2017 09:19 AM سرايا
2 -	يخرب بيتك كل هاد طالع منك 00000اذا بتحكي صحيح اصلا	19-02-2017 11:08 AM رشيد التبليغ عن إساءة
3 -	بتستاهلي ... الله لا يردك ... وان شالله بيخلصوا كل البنات اللي متلك	19-02-2017 11:56 AM تيماء التبليغ عن إساءة
4 -	خبره سنين عديمه التربيه توبي الى الله توبه نصوح عسى ان يجعل لك مخرجا	19-02-2017 01:58 PM Ooooooo التبليغ عن إساءة
5 -	صلي واقرأي قرأن وسبحي باستمرار وادعي لربك انه يفك ضيقتك بس اهم شيء يكون دعائك بنيه صافيه وابعدي عن هاي الامور وانتبهي لنفسك.ربنا يفرجها عليكي	19-02-2017 03:14 PM امونه التبليغ عن إساءة
6 -	يخرب بيتك من حالك راجعي دكتور نفسي احسلك... والله	19-02-2017 07:15 PM ل.م التبليغ عن إساءة
7 -	انتي شخصية استثنائية . . بعد قراءة متأنية لما بين سطور حروف رسالتك . . واضح تماما إنك عندك حاله بسيطة من السايكوباثية لساتك بأول عمرك وبإمكانك تعالجي نفسك بنفسك بدون أي تدخل خارجي . . .	20-02-2017 06:23 AM سلفادور . . . التبليغ عن إساءة
8 -	ان شاء االله تتجوزي واحد وتتعلقي فيه موووت وتيجي وحده تعمل فيكي مثل ما عملتي ببنات الناس الله يوخذك ويريح البشرية منك	20-02-2017 10:54 AM ما اقرفك التبليغ عن إساءة