ماذا افعل مع زوجي وعائلة زوجي انا لم اعد اتحمل

07-09-2014 04:10 PM

تعديل حجم الخط:

سرايا - سرايا - وصلت سرايا رسالة من احد قراء يريد حلا

.
تحية طيبة ،،،
مش عارفة شو ممكن الواحد يحكي .
صارلي 3 سنين متزوجة وبحس دار عمي مادين زيادة عن اللزوم حتى زوجي بحسوا مادي ما بحكي الا عن المصاري وانوا الي معاه مصاري هو بني ادم .

بيت احماي المتزوجة حماها تاجر وبلهجتهم بحس انوا في استغلال :ليش ما يحط ما ابو معاه مصار ي كتير خلي يفت شو بدوا يسوي بمصاري .

بالمقابل همة ماسكين قرش ابنهم وبتشرطوا وبدهم وبتطلبوا كتير وما بحقلي الي بحق لبنتهم .

مش غيرة لا والله الله يهنيها بس الي بعز على اني دخلت عندهم بنيه طيبة وما كنت عارف ان المصاري كل اشي بحياتوا زوجي راتبوا بيد ابوه لدرجة انوا ما بشتري لحالوا اوعي بالمرة ولا اي اغراص بتخصوا واذا جبنى اشي النا ببلشوا انتوا عايشين للبعزقة .

هلا انا بصراحة بشتغل واشتغلت عشان اعمل اشي هلا حماي بدوا يتحكم براتبي زي ما هو متحكم براتب ابنوا .

وبطلبوا ممنا كتير احنا بالذات مع انو وضع المادي لسلافي احسن منا بس ما بطلب منههم اشي صرت احس حالي مضحكة .

هلا انا شخصيتي ضعيفة وبحس حالي بحترم الناس زيادة عن اللزوم ما بعرف ليش وما عندي ضن السوء بس لما عاشرتهم انصدمت فيهم على اساس انهم اصحاب دين .
عمي متحكم بزواج بناتوا كل اشي بمشي من تحت شورة والي بخالفوا يا ويلو اشي بقرف .

لدرجة انوا التلفزيون صارلوا من 1.5سنة خربات وما بدوا ايانا عمي نصلحوا بدوا ايانا نشتري واحد جديد بحجة اني بشتغل صح انا بشتغل بس والله طلعة من البيت مشان اعمل اشي مش مشان ابنهم جاي على بالوا يدبل التلفزيون لانوا في مديلات جديدة ونفسوا بواحد منهم على راسي الناس بتحب التجديد بس الله ما شافوا بالعقل عرفوا في اشي اسموا مصلح ليش اشتري تلفزيون ب 450 وهو بدو 20 دينار تصليح والله حرام ليش لازم كل فترة نعمل عزومه الهم ب 100 دينار بحجة مرتوا بتشتغل .هوالهم حق على ابنا.

مش هيك يعني يراعوا ضروفنا كل هالفترة الي تزوجنة فيها ما حوشة قرش احمر عشان ما نراضي اهلوا على راسي اهلوا والهم حق بس مش كل شهر والمشكلة زوجي بس افتح معاه الموضوع ببلش انتي ما بطيقي اهلي ومن هلقصص الفارطة وحاول افسرلوا انوا مش هيك قصدي بس على الفاضي .شو اعمل معاهم واعمل معوا عن جد ازهقت .

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 59205


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	07-09-2014 04:10 PM سرايا
2 -	اتركيه مش انتي بتشتغلي ومعك راتب ! وكمان بسسحبه اصلا بساحيش على حاله اللي قبلان يخليكي تشتغلي وتصرفي عالبيت	07-09-2014 04:47 PM بياع الورد التبليغ عن إساءة
3 -	عندي تلفزيون ابو المفتاح ب15 دينار. خذيه اقصاد...،، 3شهري وهيك نحل مشكلتك	07-09-2014 05:16 PM مجنووووووون التبليغ عن إساءة
4 -	لو أني محلك والله ما بشتغل	07-09-2014 07:27 PM عبير التبليغ عن إساءة
5 -	احسن شئ تبطلي من الشغل بتكسبي راحتك وانت اصلا مش مستفيدة وما في استقلالية بعدين هو مش بس يصرف عاهله لو حرق فلوسه عادي	07-09-2014 09:04 PM شمس الامل التبليغ عن إساءة
6 -	لا أمل يرتجى من البخيل .... ممكن البشر يتغيرون لكن البخيل عمره ما بتغير ......والبنت التي تقع مغ بخيل غير محظوظة .....لا تعطي ثمرة تعبك لابيه ....	07-09-2014 09:22 PM ورد الحمزات التبليغ عن إساءة
7 -	شوفي حبيبتي انا اتفهمت مشكلتك منيح لانها صايره مشكلة عامة عند كل الناس تدخل الاهل في حياة ابنهم انتي انتبهي لفلوسك منيح يعني حاولي ما تصرفي راتبك الا للضروره بس و حاولي تحطيه في اشي مفيد و يكون باسمك انتي فقط لانه الزوجه الها ذمة مالية لحالها بالاسلام لانه اذا ما اعملتي هيك رح يمر فيكي العمر و انتي مكانك سر.	07-09-2014 09:29 PM ام حسام التبليغ عن إساءة
8 -	بدك تصبري ما في حل غير هيك وحوالي تحببيهم فيك وتقربيهم منك ممكن يلهو احتياجتك و وجهة نظرك	07-09-2014 10:54 PM نصيحة التبليغ عن إساءة
9 -	قرشك ضبيه ولا تعطيهم عين وقرف يقرفهم شو الهم علاقة براتبك و راتب جوزك. ناس متخلفة لازم تنقرض عشان نتحضر شوي و نصير نحترم بعضنا. اذا اضطريتي و عند اللزوم و حسيتي انه جوزك ما بصرف عليكي الك الحق ترفعي عليه قضية نفقة وانتي عنده بالبيت. لانه هاد حقك و حق اولادك.	08-09-2014 04:33 AM وحدة التبليغ عن إساءة
10 -	مشكلتك الاساسية انك ضعيفة شخصية وبدك ما تزعلي مني زوجك خيخه وبرضو ما عندو شخصية حتى تفكير فيكو كعائلة مش مفكر شو بدك تستني منو لا سمح الله بكرا بتخلفي بين يوم وليلة اهلو بيحكولو طلقها او طلعها برا البيت ... انتي هون شو موقفك ...اذا مش مرتاحه واهلك موافقين اطلقي وخدي حريتك وعيشي بهنا بدل هالبهدلة لانو يبدو انك عايشه مع دار حماكي	08-09-2014 08:30 AM snaa التبليغ عن إساءة
11 -	نصيحتي الك تركي شغل وقعدي بلبيت واكلي وشربي وتفرجي ع تلفزيون الي راح يشتروه هاد اذا شترو تلفزيون ما انتي ع جميع جهات مش موفره ولا قرش احمر هههههههه	08-09-2014 09:03 AM jem التبليغ عن إساءة
12 -	أنا ارى أن تذهبي الى بيت اهلك وتحكيلهم المشكلة كاملة مع عدم العودة الى بيت زوجك الى حين انهاء المشكلة اذا ارادوا حل المشكلة والشيء الأخر هو أن لا تسمحي له بأن يأخذ من راتبك أي شيء لأنه ليس له حقٌ فيه أبداً وعليه أن يتحمل مسؤوليته بالانفاق كرجل لا كإمرأة يأكل راتبك وراتبه يأكله أبيه أنا أرى أن تتحملي زعلة واحدة مهما طالت مدتها لعله يحدث بعدها حل جذري ومستمر للمشكلة	08-09-2014 09:14 AM جعفر التبليغ عن إساءة
13 -	الطيور على اشكالها تقع ,,, من طريقة شرحك وخوفك ع المصاري شكلك مثلهم حارس مال فعلاً... الطيوووور على اشكالها تقع ....	08-09-2014 09:22 AM king of love التبليغ عن إساءة
14 -	كسري التلفاز ان اشترى لكي تلفاز جديدا فهو بعشقك وان لم يشتري بتشوفك علو اخبار الثامنه قريبا ههههه	08-09-2014 04:07 PM هبله التبليغ عن إساءة
15 -	سبب كل مشاكلك شخصيتك الضعيفة انتي وزوجك \ الافضل ماتشتغلي وتقعدي ببيتك اكرملك بكفيكي شغل البيت والاولاد وقرفو هو واهلو اما ازا انتي حاسة حالك بحاجة للشغل اصرفي ع حالك و ع ولادك وبس \ هاد لو واحد الو استقلاليتو كان ممكن انتي وياه بتساعدو بعض بس بسبب دار حماكي جدج هاي الاشكال مابتستاهل \ وبتقدري تربيهم انك تروحي لفترة ع بيت اهلك بتحكيلهم وضعك ممكن يساعدوكي	13-09-2014 12:16 PM maha alhabbbibi****** التبليغ عن إساءة
16 -	والله حالي متل حالك ولاء يمكن اصعب انا مليت من حياتي ندمانة عالساعة يلي عشت فيها مع بيت حماي	14-05-2015 10:48 AM ايمان التبليغ عن إساءة
17 -	والله حالي متل حالك ولاء يمكن اصعب انا مليت من حياتي ندمانة عالساعة يلي عشت فيها مع بيت حماي انا من سنتين عايشة عندهن ومشكلتي انو جوزي كل. مصاري وشغلو لاهلو اذا بدي اشتري شي لازم امو واخته يشترو عندي بنت احماى الله يسامحها مابعرف شو بدي قول زوجي هو الكبير واخواتة الشباب اثنان واحد جامعة وجوزي عم يدفع كل المصاريف تبعو الشخصي والجامعة واخو الثاني الحمد الله بيشتغل وامو تخبي راتبو ومابتخلي يساعد اخو وبتشيل من الراتب بتشتري الها وبترجع بتاخد من زوجي مشان ترجعهن لابنها الثاني مع انو ابنها مابيقلها شي وجوزي مابيسخى يشتري لحالو شي لاثياب ولا ادوية اذا مريض المهم يلحق للبيت انا عندي بنت عمرها 7 شهور لم كنت حامل بدي اخد فيتامين كلس وحديد تخيلو كل البيت صار بدو ياخد فيتامين على حساب جوزي وجوزي معه دسيك بجيب لاهلو الدواء وهو لاء بجيب لاخواتو الشباب قمصان وبنطلونات وهو لاء ما بدو شي	14-05-2015 11:00 AM ايمان التبليغ عن إساءة