ابو العبد وابو عرب شرتوو

07-08-2014 09:36 AM

تعديل حجم الخط:

بقلم : الدكتور ناصر الادهم
صبح يدقدق باب الدار من الصبح ... يا فتاح يا عليم ... يا رزاق يا كريم ... هرولت حلوة هرولت ... ركضت نحو الباب حافيا وربما قدم واحدة لابسة شيء اجلكم الله ... وفتحت الباب لاجد ابو عرب جاري العزيز العصبي الناري اللي بقاتل بحالو دايما ... اهلا ابو عرب ... خير ... لا خير ولا زفت ... بدي اشرب معك كاسة شاي ... واحكي ... تفضل ... قعدنا على التراس ... يا حبيبي تراس اهلا تراس ... الساحة الخارجية للبيت ... ودخلت اضع ابريق الشاي على الغاز ... واحضر الدخان ... شكلو الامور مدخنة مع جاري العزيز ... حضرت كل شي ... تناول مني بكيت الدخان ومن استعجاله وعصبيته طلع معه سيجارتين وحدة سقطت على الارض والتانية سقطت ... سمعت كلمة اخت ... دخلت لأكمل الشاي ... وانا مابين الاندهاش والضحك مما يجري ....المهم عملت الشاي واحضرت كاستين ونعنع ... وصببت له .. وسألته فيما اذا اراد نعنع ... اجاب بعصبية ... حط خخخ.. يا زلمة وحد الله يا ابو عرب ... مالك يا رجل ... مالي كل هاظا وبتقول مالي ... يا زلمة يعني انتي متمسح ... فتحت تمي مذهولا اول مرة جاري بغلط علي ... كمل يا ابو عرب قلتها بعصبية ... وفهم هو ماذا قال ... يا اخي اتلقاها من غزة ... والهدنة ...والا من اخبار داعش ... والا من الدركي اللي زي الوردة انقتل ... والا من لزو على بعض بالسيارات على دوار المدينة وبلش يطخ ... يا زلمة من شو والا شو بدي اتلقاها ...وشوف اللي نجحو بالتوجيهي ... والولد جايبلي 60 وبدو امه تسويه عالم ذرة ... يا زلمة منشان الله توخذني على الفحيص ... ( مكان لمعالجة المرضى النفسيين والمجانيين ) شو اللي معجبك ... بها الدنيا يا زلمة شو الموضوع اللي فش في سمة بدن نسولف فيه ... بتقللي شو مالك ... اسمع علي ... من ام عرب الا اتعلم امشي على ايدي ... وامشي للخلف ... واحكي دايما بالعكس ... و اسوق سيارتي بالعكس ... اتجاه معاكس ... وبدل لقدام ريفيرس ...مش الدنيا مشقلبة وما هو زابط فيها الا العكس ... كل شي بالعكس ... خلص ...خذني على الفحيص احسن ... الا اذا انت ابو العريف وفاهم احسن مني ومبسوط ... او تلاقيلي حدا يفهمني شو بيصير ... ولم يكمل ابو عرب كاسة الشاي وطلع وانا ساكت ... خلني انا الثاني اقوم البس ...ارغب بمراجعة طبيبي النفسي ...

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا