ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

ابعتيه انا بتزوجه

كيف قلبك معلق بطليقك وبدك تنتقمي منو؟؟؟ كمان كيف انو بعد صغيرة مو عارف . ربنا يهونها

الان انتي تعانين من مشكلة عدم قبول شكله
غدا ستبدأ مشاكل عدم قبوله لانك متعلقة بآخر

لا تقبلي على الزواج الا عندما تتخلصين من تعلقك بالاول
الزواج ليس لعبة و ليس متعة و ليس ليوم او يومين


هداك الله

فالحقيقة, اربعين سنة فرق كبير فالسن. لازلت شابة والمستقبل امامك. لاكن هنا الفاصل: لو وضعتي خطيبك السابق في مكيال و الرجل الاخر في مكيال, كفة من سترجح؟ شخص يعجبك, ولاكنه لا يحترمك, وشخص لا توديه, ولاكنه سيعاملك معاملة الاميرات. لا يمكنني ان اصدر حكم, ولاكن ارى أن تتريثي قليلا, فربما هنالك نصيب اخر. من رايي ان تاخري قرارك ولا ترفضي الرجل, وفي هذا الوقت, لعل الله يبعق لكي ابن الحلال والرجل الذي تبخثين عنه وشكرا! :)

أولا: انت متعلمة و تزوجت شاب تعليمه "على قد حاله"، كيف حصل هذا؟

ثانيا: المسألة ليست فقط بالشكل، بل يؤخذ الموضوع من عدة جوانب! خاصة انك مررت بتجربة سيئة!!!

ثالثا: في تناقض بكلماتك و هي مخيفة فتقولين " أحيانا تحني له" و "احيانا تودين الانتقام منه"

رابعا: اذا بقيتي تحملين هذه المشاعر المتناقضة، فلن تتوفقي بزاجك المقبل و كذلك ستكونين سببا بظلم الزوج المستقبلي.

خامسا: عليك نسيان الماضي، و القضاء على المشاعر السيئة التي تجول بخاطرك "كالانتقام". هذه المشاعر و العبارات لا تليق بأنثى، خاصة و انك تبحثين عن الحب و الاستقرار و أنك متعلمة وآمل أن تتولد لديك ثقافة الزواج وكيفية تكوين الأسرة و الحفاظ عليها. عند تواجد الأطفال فالطلاق وخراب البيت يكون وبالا على الأطفال.

ساسا: أرجو ان لا تطبيقي على نقسك المثل القائل "يا ما خذ القرد على ماله/جاله، ترى يروح المال/الجمال و ظل القرد على حاله

التوقيع

حيران أكثر

إسألوا عنه منيح إذا الزلمة أخلاقة ما عليها غبار وزلمة بيخاف الله و بيصلي فرضه و بيصوم شهره ، توكلي على الله يختي والشكل مش مهم سيدنا النبي بيقول " إذا أتاكم من ترضون دينه و خلقه فزوجوه إلا تفعلوا تكن فتنة في الأرض و فساد عريض" ولا تنسي قصة الصحابي جليبيب رضي الله عنه كان في وجهه دمامة و سعى النبي ليزوجه و كان يقول له لست عند الله بكاسد . و ما اعتقد انه اللي جاء يخطبك دميم من كلامك انو مش عاجبك و مش "بشع". و بالنسبة لعلاقته القوية بأهله بقلك اللي ماله خير بأهله مالو خير بحدا. الله يوفقك و يكتبلك الخير

