ملابس خطيبتي لا تعجبني

18-09-2014 10:19 AM

تعديل حجم الخط:

سرايا - سرايا - وصلت رسالة من احد قراء سرايا يريد حلا د

تاني شي انا شاب عمري 25 سنه مولود وعايش بالسعوديه طول عمري
خطبت من شي 7 شهور بنت ما شاء الله عليها دين واخلاق وجمال .. مشكلتي معاها انو البنت لبسها بشكل عام منيح لكن لا يخلو الامر من حركات - اللي خلينا نحكي عليها فياعه - ...
يعني يا بتكون البلوزه قصير او ديقه ... او بتكون ايدين البلوزه قصار لدرجه انو اقل حركه من ايديها مثلا ترد عالموبايل .. بتلاقي نص ايدها انكشفت وغير الميك اب والحومرا اللي عكل طلعه بتضل حاطيتهن مش بس معي حتى ازا طالعه مع صاحباتها ...
صرت حاكي معاها بهالموضوع اكتر من مره وكل مره بتقعدلها اكم من شهر يا محلاها بعدين بترجع متل اول ...
انا لا متشدد ولا مخي دقه قديمه بالعكس بوخد وبعطي منيح ... لكن هالحركات هاي ما بحبها خصوصا لوحده بعد اكم من شهر بدنا نتزوج ونعيش سوا ... يعني لازم الاقي حل لهالموضوع ...
ياريت تفيدوني هل المشكله فيني ام المشكله فعلا باللبس ... وشكرا

