زوجي يخوني وانا لا اعرف ماذا افعل

26-05-2015 10:56 AM

تعديل حجم الخط:

سرايا - سرايا - وصلت رسالة من احد متابعين سرايا تريد حلا
انا بنت عمري 27 سنه متزوجة من 4 شهور بعد مرور اول شهر على زواجي اكتشفت انه زوجي بخوني وبحكي مع وحده ثانيه كانت بيناتهم علاقة حب قديمه والبنت اللي بحكي معها متزوجة وعندها اولاد المهم زعلت منه وصحيت وانجنيت زي ما اي وحده بتعمل لما كتشف انه زوجها بخونها بس وعدني انا يبطل وحلفلي مايون يمين ما يرجع يحكي معها قبل يومين بمسك تلفونه لقيته مسجلها باسم رجل ورنيت عالرقم تركتها تحكي وانا سكتت ظلت تتغزل فيه وتبعثله مسجات غزل وعلى فكره هو غير رقمه بعد ما اكتشفته اول مره مشان يثبتلي انه بطل بس اكتفت انه هو بعده بحكي معها ورجعنا تمشكلنا وحلفلي انه البنت هيه اللي بدها اياه وانها البنت اللهم عافينا بتحكي مع الف واحد ومش مكتفيه بجوزها بس المشكله انه انا مش مصدقه وخايفه يرجع يحكي معها وانا مش عارفه شو اتصرف اهلي ما بقدر احكيلهم لانهم عالاكيد رح ينهوا علاقتي فيه اهلي كثير عصبيين وما بتحملوا وانا متمسكه بجوزي وبدي اياه بس كيف بدي ارتاح واتاكد انه عن جد هو صادق معي تعبت كثير ما فكرت وحاسه حالي مربطه ومش عارفه اتصرف اقترحو علي شو اعمل الله يجزيكو الخير

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 74641


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	26-05-2015 10:56 AM سرايا
2 -	..... بالبيت احسن منه،عن تجربه يا اختي اذا مو حابه تتطلقي خليكي بس لاتقتنعي انه ممكن يتغير لأنه ذيل .... مابنعدل،اولها صعبه لانك بتكوني بتحبيه بس بعدين بتوصلي مرحلة الكره وعدم الاكتراث وببطل يعنيلك اي شي وبصي قيمته متل الكلب بنظرك،وبتبطلي تسألي بخون مابخون بالعكس بتصيري تتركيله مجال يخون عشان يحل عنك يعني بين قوسين بتنبسطي انه فيه وحده مريحيتك من قرفه،وصدقي هذا الكلام عن تجربه وحترتاحي بشكل كبير وتحكي اجت والله جابها،لأنه بعد فتره ماحتقدري تضلي تحبيه بصير لا يعنيلك شي ،فطولي بالك شوي وآخر شي بترتاحي،وبصراحه مافي احلى من شعور تعيشي مغ واحد مو مطلوب منك تقدميله اي عاطفه،وبصراحه زوجي الآن في السويد ولا اشتاق له اطلاقا،يعني الله يخليه يصرف عاولاده،والله المستعان	26-05-2015 11:13 AM بسيطه التبليغ عن إساءة
3 -	لا تسمحي لة بالخيانة وبعد ان تتاكدي انقلبي علية فورا حتى لا تستمر خيانتة -- اقطع اقطع اقطع	26-05-2015 11:18 AM مهند الصمادي التبليغ عن إساءة
4 -	يعني هو بحكي انه هي بدها اياه بس ما هو للولا ما هو اعطاءها عين ولا غير هيك ما حكت وشكل هو طايبلوه يحكي معها لولا انتي اكتشفتيه يعني يا خوفي تظلي عايشه معه على الكذب وعدم الامان انا بحكي لازم تحكي مع اهلك بالموضوع وتشوفي حل	26-05-2015 11:22 AM بالفعل انه خاين والدليل كمان الكذب التبليغ عن إساءة
5 -	وااااااااااال على ايش كل هاد اذا بدكم الصراحة ووضع المجتمع الي احنا فيه ما بدي اجمع بس تقريبا اكثر من 75% من المجمتع هيك وضعوا الخيانة !!!!!!!! بصراحة اذا بدك نصيحتي اذا انت بدك جوزك الطريقة هاي غلط الي هي التهديد اكسبيه بجذب انتباهوا الك اكثر منها وحالوا تشغلي فراغوا علشان ما يمليه فيها حاولي تكوني الانسانة الي هو بتمناها وابعديه عنها او بتتركيه متل ما هو الله لا يردوا وانت عيشي حياتك لله وبعدين هو راح يرجعلك يعني ظلي ادعي ربك انوا يسخرلك جوزك الك لحالك وكثري من الاستغفار والدعاء وان شاء الله ربنا راح يستجيب لدعائك تقبلي مروري	26-05-2015 11:37 AM دلع التبليغ عن إساءة
6 -	شو مكبره الموضوع ما ألك اربع شهور متجوزه ولحق يمل المشكلة فيكي إنتي مو فيه بتعرفي ليش لأنك مو عارفه تتصرفي صح وجايه تاخذي راينا موضوع متل هيك حبيبتي بتنفصلي عنه فورا وبلا عياط وعلاك وشكونه بس خلاص هههههه أطول تعليق بكتبه منذ زمن هههههههه بدّي اطبخ فول بلبن بااااااي	26-05-2015 12:26 PM راما التبليغ عن إساءة
7 -	انتي يا راما شايفيتها سهله انه الوحده تترك زوجها	26-05-2015 12:38 PM صاحبة المشكله التبليغ عن إساءة
8 -	انت حكيمه كبري عقلك ولا تردي على خربان البيوت	26-05-2015 01:07 PM اختي العزيزه التبليغ عن إساءة
9 -	انت حكيمه كبري عقلك ولا تردي على خربان البيوت	26-05-2015 01:07 PM اختي العزيزه التبليغ عن إساءة
10 -	وحابه اضيف شغله انه مادام خانك بعد اربع شهور من زواجك اذآ لازم تعرفي انه هذا بني آدم مو سوي،وبحب يغير وينوع ورح يضل هيك كل عمره،وماتحكي نزوه لا طبع وقلة تربايه،ونصييييييييييحه لا تحاولي معاه والله كل ما اعطيتيه رح يزيد بخيانته،يغني رح تحرقي حالك عالفاضي،والله ماخليت اي وسيله حتى ارضيه وهو مثل الثور عايش بس ليرضي غرائزه ويتسلى،ولا تتوقعي انه يسأل عنك بيوم من الايام او يحس بتأنيب الضمير فريحي راسك وازبليه ،وطز فيه لأنه يا اختي الواحد لما يسمح لحاله يخون وحده مأتمنيته وواثقه فيه اعرفي انه مو رجال ولا تتوقعي منه افضل من هيك وسلامتك	26-05-2015 01:07 PM بسيطه التبليغ عن إساءة
11 -	راما ارجوكي تكوني اكثر عقلانية ولا تتقلدي خطايا الناس	26-05-2015 01:07 PM الى راما التبليغ عن إساءة
12 -	ولا اسهل منها هههههههه لا تزعلي الي بطلع على غيري بطلع عيونو اما إنتي بدكيش إنتي حره ما طرح ما تقطع التزكره انزل هلا بتخرب الطبخه تحياتي يا حلوه	26-05-2015 01:34 PM راما /صاحبة المشكلة التبليغ عن إساءة
13 -	اختي الكريمه انا من رايي تقعدي معاه قعده جادة وتحكيلوا انو هاد الوضع اذا استمر ما بناسبني واذا استمر مثل ماهو احكي لاهلك او لاهلوا عشان يتفاهموا معاه واذا ما زبط بعد كل هاي الامور الك حرية الاختيار يا بتتماشي مع الوضع او بتتركيه	26-05-2015 02:30 PM احمد 77 التبليغ عن إساءة
14 -	خليها معركة نسوان وبدك تدافعي عن بيتك ...خذي رقمها (ما دامه بشكي منها انها رامية حالها عليه) ومن رقم غير رقمك(اشتري رقم جديد) اشتغلي عالموضوع خوفيها من الموت وهي على هالحال وأمطريها برسائل مؤثرة ومخيفة بالواتس اب لو متوفر عند وعندها عن حرمة العلاقات المحرمة ولا تزهقي ولا تنسي بالبداية اتكلي على الله وحافظي على الصلاة والاوراد وان شاء الله بكون معك (لا تخبري احد عن اللي بتعمليه ) أبدا اااااااً	26-05-2015 02:31 PM بصراحة التبليغ عن إساءة
