06-08-2014 11:21 AM
سرايا - سرايا - انا بنت عمر 28 سنة ، متدينة وبشتغل بشركة محترمة وعندي سيارة واموري تمام الحمد لله ما عندي اي مشاكل او نواقص.
قصتي اني قبل 3 سنوات تعرفت على شاب غلطت وبعترف اني غلطت المهم هو مش متعلم وشغله مش ماشي وفقير الحال لكن جوهره جيد بالرغم من عدم التكافؤ بينا لكني حبيته عنجد، هو عصبي ومزاجي ومتطلب لكني صبرت لاني وجدت فيه صفات جيدة اطباع عادية عند كل الرجال.
قبل فترة تجرأت ورجعت فتحت معه موضوع الارتباط لاني تعبت من تحمل ذنب علاقة حرام ومن ورا اهلي فكان رده انه وضعه المادي صعب لكني جاوبته اني مسامحته ما بدي لا مهر ولا دهب ولا عرس فخم وراتبي على راتبك بنعيش وسيارتي موجودة وخاصة انه ابوه متوفي وتركله بيت، وحكيتله اهلي بسيطين ما بيطلبو كتير المهم بنتهم تكون مرتاحة ضل محتار ما بين اه ولأ وكل يوم قرار جديد وخلاني احكي لاهلي واشوف شو ردهم وبعدين حكالي انه مش قد الارتباط وما بده يتقيد لانه بحب الحرية والزواج رح يربطه، وغير هيك ما بيرضى يعيش على راتبي، حكيتله ليش تخليني احكي لاهلي حكالي انه كان يفكر بصوت عالي وما كفر وهلا تراجع وغير حساباته.
انا انهرت لانه بعد هالتنازلات الي قدمتها كمان رفضني مع اني مش ناقصني اشي لا بشكلي ولا بديني ولا تعليمي.
ماذا أفعل ؟
لمتابعة وكالة سرايا الإخبارية على "فيسبوك" : إضغط هنا
لمتابعة وكالة سرايا الإخبارية على "تيك توك" : إضغط هنا
لمتابعة وكالة سرايا الإخبارية على "يوتيوب" : إضغط هنا
1 - |
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
|
06-08-2014 11:21 AM
سرايا |
2 - |
اتركيه لانو مش جاد والزلام ما انقطعوا من الدنيا ويمكن نصيبك مش في هل الزلمة
|
06-08-2014 11:26 AM
HALO1 التبليغ عن إساءة |
3 - |
اتركيه لانو مش جاد والزلام ما انقطعوا من الدنيا ويمكن نصيبك مش في هل الزلمة
|
06-08-2014 11:26 AM
HALO1 التبليغ عن إساءة |
4 - |
تقولين غلطت فما هو نوع الغلط
|
06-08-2014 11:32 AM
رقيب التبليغ عن إساءة |
5 - |
الله يبعتلك ابن حلال
|
06-08-2014 11:37 AM
حسن حميس التبليغ عن إساءة |
6 - |
هذه اخرة العلاقات المحرمة، وهو شكله من الشباب الي بقول مدام حكت معي حكت مع 100 غيري. سيبك منه وان شاء الله ربنا يرزقك بابن حلال يصونك ويقدرك
|
06-08-2014 11:37 AM
مها التبليغ عن إساءة |
7 - |
احلقيله واتركيه وشوفي كيف رح يجي لعندك، بس لو اجى ما ترضي فيه
|
06-08-2014 11:41 AM
مايك التبليغ عن إساءة |
8 - |
اختي...الجواب في جملة
من ترك شيئاً لله ...عوضه الله خيراً منه... و بما انك متدينة...بتكوني عارفة انو أنت على خطأ توبي لله و استغفري و استغري و استغفري..و انسيه..و توكلي على الله بكرة بيجيك الأحسن منه اللي بدو يسترك و يستر حاله... ثقي انك رح تعيشي معه في جحيم و فقر و نقر...و يضل يعيّرك انتي رميتي حالك عليه.... ارضي ربك و أهلك و شوفي النتيجة...الله كريم نصيحة من اختك لله تعالى |