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 87483


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	18-09-2014 10:19 AM سرايا
2 -	يمكن لانك كنت بمجتمع متحفظ مش متأقلم مع الموضوع ف عادي خلي الامور طبيعيه ومع الوقت بتروح لا تعقدها مش مشكله كبيره ابدن ...لا تظلم البنت لانهاا مبينه صغيره وبتحب هيك تكون حاول احكيها بطريقه انك بتحب مكياج عليها خفيف جيبلها لبس انت اختارو واطلعو اختارو سوا خليها تعرف شو بتحب انت بالبس وموفق ياارب	18-09-2014 10:24 AM سلمى التبليغ عن إساءة
3 -	مشكله بسيطه كتير وازا هي بتحبك رح تعمل متل ما بدك حسسها بأكتر من مرة انك مدايق منها لانها ما بتعمل الشي اللي انت بتحبه وصدقني مرة على مرة رح تتغير لانه هاد الجيل بيحب الفياعه لذلك شوي شوي تتغير ومع الزواج يمكن تصير تترجاها تلبس متل زمان ههههههه	18-09-2014 10:25 AM asia التبليغ عن إساءة
4 -	لا المشكلة بأمك اللي ما ربتك مليح !!! صحيح انك واحد مهجهج !!! يعني من هسع ما بترد عليك ....كيف بعد الجيزة...؟؟؟؟	18-09-2014 10:31 AM شبرية التبليغ عن إساءة
5 -	انتي لما خطبتها كانت هيك ف بدك اتكمل معها للاخر لو من اول ما شفتها احكتيلها انه ما بيعجبك هيك وكنت حازم معها ما تلبكت هلا تحياتي	18-09-2014 11:32 AM همسه التبليغ عن إساءة
6 -	عادي احكي لاهلك او اهلها بس يفضل اهلك وخليهم يحكولها ويفهموها عالاقل خليها هيك لحد ما تتزوجو فهمها بس بعد ما تتزوجو بدها تتغير لانها بتكون بذمتك	18-09-2014 11:43 AM بياع الورد التبليغ عن إساءة
7 -	اذا الواحد مش قادر يحل مشكلة مثل هيك حرام يتزوج	18-09-2014 11:51 AM عمر العجلوني التبليغ عن إساءة
8 -	المشكلة مو فيك ... المشكله بخطيبتك لانها بطبق كلامك وبعد فتره بتنسى هالحكي مابسير حاول فهمها انها تلتززم بحكيك على طول لانه بكره بس تتزوج مابنفع هالحكي ... الله يهديها لباس المرأه بعكس مابداخلها ... بالتوفيق	18-09-2014 12:07 PM donia التبليغ عن إساءة
9 -	ياصديقي انت الرجل وانت من يقرر لبس خطيبتك (زوجتك مستقبلا) انا شخصيا عندما تقدمت لزوجتي قلت لها اللبس المحتشم ضروري واساسي وبالفعل في الخطبة والزواج مستحيل تخرج زوجتي خارج البيت الا ان تستشيرني بلبسها ويحدث ان يكون لبسها ضيق واقول لها غيري لباسك وتغير لبسها بدون نقاش او جدال وعلى فكرة اذا تساهلت في هذه الامور قبل الزواج سوف تعاني كثيرا بعد الزواج	18-09-2014 12:51 PM المهندس التبليغ عن إساءة
10 -	لا أبشرك رجعةموضة السراويل هلا وراحت موضة ألفيزون ههههههه ما بعد الضيق الا الفرج على رأي المثل البنغالي	18-09-2014 12:54 PM هبله التبليغ عن إساءة
11 -	انا مع تعليق سلمى رقم ٢	18-09-2014 01:24 PM مايكل التبليغ عن إساءة
12 -	لا ترد ع سلمى ولا حدا انت الرجل مش هي....... بعدين لايدخل الجنه ديوث.... لما تحكي لبسها فايع وانت وانا شباب وبنعرف شو يجي ببالي وببالك لما نشوف هيك.... خليك رجل ...لازم تكون الك لحالك....يعني فرق تكسي عمرمي غن تكسي خصوصي.	18-09-2014 02:30 PM مجنووووووووون التبليغ عن إساءة
13 -	يسلم تمك عمر العجلوني والله انا مع تعليقك جد انك كفيت ووفيت	18-09-2014 03:44 PM جحا التبليغ عن إساءة
14 -	ومكيف على حالك وانت بتشكي صحيح انك قليل حيله يارجل مادام انك باول الطريق طلقها وشوف غيرها لانه انت مبين عليك خروف والمراه تركبك بكرا شوف الك وحده مسكينه حتى تقدر عليها صحيح انك زلمه قد حالك هههه او اقولك خليك عند امك احسن الزواج مو الك	18-09-2014 05:23 PM احمد الحجايا التبليغ عن إساءة
15 -	على هيك ملاحظات بلاش تتجوز لانك ما رح تلاقي جيل زمان	18-09-2014 05:29 PM صياد قديم التبليغ عن إساءة
16 -	ل تردي على مجنووووون الغلط فيك اعتقد انت لما خطبتها كنت عارف هيك لبسها كان لما جيت جبت معك عبايه من السعوديه هههههه وحكتلها يا هيكد بتلبسي يا كل واحد بطريقو وليه من الاول ما تزوجت وحده متحجبه حجاب كامل مو بحطو الإشارب وعليه لبن تحت الأشارب ولأبسه بنطلون فيزون والله يتلفت النظر أكتر من الي مو حاطه أشار انا رأيي يا لباس شرعي كامل يا بلا من علبة اللبن والأشار والمكياج الصارخ	18-09-2014 05:45 PM هبله لمجنوووون التبليغ عن إساءة
17 -	انا شايف انه الكل او المعظم ما بعلق ع الموضوع من ناحية الشريعة وانه هاد اللبس حرام الاصل في اللباس الاحتشام وانت اهديها ووضحلها انه حرام تلبس هيك بعدين هاي رح تكون ام لاولادك واذا بتعتبروا انه اللبس هيك عادي نفس الشي رح تربي بناتك ع هيك والشفلة مو شغلة تعصب الحياة من مبدأ حلال وحرام واللي بعيش ع هاد المبدأ بكون مرتاح بحياته	18-09-2014 08:58 PM متابعة جديدة التبليغ عن إساءة
18 -	جزاك الله خيرا يا متابعه جديده كلامك ذهب	19-09-2014 12:09 AM الورده الحمراء التبليغ عن إساءة
19 -	لا لا ترد ع هبله هسا وقع الفاس بالراس،،،، انت صرت طالع نص درجات السلم ،احكيلها اما تلبسي كويس وترمي علبة اللبن.. هههه او انزل من السلم ،وادور سلم ثاني بس بدون معلبات..هههه	19-09-2014 07:55 AM مجنووووووووووون لهبله التبليغ عن إساءة
