31-12-2014 10:16 AM
سرايا - سرايا - انا اريد ان اطرح مشكلة نفسي اعرف ليش بتلاقي الشب عمره 18 او 19 وبياخذ مصروفه من ابوه ومع ذلك بتلاقيه فاتح علاقات مع بنات الناس ؟ وهو ماعنده اي مؤهل من مؤهلات الزواج ومامعه يشتري بطاقة شحن ام الدينار ؟ يعني على اي اساس بحاكي البنت وبيوعدها انه رح يتزوجها لاجل غير مسمى ؟
كيف يعني بده يحجزها ؟ يعني على مستوى انه الواحد بكون عمره بالثلاثين وفي بباله بنت معينة وبحاكيها عالتلفون وبكون عنده بيت وسيارة واثاث ومهر مقدم ومؤخر ...إلخ ..ومع ذلك مابيضمن انه ياخذ حبيبته يلي بتحبه .
فإيش حال الشباب الصغار حتى يلي اعمارهم بالعشرين ، كل شب إلا وبحاكي بنت وهذا الشي معروف انهم كل الشباب بحاكوا بنات بلاش نضحك على انفسنا ، بس انا يلي مش فاهمته إنه قلما نلاقي شب عند وعده ، يعني بتلاقيه متمسك باحبال الحب لكن بدون اي مؤهل من مؤهلات الزواج ، ومفكرين إنهن بنات الناس لعبة ، والمشكلة إنها لو حبيبتهم تزوجت غير يلوموها لانها وافقت عالعريس .
ياشباب مجتمعي الله يخليكم افهموا شغلة : انها البنت مش متل الشب بالزواج يعني البنت باي لحظة ممكن ييجيها عريس اما الشب بده فت خبز لحتى يخطب بده مدة طويلة لحتى يوصل لمؤهلات الزواج ، فليش الشب يخلي حبيبته تغامر معه وتستنى هالمدة الطويلة ؟ هذا حقها انها تتزوج لانها مابتضمن انه هالحب يكون ناجح وعصفور باليد ولا عشرة عالشجرة ، الحب الحقيقي بعد الزواج وهيك علم النفس بقول .
الى كل شب بحكي مع بنت مش محللة اله شرعا :
مافي بنت بترفض عريس جاهز منشان خاطر انسان مابحبها لانه لو عنجد حبيبها بحبها كان شد حيله عالآخر لحتى يحصل عليها بالحلال . كل البنات بتبحث عن مصلحتها وطبعا مش ملامة على هالاشي ،هيك الناس كلهم ، لانه فعليا الحب مابطعمي خبز . والحب شيء مش ملموس اما العريس شيء حقيقي وملموس بواقع البنت واهلها .
نفس الشي كلمة اخيرة لكل شباب الاردن :
والله والله ثم والله انا بعرف بنات كثير في على تلفوناتهن اكثر من شب ومسمياتهم باسماء بنات ، وبتلاقي البنت بتحكي لكل شب من هالشباب يلله تعال اخطبني وبمجرد مايتقدملها اول شب من هالشباب يلي على تلفونها ، بتحكي للباقيين فرصة سعيدة اهلي غصبوني عالزواج ومش رح انساك طول عمري .
طبعا البنت بتخاف على حالها من العنوسة لهيك بتتصرف عالتصرف وبتحكي مصلحتي اهم من مصلحة الشب وخاصة انه من المعروف انه بالعادة الشباب بيضحكوا عالبنات فلهيك البنت بدها لحتى تضمن مستقبلها بتحط عدة شباب ببالها لحتى تضمن الزواج يعني فيما لو فشلت مع واحد تنجح مع التاني .
انا مابايد هالتصرف هذا بس خذوا حذركم من البنات لانه بصراحة هاي الايام الشباب هم المساكين اكتر من البنات .
ووالله تبينلي انه افضل زواج هو يلي بييجي مباشرة من ولي امر البنت وعلى سنة الله ورسوله ، لانه حتى ولو إنا سمعنا عن قصص حب توجت بالزواج لكن 99% من الحب فاشل ، والله دايما يا اما الشب خاين يا اما البنت خاينة يا اما الشب مامعه مادة لحتى يحجز حبيبته يا اما الاهالي مابوافقوا يا اما .. يا اما ... والواحد بعيش حياته موجوع القلب لانه مالقى حبيبه زوجه. فليش يفتح هالابواب المغلقة ويحب من الاصل ؟
عدا عن انه الحب فعليا بكون من طرف واحد وهو الطرف يلي تقدم بالبداية بهاي العلاقة يعني الطرف هذا بكون متوجع ومتالم من الفراق اما الطرف الآخر مابكون سائل عن حبيبه بالعادة .