06-08-2014 11:45 AM
اختك في الله التبليغ عن إساءة |
9 - |
هذه نتائج التلفزيون والانترنت غير المراقب ، تطبيق حرفي للمسلسلات والافلام التي ابطالها حثالة المجتمعات ، فاصبحت البنت والشاب يقيمان علاقات محبة دون علم اهلهم ، وبالتالي لم يعد الشاب يفكر بالزواج وتأسيس الأسرة كما كان في السابق الا من رحم الله ، وأما الفتاة فربما هي أكثر حياءا وما زالت تفكر بالامر ، وأعتقد أننا سنصبح شيءا فشيءا مثل المجتمعات الغربية تماما
|
06-08-2014 11:51 AM
مواطن 1 التبليغ عن إساءة |
10 - |
حسبنا الله ونعم الوكيل
|
06-08-2014 11:53 AM
ترزان التبليغ عن إساءة |
11 - |
ما رح يجي يخطبك ,أتركيه أحسنلك ,وبعدين وين الطباع الكويسة اللي بتقولي عنها؟ هو شايف حاله عليكي وهو الطرف الأقوى في هذه العلاقة وأنت الطرف الضعيف اللي بيركض ورائه بس بدك رضاه وهو مش سائل فيكي. لا تضيعي وقتك النتيجة واضحة
|
06-08-2014 11:56 AM
مجربة التبليغ عن إساءة |
12 - |
أخيتي نصيحتي لك ان تبتعدي عن الحرام ابتعدي عنه وتقربي الى الله وسوف يعوضك الله احسن منه ان شاء الله ولإنك ياأختي كما تقولين جمياه ومؤدبه وبنت ناس سوف تجدين افضل منه بكثير يتسحقك ويستحق تضحياتك ويقدرك اما هذا الشخص ربنا يهديه تعود عالحرام والعلاقات التي تغضب الله ولا يريد ان يتحمل مسؤوليه وتكوين اسرة فقط همه الوحيد البحث عن العلاقات المحرمه ويريد ان يكسب المال دونما تعب صدقا لا يستحقك وليس صاحب قرار ولا مبدأ اتركيه ومن ترك شيئا لله عوضه الله خيرا منه وصدقي لو ارتبطتي به سوف تتنازلين كثيرا دونما كرامه او حياة هانئه والله المستعان
|
06-08-2014 11:57 AM
مقهوره التبليغ عن إساءة |
13 - |
دشرك من المشاكل , هاد واحد هامل بس انت ضحية فإنفدي بريشك احسنلك واهربي بما تبقى لك من ريش وكرامة
|
06-08-2014 12:06 PM
دشرك من المشاكل التبليغ عن إساءة |
14 - |
دشرك من المشاكل , هاد واحد هامل بس انت ضحية فإنفدي بريشك احسنلك واهربي بما تبقى لك من ريش وكرامة
|
06-08-2014 12:06 PM
دشرك من المشاكل التبليغ عن إساءة |
15 - |
لله يهديك يا اختي انت واعية ومش مراهقة ولازم تفهمي انه عنصر الكفاءة مطلوب ولازم يتفوق فيه الرجل على شريكته حتى تدوم الحياة ولاحظي انه ما في اي ميزة حتى المشاعر طلعت مش حقيقية والدليل انه لما وصل الموضوع للارتباط الجدي انسحب ببساطة وبالتالي لازم تحمدي ربك انه تتركيه قبل ما يصير بينكم اشي رسمي وتكتشفي حقيقته او يعيش تصرفي عليه وتاكدي بالحالتين رح يتركك وهو ما قدر تضحياتك وتنازلاتك واسفة ازا قلتلك رخصتي حالك ادامه وانت غالية وعليك انك تقطعي علاقتك فيه وتنتظري زوج مناسب يرغبك عن قناعة فيك وهم اكيد كتار واستفيدي من تجربتك حتى لو تالمت في ا لبداية حتى ما تكوني مطلقة بتجربة مع انسان رخيص وانسحابي ومتواكل ومتبلد المشاعر
|
06-08-2014 12:16 PM
سارة التبليغ عن إساءة |
16 - |
هادا يا بنت الحلال داخل معك بعلاقة للتسلية فقط .. و مو جدي ابداً بهاد الموضوع ومو مقتنع فيكي و الو علاقات تانية ... والدليل على كلامي انه رح يبدأ يحاول يسحب نفسه من العلاقة قريبا ... عن تجربة
|
06-08-2014 12:41 PM
محمد عمر التبليغ عن إساءة |
17 - |
اول شي كيف متدينه وعلى علاقه دخيل الله
بعدين ما عندك نواقص طيب بلاقي عندك قوانص هههههه وحكيتي انه متطلب يعني بتصرفي عليه وهو مكيف وحده بتصرف عليه وسياره واطلب واتمنى شو بده بالربطه وزواج هذا بضحك عليكي الي مصروفه على امه شو بهمه؟؟ |
06-08-2014 01:00 PM
حبيب الروح التبليغ عن إساءة |
18 - |
الزلمة طلع صريح و خبرك انو مو قد المسؤولية اللي راح تصير على كتافو و خبرك انو ما بدو يعيش على راتبك انا رأيي انو يخبرك هلا احسن من ما تتزوجو و بعديها ما يتحمل
قدر الله و ما شاء فعل الظاهر انولسى نصيبك ما اجا |
06-08-2014 01:10 PM
sim sim التبليغ عن إساءة |
19 - |
لا تتصوري في رجل بالدنيا وحطي خط تحت كلمه رجل انه يقبل يتزوج بوحده عرفها بشارع او على تلفون وظلت معه فتره وعملو وحكو كثير .. اتركيه وتوبي والله يستر عليكي وما يجي حد بالمستقبل ويعرف بعلاقتك القديمه وبسسسسس
|
06-08-2014 01:21 PM
ماهر التبليغ عن إساءة |
20 - |
هوه لو فعلا بده ياكي ببيع كل شي بالدنيا وبشتريكي بس هوه كزاب ممكن انه اعجب فيكي بس ما وصلت فيه الامور انه يرتبط بنصحك تبعدي عنه لانه كرامتك بالدنيا ولا ترخصي حالك لانه لو ارتبطي فيه بكرا هوه اول واحد رح يصير يعايرك باللي عملتيه وكيف رخصتي حالك مشانه
|
06-08-2014 01:23 PM
دودو التبليغ عن إساءة |
21 - |
اعتقد انك اخطات في علاقتك مع هذا الشاب لانك لم تفكري في المستقبل اذا شاب غير متعلم امي عمل هكذا ورماك فما بالك في انصاف المتعلمين انا متاكدة انه اصبح لايرغب بك بعد ان رخصت عليك نفسك يا ريت كل البنات تتعلم من تجربتك والله يوفقك
|
06-08-2014 01:30 PM
كركية التبليغ عن إساءة |
22 - |
بتقولي مش ناقصني شي بديني ونفس الوقت بتقولي علاقة حرام ما دام في علاقه حرام ما راح يتزوجك صوني نفسك وعودي الى الله بيجيكي ابن الحلال
حسبي الله ونعم الوكيل |
06-08-2014 01:45 PM
المحاسنة التبليغ عن إساءة |
23 - |
الموضوع ما فيه انه الشب مو تاااع زواج بتسلي فيكِ ولما صار الجد قدم مبررات مو مقنه ..... انسي وطنشي ما في نصيب .
|
06-08-2014 01:55 PM
مسافر لوحدي التبليغ عن إساءة |
24 - |
وقت مصلحتها تجيللك الكلاب مشتاق
|
06-08-2014 02:06 PM
البرنس التبليغ عن إساءة |
25 - |
لا حول و لا قوة إلى بالله ، كل سنه برجع من الغربه أدور على عروس بلاقي معظم الفتيات بسن الزواج يرفضن الأرتباط ، لان معظمهم شابكات بعلاقات و مرتبطات بشباب بتسلو على الفتيات و بضحكو عليهم ، و حالتك مش أستثناء ، و النتيجه معروفه للجميع
|
06-08-2014 02:41 PM
jordan-first التبليغ عن إساءة |
26 - |
هاد
زمن صرنا احنا فيه بنحاول نكون زي الأجانب بنعمل علاقه أول عشان نشوف كيف وضعنا راح يكون مع الي احنا بنفكر انوا راح نكمل الحياه معه . بس الي انا بحكيلك اياه انو انتي شوفي شو عقلك بحكيلك . ما تفكري بي قلبك وانتي خدي قرارك |
06-08-2014 02:46 PM
haitham التبليغ عن إساءة |
27 - |
امامك خياران لا ثالث لهما...فان كانت علاقتكما ظاهريه اي مسالة حب وكلام ولقاءات فاتركيه فورا وبدون اي اسف عليه فمن خلال كلامك عنه فهو حثالة وناقص وتافه ولا يستحق معاناتك وتعبك وتضحيتك من اجله...!!! واما ان كانت علاقتكما وصلت الى الحد الذي خسرت فيه (عفافك) فما عليك سوى ارغامه بالقوة بالزواج منك..وذلك من خلال تهديده اولا او ابلاغ الشرطه عنه..او حتى ابلاغ اهلك ليضعوه رغما عنه امام الامر الواقع...مع امنياتي ودعائي لك ولكل فتاة بان لا تكون لقمة سائغه بين يدي شباب لا يتقون الله....!!!
|
06-08-2014 03:02 PM
الرعـــــــــــد ........! التبليغ عن إساءة |
28 - |
تقولين بانك متدينه ..!!!!!!!!!!!!
وهل تفعل المتدينه ما فعلت ؟؟؟؟؟ وهل تقوم المتدينه باقامة علاقه غير شرعيه خارج عش الزوجيه ؟؟؟؟؟؟ انت يا فتاتي لست متدينه....بل مستهترة..ومهمله..ومقصرة.....و فايعه....فاتقي الله في نفسكِ...!!!!! |
06-08-2014 03:06 PM
قرفااان التبليغ عن إساءة |
29 - |
شو رايك توخذيني عن جد
|
06-08-2014 03:22 PM
نورس التبليغ عن إساءة |
30 - |
افتحي اكروكه
|
06-08-2014 03:28 PM
Mom التبليغ عن إساءة |
31 - |
رفضك اخيتي لان اكثر الشباب الذين يتعرفون على الفتيات بطرق غير شرعية يكون نظرتهم للفتاة انها كما تعرفت عليه ستتعرف على غيره....بالإضافة للشك الذي سينتابه بسبب علاقته هذه ومن كلامه انه لا يريط الربطة والزواج رح يربطه هذا الشاب من كلامه هذا لا يريد بعلاقته الزواج بل التلاعب بالمشاعر والحصول على ما يستطيع الحصول عليه منك سواء ماديا او جسديا او ...فسامحيني ان قلت لك الفتاة بنظر مثل هؤلاء الذئاب البشرية مثل حبة اللبان عندما ينتهي الحلا منها يرميها في الزبالة ....فما عليك القيام به الآن هو :ـــ1.انسي هذا الشاب واخرجيه من حياتك ولو راجعت رسالتك التي عرضتيها لوجتي الكثير من الصفات التي تجعلك تكرهيه...من عصبيته وعدم الحصول على التكافؤ بينكما ومزاجيته وعدم رغبته بالزواج وانه متطلب..اي لديه امور يطلبها قد لا ترضيك...فكل هذه الصفات ذكري نفسك بها فستكون عونا لك على نسيانه..اقطعي جميع وسائل الإتصال التي قد توصلك به او توصل اخباره إليك واخبارك إليه....غيري ايميلك وغيري رقم جوالك ....2.توبي إلا الله توبة نصوحة وما نزل بلاء إلا بذنب وما رفع إلا بتوبة...فكم من فتاة خسرت اغلى شيء تملكه عفتها وطهرها ومع ذلك بعد توبتها ورجوعها إلا الله ستر الله عليها ورزقها الزوج الصالح....3.