بقلم : د . ناصر الادهم
الا فرنسية ...
قال قاطعوا المنتجات الفرنسية .... ههههههه ... يعني كأني طول نهاري على منتجاتهم ... ههههه ما انا اصلا يالله وغصب عن أبوي على المنتجات الصينية ... ههههه ... ولو الاقي البلدية ... بروح هناك .... ولك يا العبد ... هي هو احنا ملاقيين حق الخبز ... ليكون ما بتوكلي الا خبز فرنسي ... والا بدلتي اخر وحدة اللي من البالة فرنسية ... يعني بتعرفي ما بلبس الا ماركات .... هههههه ... والا قال العطر ... مالها الكولونيا تبعت المؤسسة ... والا ... بلاش اقول ... ليكون يا ام العبد ... بتلغمطي عفوا بتحطي مكياج فرنسي وانتي بترجي من البرد من قلة التدفئة ... والله بجوز اخر مرة شفتك اصلا وانت عروس لما ضحكوا علي ومررورك ... يلا ... ما حدا بتحملني غيرك ... يعني لمين افش غلي ... لا وشو كمان قلايات التيفال ... في عنا منها يا ام العبد ... طيب اذا رميناها بعوضونا ... هي جايين النا يقولوا ... قاطعوا ... هي يروحوا لهظولاك ... والله بجوز لا بعرف منتجات فرنسية ويالله معي حق جلن كاز لهاالصوبة ... دوروا على اشي غيرو ... او احكو لناس غيرنا ... مش ماكلين هوا ...
د ناصر الادهم

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا