15-08-2015 10:35 AM
بقلم : احمد عارف الصمادي
القائد الذي ياخذ برأي الناس على محمل الجد و يتبنى الافكار الجديدة لا يقل عظمة عن المخترع
ولاية كاليفورنيا في امريكا لديها مشكلة ان البحيرة الصناعية التي تحوي مخزون الولاية من المياة الصالحة للشرب تجف بسبب ارتفاع درجة الحرارة!
(وبدل ما يستنوا المي تنشف ويصيرو يلطمو ... فكروا يتحركوا بأسرع وقت)
شو عملوا الجماعه ؟
اول اقتراح: نسوي غطاء للبحيرة كلها... طيب قديش بده يكلف؟ حسبوها لقو التكلفة اكتر من 300 مليون دولار!
لكن المشكلة شوية هالمي اللي بالبحيرة تكلفتهم اصلا 250 مليون دولار!
طيب ليش نعمل هيك ؟! قالك لا احنا بهالطريقه منلعن سنسفيل سكان الولاية بفاتورة المياه , معناه ان المواطن بده يدفع اكثر من ضعف الفاتورة لو بيستهلك بنفس المعدل!
طب شو الحل يا عمي ؟ طلعلك واحد من تحت الأرض و قالك منعمل (طابه) ! طبعا الحكومة ما حكتله روح العب بعيد يا حبيبي!
طيب شو هاي (الطابه) وايش بدنا نعمل فيها ؟
قالك احنا لو عملنا (طابات) بلاستيك و رميناها بالمي شو بده يصير؟
اكيد رح تطفو .. طيب ما نملي البحيرة لحد ما نغطيها (بالطابات البلاستيك) و بهيك بنمنع اشعة الشمس توصل للمي وتبخرها !طيب رح نحتاج كم طابه وشو تكلفتهم ؟؟ قالك حوالي 96 مليون (طابه )و بكلفو تقريبا 36 مليون دولار بس! طيب شو معنى هالحكي ؟ انهم انقذو المياه و كمان الفاتورة علي المواطن مش رح تزيد عن 14.5%
وكمان بهالخطوه ممنع تفاعل الشمس مع الكلور !!
طيب شو المشكله لو تفاعلت الشمس مع الكلور ؟ مهو ياعمي الكلور يتفاعل مع أشعة الشمس، وبتشكل برومات، ((مسرطن بشري )) وبنفس الوقت ممنع تتكون الطحالب !
واقتنع الحج عمدة كاليفورنيا بالفكره وطبقوها برضو ب لوس انجلوس.
لمتابعة وكالة سرايا الإخبارية على "فيسبوك" : إضغط هنا
لمتابعة وكالة سرايا الإخبارية على "تيك توك" : إضغط هنا
لمتابعة وكالة سرايا الإخبارية على "يوتيوب" : إضغط هنا