ويكفي القصص يلي دايما بنسمعها حويلانا .
بدكم الصراحة انا عندي خبرة بالعلاقات العاطفية رغم اني ماحكيت غير مع شب واحد وهو الوحيد يلي حبيته ومع ذلك طول فترة كلامي معه رغم انه الحب بلش من طرفي انا لكن ظليت كرهانة من نفسي هالتصرف لانه هالشب اكيد مابيرضى عاخته تحاكي شباب يعني المفروض اني انا اكون بنظره وحدة مش مربية خاصة لو ماكان بيرضى على اخته تحاكي شباب والاشي يلي بحيرني انه انا يلي سمعته انه لما البنت تسال حبيبها ليش مابترضى على اختك تحاكي شب بقصد الزواج ؟ بصير يحكيلها لانه مافي شب خلوق متل اخلاقي !!!!!!!!!!! يعني كل شب كل شب بجاوب نفس الجواب وما شالله شباب مجتمعنا كلهم اخلاق اللهم لاحسد .
حسب خبرتي من الصاحبات والناس بشكل عام انه قصص الحب دايما فاشلة وكل واحد بدور على مصلحته .
آسفة عالاطالة الكبيرة لكن والله دايما بفكر بهالامور وانا متضايقة من هالاشياء يلي بتصير بالبلد . يعني هاي المشكلة لاتعتبر مشكلة بتخصني بس هاي المشكلة موجودة بمجتمعي فعليا حتى لو انها مابتخصني انا بس اكيد اكيد بتخص كتير شباب وبنات.
اللهم اهديني واهدي شباب وبنات المسلمين .
السلام بداية ، والسلام ختام
لمتابعة وكالة سرايا الإخبارية على "فيسبوك" : إضغط هنا
لمتابعة وكالة سرايا الإخبارية على "تيك توك" : إضغط هنا
لمتابعة وكالة سرايا الإخبارية على "يوتيوب" : إضغط هنا
1 - |
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
|
31-12-2014 10:16 AM
سرايا |
2 - |
ولاااااااااااااو .... انو جريدة هاي مش قاري عمي اي علي الجيرة انحولت احسن شي انتهز الفرصة واسلم عليكو واهنيكم بالسنة لجديدة
راقية الله يجعل 2015 عليكي سنة خير ونور يا ( نور ) صاحب السعادة الله يجعل 2105 عليك سنة مليئة بالسعادة دلال الله يفرج همك وكربك يا رب بقدوم 2105 الحلااااكله 2105 الله يجعلها سنة نجاح وتفوق ومفترق للابداعات والنجاحات يا رب راما 2105 ان شاء الله الله يرجعلك خطيبك بالسلامة ونفرح فيكو واقعية / عادي / هاله / العميد / القبطان / مسافر لوحدي / منتهى ان شاء الله بنفرح فيكي عن قريب / ابو راضي الله يجعلها سنة رضى عليك يا رب / ماسا القطعة الثمينة ان شاء بنشوفك بخير وسلامة / غيار عكسي لف وارجع بدنا نشوفك / الاخ همسة ايمانية الله يزيدك ايمان وتقوى / مجدولين المجد كله بانتظارك السنة لجديدة ان شاء الله وللجميع مني خالص التحيات بدووووون استثناء واللي ما ذكرت اسمه ما يزعل لاني مشغول والله وبدي اطلع ..... دمتم احبائي سالمين ... ولواقعية كل الاحترام والتقدير |
31-12-2014 10:27 AM
* العندليب * التبليغ عن إساءة |
3 - |
يا ستي انا هلا قريت اعطيتك شوي من وقتي قبل لاطلع ...
وبصراحة يا ريتني ما اعطيتك .. موضوعك مش مشكلة موضوعك اجتماعيا شيئ تاريخي وموجود في شتى انحاء الارض يعني ما بنقدر نطلق عليه مصطلح ( مشكلة ) وللبنت الحرية ان تسلك هذا المسلك او لا تسلك ... بس مبين عليكي مجروحة نوعا ما اما عن تجربتك عمو لسلتك زغيرة ما شفتي شي تجربتك محض التجربة لسه .... افهمتي علي عمووووو ؟! |
31-12-2014 10:41 AM
* العندليب * التبليغ عن إساءة |
4 - |
اي شو مجتمع وما مجتمع لساتك لا فتيتي ولا غمستي عمو
روحي العبي حجله احسنلك روحي |
31-12-2014 10:44 AM
* العندليب * التبليغ عن إساءة |
5 - |
يا اختي رغم احترامي لوجهة نظرك لكن فيها من التناقضات ما فيها!!! لم وضعتي كل اللوم على الشباب؟ و لم تعفين تلك الفتاة البالغة العاقلة من المسؤولية تماما؟؟؟ هي أخطات بداية حينما كما نقول في العامية"رمت" نفسها على ذلك الشباب تحت مسمي "الحب"و اصبحت ذليلة له على الاقل بمشاعرها علها تفوز به في يوم من الايام و باتت تتنازل عن سمعتها و كرامتها و من ثم عن اشياء اعظم كلها بهدف تحقيق هذا الهدف و ان تحظى به!! اختي من وجهة نظري هو لم يخطئ اهي عمياء لا ترى؟ ام تتصنع العمى؟ هي تعلم وضعه منذ البداية و انتي تقولين عليه ان يعمل ما باستطاعته ليحظى بها انحن في زمن المعجزات يا اختي ؟؟ هل سيغنى في يوم و ليلة ام في سنة ام في سنتين؟ الرزق كله على رب العباد لكن هي تستغبي.... و هو مع احترامي يتسلى يا اختي فقط, انا شاب و استحالة استحالة ان اتقدم لفتاة كانت سهلة المنال فهي كما اقامت علاقة معي ما هو المانع انها ستقوم باقامة علاقات اخرى!!!
اختي كلما ابتعدنا عن دين الله تعالى كلما اصابنا التعب تصديقا لقول الله تعالى"و من اعرض عن ذكري فان له معيشة ضنكى" ... الزوج يا اختي هو رزق من الله تعالى و لو ايقنت الفتاة ان الله هو الرازق لما قامت بتلك الاساليب اما عن الشاب فلا تخافي قد يتاثر في البداية قليلا حيث ان اللعبة التي كان يتسلى بها قد اخذها شخص اخر لكنه في قريرة نفسه و بعد فترة قصيرة ينسى موضوعها لانه يعلم جيدا انها لا تصلح ان تحفظ له بيته و ماله كما اوصانا النبي ان نختار ذات الدين... و السلام |
31-12-2014 10:48 AM
اختي الفاضلة التبليغ عن إساءة |
6 - |
صباح الورد والياسمين عندليب
ان شالله كل سنينك وايامك خير وبركه بتمنالك سنه حلوه وتوفيق الله لك دوما وللجميع كل المحبه وتقدير لك عزيزي اختي السائله كلامك صحيح *الا ما رحم ربي * |
31-12-2014 12:35 PM
راقيه التبليغ عن إساءة |
7 - |
المصيبة انك بتخلطي بين الاعجاب و الحب..اللي بصير بمجتمعات الدنيا كلها هو اعجاب مبني على مقاييس تخضع لذوق الشخص المعجب...الحب لا يأتي الا بعد الزواج و تعريف الحب هو الاخلاص و التضحية و الايثار بغض النظر عن شكل المحبوب او عيوبه الاخرى..اي ان الحب يكون مبني على الجوهر و ليس المظهر مثل محبة الابن لأبوه او الزوج لزوجته بعد عشرة مبنية على مواقف تضحية و اخلاص، و ليس اعجاب مبني على اللي بييجيكي بالاول هو اللي رح تتزوجيه!!!!!!!!!!! كله اعجاب و الحب المبني على الاخلاق و الجوهر شيء نادر الوجود و كله بيكذب على بعضه و كله مصالح..الشب بدو يدخل بعلاقات يمتع نفسه فيها دون حمل مسؤوليات..و البنت بتظل تجرب لحتى يزبط معاها واحد من اللي عملت معهم علاقات....فلذلك اتركينا من السوالف المتناقضة و...........الخ..
|
31-12-2014 01:10 PM
حماده التبليغ عن إساءة |
8 - |
والله ياصاحبة المشكلة انا معك بكل كلمة انت بتحكيها ، فعلا في تناقضات كتير كتير بهاد الموضوع بمجتمعنا . يعني عالاقل لو الشب عنده شوية تفكير كان بيحكي لنفسه انا مابرضاها على اختي تحاكي شب بقصد الزواج ومعناها حبيبتي وحدة مش مزبوطة ، طبعا هاد لو الشب عنده شوية تفكير اما بالنسبة للبنت يلي بتفتح علاقة مع شب معين معناها هي ماعندها بعد نظر لوين ممكن هالعلاقة توصلها يعني احتمال كبير انها تعمل اشي غلط وحرام يعني على مستوى انها تحاكي شب بدون ماتشوفه هيك بتكون ارتكبت اثم وعدا عن ذلك ممكن ييجيها عريس افضل من حبيبها وبهاي الساعة لابتقدر توافق ولا بتقدر ترفض لانها لو وافقت على العريس الجاهز يلي جاييها على سنة الله ورسوله رح حبيبها يعترض وممكن يحول بينها وبين زواجها عقابا الها لانها خانته وممكن اذا حبيبها كان منيح وكويس ومافضحها قدام عريسها ممكن هي تظل تحن اله خاصة وقت ماتصير مشكلة بينها وبين جوزها مستقبلا وممكن انه لما ييجيها عريس وتوافق عليه فبهاي اللحظة ممكن حبيبها يعبي راس خطيبها عليها ويزيد حكي واكاذيب ويبالغ ، وفعلا خطيبها يفسخ الخطوبة وبهاي الساعة بتكون خسرت الحبيب والعريس .. فبلاش فتح الابواب المغلقة على انفسكم ياشباب ويابنات ووجع قلب وراس .. وخلي مخافة ربنا فوق راسكم وبلاش من هاللف والدوران احسن نصيب هو يلي على سنة الله ورسوله بدون سوابق لامن الشب ولا من البنت اريحلكم ، لانه والله قصص وجع القلوب كتير كتير صار بمجتمعنا واكتر المشاكل هي عن قصص الحب السخيفة .
الله الموفق |
31-12-2014 01:47 PM
دلع الخالدي التبليغ عن إساءة |
9 - |
شكلك ياصاحبة المشكلة عندك كبت على حال مجتمعنا وفعلا كان وصفك وصف دقيق للاشياء يلي بتصير بمجتمعنا .
|
31-12-2014 01:49 PM
اريج التبليغ عن إساءة |
10 - |
كلنا حبينا
|
31-12-2014 01:49 PM
كلنا حببينا التبليغ عن إساءة |
11 - |
فعلا انك ياصاحبة المشكلة انسانة واعية وفهمانة ، وهاي المشكلة بتخص الفئة الكبرى من الناس متل ما انت شايفة .
جزاك الله خيرا على كتابتك . |
31-12-2014 01:57 PM
ام تقى التبليغ عن إساءة |
12 - |
ههههههههه انا عنجد مرة حبيبتي سالتني : بترضى على اختك تحاكي شباب ؟ انا كان ردي تماما متل ما قلتي ياصاحبة المشكلة ، انا قلتلها لو في شب خلوق مثل اخلاقي وبده يحكي مع اختي انا بهاي الحالة رح اسمحلها تحاكيه .
يعني صحيح انه كلامك فيه توبيخ للشباب نوعا ما بس برضه في كلام منطقي . |
31-12-2014 02:27 PM
الزير سالم التبليغ عن إساءة |
13 - |
هاي مشكلة اجتماعية وعنجد موجودة بمجتمعاتنا ، بس موجودة اكتر بالمجتمعات القروية اكتر من المجتمعات المدنية ، وعنجد هيك معظم الناس تفكيرها متناقض وغير منطقي عادة ، يعني مثل ما قلتي كيف الشب برضاش على اخته تحب مع انه هو قدوتها وبيغلط نفس هالغلط بتلاقيه بحاكي بدل البنت عشرة .
كلامك صائب |
31-12-2014 02:31 PM
ابو ايهم التبليغ عن إساءة |
14 - |
مابتسمعي باشي اسمه : اتفق العرب الا يتفقوا ؟
يعني احنا متى مابدنا بنعمل الشي غلط ومتى مابدنا بنعمله صح على حسب هوانا ، كله بناقض بعضه يعني بتشوفي حدا بحط عادات وتقاليد متل مابده وبيمشي عليها وبتلاقي التاني نفس الشي على حسب هواه بحط عادات وتقايد متل مابده ، وانت بتروحي على الحلف يلي بدكياه . والطريف بالموضوع انه في عادات وتقاليد واعراف سائدة متفق عليها غالبية افراد المجتمع ، لكن المشكلة انها هالعادات والتقاليد بالاصل غلط هههههههههه مزبوط كلامي ؟ |
31-12-2014 02:36 PM
الى صاحبة المشكلة التبليغ عن إساءة |
15 - |
هي كلماتك في منها ، بس شغلة انه مجتمعك ذكوري هاي شغلة عفا عليها الزمن ، ومش على كل المجتمعات بتقدري تعممي كلامك ، يمكن البيئة يلي انت عايشة فيها هيك تفكيرها متناثض وبتلاقي الشب مامعه ولا فرنك ومتشبث باحبال الحب او متل ما بتقولي انه بتلاقي الشب بيفتح علاقات محرمة ومع ذلك بحرم هالاشي على اخته لانه مافي فوقه سلطة تمنعه من الغلط ، فهذا الشي على حسب البيئة يلي انت عايشة فيها ، ومش كل الناس متل ما انت بتحكي .
|
31-12-2014 02:41 PM
ابو رجاء التبليغ عن إساءة |
16 - |
بدل هالحكي اللي ما في منه فايده أبداً ...اقراي شغلة مفيدة تفيدك دنيا وآخرة ..والله هذا هدر للكلام لو مني ومن ....لأفرض ضريبة على الحكي الفاضي ...يا الله شو رح نجمع مصاري ونسدد المديونية ...
|
31-12-2014 02:56 PM
...مني ومنك التبليغ عن إساءة |
17 - |
شو المطلوب منا ياصاحبة المشكلة ؟ انا شب و حر بدي اضحك عبنات الناس واستميل قلوبهن وبس اوخذ حاجتي منهن رح ارميهن للشباب الثانيين .
ليش البنات يردن علينا ؟ بستاهلن ماحدا ضربهن على ايديهن وحكاهن يردوا على اكاذيبنا . البنات هن الغلطانات ومجتمعنا ذكوري ورح يظل ذكوري للابد . ريحي حالك ولا تتعبي حالك مرة ثانية بكتابة مجلد طويل عريض لحتى تفرجينا الصح من الغلط ، خلي كلامك لنفسك ، وخليكي فضفضي لنفسك لاتفضفضيلنا . |
31-12-2014 02:59 PM
انا شب التبليغ عن إساءة |
18 - |
بس على الله الناس تصحى من السبات يلي هي فيه
|
31-12-2014 03:00 PM
الزمرد التبليغ عن إساءة |
19 - |
انا بحاكي حبيبي بدون علم اهلي ، اما خواني بحاكوا حبيباتهم امامي وانا بتفرج متل الهبلة .
عنجد انهم خواني مابيستحوا على حالهم لانهم بحاكوا البنات قدامي ، ليش انا ماعندي مشاعر ؟ صح اخواني قدوتي ؟ بيستاهلوا كماتدين تدان |
31-12-2014 03:03 PM
ليلى التبليغ عن إساءة |
20 - |
قلما تشوفي حدا فهمان متلك ياصاحبة المشكلة
|
31-12-2014 03:04 PM
لبنى التبليغ عن إساءة |
21 - |
هههههههههههه انت بتوصفي اشياء عنجد موجودة بمجتمعنا لانه عنجد هيك الشباب بجاوبوا حبيباتهم انه إذا في شب متل اخلاقي رح اسمح لاختي تحاكيه ههههههه
والله انك جبتيها عالوجع |
31-12-2014 03:07 PM
ههههههههه التبليغ عن إساءة |
22 - |
لا والاكتر من هيك انه في شباب بقولوا لحبيباتهم انا بغار عليكي من اخوكي هههههههههه ومابيعرف انه لو اخوها يعرف عنها انه رح يبهدلها هي وحبيبها
|
31-12-2014 03:08 PM
-------- التبليغ عن إساءة |
23 - |
تعليقاتك حلوة بس احيانا فيها نوع من المسخرة على وجهات نظر الناس وا على اصحاب المشكلة
لا تفهمني غلط بس اختلاف الاراء مابيفسد للود قضية تحياتي يا احلا عندليب |
31-12-2014 03:11 PM
الى العندليب التبليغ عن إساءة |
24 - |
كل الاحترام والقبول لوجهة نظرك صديقي لكن ..!!
