27-05-2015 10:41 AM
سرايا - سرايا - السلام عليكم ..
كيفكم ؟ انا بتول عمري 19 تعرفت على شب عالفيسبوك
. هو كان بقائمة أصدقائي تقريبا لسنة و نص و عمرنا ما حكينا .
. من كم شهر
بعت رسالة بيتطمن علي انا طبعا استغربت لانو ما كنا نحكي و صار بين كل فترة و فترة يتطمن .. و آخر كم يوم حكينا منيح و كان يسألني
أسئلة عن حالي و عن اهتماماتي .
. بعدين صار يلمحلي على موضوع الارتباط .. يسألني شو رأيك فيني
( هو كان حاطط صورتو ) و هيك لحتى طلب يشوفني .. قلتلو مستحيل تشوفني .. و شو رح تستفيد إذا شفتني .
. قللي بستفيد .. قلتلو لا تحكي معي بالالغاز .. فقللي ما عم احكي بالالغاز بس انتي لسا ما فهمتي علي .
. و سألني اذا كنت مرتبطة .. و انو هو حابب يتقدملي بس بدو يشوفني بالاول .. انا رفضت نهائيا يشوفني .
. بعدين قللي انتي كم بتقدري تستني لحد أقصى حتى اتقدملك ؟ و قللي لازم اشرحلك ظروفي .. و بعدا ما حكينا لسا ..
ما عم بعرف .. هو عم يحكي جد و لا عم يتسلى معي ؟ هو مبين عليه راكز و محترم .. عمرو 24 و موظف و شكلو ما شاء الله .
. يعني فيو مواصفات منيحة .. .. ما بعرف الموضوع محيرني ..
شو اعمل برأيكم ؟ كيف اعرف هو عم يحكي جد ولا لاء ؟ و كيف شب بمواصفاتو بيدور عالنت
على بنت يرتبط فيها يعني كان ممكن بسهولة يلاقي بنت عأرض الواقع ؟
و شكرا كتييير
لمتابعة وكالة سرايا الإخبارية على "فيسبوك" : إضغط هنا
لمتابعة وكالة سرايا الإخبارية على "تيك توك" : إضغط هنا
لمتابعة وكالة سرايا الإخبارية على "يوتيوب" : إضغط هنا
1 - |
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
|
27-05-2015 10:41 AM
سرايا |
2 - |
خلي يجي على دار اهلك وريحي راسك لاتنام بين القبور ولاتشوف منامات وحشة
|
27-05-2015 10:50 AM
ابو المناسف التبليغ عن إساءة |
3 - |
يا رب احفظ لنا الفيس - والواتس - والتويتر -- وكل هذا وذاك -- استمري الى النهاية وسوف تعشقين الشوكولاة -- اقطع -- قطعت كبدي - اقطع اقطع لا تتأخر بالقطع
|
27-05-2015 10:53 AM
مهند الصمادي التبليغ عن إساءة |
4 - |
عزيزتي انتي كابنتي فاسمحي لي انا اقول وبدون تردد
لا تسمحي له بان يراك او يتمادى بالحديث معك دون رابط شرعي وان كانت حقا نيته صافيه فعليه ان ياتي ويزور اهلك او عالاقل تتخدث امه مع امك هاتفيا ليتبين صدق كلامه ولكني يا عزيزتي ارى انه لا زال صغيرا بالعمر حتى يرتبط في ظل الطروف الصعبه في هذه الحياه ودمتي لاهلك |
27-05-2015 11:02 AM
ام سند التبليغ عن إساءة |
5 - |
ديري بالك تردي عليه،هيني بقلك هاظ بده يتسلى،لأنه متى ماقرر يرتبط ريتجوز صدقي مابوخذ وحده غير عن طريق امه وخواته وعمره ما سلم عليها،لأنه ياستي العزيزه احنا مجتمع شرقي ومابنحب البنت الي كنا نعرفها ونحكي معها،فنصيحه من اخ لاخته اقطعي علاقتك فيه،لأنه الي بتعمليه حرااااااااااااام
|
27-05-2015 11:19 AM
نصيحه التبليغ عن إساءة |
6 - |
اعطيه رقم تلفون ابوكي يحكي معو و عالاغلب رح يكون يلعب بس
والاحسن الك تقطعي علاقتك فيه و باي حد ثاني ممكن تحكي معه لالك |
27-05-2015 11:27 AM
eng naeem ( عضو مسجل )التبليغ عن إساءة |
7 - |
اوعي تردي لو عاجبك خليه يجي لبيت اهلك يشوفك غير هيك لا
الشباب بدهم غلطة بس ويزلوكي فيها فانتبهي |
27-05-2015 11:38 AM
الاء التبليغ عن إساءة |
8 - |
حبيبتي انتي لسة سنفورة و ما بتعرفي الذئاب اللي بتسحب رجل البنت للغلط شو ممكن يخططو و قديش المداخل اللي بقدرو يقنعو فيها البنت بصدقهم كتيرة، والله يا عمري ما راح تستفيدي لو شفتية ، يعني هو سالك و عرف كل شي عنك و شايف صورتك و صرلكم سنة و نص بتعرفو بعض، طيب لشو بدو يشوفك ؟؟ يعني شاكك فيكي تكوني مزيفة ؟ بعدين و الله يا بنتي النت مش مكان الواحد ينقي منه عروس ... النت عمرها ما اسست اسرة و لا فتحت بيت و على مسمع منك و شوف عيون الجميع كل الحوادث اللي بتصير بكون بابها النت ، لشو تجازفي و تخدعي حالك بحجة انو ممكن يكون جدي بالموضوع . خلص بما انه بعرفك فبقدر يطلع رقم بيتكم و يجيب اهله و يجي علىالبيت رسمي . اما قصة انو يشوفك قبل ما يتقدم فهو عارف انو البنت بتضعف و بتتنازل لما تحس انو الموضوع وراه جيزة و ارتبااط لانو عارف انو هاي غاية كل بنت بالدنيا ، فدخل عليكي من زاوية ضعفك و عارف انك راح تخضعيله . نصيحتي هاي صارت موضة و خدعة مكشوفة . اللي بدو يتجوز ما بستخدم هالاسلوب . بكرة اذا ما سمعتي كلامي و رحتي تقابليه والله يا ماما ليسحب رجلك للغلط. ايامنا هاي الواحد مش المفروض يأمن لخياله بالمراية . الزمن بخوف و بطلت الناس نظيفة و شريفة زي قبل .
|
27-05-2015 11:45 AM
منتهى - صاحبة المشكلة التبليغ عن إساءة |
9 - |
من ارادك فليدق بابك
|
27-05-2015 12:45 PM
وردة الجبل التبليغ عن إساءة |
10 - |
اختي احب احكيلك انو هذا الشب بتسلى فقط ويلعب بمشاعرك لا تعطي اي اشي بالمرة ولا حتى صورة ممكن من ورا الصورة يصير اشي الله يعلم عنو متوقع انو يهددك بالصورة ولا تعطي اي رقم لاهلك حتى لانو كمان ممكن يهددك عن طريق الفيس عشان هيك لا تردي على الكذب الي بدخلو عليكي ومشاعر البنت دائما خفيفة وسهل الكذب عليها نصيحة لا تردي على اشي لانو اصلا عمرو ما حكى معك ولا بعرفك من الباب للطاقة صار بدو يتجوز
|
27-05-2015 02:03 PM
بني صخر التبليغ عن إساءة |
11 - |
مرحبا جميعا اصدقااائي .....
بنصحك حبيبتي انو ما تردي عليه هو عم ببينلك حالو انو ملاك ومنيح ازا بدو ياكي اصلن ما بيطلب منك صور الك هاد ازا بدو جد يرتبط بس واضح من طلبو انو كزاب وملعوب نصيحة مني الك ما تردي عليه بالنسبة الي انا ما بقتنع بالارتباط عن طريق النت ولو تم وسار النصيب رح يتبعو مشاكل بمشاكل ...... |
27-05-2015 02:32 PM
redrose التبليغ عن إساءة |
12 - |
عموه اصحي وصحصحي كويس ..... ياما بنات خربت بيوتهن وبيوت اللي خلفوهن من ورى قصه نفس اللي تحكي فيه ... ابعدي وارحمي نفسك وارحمي اللي وراكي ... هدول شباب يتسلو باعراض الناس لتلبية رغباتهم وبعدين يرموهم بالشارع يواجهو مصيرهم , اي غلطه يمسكها عليكي حتى لو صوره رح يدلك فيها على شان يعمل اللي بده اياه غصب عنك وبعدين يدور غيرك .. سلام
|
27-05-2015 02:39 PM
ناصح امين التبليغ عن إساءة |
13 - |
لا تصدقيه ...بتخوث عليكي وانا بحكيلك من تجارب بنات كثير ...الهبلا بتعيش قصه حب نهايتها بتنقلب ع راسها ...يا حبيبتي بعدك صغيره وهاد الشحص ما بتعرفيه بس ع الفيس ممكن يكون انسان مش محترم وبيصد فرائسه ع الفيس ....كوني عاقله وواعيه ولا تردي ع كلامه ..وكيف من الباب للطاقه بدو يخطبك هاد مدخل يدخل فيه بعض الشباب حتى يصلو الى اغراض اخرى لو بدو يتجوز مستحيل ياخذ بنت تعرف عليها ع الفيس خليك بنت قد المسئوليه واعمليله بلوك ...قبل لايكون لاسمح الله بدو يكون منو ضرر الك ...وع الزواج نصيبك بيجيكي ع البيت وانتي قاعده بلا فيس بلا هم وربنا يوفقك ويبعد عنك السوووء
|
27-05-2015 09:21 PM
شمس الحويطات التبليغ عن إساءة |
14 - |
كل ما هو خلف جهاز الحاسوب وهم . اذا ارادك حقا افتحي الموضوع مع والدتك واذا سمحت لك اعطيه رقم والدتك يكلمها .
