10-09-2014 10:14 AM
سرايا - سرايا - انا جامعية ومتزوجة عمري 25 سنه حالتنا المادية سيئة جدآ حتى اثاث ما عنا زوجي منعني اتوظف بحجة انه ما بده مرته تصرف عليه مع انه كل ما يعطوني اخواني مصاري حتى اشتري فيهم ملابس واشياء ضرورية بيضربني وبياخدهم مني وبيصرفهم عالمشاوير والمطاعم مع العلم انه ما في عنا اثاث بالبيت وكل ما حدا يحاول يزورنا من اهلي او اقاربنا منتهرب منهم لأنه ما عنا حتى فرشات نستقبلهم عليهم وانا في يوم حاولت اجمع بدون ما يعرف المصاري اللي بيعطوني اياهم اهلي لحتى صارو خلال سنه 400 دينار وكنت حابه اشتري فيهم اغراض للبيت بس جوزي شافهم معي وضربني وصرفهم خلال 3 اسابيع وبآخر الشهر صرنا نتداين من هون وهون مع العلم انه جوزي عسكري وبيستلم 170 دينار ومع العلم انه جوزي بيضربني على اتفه الاسباب مع انه ما صارلنا سنتين متزوجين وممكن يرميني بالشارع باي لحظة وانا خايفة خصوصآ اني ما بشتغل يعني ما عندي راتب الاقيه بالمستقبل ازا رماني ومع العلم انه اخواني ما بيستقبلوني عشان نسوانهم يعني ما الي مكان اروح عليه بس مستعدين يعطوني كل شهر 30 دينار المهم انا هلأ اهلي اعطوني 1000 دينار شو بتنصحوني اعمل فيهم خصوصآ اني ما بدي اصرفهم عشان الاقيهم بالمستقبل بس حابه اني استفيد منهم وكيف اتصرف وكيف استفيد منهم بدون ما يخلصو وفي طريقة اني استثمر المصاري واستفيد منهم بالحلال بدون ما يخلصو ؟
لمتابعة وكالة سرايا الإخبارية على "فيسبوك" : إضغط هنا
لمتابعة وكالة سرايا الإخبارية على "تيك توك" : إضغط هنا
لمتابعة وكالة سرايا الإخبارية على "يوتيوب" : إضغط هنا
1 - |
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
|
10-09-2014 10:14 AM
سرايا |
2 - |
الله يسهل عليك يا ابو هاني
فلوس مصنع سياره بيت باص وبنت .......الخ كل هذا لنسيبهم |
10-09-2014 04:50 PM
ابو ابو محمد التبليغ عن إساءة |
3 - |
صلوا على النبي
|
10-09-2014 05:00 PM
لا اله الا الله ومحمد رسول الله التبليغ عن إساءة |
4 - |
أشتري فيهم ذهب وخبيهم ليوم اسود
|
10-09-2014 05:32 PM
الى من يهمه الامر التبليغ عن إساءة |
5 - |
أشكّ في روايتك ... أشكّ في أنّك جامعيّة ؟؟!!!! أشكّ أنّ امرأة عندها ذرّة كرامة ترضى حياتك .......... أشكّ أنّ هناك رجل على وجه الأرض فيه من الخسّة والنّذالة كما تذكرين
أشكّ في روايتك ...... أشكّ في أنّكّ جامعيّة ...... آشكّ في أنّ هناك من الرّجال فيه من الخسّة والنّذالة كما تكتبين ..... وهل أنت تعيشين في زماننا ؟؟؟!!!!!!!!!!!!! أشكّ في كلّ كلمة كتبت إذ لالالالالالالالالالالالا توجد امرأة مستعدة لتحمّل هذا العبء والهم ّوالقرف والضّرب وووووووووو. |
10-09-2014 06:52 PM
ورد الحمزات التبليغ عن إساءة |
6 - |
اختي الكريمه
انتدي عم بتقولي وضعكم سيء جدا .....يعني ساعدي زوجك اذا بتقدري واذا حاسه انو بستاهل تساعديه وازا لا وانتي حابه يعمر بيتك بالاثاث وهيك هيك الفلوس من اهلك ما تخلي اهلك يعطوكي كاش انتي اطلبي منهم اشياء مهمه للبيت طقم كنب غرفه نوم تلاجه غساله فبتجي هديه وبتضل الك لانها من اهلك والله الموفق |
10-09-2014 09:11 PM
ام سند التبليغ عن إساءة |
7 - |
اختي العزيزة ابناء الحلال ممن يخافون الله كثيرين وانت ستجدي اناس صادقيين صدوقيين يعملون في مجالات عدة كالتجارة مثلا ---- انصحك لله تعالي ان تجدي شخص من هذة الفئة وتشغلي هذا المبلغ مع اي منهم لتجدي قوت تستجدي به ---- واعانك الله على ما انت به من ابتلاء
|
11-09-2014 12:10 AM
فاعل خير التبليغ عن إساءة |
8 - |
بنصحك تستغلي عدم وجوده في البيت وتشتري بالمصاري اثاث كونك بتحكي بتتهربي من زيارات اهلك طبعا بدون ما تحكيله واكيد ما رح يعصب ولا رح يضربك لما يشوف بالبيت في اثاث يمكن نفسيته تتغير ويحس انه الوضع بلش يتحسن ومو غلط تعطي ع الاقل 100 دينار منهم مشان يسكت وبالباقي اثااااااااث للبيت لانه مو عيشه هاي قال فش اثاث وان شاء الله بتحسن وضعكم ولما اهلك يعطوكي ع طول استغلي ولا تخبيهم اشتري للبيت ومو غلط تعطي جزء منهم هيك بنبسط معه مصاري والبيت صار احسن من الاول وجيبي بالكلام المنيح واذا بحب المصاري هوي وبحب يصرف شي عاادي جدا كلهم هيك بس كل شي بايدك بتقدري تحسني
وانتي بتحكي بدك تستثمريهم وما يخلصو كلهم 1000 دينار توكلي ع الله واثاااااااااث للبيت لا تبخلي على بيتك وبسرعه قبل ما ياخدهم منك |
11-09-2014 09:31 AM
اردنيه نشميه التبليغ عن إساءة |
9 - |
اولا: تبليغ مؤسسة حماية الاسرة عن حالات الضرب اللي بتتعرضيلها. رح يشلوا عرضه ويا اما بنسجن او تعهد لاخر مرة. ثانيا: طالما عندك شهادة بسيطة جدا. قدمي علي وظيفة واطلبي الخلع من جوزك. طلقيه يعني واستأجري لحالك شقة واصرفي علي حالك منها اذا اهلك ولا اخوانك-اللي خايفين من نسوانهم- مابستقبلوكي. ولا تسكي علي حقك.
|
11-09-2014 10:33 AM
بسيطة التبليغ عن إساءة |
10 - |
الحل بأيدك اختي.الكريمة
فيكي تتوجهي لا اقرب مركز حماية الاسرة وهم عندهم اخصائين ليتعاملو مع حالتك وبسرية تامة بدون ما زوجك يعرف..واكيد انشاء الله بتنحل |
11-09-2014 03:14 PM
ضياء الدين التبليغ عن إساءة |
11 - |
السلام عليكم ورحمة الله وبركاته
أختي العزيزة لا بد أن السبب الرئيسي وراء هذه المشاكل الزوجية وسوء تصرف زوجك هو البعد عن الله عزوجل ،، توضأي واستغفري ربك وصلي وحافظي على الصلوات وحاولي أن ترغبي زوجك في الله عز وجل ولك الأجر وستحل مشاكل بإذن الله |
15-09-2014 01:44 PM
لا حول ولا قوة الا بالله التبليغ عن إساءة |
12 - |
طلقيه و عيشي لوحدك اشرفلك.
|
25-09-2014 04:54 PM
شو هالهبل التبليغ عن إساءة |