انا مع اختك لا تتسرعي بعدك صغيرة ، شو الله جابرك تعيشي مع واحد بشع وبعدين تكرهيه وما تقدري تكملي معه ، شو الله جابرك تجبري حالك على هيك جيزة، انتي بالاساس بتحاولي تهربي من مشكلتك مع طليقك عشان هيك بدك تتزوجي اي حد عشان تنسي مشكلتك وكمان عشان تنتقمي لكرامتك قدام زوجك واهله انو هيني تزوجت واجاني ناس، لا حبيبتي غلط اللي بتعمليه غلط، لا تتسرعي ان الله جميل يحب الجمال لا ترمي حالك بالنار كمان مرة خاصة انو زي ما حكيتي متعلق بأهله واخوانه كثير ، بلاش ترجعي تعيدي نفس المشكلة، بعدين شو قصة انك بتحني لطليقك؟؟ عيب عليكي هاد الحكي، هاد صار رجل اجنبي وغريب عنك ما بصير تفكري فيه وبعد كل اللي عمله فيكي من اهانات ومسبات وشتائم ولسه بتحكي بحن اله، غلط هاد الحكي ، فعلا زي ما بحكي المثل القط بحب خناقه، يا اختي فكري منيح واوعك تتسرعي بعدك صغيرة شو 30 سنة ولا اشي، بيجيكي سيد سيده، بلاش يطلع حقير زي زوجك وترجعي مطلقة كمان مرة لاهلك ساعتها والله ما برحموك بالمعايرة ولا المجتمع رح يرحمك انك اصبحتي مطلقة مرتين، ردي على اختك والناس اللي بحكولك انو مش حلو، نصيحة لوجه الله اوعك تتسرعي بعدك طالعة من مشكلتك طازة ما الك 6 شهور بتحاولي تنتقمي من نفسك قبل ما تنتقمي من زوجك واهله وبالنتيجة انتي الخسرانة بجوز ما تتحملي بشاعته وتطلقي كمان مرة واللي باكل على ضرسه بنفع نفسه.

اخيتي...اعلمي ان مقومات اختيار الزوجة لزوجها هي : يقول الرسول صلى الله عليه وسلم (إذا جائكم من ترضون دينه وخلقه فزوجوه إلا تفعلوا تكن فتنة في الأرض وفساد).أولا : الدين / وهو الذي يزيد على الواجبات أي عنده نوافل من صدقة وصيام وصلاه وأعمال تطوعية.فلا بد من التحقق من صفة الدين لدى الرجل فكم من زوجة تعرضت لمشاكل بسبب سوء الإختيار.*فهذه تقول أنها بليت بزوج لا يصلي. *وهذه بليت بزوج مدمن تلفاز.*وهذه بليت بزوج يعاكس النساء.*وهذه بليت بزوج يحثها على السفور وخلع الحجاب. *وهذه بليت بزوج كثير السهر خارج البيت.ثانيا:الخلق الطيب/من هو هذا صاحب الخلق وهو الذي يكون قريب من قلوب الناس . وفي الأصل أن الدين مرتبط بالخلق ولكن ربطهما هنا رسول الله وذلك إحتياط منه للنساء من الأنذال من الرجال الذين يضربون النساء ويعاملوهن معاملة سيئة.لا بد من ملاحظة أمر هام. وهو أنه لا تلازم بين الدين والخلق عند بعض الناس في هذه الأيام . فمن هنا كان لزام على كل ولي أن يتحقق من الشرطان الدين والخلق. ثالثا: حسن الهيئة في الرجل/ لأن النساء أيضا جبلن على الجمال والمظهر الحسن.رابعا: أن تأخذ المرأة الرجل الذي نظرت إليه.لأ، ذلك أقرب للنفوس واحرى في التوافق (فإنه أجدر أن يؤدم بيكما)خامسا: القدرة على تحقيق النفقة عليها وحوائجها. سادسا: أن يكون قادر على الإنجاب.فإن علم أن الرجل به عيب لا يولد له . لا تتزوجه لأن المرأة تضر نفسها وفطرتها...فها انا اقولها لك ..ابحثي بداية عن جميع الصفات التي تناسبك من دين وخلق وجمال ومنصب ومال وبيت و...و...و...

ولكن اعلمي ...انه احيانا قد تتاح لك فرص وتحتاج لبعض التنازلات..خاصة تلك التي تتعلق في موضوع المادة والجمال فانت اخيتي صاحبة القرار في اتخاذ القرار المناسب والتنازلات المناسبة حتى تعيشي حياة سعيدة كما تريدين......واعلمي ان الله على حسن ظن عبده به إن كان خيرا فخيرا وإن كان شرا فشرا...وانا انصحك ان توكلي امرك لله وادعي الله تعالى ان يرزقك الزوج الصالح الخلوق والجميل وصاحب المال وان يكون لديه بيت وسيارة ومنصب و..و....اي حددي ما تريدينه من الله واحسني ظنك به...والحي عليه بالدعاء في صلاتك وتحري اوقات استجابة الدعاء والله لن يخذلك....اقولها لك عن نفسي دعوت الله تعالى ان يرزقني زوجة وحددت جميع الصفات التي اطلبها وكنت احسن الظن بالله تعالى فأعطاني الله اغلب ما تمنيت...وقد تكون بزيادة في بعض الصفات وبنقص في صفات اخرى...ونصيحتي لك*** ان تتابعي ردي على المشاكل التالية:1.اعطوني حل يريحني2..هل اجبر نفسي على الزواج...ولي ردود كثيرة وانصحك بقرائتها خاصة التي تتعلق بما قبل الزواج وفترة الخطبة ...ستجدي فيها...كيف تحصلين على زوج صالح وخلوق...وإذا طرق بابك الطارق..وماذا تفعلين بالجلسة الأولى مع المتقدم للخطبة...***انصحك بسماع شريط احسن خطبة للشيخ جاسم المطوع..ودردشة في اختيار شريك الحياة...***انصحك باقتناء كتاب بعنوان تحفة العروس...الله اسأل ان يرزقك زوجا صالحا خلوقا وسيما طيبا إذا نظرت إليه احببتيه وإذا نظر اليك احبك اللهم ارزقها الحب الحلال مع زوج المستقبل يا رب العالمين ...اللهم عجل في زواجها وارزقها ما تتمنى...محب فلا تلوموني.

حبيبتي لا تتزوجي الخطيب الجديد. انتظري فقد ينصلح الحال مع طليقك أو تحبي شخصا آخر وتختارينه ليكون زوجك ليسعدك ويعوضك خير. تمنياتي لك بكل طيب وجميل

نصيحتي الك تنسي زوجك الاول ولا تفكري فيه ابدا وكل ما حنيتيلو اتزكري كيف كان يهينك فرح تكرهيه وسيبك من شغله الانتقام (المنتقم هو الله) وربنا رح يوخدلك حقك ان شاء الله....اما بالنسبه للعريس الجديد فبنصحك بما انه اخلاقه تمام توافقي عليه والشكل مو كل شي يا اختي....انا بحكيلك عن تجربه شخصيه انا صحيح شكلي مو حلو ابدا وكان هاد سبب طلاقي لزوجتي لانه ما طاقت تعيش معي بسبب شناعتي على حد قولها مع انها المرحومه امي كانت تشوفني اجمل واحد بالحاره بس اكيد ؟؟؟؟؟ بعين امه غزال ههههههههه..بس عندي اخلاق لو وزعت على اهل الارض لاكفتهم !!!وبرضه من جديد حبيت وحده عن طريق النت وهي حبتني اكثر من عيونها بس للاسف لما طلبت تشوفني حكتلي جمله وحده((تسمع بالمعيدي خير من ان تراه))) ولسا عندي امل القى بنت الحلال وربنا يعوضني خير.....طبعا بتاسف لانه كتبت تعليقي باللغه العاميه بس عشان يفهم علي اكبر قدر من القراء....وشكرا !!!

لغتك العربيّة رائعة وصياغتك جذّابة حتى أنّها غلبت مشكلتك .

نصيحتي لكي الا تستعجلي الامر وخذي وقتك من التفكير واذا لم يقبله عقلك وقلبك معا فلا تتزوجيه وعسى الله ان يبعث لكي ابن الحلال

ممممممممم اول شي لازم تعمليه لحتى تتقبلي شكلو انك تنسي طليقك وما تحنيلو لانو ما بيستاهل وشكلو ما بيعرف الله .. لانو لو بيعرف الله ما كان طلئك بهالسرعة ولو بحبك جد ما كان طلئك بغض النظر عن اي شي بينكم لازم تنسيه لانو ازا ضليتي تفكري فيه رح اضيعي حالك ... و اسمحيلي احكليلك الفرصة مش كل يوم بتيجي لعند الانسان يعني بصراحه اختك غلطانة 30 سنة مو صغيرة يعني انو اجاكي عريس عمره 44 كتييير ممتاز انا بحكي بصراحه ... بس انا بتوقع يلي مأثر عليكي اكتر هو طليئك لهيك مش ئادرة تتقبلي هاد ولا شكلو بس ازا بيعرف ربنا و وضعه منيح وحسيتيه محترم ورح يحترمك ويحبك ما اضيعي الفرصة و سدئي الشكل مش كل شي ... و الله يخاترلك الافضل و يوفئك يارب ........

شو رايك تتجوزيني

معلش كل يلي عمله فيك وليسا بتحبيه المهم جمال الروح يا استاذه المشكله بل البنات بيطلعو ع جمال الخارجي ولا ليسا الداخلي ما بعرف اذا انت بتحب الذل ويضل شخص متحكم فيك ويضربك يمكن بتحبي هيك ارجعيله ليش لا

صحلك زوج قلتي عنو اعور وهو لا صحلك اعور ولا امليح الرجل مش بشكلة المهم يكون قد حاله خصوصا انك مطلقة لا تردي على احد اتوكل علي اللة وتزوجيهشو مش حلو هو انتى بدك مزهرية اتحطيي وتصفنى فيه هاض دلع زايد عن حده امليح الي رضى فيكي قال شكلو مش حلو قال دلع زايد والله لو انا مكانة ما بطلع عليكى

اختي ما بدها سؤال ﻻ تتسرعي وتوافقي ..

انت معتوهه بدك طليقك اللي هانك و اللي تعليموا بسيط و هاد تعليم عالي و تمدين بشهادتك و بتحن لطليقك!!!!!!!!!!! و30 سنة و لسه صغيرة !!!!!!!!!! و الله انت مخلصة ايش مو طبيعي و الله بحب طليقك اللي حلقئلك و العريس الله يفكوا منك انتي ما بتستاهلييه بالمرة

لا تتسرعي بالاختيار . لست مضطره . ولا تجبري نفسك على اي شي لا يروق لك . اذا مش عاجبك خلص انسي الموضوع . هاي حياة دوم مش يوم . واللي فيه خير يبعثه الله الك . بالتوفيق

اتقي الله في نفسك ، ولا تعلقي على الشكل لانه ليس اساسا ، واسالي نفسك سؤال ماذا لو في يوم من الايام حصل معك حادث لا سمح الله وتشوه وجهك ، هل تقبلين ان يتركك شريك حياتك لانه شكلك لم يعد جميلا ؟؟؟؟

وبالنسبة لتعلقه بأمه واهله ، أعلمي ان من ليس به خيرا لاهله لا خير به لك

فعلا انك جاهل

قال

لغتك العربيّة رائعة وصياغتك جذّابة حتى أنّها غلبت مشكلتك


شكلك مو واصل صف اول

كل كتابتها غلط لغلط

واحلى شي التناقض في مشكلتها

لا حول ولا قوة الا بالله

نتي غلطي كتير لما تلقتي من الول كان عليكي تصبري ولاكن صار الي صار وشكل الي تحكي عنو مش مهم كتير اهم شي الخلاق

ما تقبلي فيه بلكي طليقك في يوم رجع لأنك بتحبيه الحب اهم من الزواج من رجل لا تتقبليه لعل الله يحدث بعد ذلك أمرا

احمدي ربك ازا قبل فيكي

ما زلت صغيرة مش معقول البنات معبية البلد وشكلك شايفة حالك فلحقي حالك قبل ما تروح عليكي البنت بعد ال 30 فرصتها ضعيفة وبعدها راح تتمني اي شخص مهما كان
اقبلي ولحقي حالك