|
28-05-2015 12:26 AM
متخصص ما خلف الوهم والخيال التبليغ عن إساءة |
15 - |
السلام عليكم و رحمة الله
كل الدلائل بتشير انة بتخوث، وبس بدة يوقعك ليش بدة يشوفك و بدة يتقدملك هو بيعرفك عمرة 24 سنة يعني معهوش يحلق و بعدين اذا معه اكيد رح بدور عل مواصفات بباله و ما رح يكون ضمنها فيس بوك طبعا انت ما رح تردي عل حد و رح تسايريه لانة الشيطان و نفسك بقلك امشي معة و تاكدي و شوفي لحد ما تعيشي الدور و يضحك عليك و ساعتها حلها يا ابو الحلول |
28-05-2015 04:48 AM
التبليغ عن إساءة |
16 - |
انتي ذكية وجاوبتي لحالك...و كيف شب بمواصفاتو بيدور عالنت
على بنت يرتبط فيها يعني كان ممكن بسهولة يلاقي بنت عأرض الواقع ؟ صح كلامك لو بده يرتبط ما بدور على بنت في الفيس...اوعي تتهوري وتقابليه وتندمي |
28-05-2015 06:46 PM
طارق_الخبير التبليغ عن إساءة |
17 - |
نصيحتي لك...هناك الكثير من الحالات التي تم الزواج بها عن طريق الفيس بوك او اي وسيلة اتصال اخرى ولكن صدقيني إغلب هذه الحالات ولا اقول كلها بائت بالفشل..والسبب اكيد انه ينتاب كل من الطرفين شعور انه كما تعرف علي بهذه الطريقة يستطيع ان يتعرف على غيري..والذي اراه...ان كثير من الفتيات وقعن ضحية لمثل هذه الحركات..وصدقيني اغلب الحالات يكون المقصد من ورائها غير شرعي ..فنصيحتي لك ان تقطعي عليك وعليه اي وسيلة للتواصل أو اللقاء لانه إن تنازلت وجعلتيه يراك ستتنازلي في امور اخرى ولا تقولي انا واثقة من نفسي ولن استطيع ان ادع اي شاب يتلاعب بي..والله جميع من قبلك قال نفس الكلام...والنتيجة خسرت عرضها وشرفها وسمعتها... عجباً لفتاة تسمع بقصص ولا تعتبر! والمشكلة أنها بنفس الأحداث والبدايات وغالباً نفس النهايات!فعذراً إن وصفتها بـ(غبية)! بكل ما تعنيه الكلمة..فالذكية الفطنة التي تبتعد عن مواطن الشك وتحفظ نفسها ليحفظها ربها عز وجل.. ولتعلمي أن الدعاء والصحبة الصالحة.. من أعظم أسباب حفظ الله لك،واحذري من خطوات الشيطان ولا تصدقي كل مدعِ..
فالأسلوب من ذلك الذئب الغبي! أيضاً يتكرر..(السعيد من وعظ بغيره والشقي من اتعظ به الناس) لعلك تتعظين بغيرك بمن وقع في شرك الغرام وزور الأحلام..الله اسال ان يكتب لك الخير حيثما كان ويرضك به....محب فلا تلوموني |
29-05-2015 03:06 PM
محب فلا تلوموني التبليغ عن إساءة |
18 - |
اولاً انتي حكيتي انو ايلو سنه ونص صديق عندك وما بتحكو مع بعض نهائياً ونصيحة مني ايلك كاخت ارجوكي لا تردي عليه لانو من مرتين اتراسلتو مع بعض مستحيل اي انسان انو يرتبط عن طريق النت فلا تردي عليه لانه كذاب وبدو يغريكي بالكلام الحلو والرومنسيه عارف انو البنات ضعيفات فبتمنى انك اديري بالك ع حالك ولا تردي واعمليلو حظر وازا بدو اياكي بالحلال بقدر يوصلك في بيت ابوكي
|
02-06-2015 04:51 PM
فرح التبليغ عن إساءة |
19 - |
اختي انا بنصحك انو لا تردي عليه وازا بزعج ع الفيس اعمليلو حظر واذا فعلاً نيتو سليمه بقدر يوصلك وين ما كنتي ونصحيتي ايلك عن تجربه شخصيه لا تردي عليه لانو شباب هالايام لعرفو انو البنات بضعفو قدام الحب والكلام الحلو والرومنسيه ، وكلهم هباره عن ذئاب بشريه
|
02-06-2015 06:44 PM
فرح التبليغ عن إساءة |
20 - |
صدقني يا حلوه ما شاب بحكي لوحده بدي اشوفك غير نيته مش سلميه ليش تروحي تشوفيه وبعدين تندمي حتى تتاكدي ان نيته سلميه قولي له في عرسان جاءوا يخطبوني وانا خلص بدي اخطب اذا تثائر وسال او اهتم وانا بشك في هذا او قولي له بدك تشوفني تعال اخطبني شوفي 24ساعه هيك احسن شي
|
03-06-2015 05:19 PM
مها التبليغ عن إساءة |