20 -	تيب وين اوﻻ ...؟؟ والله شايفلك قصتك قصة واحد زهقان ومو ﻻقيله شغله وقاعد بتسلى ... الله يعينك عالزهق اللي في السعوديه ... بس عالعموم بنصحك تنزل اجازة وتعلمها اصول الموضه بس بدون ضرب دير بالك .. بدون ضرب	19-09-2014 10:36 AM بشير التبليغ عن إساءة
21 -	مالها المعلبات نعمة الله هههههه	19-09-2014 11:33 AM هبله لمجنوووون التبليغ عن إساءة
22 -	أوعى تنساني لو نويت تروح أوعى تنساني يا أغلى من الروح أوعى تنساني يابو. العيون السود وتنسى هالعهود أوعى تنساني يا رنة العود	19-09-2014 11:47 AM الحبيب الأولي التبليغ عن إساءة
23 -	لو بتحبك عنجد صدقتي بتلبس خمار وما بهمها بس الي ما بتحب خطيبها او زوجها يتعاند وبتعمل الي يريحها ومو شرط انها يكون لباسها حتى تلفت نظر الشباب ابدا هالحكي مو مزبوط في كتير بنات بحبو الموضه لأجل الموضه بس هو يعني بتلبس عشان الشباب وبتتموض بس هي الشغله وما فيها انك لازم تحكيلها بدي أياكي البسي منيح لآني بحبك ويغار عليكي من نظرات الناس والله اذا شاريتك لا تعمل الي بدك إياه بس اذا بلشت حياتك معها بدي هيك وبدي هيك وما في حب من الطرفين بتبطل حياه لان رح تواجهكو مشاكل كتيره وعدم وجود حب وتفاهم رح تتركو بعض تفاهمو وحبو بعض أكتر من كل شي بالدنيا الحب بصنع معجزات مش رح يغير طريقة لباس وتصرفات غريب الي بتحكيه	19-09-2014 12:11 PM سلمى التبليغ عن إساءة
24 -	خليها تعيش حياتها بالنهايه ما حدا بيعرف شو مصيرو يعني الجنه او جهنم خليها تعيش هسا بلا ما تروح عليها الدني والاخره	19-09-2014 02:03 PM افكار ابليس التبليغ عن إساءة
25 -	الى هبلة انا دائما متابعة تعليقاتك والله بحب خفة دمك انا بحب الناس الرايقة الي بتضحك على طول. والله ياشيخة ما حدى ماخذ منها شيء الله يبعثلك الهنا يارب .	19-09-2014 06:16 PM ام احمد التبليغ عن إساءة
26 -	يا زلمه لسا مرتك صبيه خليها تلبس بكرا بس تتجوز وربنا يرزقكم بالاولاد رح تبطل تعرف تلبس وازا الموضوع جد مدايقك احكيلها بس بجديه كثير او احكي لأمها او ابوها او خوها او اختها ولا تحكي لحد من اهلك. لا تدخل اهلك بمشاكلكم	20-09-2014 12:54 PM مايكل التبليغ عن إساءة
27 -	يا رجل استعجل في الزواج وبس تصير عندك علمها كيف تلبس أما إذا أنت من أولها مثل أبو بدر اللي في باب الحارة انا بقول بطلعلها تلبس أي شي ما دام انت هيك	20-09-2014 01:50 PM gold man التبليغ عن إساءة
28 -	لا ترد على مابكل ولا تحرجها قدام أهلها هاي مشكلتك معها انت ولا تثق بحد بالدنيا شو دخل أهلها بقصه تافهه ومشكله تافهه متل هيك قال بتلبس خليها تلبس وانت اختارلها اللبس الي تحبه عليها رح تشوفها حلوه منك وربنا يهدي بالك وبالها واعزموني على العرس	20-09-2014 03:08 PM سلمى التبليغ عن إساءة
29 -	تحياتي لام احمد وصياح الخير مجنوووون والله فاقدي تعليقاتك يا ريت اطمنا عنك بين الفينة والفينة هههههههههه	20-09-2014 03:32 PM هبله التبليغ عن إساءة
30 -	هو احنا بدناش نخلص من قصة قيس وليلى هون ههههههههههههه	20-09-2014 05:59 PM متابع قديم التبليغ عن إساءة
31 -	مع السلامه لو نويت تروح مع السلامه يااغلى من الروح مع السلامه مع السلامه	20-09-2014 07:13 PM الى مايكل التبليغ عن إساءة
32 -	كعادتك تظهرين وتختفين فجأة ...لن ابحث عنك..وستبقين منتهى...جنووووني	20-09-2014 08:57 PM منتهى...الجنووون التبليغ عن إساءة
33 -	كعادتك تظهرين وتختفين فجأة ...لن ابحث عنك..وستبقين منتهى...جنووووني	20-09-2014 08:57 PM منتهى...الجنووون التبليغ عن إساءة
34 -	صباح الانوار..... والله الواحد يحس حاله مشغول علما انه نايم بفراشه...بس كل شوي ادخل ،يعني لازم نتطمن مانستغني،،،،	20-09-2014 10:54 PM مجنوووووووون التبليغ عن إساءة
35 -	اسمع ياخوي عنا مثل بقول اللي ما بطلع مع العروس ما بلحقها ,,, ولازم تحل هالموضوع قبل الزواج ولو بتلوح بالتهديدي بالغاء الزواج من اصله ,, لانه اذا اعترضت بعد الزواج رح تقول لك منا طول عمري بلبس هيك ,,, ليش هسه جاي تعترض ,,, قول الها يابتلبسي زي الناس المحترمين يا بلا من هالقصه ,,, لانه يا غالي بكره ما رح ترتاح معها وانت شايفها صارت للكل ,,, ومش بس هيك رح يتطور ليصير شك ,,, حطها قدام خيارين وغير هك لا تقبل تنازلات ,,, والله يوفقك	21-09-2014 08:30 AM القبطااااان التبليغ عن إساءة
36 -	ليش?????	21-09-2014 12:23 PM الى منتهى الجنوووون التبليغ عن إساءة
37 -	المشكلة مو باللبس المشكلة فيها هي طالما حكيتلها انك ما بتحب هاللبس المفروض ترد ع كلامك و مو مرة وحده بالتدريج يعني ازا هلء ما سمعت كلامك بعدين ما رح تطيعك بالمرة	22-09-2014 09:52 AM انداري التبليغ عن إساءة
38 -	انت سألت المشكله فيك او فيها, انا بقول فيك, انت منغلق وعايش في مجتمع منغلق ....تلحلح شوي! وعلى فكره, في فرق بين مجتمع منغلق و مجتمع محافظ!	07-05-2015 11:19 PM منغلق التبليغ عن إساءة