تحدثت مع شاب عبر الهاتف و تعلق في و تركته و الان بهددني .. ماذا أفعل ؟

11-12-2014 02:45 PM

تعديل حجم الخط:

سرايا - سرايا - مشكلتي هي انو في شب حكيت معه مده قصيرة وحبني واتعلق فيي كثير وتركته بعدها بشهر لاني تذكرت ربنا وما ارتحتلو من هداك الوقت لليوم وهو يحكي بعرضي ويعمل ايميلات على الفيس ويبعثلي وانا احضره ما حكيت معه ولا كلمة من هداك الوقت احنا عايشين بقرية محافظة وكلنا نعرف بعض واكثر صاحبه الي وثقت فيها واحكيلها كلشي طلعت مشتركه معه بالقصه وهي اللي تحكي عني كل هالحكي وتوصله اخباري اكتشفت هالشي من جديد وتركتها وصار عامل اكتر من 10 ايميلات وهو يبعثلي مسجات واحضره والله العظيم تعبت وخايفه كتير منو وقبل شوي بعثلي مسج يهددني انو اذا حضرته او ما رديت رح يخرب بيتي وحضرته وما رديت على حكيه والله العظيم خايفه وتعبت كثيير ودايما ادعي ربنا يبعدو عني وانا ايماني الحمدلله قوي اصلي واقرأ قران واقيم الليل وكل السنن بس مش عارفه ليش هيك يصير معي وما اقدر احكي لأهلي لانهم معطيني كل الثقه وانا عارفه اني غلطت وقبل كم يوم بنت حلمت فيي وانا شايفه انو نفس الحلم قاعد يصير .. اذا عندكو حل احكولي واذا ما عندكو ادعولي من قلب

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 77357


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	11-12-2014 02:45 PM سرايا
2 -	على كل الجهات ازا ما غلطتي لهﻻ معه رح تغلطي اذا رجعتيلو ف انا اقول ازا بحبك يطلبك وغير هيك ماترجعيي تامنيه عﻻ حاللك	11-12-2014 03:10 PM طﻻل العبادي التبليغ عن إساءة
3 -	اختي الكريمه انتي وحسب منشورك لم تقابليه او تجلسي معه او بعثتي له صورا وعليه ليش انتي خايفه احكي لوالدتك عنه وهي تتصرف بطريقتها المتزنه فقط بدون شوشره اما اذا كنتي قد جالستيه وطلعتي معه فهنا يجب ان نعرف حيث انك تقولي يهددني فما هي وسيلة تهديده اي سلاحه هل ماسك عليك ممسك الصوره غير واضحه وبما ان المرض غير واضح لا يستطيع الطبيب المعالجه الصحيحه	11-12-2014 03:12 PM رقيب التبليغ عن إساءة
4 -	الحق عليكي وواضح لا غبار فية -لماذا تتركية ولماذا تعلقية بكي ومن ثم تتركية الى الهواء عودي لة فورا افظل من اي تطور قد تندمي علية	11-12-2014 03:40 PM مهند الصمادي التبليغ عن إساءة
5 -	يقول عليه السلام :"إنَ لله ملائكة سيَاحين في الأرض يُبلَغوني من أُمَتي السلام". إخوتي ...أكثروا من الصلاة على الرسول عليه السلام وعطروا أفواهكم بالسواك وتلاوة سورة الكهف ...تقبل الله منكم ..وصل اللهم على محمد وآله وصحبه	11-12-2014 04:45 PM همسة إيمانية ...الجمعة التبليغ عن إساءة
6 -	حسب تورطك معه يكون الحل فإن كان كما تقولين فقط كلام فاطلعي أهلك كي يسكتوه وان تورطت معه اكثر فاجعلي احد كبار العائلة يتدخل وخوفه ويهدده ................. المهم لا تعودي له ولا ترضخي لتهديداته .............سلمك الله .	11-12-2014 07:13 PM ورد الحمزات التبليغ عن إساءة
