31-12-2014 10:20 AM
سرايا - سرايا - أنا شاب ابلغ من العمر 41 سنه واعيش مع زوجتي وابني وابنتي في بلد الغربه. تزوجت منذ ثمانية سنوات من قريبة لي كزواج تقليدي ونعيش سوية حياة هانئة ومريحه والحمد لله ولدينا طفلان اكبرهم ابنتي 8 سنوات وولد 5 سنوات.
ما حصل انه منذ العام اصيبت زوجتي بتشنجات مزمنه بالظهر وهو مقدمه لما يسمى بالتصلب اللويحي ومنذ ذلك الحين وانا اعاني حيث عينت لها شغالتين للعناية بها وبالاطفال والبيت والحمد لله وضعي المادي مرتاح. غير ان مأساتي هي بخوفي من الزلل بالحرام والعياذ بالله حيث ان وضع زوجتي الصحي لا يسمح لها بالممارسة الحياة الزوجية المعتاده وخلال العام المنصرم لم نتم اكثر من مرتين وكانت النتيجة وبال عليها صحيا ونفسيا علي.
من الممكن ان يقال لي ان اتزوج لكني لن اقدم على هذا الحل لعدم رغبتي بالتخلي عن زوجتي خلال مأساتها الصحية وايذائها نفسيا.
اطلب مشورتكم جزاكم الله خيرا
لمتابعة وكالة سرايا الإخبارية على "فيسبوك" : إضغط هنا
لمتابعة وكالة سرايا الإخبارية على "تيك توك" : إضغط هنا
لمتابعة وكالة سرايا الإخبارية على "يوتيوب" : إضغط هنا
1 - |
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
|
31-12-2014 10:20 AM
سرايا |
2 - |
بعد التحية والترحيب براقية والجميع
طيب يا اخي اذا جيزة ما بدك تتجوز وبنفس الوقت خايق توقع بالحرام شو نعملك يعني ؟! يعني اللي بسمعك بروح فكره لبعيد ها .......!! دير بالك ركز معي |
31-12-2014 10:30 AM
* العندليب * التبليغ عن إساءة |
3 - |
أولا الله يشفيها يا رب..وثانيا أنا شايفة الموضوع بسيط طالما وضعك المادي مرتاح وزوجتك مريضة وإنت محروم من حقك الشرعي كزوج على زوجتك فما فيها إشي إنك تتزوج لأنه هاد حقك الشرعي..وبعدين مين حكى إنك إذا تزوجت وحدة ثانية رح تهمل مرتك الاولى؟؟ بكل بساطة تعال على حالك وحاول تعدل بين الزوجيتن وإياك تتخلى عن زوجتك الأولى بمرضها بالعكس حاول تخفف عنها وتواسيها..صح ممكن ما تتقبل فكرة زواجك بزوجة ثانية بس لو أجيتها بالكلمة الحلوة أكيد رح تقبل والله يوفقك ويشفي زوجتك
|
31-12-2014 10:30 AM
رحمه التبليغ عن إساءة |
4 - |
يعني بدك مش عارف شو وما بدك تتجوز ,,, وما بدك بالحرام ,, شو الحل اللي بتتوقعه مننا ؟؟؟ اسمع يا محترم ,,, الله حلل الزواج لمثل هذه الظروف ,و ومش بالضروره عشان تتجوز انك تتخلى عن زوجتك ,,, بصير تتجوز وما تتخلى عنها لكن بتحكي عن حاجات رجاليه اذا انقطعت تقود للخطيئه وانت مش ناقصك هيك قصص ,, اتجوز (..... )
|
31-12-2014 10:34 AM
القبطااااان التبليغ عن إساءة |
5 - |
شو المطلوب مثلا ؟؟
اذا جيزة وما بدك يا خوي ... بدك صديقة مثلا ؟؟ فهمني بالظبط عشان اقدر افهمك مشااااااااااااااان الله |
31-12-2014 10:42 AM
* العندليب * التبليغ عن إساءة |
6 - |
اخي العزيز مبادره كويسه ان تقف بجابنها اثناء مرض زوجتك وهذا يساعد على شفائها اما اذا تركتها وتزوجت سوف تحطمها عليك اللجوء الى الله والدعاء لها بالشفاء
|
31-12-2014 11:00 AM
من الى صاحب المشكله التبليغ عن إساءة |
7 - |
اصبر عليها ما بعد الصبر الا الفرج وربي يئومها سالمة , طول بالك , والخيرة فيما اختاره الله .