اولا طليقك مابسوى تعريفه مش متعلم وعند اول مشكله طلقك --مش عارفه شو حابه فيو الا ازا انت من نفس نوعيته-
تانيا والاهم انت مش زغيره وكمان مطلقه؟؟ في صبايا وحلوين وجاهزين مش لاقيين عرسان كيف انت مطلقه
تالتا العريس الجديد بالاربعين يعني شباب ومش فرق بينك وبينه منيح الى صحلك --خاصه انه متعلم --
كمان الشكل مش مقياس الا ازا كان بشع بشاعه واعتقد انه مش هيك
اخيرا السؤال المهم هو ليش قابل فيك؟؟؟؟في غيرك كتير فرصه احسن اله مش مطلقات مع احترامي للمطلقه

انا حاسة فيكي وفاهمة عليكي انتي بتحنيله بس كل ما بتتزكري شو عمل فيكي بتنئهري وبصير عندك ردة فعل بدك تنتئمي منه والاسى ما بينتسى خصوصا انه ظلمك وانتي حاولتي معه ومع اهله لهيك طلعي من ئلبك ما بيستاهلك وبالنسبة للعريس فكري منيح وازا في خير الله يئدمه الك لانه انتي مريتي بتجربة المفروض يكون اختيارك صحيح هاي المرة

اذا تقدري تسامحي سامحي أو تعلمي تسامحي وابعتيله رسالة بشرط ما يقرأها إلا هو بدون ما يقرأها حدا من اهله ,, وأنا متأكد رح يرجعلك اذا عرف انك بعدك بتحبيه

مش فاهمة مدام عندك وظيفة واهلك معك ليش حتى تردي تمرمطي ولادك معك ع فكرة انتي انانية جدا جدا .. حتى ع ولادك منتي سائلة ... دايما الاطفال همو يلي ضايعين .. ليش تخلفي مدام جوزك مش من مستواكي يما ؟؟ اما شعب

الله يصلح حالك ويهديكي بحياتك بداية وتاني شي الجمال جمال الروح والاخلاق والسمعه الطيبه وانت بصراحه مو زغيره والوضع الاقتصادي للشباب هالايام مو بزياده! وتالت شي شغلة التعليم مو شرط مشان مستوى البنت لانو في كتير ناس متعلمين من شباب وبنات وعندهم شهادات جامعيه عند الجيزه مع احترامي للكل خساره توصلي بيتهم او تشربي عندهم فنجان قهوه وتطلبي !! وفي ناس بس بيعرفو يقرو ويكتبو وبتلاقيهم ناس بقدسو شي اسمو الحياه الزوجيه (لا تعممي عالكل) وحتلى لو انت مطلقه هادي مو مشكله انت لازم تحترمي وتقدري انو الشب رايدك بغض النظر عن شو انت!! صلي استخاره واكيد ربنا رح ييسر الك امرك وبالتوفيق

انس طليقك نهائيا، وانت بعدك صغيرة وموظفة ليه تأخذي واحد اكبر منك ب 14 سنة ومو حلو كمان، اذا مو مقتنعة لا تقبلي، لانه رح تضلي مو مقتنعة ورح تحسي حالك بتستاهلي اكثر من هيك، وان شاء الله ربنا ييسر لك ابن حلال يستاهلك

حتى لو إنها مارح تيجيك فرص تانية بس مادامك موظفة فانت باستغناء تام عن الزوج .
بس نصيحتي الك مادام إنه ملتزم دينيا معناها وافقي وان شالله ألله يكتبلك الخير.

عادي بصير ، أصلا بيحكولك الزعل على قدر المحبة ، يعني عادي اشي طبيعي إنه الواحد يحب انسان وبنفس الوقت يحاول ينتقم إذا غلط معه.

علم النفس يقول إن صفة الانتقام موجودة عند الانثى بشكل أكبر.

بس إذا صار مع البنت حادث وتشوه وجهها صدقني مارح حدا يفكر يخطبها أما لو كانت متزوجة وصار معها حادث فمستحيل إنه زوجها يجرح شعورها ويتزوج عليها منشان التشوه يلي بوجهها.
ركز كويس بكلامك