لا مانع في بعض الاوقات قليلا من المرح والهزل ( ليست المسخرة) لاضافة تلك النكهة اللذيذة اللتي ربما تخفف من وطأة الهموم والمشاكل ..... ازكى تحية لعيونك اضحك خلي الدنيا تضحكلك |
31-12-2014 04:06 PM
* العندليب * الى العندليب التبليغ عن إساءة |
25 - |
التناقضات هاي يلي بتحكي عنها موجودة بالمجتمع القروي فقط لاغير
هههههههههه |
31-12-2014 04:28 PM
هبله التبليغ عن إساءة |
26 - |
كلامك عن العندليب صحيح ياتعليق 23
|
31-12-2014 04:28 PM
الى 23 التبليغ عن إساءة |
27 - |
انا حبيت شباب كتير بحياتي وعنجد كان اكتر من شب على تلفوني بس المشكلة اني كنت بس اطلب منهم يخطبوني كان كل واحد فيهم يتهرب او يحكي انا هسا معيش مصاري او يتحجج بحجج تانية بمعنى آخر طلعوا كلهم كذابين .
شو بدي اعمل لحتى أئمن مستقبلي انا غصب عني بدي اتصيد الشباب لانه بصراحة ما اجاني ولا عريس . |
31-12-2014 04:43 PM
نور الهدى التبليغ عن إساءة |
28 - |
يبدو انك ياصاحبة المشكلة بتعاني ومن زمان نفسك تحكي وتففضي عن مكنوناتك . مبين من طريقة كلامك انك نفسك تفهمي الناس شغلة بس مش قادرة يعني مبينة انك عنجد بتعاني من السكوت والكبت، لانه كلامك طويل كتير
|
31-12-2014 04:45 PM
بتهيألي التبليغ عن إساءة |
29 - |
الحكي يلي بتحكيه صاحبة المشكلة صحيح .
عنجد كل الشباب بحاكوا بنات بس مش كل الشباب بوفوا بوعدهم ، وانا بحكي لكل شب من هالنوع انه يلي معهوش مابيلزمهوش. |
31-12-2014 04:51 PM
الى الكل التبليغ عن إساءة |
30 - |
ولا أستفدت أشي من اللي حكيتيه ولا ضفتي أشي جديد... مشكلتلك الوحيدة بتفكري حالك فلتة زمانك ومكتشفة أكتشاف عظيم.. يا بنت الناس هذا الواقع أصبح معروف عند المعظم من زمان وما تتوقعي أنه الناس غبية وما بتفهمي ...
|
31-12-2014 05:03 PM
lewel التبليغ عن إساءة |
31 - |
اهداء الى:
كل طاقم سرايا والمحرر النشيط و محب فلاتلوموني ـ اسماعيل ـ الحلالكة ام تقى العندليب الزير سالم ابو رجاء هبله القبطااان اريج الزمرد ليلى سواليف حصيدة مهند صمادي انسى وشجع النمسا نصيحة لينا واقعية هديل ابو ايهم ورد الحمزات لبنى مجنوووون راقية ابو لينا منتهى ام عبد الله رنا حماده همسة ايمانية راما عاشق عراب صاحب السعادة دلال هاله مراد الامير و صاحبة المشكلة وجميع قراء سرايا بدون استثناء والعالم العربي والاسلامي واكيد اهلي وقرايبي وكل معارفي وخطيبي طبعا تاج راسي جميعكم بحكيلكم كل عام وانتم بالف خير وان شالله تكون سنة ال2015 عليكم كلها خير وبركة تحياتي دلع الخالدي |
31-12-2014 05:54 PM
دلع الخالدي التبليغ عن إساءة |
32 - |
اولا مسا الورد للكل فردا فردا ثانيآ .... شو نعمل ذبحتنا المسلسلات التركيه يعني بنات المدارس صارآ يعاكسونا بالصفوف الاعداديه وكل وحده معها تلفون مخفي.. وشوف المصايب تالي اليل ،الله يستر علينا
|
31-12-2014 06:02 PM
مجنووووووووون التبليغ عن إساءة |
33 - |
فاطمة الزهراء
ماسا مسافر لوحدي العميد عادي لاتزعلوا مني لاني نسيتكم برهة ، بس والله كتر مافي اصدقاء عندي بموقع سرايا ،الواحد غصب عنه بده يضيع ، فكل عام وانتم بخير ، واعذروني عالنسيان بس اذا انكم رحتوا عن بالي شوي مش معناها رحتوا عن قلبي انا دلع |
31-12-2014 06:09 PM
دلع الخالدي التبليغ عن إساءة |
34 - |
المسلسلات التركيه زادة الطين بله
|
31-12-2014 07:45 PM
مجنوووووووووووون التبليغ عن إساءة |
35 - |
وين تعليقي ؟
|
31-12-2014 09:21 PM
الى سرايا التبليغ عن إساءة |
36 - |
ي هلاااااااااااااااا بالعنددددليب ي مرحبا.....ااااااامين الله يسمع منك ي رررب ........وربي يوووفقك بحياااتك وبدنيتك كله امين ي رررب
|
31-12-2014 09:58 PM
الحلااكله..العندليب التبليغ عن إساءة |
37 - |
ما علينا الله يهديك يا بنت
|
31-12-2014 11:06 PM
اوسكار التبليغ عن إساءة |
38 - |
كل عام وانتم بألف خير... الاخ والصديق العندليب اتمنى من الله ان تكون سنة خير وبركه ومليئه بأسباب السعادة لك خصوصا ولجميع القراء والمعلقين ...