7 -	الحل الي انتي عملتية بانك تركتية يعني انتي غلطتي وحليتي مشكلتك بس المهم لا تضعفي وترجعيلة لانه اصلا لو فعلا يحترم العلاقة الي كانت بينكوا كان احترم قرارك وخاف عليكي لا تضعفي وتغلطي برجعتك اله وحطي مخافة الله بين عيونك واشتري حالك وحافضي على سمعتك وسمعة اهلك	11-12-2014 07:14 PM القيصر التبليغ عن إساءة
8 -	يا بنتي لا تخافي ....وشو ارجعيله يا مهند بدك تخرب بيتها ؟؟؟ هاد واحد نذل اكسبي اهلك واحكي لامك وهي بتتصرف بس لا تخليه يتحكم فيك لانه جبان وعارف انك خايفه عم يستغلك---انتبهي اوعي تخافي منه .. ابعدي عنه وتعلمي لاتعيديها مره تانيه -لانه الشباب بضحكو عالبنات الى بده اياك هاي بيت اهلك وباحترامك ---البنت الصح عينها قويه ومابتخاف من اي شب بالعكس بتمنوها الشباب المحترمين--الله يوفقك	11-12-2014 07:15 PM ام غيوره التبليغ عن إساءة
9 -	للتصحيح انا ما حكيت معه على الهاتف . القصه انو جاب ايميلي على الفيسبوك من بنت وبدا من وقتها يبعثلي .. وما حكيت معه غير هيك ولا طلعت معه او قابلته	11-12-2014 07:59 PM صاحبة المشكله التبليغ عن إساءة
10 -	اتركي النت ع اﻻقل هاي الفترة وغيري رقم تلفونك...	11-12-2014 08:42 PM بسمة التبليغ عن إساءة
11 -	بلغي عنه الشرطه 911راح يمسحولك فيه الارض	11-12-2014 11:21 PM بنت مأدبا التبليغ عن إساءة
12 -	بخصوص البنت الي جاب ايميلك منها خذي حذرك منها مش بس منها من الكل والغي صفحتك على الفيس فترة من الوقت واعمليلك ايميل جديد وﻻ تثقي بحدا ونصيحة الك لا تردي عليه ولو كلمة لانه راح يفهم انك بلشتي تضعفي واهم اشي كوني حذرة ولا تثقي بحدا لانه يمكن يعرف اخبارك من شخص ما تتوقعية	12-12-2014 12:45 AM القيصر/صاحبة المشكلة التبليغ عن إساءة
13 -	اسمعي يا ختي الغي ايميلك والفيس بوك وكل وسائل الاتصال الي بتخليه بتواصل معك ويرسلك مسجات واعتبري حالك ما عرفتيه وخليكي قويه لو فرضا اتعرضلك بشارع اشلحي الي برجلك وبنص وجهوا وخليه عبره لغيره مش لانك حكيتي معوا ايميلات يفرض حالوا عليكي كل الناس بتحكي مع بعض وبعملوا جروبات وهمه ما بعرفوا بعض وبيحكوا مع بعض يعني الي سويتيه بهاد الزمن شي عادي يعني مش هالغلطه الكبيره لا تسمحيلوا يتمادی ويضغط عليكي	12-12-2014 02:19 AM ام وسيم التبليغ عن إساءة
14 -	ههههه إعماي ايميل ثاني واتركي ايميلك وطز فيه ما دام انه ما بيعرفك إلا على النت يلعن ابو النت عالنتيت ههههه	12-12-2014 09:03 AM خابور التبليغ عن إساءة
15 -	الغي حسابك	12-12-2014 02:37 PM طير شلوى التبليغ عن إساءة
16 -	والشغله كله مو مستاااهله ل الشرطه ولا لشي......مهند الصمادي انا احترم رايك بس مو لازم ترجعاه ابدا.....ززلانه لو بجد يحبه ما كان يهددها	12-12-2014 02:39 PM الحلاااااا التبليغ عن إساءة
17 -	الحل انه تتركي علاقاتك بالنت كله وتغيري رقم جوالك احسن الك.......وخذي حذرك من البنت وهدديها	12-12-2014 02:47 PM الحلاااااااااااااا التبليغ عن إساءة
18 -	الشلغه كلها بسيطه مو مستاااهله الشرطه ولا شي..........انا احترم رايك مهند الصماااااادي ........بس الصحيح مو لازم ترجعله فورا ولا شي لانه لوبجد يبيهااا كان ما هددها ويبي يفضحهااااا	12-12-2014 02:48 PM الحلاااااااااا....احترم رايك مهند الصمادي التبليغ عن إساءة
19 -	حبيبيتي مشكلتك عاديه بس لا تدخلي ع ايميلاتك ولا ع اي شي وغيري رقم جوالك اذا بيعرفه.....وخذي حذرك من البنت..الايام هاي لا تثقي بحدا ابداااااااااااااا...... لان ما في ثقه هالاياه هاي	12-12-2014 02:52 PM الحلاااااااااااا التبليغ عن إساءة
20 -	ماشي انتي غلطي وكل انسان معرض للخطا وخير الخطائين التوابون بس اهم شي انك لا تخافي ولا تضعفي امسحي اي وسيلة تواصل معو وديري بالك من صاحبتك الخبيثة لعلمك مش رح يقدر يعمل اشي بس لا تكرريها مش كل مره بتسلم الجره .	12-12-2014 05:45 PM nawal التبليغ عن إساءة
21 -	الغي ايميلك وخليه شوي بزهق لحاله	12-12-2014 06:47 PM واحدة قرفانه التبليغ عن إساءة
22 -	صح كامك طلا العبادي...........حلو رايك ام غيورة..........واحترم رايكم جميعن.........بالتوفيق حبيبتي	12-12-2014 06:57 PM الحلااااااااا التبليغ عن إساءة
23 -	كيف محافظه وتقومي الليل (وبتحكي مع عاها ) ما علينا انسي ولا تردي ولا راح يسوي شي	13-12-2014 03:08 AM اوسكار التبليغ عن إساءة
24 -	اختي بالله حتى لو لغيتي ايميلك وغيرتي رقم تلفونك رح يرجع يهددك .. نصيحتي اذا في شب في العيله بتثقي في ويكون صاحب عقل وليس عضلات احكيله وفهمي الموضوع وخلي يهدده ويخوفه.. اسال الله لكي االهدايه وتيسير الامور وراحه البال ...	13-12-2014 07:20 AM دنيااااا التبليغ عن إساءة
25 -	مشكلتك مع صاحبتك (وهي بتعرفك) اللي سلَطت الشب عليك حتى تنتقم منك بتشويه سمعتك (ليش؟) موقف سيء بينكم أوغيرة وحسد ؟؟؟...لازم تصلحي الامور مع صاحبتك (انتي وهي والشب اولاد قرية وحدة) والناس بتعرف بعض !!!وخليها تحت عينك مع الحذر منها( ومن غيرها )وهيك بخفَ تاثيرها على الشب وبكف بلاه عنك .....وما دمتي متدينة إذا تواصلك مع الله ورسوله وأهلك وخوفك عليهم يُغنيكي عن مواقع التواصل التافهة اللي خرَبت بيوت وأزهقت أرواح ...وتذكَري" قوله تعالى إنَ الله يدافع عن الذين آمنوا"	13-12-2014 09:05 AM احذر عدوَك مرةً ....واحذر صديقك ألف مرَة التبليغ عن إساءة
26 -	اختي العزيزه : إن تقوى الله و مخافته هي مفتاح الفرج لكل ما يدركه الانسان و يتمناه و لا بد من ان نضع نصب اعيننا ان الاتكال على الله سبحانه و تعالى دائما ما يفتح علينا ابوابا مغلقه لم نكن ندرك ابدا انها سو تفتح يوما ما ، لذا اختي العزيزه نصيحتي لك استشيري اهلك و الاكبر منك سنا و كوني دائما في الطريق السليم و لا تضعي نفسك في مكان يجعلك عرضه للخطا و الذنب ، و اذا كان يريدك صحيح في الحلال لا بد من تطلبي منه ان يتقدم فعليا لكي و و امام الناس جميعا حتى يبارك الله لكما في الحلال ، و قبل ذلك يا عزيزتي و الاهم من ذلك لابد عليكي من ان تصلي صلاة استخاره حتى تكون مشورة الله سبحانه و تعالى هي الحل و هي مفتاح الفرج لكل الامور . بارك الله فيكي و جزانا و اياكم كل خير .	13-12-2014 11:57 AM omar nammour التبليغ عن إساءة
27 -	الحل انو تنسي من قلبك وعقلك ولاتفكري في واذا وصل للعرض ما الك غير الشرطة وخبري امك وابوكي بالموضوع وبانك ما تعرفيي وخبريهم انو صاحبتك كانت توصلو صور او اي اشي ثاني	13-12-2014 12:57 PM نصار التبليغ عن إساءة
28 -	إللزمي الاستغفار أعظم مشكلة بتنحل بالاسغفار وكوني متيقنة إنو ربنا راح يفرجها عليكي ولا تنسي تلغي جميع وسائل الاتصال	13-12-2014 03:46 PM ايمن ابوصقر التبليغ عن إساءة
29 -	الي عبر الأثير مالوش تأثير انسي	14-12-2014 12:32 AM راما التبليغ عن إساءة
30 -	صلي الفجر وافتحي اديكي الى السماء وادعي عليه ... هناك رب لايغفل ولا ينام	14-12-2014 06:43 AM صح صحيح التبليغ عن إساءة
31 -	ابعثيله هل الحكي مني.... لا تتلاعب بفتاة انحنى ظهر ابيها لتصل الى ما هي عليه فتهدم ما بناه فسيكون لك بناء يهدمه احدهم ذات يوم	14-12-2014 07:22 AM ابو جاسم التبليغ عن إساءة
32 -	عزيزتي اتركيه ولا تدري عليه برسائل او تهديد اوتحذير وغيري صفحتك على الفيس واعتزلي النت شهر وان شاء الله رح يزهق وينساك والله يقويك ويبعد عنك اولاد وبنات السوء	14-12-2014 10:16 AM محمد الناصر التبليغ عن إساءة
33 -	انتي اقلبي الطاوله عليه و خوفيه و احكيله انا مش مقطوعه من شجره و انا بنت عالم و ناس و اي محاوله انك تتقرب مني او تحكي معي رح اخبر اهلي بكل اشي و احكيله انا تبت لرب العالمين و ما برجع احكي مع شب لو شو بصير بالدنيا .	14-12-2014 05:50 PM صمادي التبليغ عن إساءة
34 -	السبب الوحيد هو البعد عن الله أختي أدعو الله في الثلث الأخير فإن الله يقول هل من داعي فاستجيب له اللهم انك أعلم بحالها يارب يارب يارب اعرف عنها شرهاذا الذئب البشري اللهم أسرتها فوق الأرض وتحت الارض ورم العرض عليك	14-12-2014 10:42 PM أبو يوسف التبليغ عن إساءة
35 -	اللي اعملتيه احسن اشي انك تركتي هذا الشخص وتركتي العمل الحرام، واذا هذا الانسان كويس يجي ويطلب ايدك بالحلال من اهلك وراح يسألوا عنه، واذا مو منيح ما راح يوافقو وراح يساعدوكي بالتخلص منه، وصاحبتك هاي مغيوره منك علشان هيك عملت اللي عملته، لانه الاصدقاء ما بجيبو المشاكل لبعضهم، وانتي الظاهر بنت محترمه واهلك محترمين لا تغلطي غلطه تندمي عليها وتنزلي راس اهلك بعدين، وبكل الاحوال اطلبي من الله الخلاص منه. والله يبعدك عنه وعن اي عمل حرام.	15-12-2014 08:47 AM المهندس التبليغ عن إساءة
36 -	حلو كتير هذا من اولها عرص لا تخافي ما دام ما مس شئ من جسدك حتى بعتي له صور عادي لا تخافي هو جبان لانه الله معك خلي يهدد لطيزي انا واهم مافي الموضوع من الان سجلي كل مكالماته او غيري الخط وتي شئ الامن العام رجال اشراف راح يساعدوكي الدنيا لسه بخير	16-12-2014 10:51 AM الفهد التبليغ عن إساءة
37 -	هي الشغله بطيخ مليح تذكرتي ربك يعني الشغله اميت ما بدك بتتذكري ربك واميت ما بدك بتنسيه روحي استغفري الله احسنلك من الشباب ويوم الشباب مع العلم انا شب	19-12-2014 11:18 PM من الخصاونه التبليغ عن إساءة
38 -	الحق عليك إنت بالبداية ليش تفتحي مجال لهالأشكال تحاكيك؟ وواحد بحكي بعرضك معناها هو مابحبك ولو عنجد بحبك كان ماهددك.	26-12-2014 07:49 AM أريج التبليغ عن إساءة
39 -	حتى لو عنجد أجاك على سنة ألله ورسوله ! هل إنت بتوافقي على واحد هامل؟ بظل يهددك؟	26-12-2014 07:50 AM لينا التبليغ عن إساءة