سرايا - سرايا- أنا بنت عمري 21 سنه خاطبه خطيبي بحبني كثير احنا مع بعض بنفس الشغل والشركه شيي يوم اجي مريض ع الشغل وعم يعكز ع رجليه وتعبان بقيت جنبه وساعده وكل شيئ بعد فترة فتحت تلفونه لقيت واحدة من البنات بتشتغل بشركه جنبنا باعثيتله رسائل وبتواصلو مع بعض طبعا هي بحجة بدها تطمن عليه ليش مريض وكانت المحادثه بينهم طويله انا جن عقلي صرخت فيه خاصمته طالبته بالانفصال بس هو رفض ورفض ورفض بشدة كبيرة.

فهمني انو هي الي ركضت وراه وبقيت ورة اصحابه حتي اخذت رقمه وبحجة بس بدها تطمن وبعدها خلص وصارت تشكيله انها مظلومه مع اهلها واخوتها وهي ما بعرف شو مالها ما رضيت زعلت منه وكرهته بس هو صار يترجي ويشهد علي ربي انه كان يبكي كرمال ارجعله.

بعدين أقنعوني ورجعنا بس مو مثل اول مشاعري ماتت احساسي اتجاهه مو مثل اول
لما بهدلتها ووصلت الموضوع للمدراء الي عندها تركت الشغل وما عاد شفتها بس خلص قلبي ما عم يرتاح كل ما اشوفه عندهم بشغل بنزعل وبعمله مشكله وكل ما اشوف حد منهم عندنا

كمان بنتمشكل وبعمله نكد ع الرغم ما عاد شفت عنده شيئ او منه شيئ او شيئ غلط
بس صراحه دايما منكده عليه ولانه بحبني متحملني وساكت

شو أعمل لأتخلص من الشك الي عندي وارتاح وما عاد نكد عليه وارجع اوثق فيه وحبه مثل اول ومن جديد.

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا