سلفتي مشكلتي

03-02-2016 11:11 AM

تعديل حجم الخط:

سرايا - سرايا - انا متزوجة بغربة و سلفي اتزوج قبل فترة و اجا عالبلد اللي انا ساكنة فيها و حالياً في بيتنا لحتى يلاقي شغل و يقدر يفتح بيت..

طبعاً الواحد بعمل بأصله من اكرام الضيف و تهليل و ترحيب ..

مش هون المشكلة، مشكلتي اني عندي بيبي و بطلت اقدر الحق على عناية فيه و طبخ و تنظيف و ترتيب ورا الضيوف، لأنه سلفتي مااااااا بتعمل اشي او عل اقل تساعد او تسأل اذا بدي مساعدة، انا اكيد ما بستنى تنزل تعزيل معي، بس حلو لما تشوفني مش ملحقة على شغلة تعرض شوية مساعدة،، انا تربيت غير! اذا بشوف الغريب بده مساعدة على طول بقوم بساعد، البيت بطل يترتب نهائياً، برمو اواعيهم بغرفة القعدة عالأرض مو مستعدة تقيمهم، بصير انا الم فيهم قدامها و هي قاعدة و لا على بالها و غيره و غيراته لو اكمل بدي مجلد!!!

شو اعمل؟ انا ما حكيت لزوجي اي اشي من هاد الحكي لأنه شو دخل الزلام بقصص النسوان بس الموضوع زاد عن حده، كلمة شكراً ما بتحكي! و لا اشي زي كأنه اللي بعمله واجب علي!

شووووو اعمل؟!!

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 54818


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	03-02-2016 11:11 AM سرايا
2 -	سبق وعرضنا حلول لهاي المشكله	03-02-2016 11:24 AM امونه التبليغ عن إساءة
3 -	قوليلها استحي على حالك وفكيني منك	03-02-2016 11:31 AM الزواهرة التبليغ عن إساءة
4 -	مع احترامي لك بيتك وانتي اولى به وتنظيفه وتعزيله وحتى الضيوف اذا كانوا ضيوف زوجك فانتي الاولى بهم اما اذا كلنوا ضيوف لزوجك واخيه فهنا وجب من سلفتك المساعدة معك على حدود خدمة الضيوف وفي خدا متعود ما يعمل شي الا اذا انطلب منه انتي خاولي اطلبي منها بشكل غير مباشر انها تساعدك	03-02-2016 11:47 AM معاذ التبليغ عن إساءة
5 -	انت حكيتيها .. اكرام الضيف .. وتذكري انها فترة وبتعدي ومو قاعدين عندك على طول وبكرا بتصير ذكريات .. وخليهم يتذكروكي بالخير .. وانت خلي معاملتك مع الله من خلالهم .. عائشة رضى الله عنها كانت تعطر الدرهم قبل ما تعطيه للسائل فقالولها باستغراب انو هذا السائل ما بيفرق معو اذا الدرهم معطر والا غير معطر .. فكانت تقول والله اني لأعلم انه يقع في يد الله قبل ان يصل للسائل) .. الفكرة انها كانت تتعامل مع الله .. وانت نفس الشي تعاملي مع الله .. وياستي خلي نيتك وانت بتتعاملي معهم انو ربنا يدفع البلاء عنك وعن اولادك وعن زوجك .. وبنية تيسير امور بيتك .. هاي الاشياء رغم انو اللي انت بتمري فيه والله بخنق من اللامبالاه اللي هما فيها .. بس الواحد لما بتذكر انو بتعامل مع الله بتهون عليه والله .. لانو مع الله مافي شي ببلاش .. وحتى ما تضيعي الاجر لا تظلي تحكي عنها بغيابها .. حتى ما تكون غيبة وتضيعي الاجر اللي جمعتيه .. مع انو فيكي تحكي لزوجك انو يلمح لأخوه بطريقة ما .. من غير ما يزعجو .. بس اذا بدك نصيحتي .. اذا هما فترة مؤقتة ورايحين خليكي على ما انتي عليه بنية تيسير امورك .. وربنا يهدي بالك	03-02-2016 12:01 PM أحلى شب بأخلاقي التبليغ عن إساءة
6 -	زي ما حكتلك امونة امونة اقطع	03-02-2016 12:01 PM مهند الصمادي التبليغ عن إساءة
7 -	ما تعملي شي بس كشيها هي وجوزها بره البيت واذا جوزك حكى شي كشيه هو بره كمان.	03-02-2016 12:15 PM fofooooo التبليغ عن إساءة
8 -	عادي بكل بساطه لمي اواعيهم وكبيها بلزباله ولما تاكلوا خليها تجلي ولما بدك تطبخي خليها هي تطبخ عأساس بتعلميها يعني وخليهم بلبيت واطلعي مع زوجك غيروا جو وكلوا برا بصيروا يحسوا	03-02-2016 12:28 PM سم التبليغ عن إساءة
9 -	نوقشت وشبعت اراء ..............	03-02-2016 12:55 PM مشكلة قديمة التبليغ عن إساءة
10 -	يا اما سلفتك هبله أو بتستهبل - ما في مانع انو زوجك يفتح الموضوع مع أخوه كونها زوجته جديده يخكيلوا عالأقل تعرف مسؤؤلياته لما تنتقلو على بيت جديد وهذا لمصلحته علشان زوجته بلا خبره بالحياه والحق على امها اللي ما فهمتها - عموما ان شاء بلاقي شغل وبطلع من عنكم وان شاءالله عمرها ما تعلمت بعدين زوجها ببلش فيها لما يلاقي بيته مزبله	03-02-2016 02:28 PM MAZEN التبليغ عن إساءة
11 -	بعدين مع قصة المشاكل المعادة ........... بتسحوا فينا	03-02-2016 02:39 PM sezar التبليغ عن إساءة
12 -	عادي يا ست امونه خليها تعرض المشكله اكتر من مرة ليش بتكسحيها خلي غيرك يعطي حل شو في ياقلبي صاحبه المشكلة اهتمي بيتك وابنك وزوجك خلي اوعيهم عالارض لما يجي جوزك اعملي حالك تعبانه مش قادرة حتى تستحي عالحالها	03-02-2016 03:12 PM سلطانه التبليغ عن إساءة
13 -	سبق وحكيتي عن هاي المشكلة..لو انها اختك تحطيها بعيونك.وتطلعيها مشاوير وتنبسطي	03-02-2016 05:40 PM مي التبليغ عن إساءة
14 -	كلام الناس لا بيقدم ولا ياخر ......كلام الناس ملامه وغيره مش اكتر .....اكتبي نص يلي بكتبه بس	03-02-2016 08:10 PM امونه الى سلطانه التبليغ عن إساءة
15 -	شوووووو تعملي الشغلة بسيطة جدا ومحلولة لحالها أيدك وأرمي من ورا ظهرك على الشباك عدل ما تطلعي وراك واذا سالتك شو بتعملي ما تجاوبي امسكي اعصابك الشغل بدها هدوء وطولة بال ههههههه يومين ثلاث بلموا اوعيهم من الحديقة ولا حد شاف ولا حد عرف سبب رحيلها هههههههه	03-02-2016 08:22 PM شوق التبليغ عن إساءة
16 -	ههههه أكيد كلامك وبتفضيلها دفة في خزانتها عشان يضلوا مرتبين هههههه	03-02-2016 08:23 PM شوق الي مي التبليغ عن إساءة
17 -	الي صاحبة المشكلة هههههه طمنيني عن سلفتك البيبي اللي على حضنها راح الروضة وشاطر في الروضة ههههه المشكلة هاي حليتها قبل سنتين ومن سنتين وهي بترمي اواعيها على الارض وانت بتعزلي من وراهم فعلا مشكلة عويصة ههههههههه	03-02-2016 10:39 PM شوق التبليغ عن إساءة
18 -	ههههههههههه جاهله بدها فت خبز ككككههههههه	03-02-2016 11:37 PM سلطانه التبليغ عن إساءة
19 -	هذا كيف لونك زي جدتي فطنة كان عندها عشرة اولاد وبيت مضافة يسنحكي	04-02-2016 07:07 AM فات الميعاد التبليغ عن إساءة
20 -	شوق مسكينه من سنتين وهي بتلم في اواعيهم اللي بالصاله بالك فاتينها باله ارووبيه هههههههههه	04-02-2016 07:13 AM مسافر لوحدي التبليغ عن إساءة
21 -	مش غلط تساليها و تطلبي منها مساعدة اذا لهذي الدرجة مفروسة منها .. و على العموم وجودهم مؤقت تنسيش	05-02-2016 10:03 AM م.احمد التبليغ عن إساءة
22 -	انتي اكيد اكيد بتغاري منها لونها اختك ما بتحكي عنها هيك اتقي ربك وامشي مستقيمة بحياتك عشان ربنا يوفقك	09-02-2016 01:32 AM حبوبة التبليغ عن إساءة