الى الاخت صاحبة المقال ... للأسف اصبحنا نعيش في مجتمع شبه منحل .. كله بيتسلى بكله و كله بيضحك على كله ... وكل واحد ماشي خلف مصلحته فقط.. يعني اﻻمور صارت خربطيطه. |
01-01-2015 02:05 AM
صاحب السعادة التبليغ عن إساءة |
39 - |
ألله يسعدك يادلع مع خطيبك وينور دربك حبيبتي دلع .
إن شالله وانت بخير ياعمري |
01-01-2015 02:33 AM
اريج الى دلع الخالدي التبليغ عن إساءة |
40 - |
سنة خير على الجميع وعلى العندليب ودلع
والله يسمعنا الاخبار الطيبه بهالسنه " |
01-01-2015 05:09 AM
واقعيه التبليغ عن إساءة |
41 - |
أنا هي صاحبة المشكلة.
ههههههه أصلا أصلا العيب والعار إنكم تكونوا عارفين هالإشي وساكتين ههههههههه قال بتحكي إني ماجبت إشي جديد ههههههه منا بعرف إني ماجبت إشي جديد بس أنا سؤالي إنه ليش الناس بتغلط وبتظل ساكتة عهالغلط ؟؟؟؟!!!! ههههههههه عنجد إني بضحك من قلبي |
01-01-2015 12:50 PM
الى lewel التبليغ عن إساءة |
42 - |
السلام عليكم
بالنسبة للموضوع هذا فهو كبير وحساس اول شغلة الواحد فينا الي بقبله على حاله يقبلوا على الناس بعدين هاي الشغله بتنحل بمجتمعنااذا كان هناك أخلاق يكون الواحد فينا ذكر او انثى يخاف الله بقبيله اما بالنسبة الك اختي العزيزة اسئل الله العظيم رب العرش العظيم انه يكفيكي شر اولاد الحرام ويكتبلك من الخير ما لا يخطر ببالك |
04-01-2015 12:33 PM
نبيل المزمني التبليغ عن إساءة |
43 - |
أنا معك بكل كلمة وبكل حرف بتقوليه ، مجتمعنا كله بناقض بعضه وكل واحد بيمشي على هواه..
|
08-01-2015 02:17 AM
الى صاحبة المشكلة التبليغ عن إساءة |
44 - |
السلام عليكم ورحمة الله وبركاته
المراه هي اساس المجتمع اذا صلحت صلح المجتمع واذا فسدت فسد فالمراه هلي الام ،الزوجة والمربية مشكلة البنات عدنا بالاردن الغيره بتلاقي البنت بدها تتزوج .. وهذا حق مشروع لا يوجد سعي بالنسبة للبنت بالزواج ولكن يجب ان تصبر وتنتظر نصيبها وحتى اللي ما بدها تتزوج بدها عرسان يجو لعندها وترفض وتتباهي بلاقي الوحدة بتعطي عين للشباب وبترن على الشباب انها مخربطة بالرقم .....الخ ايتها المراه اتقي الله فقط |
22-01-2015 09:45 AM
وائل قطيش التبليغ عن إساءة |