بنت الجامعة تحبني ..

23-09-2014 10:10 AM

تعديل حجم الخط:

سرايا - سرايا- وصلت رسالة من احد قراء سرايا يريد حلا

انا شاب بجامعة البلقاء وباختصار في بنت ومن انا كنت سنفور ولحد الان وهي بتحاول معي وما كانت تفهم اني مو مستعد لأي علاقة لاني بعتبر العلاقات الي بتصير بالجامعة نصها حكي فاضي وضحك على اللحا , واخر مرة شفتها بالصيفي الماضي وتفاجأت انها طلبتني على جنب وبعدها حكتلي انا معجبة فيك , وسكتت وبعدها قالت بحبك وطبعا انا ما رديت عليها وبعدها فهمتها انو ما عندي وقت لاني بداوم بالشغل والجامعة وفوق هيك انا مو مرتبط بس حاتط عيني على بنت و من هلأ بكون حالي عشان لما اتقدملها ما ترفضني لكن للاسف كلامي ما كان مقنع معها وضلتها مصرة وانا مو حابب اجرحها اكتر من هيك والمشكلة انو الدوام قرب كتييير .... بتمنى الحلول الي تقدموها ما تكون عبارة عن استهزاء لانو اي واحد ممكن ينحط بهيك موقف .

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 47048


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	23-09-2014 10:10 AM سرايا
2 -	مرحبا اخي العزيز .. عن تجربة شخصية بنصحك تستمر بتجاهل البنت و مع الوقت راح تتعود انك مش متفبلها .. بصراحة اغلب المشاعر اللي بتشعر فيها طالبة على مقاعد الدراسة عبارة عن لهفة كذابة بحكم ان البنت داخلة على مجتمع مختلط و بمجرد ابتعادها عن هالجو فورا بتنسى هيك مشاعر. وبعدين يفترض بالبنت الحياء . بس وحدة اجت اعترفتلك انها معجبة و بتحبك فالحقيقة بتقول انها جريئة و مشكلجية و جرئتها راح تورطك بالمستقبل اذا فكرت ترتبط فيها	23-09-2014 10:16 AM منتهى التبليغ عن إساءة
3 -	مرحبا اخي العزيز .. عن تجربة شخصية بنصحك تستمر بتجاهل البنت و مع الوقت راح تتعود انك مش متفبلها .. بصراحة اغلب المشاعر اللي بتشعر فيها طالبة على مقاعد الدراسة عبارة عن لهفة كذابة بحكم ان البنت داخلة على مجتمع مختلط و بمجرد ابتعادها عن هالجو فورا بتنسى هيك مشاعر. وبعدين يفترض بالبنت الحياء . بس وحدة اجت اعترفتلك انها معجبة و بتحبك فالحقيقة بتقول انها جريئة و مشكلجية و جرئتها راح تورطك بالمستقبل اذا فكرت ترتبط فيها	23-09-2014 10:16 AM منتهى التبليغ عن إساءة
4 -	لا تعقيب على كلام الاخت منتهى لانه في غاية الروعة وازيدك من الشعر بيت تذكر مخافة الله قبل كل شيء ف كما تدين تداااان	23-09-2014 11:47 AM محمد كريشان التبليغ عن إساءة
5 -	لا تعقيب على كلام الاخت منتهى فكلامكِ اختِ الغالية في غاية الروعة جزاكِ الله خير ولكن اريد ان ازيد نقطة الا وهي انه تذكر اخي المتابع الى مخافة الله عز وجل قبل كل شيء	23-09-2014 11:49 AM محمد كريشان التبليغ عن إساءة
6 -	لا تعطيها اي عين او اي ريق حلو اي تجاهلها .	23-09-2014 12:15 PM ورد الحمزات التبليغ عن إساءة
7 -	عادي البس دبلة خطوبة وحسسها انك ارتبطت تبعد لحالها وكفى الله المؤمنين شر القتال	23-09-2014 12:29 PM asia التبليغ عن إساءة
8 -	حاول تظل مشغول بالجامعة ولا تفتح مجال لهالحكي وهيك بتتجنب فكرة انك تجرحها ووووو((ما دام براسك في وحدة)) معناته ماعندك مشكلة ...	23-09-2014 01:09 PM مجرد رأي التبليغ عن إساءة
9 -	الاشتياق لشخص هو نوع من انواع الإدمان لا يعاقبنا عليه القانون ولكن تعاقبنا الظروف بالحرمان	23-09-2014 02:56 PM جنوووووون التبليغ عن إساءة
10 -	الله يهديها بس اللي بتعمله البنت غلط بس ان بهنيك لانك شخص منيح وبتخاف ربك لو كان غيرك كان ممكن أستغلها وضحك عليها الحل يا اخي احكيلها انا بدي اخطب بنت وما بقدر نكون انا واياكي مع بعض ,... والله يوفقك وويسعدك يا هالشب	23-09-2014 04:41 PM أردنيه نشميه التبليغ عن إساءة
11 -	لا مانع انك تعبرها بس سؤالي من وانت سنفور شفتها اشي بتحكي مع شباب وبتعلق شباب زيك ! ولا بس معاك صار هالحكي والبنت مؤدبه	23-09-2014 05:02 PM بياع الورد التبليغ عن إساءة
12 -	اكيد انك حلو كثير كثير كثير كثير يعني حمل قلاب سنجل حلاوه وبتجنن علشان هيك البنات بيحبوك...	23-09-2014 08:01 PM هبلا التبليغ عن إساءة
13 -	كونه في وحده براسك ليش موجع رأسك بقصتها احلقلها وسميها عقله	23-09-2014 08:08 PM مايكل التبليغ عن إساءة
14 -	فعلا أول رد صحيح وبعدين لو هي اجت واعترفتلك بهيك كلام> سهل جدا تقولو لغيرك	23-09-2014 08:24 PM انداري التبليغ عن إساءة
15 -	البين ع حظي بس .. خيوه انا بقول اتحجب وماعليك بس تشوفك بالحجاب بتغير رأيها وبتبطل تحبك	23-09-2014 10:16 PM lawyer التبليغ عن إساءة
16 -	لا احد درس خطوط يدي الا واكتشف حروف اسمك الاربعه ,,,الان أفكر بك وغدا أتذكرك وحتى أموت أتذكر أني ما أذيت الا قلبي وما تسليت بقلبك يوما ولكن تلك لعب القدر ساحبك الان واليوم وغدا	24-09-2014 12:34 AM جنون الهوى التبليغ عن إساءة
17 -	هاد مش حب ، هاد حب مراهقة من كثر ما هالبنت شافت افلام ، حبت تعيش حلم الحب معك لا تنسى انو بالجامعة البنات والشباب بستغربو من حياة الاختلاط الجديدة عليهم والامور بتكون مختلطة بالنسبة الهم ومش واضحة انسى وكمل حياتك	24-09-2014 08:47 AM alien التبليغ عن إساءة
18 -	انا في بنت تحبني وانا ولا شايفها ومش شايف في مشكله مثلك	24-09-2014 09:36 AM عادي التبليغ عن إساءة
19 -	لا تندم على من حبيتها وخلاك اندم على من حبك وخليته ...	24-09-2014 10:32 PM الحل التبليغ عن إساءة
20 -	خذ يلي بحبك ولا تاخذ يلي انت بتحبه . اصلا انت لازم تنبسط انها بتحبك.	30-12-2014 08:14 PM اريج التبليغ عن إساءة