"أخو زوجي" و اولاده دمروا حياتي .. ما الحل ؟

09-12-2014 04:48 PM

تعديل حجم الخط:

سرايا - سرايا - انا امرأة متزوجه من ابن خالي وعندي بنت وكنا عايشين مع أهل زوجي في بيت أهله 'بيت العائله' وعنده إخوان ومتزوجين وكلنا ساكنين في نفس البيت ..

صارت مشاكل بين الكناين بسبب الاطفال وغيرها.. ولهيك قرر خالي ' ابو زوجي' يبيع البيت ويشتري قطعه ارض كبيره ويوزعها على اولاده وكل واحد يبني له شقه عليها.

فرحنا بهذا الحل وبعنا البيت واشترينا ارض

وفعلا بنينا كل واحد بيته الخاص ما عدا اخو زوجي الاكبر منه ..وقال انا مامعي فلوس ابني بيت حاليا الا بعد شهرين تطلع لي سلفه وابني البيت ..

ولهيك قرر يسكن معنا في بيتنا هو وزوجته واطفاله الثلاثه !!

مرت الشهور وصار موضوع البناء مسمار جحا.. ويضلوا يقولوا ما طلعت لنا السلفه..وبنحاول ندبر قرض ..ومش عارفة شو ..

والمشكله اطفالهم لا يطاقون.. خربوا كل شي في بيتنا.. الابواب والشبابيك وكل شي جديد دمروه ..

وضربوا بنتي وانا 24 ساعه مخنوقة في الحجاب بسبب وجود اخو زوجي بالبيت ..

وزوجي متنكد من لبسي الطويل والحجاب وصار يتحجج علي بالمشاكل ..

والمشكله مش قادرين نطردهم لأن لهم افضال كتير علينا وما بدنا يطلعوا زعلانين.. بس هم عندهم سياره - اخر موديل - يقدروا يبيعوها وبينوا بيتهم .. بس ما بدهم يبيعوها ..وبيحكوا كيف نعيش بدون سياره ؟؟

انا صرت افكر نترك البيت ونروح نسكن ايجار بسببهم لأن زوجي صاير عصبي وحياتنا صارت كلها مشاكل

ارجوكم ساعدوني شو الحل ؟

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 63334


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	09-12-2014 04:48 PM سرايا
2 -	مشكلة قديمة وكتبت يومها الحل المناسب	09-12-2014 05:07 PM ورد الحمزات التبليغ عن إساءة
3 -	مرحبا انا مريت بنفس التجربة تقريبا بس حسيبتها بعدين يا عيلتي وسعادتي او التضحية والحكي الفاضي هاد. شوفي اول شي ارمي شغل البيت عل سلفتك وعامليهم متل الخدم بس مو قدام جوزك . تاني شغلة مننيها انهم ساكن عندكم وسمعيها عل الطالعة والنازلة. وكل شوي قدامها صيري امدحي بجوزك واحمدي ربنا انو عندك بيت. ساعيتها والله لتخلصي منهم باقل من اسبوع . عشان سلفتك راح تضل ورا جوزها لتستقل . اشتغلي شغلك وما تخافي وبتشوفي كيف.	09-12-2014 06:05 PM سام التبليغ عن إساءة
4 -	لرحيل من البيت	09-12-2014 06:54 PM 341234 التبليغ عن إساءة
5 -	ألله يكون بعونكم . عنجد إنها مشكلتك مشكلة،بس الحق عليك إنت ليش ما إنك اشترطت من البداية إنك تسكني ببيت مستقل؟ ماحدا هاي الأيام بيسكن مع أهل الزوج ،إذا عمستوى ماما يلي هي ماما الكبيرة من بداية زواجها سكنت ببيت مستقل . إنت بيطلعلك وبحقلك تطالبي زوجك ب سكن مستقل وملائم ، ولازم إنك تشعري بيت سلفك بإنهم يزوقوا عحالهم . شو هاد والله غرباء ، قال سيارة آخر موديل ومش لاقيين بيت يسكنوا فيه!!!! شر البلية مايضحك	09-12-2014 07:50 PM دلع الخالدي التبليغ عن إساءة
6 -	اختي ما بتعرفي انه الحمو الموت كما قال رسولنا الكريم والباقي عندك	09-12-2014 08:48 PM دموع الورد التبليغ عن إساءة
7 -	بدنا نسير ب2015 في حدا لهلأ بيسكن مع اخوه ولا ابوه...بعدين انتي اصلا كيف بقبلي بهيك وضع	09-12-2014 08:54 PM سرى التبليغ عن إساءة
8 -	مسا الخير عليكم	09-12-2014 09:00 PM ماسا الحساسه التبليغ عن إساءة
9 -	بسم الله الله الرحمان الرحيم .............. والله يا اختي مشكلتك حلها هو الابتعاد باسرع وقت لانه يظهر الامور متعبه جدا وضغط الحريه وفي بيته والله قاسيه جدا والا سيحدث ما لا يحمد عقباه وكل التوفيق	09-12-2014 09:13 PM جاسر شواشره التبليغ عن إساءة
10 -	هذا الشخص مابستحي -- كيف راضي يسكن معاكم-- انا لاافهم كيف عائلتين في بيت واحد -- والحق على هبل جوزك -- ان مش عارف كيف عايشين -- كيف بتقعدي --كيف بتنامو -- هاي مش عيشه -- اعتقد لا جوزك بفهم ولا الثاني بستحي--	09-12-2014 09:19 PM ==انور== التبليغ عن إساءة
11 -	ول ول وااال -- اخو جوزك شو تقيل دم --والاطقع منه جوزك -- بعدين مش شرط يعمر --الان يستاجر --وبعدين على مهله يعمر -- خلي جوزك يصرح اخوه ويقلو حل عني مشان الله	09-12-2014 09:32 PM مقهووور التبليغ عن إساءة
12 -	الضيق بالقلب...	09-12-2014 09:33 PM مجنووووووون التبليغ عن إساءة
13 -	البيوت اسرار وهذا التصرف غير لائق لا من جوزك ولا من اخوه -- انا مش عارف كيف عايشين حوالي عشره في بيت واحد-- واكيد الحمام مشترك والمطبخ مشترك وكلشي مشترك -- بصراحه مش عيشه زوجيه الحل يستاجر ---ويفك عنكم اذا بستحي	09-12-2014 09:56 PM مستاء التبليغ عن إساءة
14 -	عرضتي مشكلتك سابقا ... واقترحنا عليك حلولا..	10-12-2014 01:40 AM صاحب السعادة التبليغ عن إساءة
15 -	مشكلتك حكيتيها قبل هالمرة الحل إستأجرولهم بيت وشاركو معهم بدف الإيجار بالمناصفة مشان تخلصو منهم	10-12-2014 08:32 AM إبن هالبلد التبليغ عن إساءة
16 -	صباح الخير للجميع ما بدي اطول على الاخت صاحبة المشكلة .. يا اختي لازم تصارحوهم بدون زعل وحساسيات انه الوضع زاد عن حدو اذا جوزك بيخجل عن طريق ابوه او امه .. خليهم يوخذوا بيت اجار مؤقتا لحتى يعمروا ... لا بد من الصراحة يا اختي	10-12-2014 09:05 AM * العندليب * التبليغ عن إساءة
17 -	مساء الفل والريحان ... بس لا توخدينا بدوكي ... وين الشغلات ىالزاكية	10-12-2014 09:15 AM * العندليب * ماسا الحساسة التبليغ عن إساءة
18 -	صباح الخير للعندليب المشاكس وماسا الاموره الحمدلله ع سلامه وراما انتي وين؟؟؟	10-12-2014 12:30 PM راقيه التبليغ عن إساءة
19 -	والله كويس والاكل مشترك	20-12-2014 11:07 AM الطير الحر التبليغ عن إساءة