15 -	يجب أن تحاولي معه ليصلح نفسه ، فإن تم إصلاح نفسه فنعم الأمر ، وإن أبى فيجب عليك إعلام أبيك وإخوتك بذلك ، لأن الزواج ليس بالأمر السهل ، وغدا سيصبح لكما أبناء ، والمسؤوليات ستزداد ... ، كما أن أفعال زوجك لن تقف على التحدث بالهاتف فقط ...	26-05-2015 03:03 PM عامر 55 التبليغ عن إساءة
16 -	ما تخلي كلام الناس اللي بنافي العقل والدين تْأثر على قرارك,كل وحدة من اللي جاوبتك بتحكي من وجهة نظرها هيه وخبراتها وشخصيتها وتربايتها والظرف اللي هيه فيه وظرف وشخصيه زوجها وبيئتهم همه واكيد مافي اثنين بالدنيا بتشابهوا بكل شي المشكلة عند زوجك انه ما عنده واعز ديني اللي يردعه لو بصلي وبعرف عواقب اللي بعمله كان ما عمل هيك لانه النتيجه لهاد الحكي اللي بعمله وخيمه منها خراب البيوت متل اللي قاعدين بنصحوكي فيه البنات.وحتى لو بصلي وبعمل هيك معناته صلاته مش مزبوطه لانها ما نهته عن فحشاء ومنكر صدقيني ما رح يلفت انتباهة لا اواعي جديدة ولا حكي حب ولا تطنيش لانك هيك رح تزيدي المشكله ولا حتى تبلغي اهلك لانك رح تكبري المشكله عليكي وعليه بالرجوع لله وبدها الشغله وقت وصبر لانه هوه كمان بمشكله قديمه قبل ما يعرفك ومتاج كمان انك توقفي جنبه وتساعديه يطلع منها.	26-05-2015 03:55 PM mohammad abu ha>>> التبليغ عن إساءة
17 -	اختي صاحبه المشكله بدك نصيحتي زوجك ناقصو اهتمام منك بمعنى اخر انتي اي شي بيطلبو منك زوجك لا تحكيلو لا و حاولي انتي كمان انك تهتمي بحالك و تهتمي بالبيت و نظافتو لانو الزوج ما بحب يشوف اي تقصير من مرتو فان شاف اي تقصير فاكيد راح تفتح المجال انو يشوف غيرها او يخونها الا من رحم ربي فاختي حاولي قد ما تقدري اهتمي بحالك و بزوجك و دللي و لا تبعدي عنو و لا لحزه	26-05-2015 04:01 PM عاشق فلسطين ( عضو مسجل ) التبليغ عن إساءة
18 -	مساء الخير للجميع شمس دلع راما وحلاا واقعيه وعندليب ومنتهى وراقي وجواد والعراب ومجنون الحنون هههههه وصانع الكلمات وقبطان هلا فيك مجنون الله يهديك ويرضى عليك انا مسامحيتك هههههه وانتا كمان سامحني وكل حدا هون يسامحني ادا اخطأت بحقه والله يجب رمضان على خير وهداة بال	26-05-2015 04:29 PM راقية التبليغ عن إساءة
19 -	نصيحة لوجه الله تعالى ذنب الكلب اعوج وادا ما عدلتيه من اولها رح تندمي طول العمر من اولها احكي لاهلك ويقعدوا مع اهلوا وتكبر القصة منشان ترتاحي باقي العمر ام تظل هيك ولف ودوران وايمان كاذبة رح تعيشي بدوامة بتخلصيش منها وهيك وانتي لسا عروس كيف لقدام شوي نصيحة بوجهك عند ابوكي ويلم عيلتو ابوه واخوانو وكبري الموضوع وبحكيلك عن تجربة شخصية والله يكتبلك الخيررررر	26-05-2015 05:28 PM REVENGE التبليغ عن إساءة
20 -	اختي صاحبه المشكله بدك زوجك ما يخونك او يطلع على غيرك اهتمي بزوجك اكتر من اللازم و اهتمي ببيتك يعني خلي بيتك و زوجك مش محاجين اي شي بيتك من ناحيه النظافه و زوجك من ناحيه الاهتمام فيه انتي دللي زوجك و اهتمي فيه اكتر من اللازم هيك مستحيل يفكر يخونك	26-05-2015 05:40 PM عاشق فلسطين ( عضو مسجل ) التبليغ عن إساءة
21 -	يا اختي اقعدي انتي وهو واحكي معو وفاهمي جوزك اسالي سوال واحد ( انت بتحب اني اخونك مع رجال تاني بتقبل هاد الاشي ) وشوفي شو راح يرد جوزك	26-05-2015 08:04 PM قلب الاسد التبليغ عن إساءة
22 -	ماتردي على حدا زوجك....	27-05-2015 07:07 AM ابو زيد التبليغ عن إساءة
23 -	صباح الحب يا راقيه الأموره ولكو مالكو علي انا حكيت عن نفسي ما بقبل جوزي يطّلع الا علي فيها غلط هاي والله عالم اتقلد خطايه مين ياختي خلص ارجعيلو وجيبي طشت ميه وادعكيلو رجليه لسي السيد واحكيلو دخيلك سامحني فتشت وراك بس ملاحظه ألمي لو انا محلك تكون مية نار هههههههههه عشان حبك نار مش عايزه أطفيها هاي الاغنيه لازمها الصديق العندليب تحية قلبيه للجميع وهاد رايي انا انا حره ههههههه	27-05-2015 09:54 AM راما التبليغ عن إساءة
24 -	هههههه قصدك عني ينافي العقل أكيد بتقصد انا حكيك مزبوط 100/100	27-05-2015 10:04 AM راما /١٦ التبليغ عن إساءة
25 -	حبيبتي الله يعينك ...بحس بعض رجال هاد الزمن الخيانه مرض عندهم ...وللي بحط الحق ع االمرأه في كل شي ليش ما تعترفو ان المشكله بالرجل نفسه حتى لو زوجته مقصره هاد لا يبرر انو يخون ...ما علينا لازم تحكي معووو وتفهميه انو بتعرفي بعلاقتو واساليه كونو وعدك ليش اخلف بالوعد شوفي شو السبب الي دفعو للخيانه مع انو لو اعطا اسباب الدنيا كلها ما بتبرر الخيانه ولا تسكتيلو الي زي هيك ما ينفع معهم الاحترام واذ شفتيه نادم معناتو بحبك وما بدو يخسرك ...اما اذا كانت مو فارقه معووو خلي حبيبته الخاينه تنفعووو.........والله يهديه	27-05-2015 09:40 PM شمس الحويطات التبليغ عن إساءة
26 -	لا تعطي زوجك حجم اكبر منه والله معه اذا بخونك لانه هاد هو مستواه , واذا بتحبيه لي هو اتزوجك ؟ خليكي زي اول مره شافك فيها خليكي بالحاله الي حبك فيها ورح يرجعلك واعطيه ثقتك	28-05-2015 12:11 AM ام يوسف التبليغ عن إساءة
27 -	وحده متز وجه ليش زوجك بحكي معها ام قله ادب بس انا راي لا تسكتي على الموضوع خذي رقم تلفونه وهدديها وزوجك كمان لا تسكتي له اللي مش فارق معه متزوجه ام لا	28-05-2015 02:56 PM مها التبليغ عن إساءة
28 -	اختي العزيزه الله يستر عليك اغلب الشباب يكون لهم علاقات قبل الا القليل لازم تصبر على زوجك حتى رب العالمين يهديه لازم انتي تصلي وتطلبي منه يصلي وبعدين انشالله بعد اول مولود راح ينسى كل هالاتصالات الفاشله التدين للزوج والزوجه هو اهم شي بالعلاقه بين الزوجين بالتوفيق	01-06-2015 10:50 AM عناد بني حميده التبليغ عن إساءة
29 -	الرجال نوعين: زوج خائن، وزوج لم تكتشف خيانته بعد. لكن انت هدديه بالحرد عند اهلك، وهدديه انك رح تفضحيه عند اهلك واهله كمان. بس لا تفضحيه جد، الوحدة بتستر على زوجها. لكن اذا تكررت احكي مع ابوه او اخوه الكبير او اي شخص بمون عليه.	04-06-2015 03:26 PM الرجال نوعين التبليغ عن إساءة
30 -	صدقيني إنه جوزك بكذب عليك لإنه حكالك إنها هي يلي متمسكة فيه . صدقيني إنه هو يلي فاتحلها المجال وهو بحبها أكثر . لاتكوني ساذجة ووقفيه عند حده لانه الخيانة الزوجية حلها الطلاق. أللهم عافينا	05-06-2015 12:27 PM دلع الخالدي التبليغ عن إساءة
31 -	زوجك بكذب عليك يابسيطة . ههههه قال هي يلي بترن عليه وهو مابعطيها عين ضحكتيني والله لإنه هو يلي معطيها عين بس حط الحق عليها قدامك منشان يتهرب من غلطته ...	06-06-2015 10:35 AM أم تقى التبليغ عن إساءة
32 -	انا كمان مثليك لا أعرف ماذا افعل	27-07-2015 11:29 PM basma التبليغ عن إساءة