|
31-12-2014 11:03 AM
ما اروعك التبليغ عن إساءة |
8 - |
يعني لو العكس كان طلبت الطلاق و تزوجت واحد ثاني الرجال كلهم انانيين همهم فقط الحياه الزوجية
اذا بترضى تتركك في مرضك و تتجوز غيرك اللي بترضى الها ارضى لنفسك |
31-12-2014 11:36 AM
للا التبليغ عن إساءة |
9 - |
الله يسامحك .. تخيل الموضوع العكس .. هي بتتركك عشان غريزة كل مدتها عشر دقايق .. انا مش ضد الاسلام انو يجوز اربعة .. هي الجيزة تانية سهله مفكرها يابي ما اسهل الحكي .. يا الله احنا العرب كل حياتنا رابطينها بهل الغريزة بس .. كيف النسوان الي بتطلقو والي بترملو بصبرو وما بفكرو بالحرام ولا بحلال انهم يتجوزو تاني مرة .. ولا هم حجر والرجال لحم ودم ..اصبر .. ول
|
31-12-2014 12:16 PM
اردنية التبليغ عن إساءة |
10 - |
لا لا تتجوز ولا تتركها يعني احنا النسوان بنوقف مع ازواجنا بالمرض وهم ادا الوحدة فينا ماتت او مرضت دغري بتجوز جد الرجال ما الهم امان
|
31-12-2014 12:17 PM
هديل التبليغ عن إساءة |
11 - |
حرام عليك رح تسوء حالتها النفسيه،اصبر عليها فتره حتى تشوفها بتستجيب للعلاج ام لا اذا شفت مافيه امل اتزوج،والله يشافيها
|
31-12-2014 12:23 PM
........ التبليغ عن إساءة |
12 - |
في البداية كنت احب اقرأ كل كتاباتك , لكن الان لم اعجب بحرف واحد , عم بشكيلك وتقول له زواج وتقع في الحرام وفهمني , بشكي مو بتحدا
بصراحة جبتله الضغط |
31-12-2014 12:28 PM
الى العندليب التبليغ عن إساءة |
13 - |
تكميلة التعليق اللي انحذف عشان ما يروح مخكوا لبعيد ,,, كنت بدي ابعث له عروس ,, والله ما اسات
|
31-12-2014 01:07 PM
القبطااااان التبليغ عن إساءة |
14 - |
شاب صغير اسمه ربيعة بن كعب الأسلمي كان يبيت عند بيت رسول الله حرصا منه على خدمة النبي عليه السلام فخرج الرسول فرآه عند الباب ومعه الماء حتى يتوضأ عليه السلام ...فسأله النبي: سل (اسألني أي اطلب ياربيعه) , فقال ربيعة :اسألك مرافقة في الجنة يارسول الله ! فقال عليه السلام :أوَ غير ذلك ؟ فقال عليه السلام :أعني على نفسك بكثرة السجود"...إخوتي هذه الهمة العالي والهدف الأسمى مرافقة النبي وحب الله ومجاورته ..الصلاة الصلاة إخوتي ...أسأل الله لي ولكم معالي الأمور ...وصل اللهم على محمد وآله وصحبه
|
31-12-2014 01:09 PM
همسة إيمانية ...همة عالية ومعالي الأمور التبليغ عن إساءة |
15 - |
الحكايه مش انانيه ,, هذا شرع واستمرار البشريه ,, اعطيكي مثال ,, لو جبتي ارنب واحد ومعه 20 ارنبه بصير عندك مزرعة ارانب بشهرين ,,, طيب لو جبتي ارنبه وحده و100 ارنب ,, ما بصير شي بشهرين ,,, هون الحكمه الالهيه مش مسالة حياة زوجيه فقط ,,,
|
31-12-2014 01:10 PM
القبطااان/ للا التبليغ عن إساءة |
16 - |
عليك بالصيام
|
31-12-2014 01:30 PM
hgfhgf التبليغ عن إساءة |
17 - |
مش ضروووووري تمارس حياتك الزوجية ... كل الزلام نفس الشي ما بهمهم الا متعتهم
|
31-12-2014 01:51 PM
رنا التبليغ عن إساءة |
18 - |
السلام عليكم
المختصر مفيد تزوج واحسن ثم احسن اختيار الزوجه الثانيه بعرف انو الجمال مطلوب بس فهيك حاله الاخلاق احسن لانو انت بهم بلاش تصير بهمين |
31-12-2014 02:15 PM
رواد سليم التبليغ عن إساءة |
19 - |
شكلك دكتور نفسي شوفلو قضيته بلكي جوزتو ونفرح فيه ع الجريده ههههههه
|
31-12-2014 03:00 PM
الي العندليب من ماسه التبليغ عن إساءة |
20 - |
صديقي الله يمسيك بالخير واحترامي لجميع الاخوة والمعلقين ولجميع الاراء بلا استثناء ... فلتعلم يا صديقي ( لكل منا رايه ) وانا اتشرف عندما تقرأ كتاباتي ولك الحق في النقد .... سنة جديدة سعيدة عليك
|
31-12-2014 04:00 PM
* العندليب * الى العندليب التبليغ عن إساءة |
21 - |
تضاربت الاراء هنا وهناك بين الاخوة والاخوات كل حسب جنسه وطبيعة تكوينه وفسيولوجيته .. يعني لو تطرقنا لهذه الناحية لن يكون لدينا الوقت الكافي للحديث والنقاش
فمن الطبيعي جدا ان تعارض اغلبية النساء فكرة زواجه من اخرى رغم انها لا تتعارض مع الشرع والدين ... فهذا الموضوع شائك ولا وقت لدينا للمزيد ..... دمتم يا غاليين |
31-12-2014 04:17 PM
* العندليب * التبليغ عن إساءة |
22 - |
الله يهديكم ---شو الغلطط لو تجوز---بدون ما تترك الاولى تزوج واحده تانيه وفهمها انه زوجتك الاولى ام اولادك لها احترامها--اصلا حرام تطلب منها العلاقه الزوجيه لانها تعبانه ---وبعدين ليش الزواج التاني بتم؟؟؟ لهيك حالات --لما تكون الزوجه مريضه وهي لازم تساعدك بالموضوع لانها عارفه وضعها الصحي لا يسمح ومش معقول تحرمك وانت لسا شباب --الله يشفيها--ويفتحها عليك--تزوج ومبروك سلفا يا ابني بتزوجو على نسوانهم وهي بصحه وشباب كيف انت ؟؟؟
|
31-12-2014 04:36 PM
ام غيوره التبليغ عن إساءة |
23 - |
المتزوجات ينصحن صاحب المشكله بالصبر وعدم الزواج..وغير المتزوجات ينصحنه يتزوج اثنين وثلاث...ههههههههه
|
31-12-2014 07:38 PM
مجنووووووووووون التبليغ عن إساءة |
24 - |
تزوج يا اخوي ، و احفظ دينك و فرجك
لا تهتم بحكيهم انو اصبر ع غريزتك و حقك .. من اسمها غريزه و مغروزه فينا و الاولى نشتغل بالحلال احسن من الحرام و العياذ بالله و بنفس الوقت ضلك واقف مع زوجتك رجال ابن اصل و لا تتركها يسرها الله بوجهك |
31-12-2014 10:55 PM
ابن اربد التبليغ عن إساءة |
25 - |
بدك رأيي انا لو مرضت لا سمح الله في يوم انا بطلب لزوجي عروس صراحه بس على شرط يبعد هو وياها من المدينه الي انا ساكنه فيها وخلقتها ما أشوفها لا هو ولا هي لآني ممكن ارتكب جنايه في وفيها تأخذه وتشبع فيه بالناقص منه هههههههههه
|
01-01-2015 04:36 AM
راما التبليغ عن إساءة |
26 - |
عزيزي انا أعاني من نفس المشكلة و زوجتي غير قادره على ممارسه الحياة الطبيعية الشرعية و كما انني أصغر منك سنا و أبلغ من العمر 31 عاما و لم يمضي على زواجي بزوجتي سوى 4 سنوات حتى عانت من مرض عضال و لنا طفل عمره سنتين و لله الحمد. لكني و بكل صدق لم أكترث لذاك الموضوع أبدا و لا زلت للان أعتني بها فهي زوجتي و أم طفلي و مع ان 4 سنوات ليست بالكثيرة لكنها أثبتت لي خلال زواجنا أنها خير إمرأة و قد فعلت الكثير لأجلي و لأجل طفلنا فوالله عاهدت نفسي أن اكون وفيا لها. الزواج حلال و شرع من الله تعالى لكن كن وفيا لها خيرا لك و لبيتك لأطفالك! أدعوا لي اخواني.
|
01-01-2015 09:32 AM
fast التبليغ عن إساءة |
27 - |
أخ منكم يا هالرجال الواحد منكم لما بتوقع زوجته بمرض أو موت بصير الواحد منكم يصيح بأعلى صوته وين أروح ومنين أنقي (يعني يختار زوجه ثانيه) أما النسوان الي بتطلق أو بتترمل بتقعد لأولادها وبتخيم عليهم وما بتسمح لزوج جديد إلها يقول لأولادها ولك اسكت أو اقعد أو يهينهم وللساءل أقول اصبر وبلاش انانيه ومرضها بإذن الله بتشفي منه اصبر يابني لعل الله يأخذ بيدك ويشفيها فلا تحطمها نفسيا يكفيها ما هي فيه والله يتولاكم
|
01-01-2015 08:17 PM
ام علي التبليغ عن إساءة |
28 - |
سيدي.. اولا عليك ان تعلم ان حالة زوجتك من الحاﻻت الصعبه وليس من السهل تحسن حالتها واذا كنت تعتقد انها لن تعيش طويلا فهذا في علم الغيب خصوصا انه مرض مزمن غير مسبب للوفاه.. لذلك عليك اﻻعتناء بها جيدا وبالمقابل عليك بالزواج ﻻنه وفي مثل حالتك اعتقد انه واجب ﻻن فيه درء للمفسده.. غير هالحكي ما فيه.. بكون ببالك شي ثاني وهو خطأ على اﻻغلب .. وانت حر.
|
02-01-2015 02:01 AM
صاحب السعادة التبليغ عن إساءة |
29 - |
ﺍﻭﻟﺎ ﺍﻟﻠﻪ ﻳﺸﻔﻴﻬﺎ ﻳﺎﺭﺏ ﻭﻳﻌﺎﻓﻴﻬﺎ ﺍﻟﻤﺮﺽ ﻫﻮ ﺍﺧﺘﺒﺎﺭ ﻟﺼﺒﺮ المؤﻣﻦ ﻋﻠﻰ ﺍﻟﺎﺑﺘﻠﺎﺀ
ﺛﺎﻧﻴﺎ ﻳﺎ ﺍﺧﻲ ﻟﻮ ﺍﻧﺖ ﺍﻟﻤﺮﻳﺾ ﻭﺑﻨﻔﺲ ﻇﺮﻭﻑ ﻣﺮﺽ ﺯﻭﺟﺘﻚ ﺍﻟﻠﻲ ﺷﺮﺣﺘﻬﺎ ﻫﻞ ﺑﺘﺘﻮﻗﻊ ﺍﻧﻬﺎ ﺗﻔﻜﺮ ﺑﺤﺎﻟﻬﺎ ﻭﺑﺎﺷﺒﺎﻉ رﻏﺒﺎﺗﻬﺎ ﻭﺗﻂﻠﺐ ﺍﻟﻂﻠﺎﻕ ﻭﺗﺘﺰﻭﺝ ﺣﺪﺍ ﺳﻠﻴﻢ ﻣﻌﺎﻓﻰ? ﻣﺎ ﺍﻟﻚ ﺍﻟﺎ ﺍﻟﺼﺒﺮ ﻋﻠﻰ ﻫﺎﻱ ﺍﻟﺤﺎﻟﻪ ﻭﺩﻳﺮ ﺑﺎﻟﻚ ﻋﻠﻰ ﺯﻭﺟﺘﻚ ﺑﺘﻜﺴﺐ ﻓﻴﻬﺎ ﺍﺟﺮ ﻭﺩﻳﺮ ﺑﺎﻟﻚ ﻋﻠﻰ ﺍﻭﻟﺎﺩﻙ ﻫﻢ ﻧﻮﺍﺭﺕ ﺣﻴﺎﺗﻜﻢ . |
02-01-2015 01:29 PM
saja التبليغ عن إساءة |
30 - |
حلو كتير الأخلآص انا من رأي ربنا رح يجازيك خير لأنك وئفت مع زوجتك بهالوئت الصعب ازا انت فعلآ بتحب زووجتك منشان حبك لألها ما رح توئع بالحرام .. وسدئني ازا ضليت معها بالأزمه هي رح تتحسن حالتها اما ازا تخليت عنها رح تتعب أكتر :)
|
05-01-2015 06:12 PM
ليونه .. التبليغ عن إساءة |
31 - |
لا ما تتزوج عليها لانك رح ادمرها هي بمرضها وانت عم تفكر بشهواتك شو برايك رح تنبسط طبعا لا رح تدمر و تزيد حالتها المرضية اصبر و الله ما بنسى حدا
|
08-01-2015 03:43 AM
سوسووووو التبليغ عن إساءة |
32 - |
اخي انا فتاة مصابة بمرض التصلب اللويحي و عمري 31 سنة و غير متزوجة.
لدي صديقات متزوجات و لديهن نفس المرض و عايشين حياه سعيدة طالما فيها حب و تفاهم و بالأخص تقوى الله سبحانه و تعالى "استولوا بالنساء خيرا ". و اخي ان تتزوج مرة أخرى على سنة الله و رسوله أهون من أن تقعد في الحرام و لكن من وجهة نظري ان تساند زوجتك في محنتهاون و أن تحتسب لله سبحانه. و هنا يتجلى المعنى الحقيقي للزواج فهو ليس فقط تلبية رغبات جنسية حيوانية بل هو اسمى و أكثر من ذلك بكثير.وفقكم الله و شفاها انه على كل شيء قدير.أرجو المداومو عالعلاج الطبيعي |
16-08-2015 02:31 PM
rihem التبليغ عن إساءة |