انت اخيتي لديك من الصفات التي يرغبها الكثير من الشباب كل ما عليك هو توكلك على الله وحسن ظنك به واليقين كل اليقين بان الزواج رزق مكتوب من الله فليس مطلوب منك اتباع الأساليب الخاطئة والتي لا ترضي الله والا حتى الناس للحصول على زوج صالح....4.اخيتي خلق الله القلم كأول ما خلق من المخلوقات فقال له اكتب ما جرت به المقادير منذ الساعة وحتى قيام الساعة فجرى ذلك القلم يسطر كل صغيرة وكبيرة على سائر المخلوقات ومن ضمنها من هو زوجك واين ستتزوجين وهل ستتزوجين ام لأ ومن هم ابنائك واحفادك وذريتك إلى يوم القيامة بالضبط مثل الرزق والأجل وبلد الإقامة يقول تعالى " ... وما تدري نفس ماذا تكسب غدا وما تدري نفس بأي ارض تموت " ، إذن ... هي قضية مسلمة يا اخيتي ... ووالله ليس لك ان تضيعي فيها جزء من وقت أو جهد في التفكير والقلق من اجلها وهي محسوووومة منذ بداية تسطير الأقدار ولن تستطيع فتاة بخروجها أو دخولها او سفورها أو تعرفها تغيير شعرة واحدة فيهاإذن الان وبعد كلما ما تقدم .. اين المشكلة .... وكيف يكون الحل ؟؟؟؟؟ إنه في المسلمين والمسلمات أنفسهم ... في اليقين والتوكل على الله .. في حسن الظن بالله ... في الالتزام باوامر الله ... لما ظننا اننا نحن من يحقق الأقدار أوكلنا الله إلى انفسنا لنرى هل نحن فعلا من يحقق الأقدار ام الله ؟؟؟ والعلاج التام والناجع بإذن الله للمشكلة يتمثل في عدم الالتفات إلى هذه الأمور المحسومة وعدم السعي إلى كسب شئ لم يقدره الله بوسيلة غير مشروعة أو على الأقل بالقلق فيما لم يقدره الله فكم من فتاة تزوجت بعد أن شعرت باليأس من الزواج وذلك بتوجهها إلى رب العزة والجلال وكم من أخرى رزقت بزوج ولا احلى وهي مصانة جالسة في بيتها لا يعلم عنها احد ، ان الطريق والعلاج سهل وميسر ومعروف سلفا ويتمثل في قوله تعالى "ومن يتق الله يجعل له مخرجا ... " .... "ومن يتق الله يجعل له من امره يسرا".. " وجماع الأمر كله تقوى الله - والدعاء بقلب متوكل ومقتنع ومعتقد ومتيقن تمام اليقين ان الرزاق هو الله وأنه هو وحده القادر على ان يرزق كل فتاة بما تريد وبالسعادة دنيا وآخرة وبهذا فقط يمكن للفتاة ان تحصل على عريس بالمواصفات التي تتمناها او تقل او تزيد قليلا ولكل من أخطأت وانساقت وسعت لأجراء علاقة مع رجل رغبة في تأمين مستقبلها عليها ان تعلم جيدا بأنها اخطات بترك التوكل على الله واللجوء الى اسباب لا تنفع ولا تضر ولا تحرك ساكنا ولا تسكن متحركا من ناحية ومن ناحية أخرى بإرتكاب محرم عظيم وهو تكوين علاقة غير شرعية مع رجل غير محرم لها حتى وان لم تصل تلك العلاقات الى مرحلة ارتكاب الكبائر ، فلتستغفر ربها على ما كان ولتندم على اتباعها لخطوات الشيطان ثم عليها اتخاذ قرار بالتغيير الفوري لمجرى الحياة وتقوية الصلة والعلاقة مع خالقها ورازقها وبارئها ولتقترب منه سبحانه بالتقوى ... بالدعاء ... باللجوء والاخلاص والتوكل واليقين وحسن الظن به سبحانه......5.انصحك بالإصلاح ما بينك وبين الله فإن اصلحت ما بينك وبين الله واعطيت الله ما يحب يعطيك الله ما تحبين ويصلح لك جميع امور حياتك...6.انصحك بمتابعة ردودي على المشاكل المشابهة لمشكلتك وانصحك بقراءة ردي على مشكلة تائهة ولا ادري ماذا افعل.....الله اسأل ان يفرج همك وييسر امرك ويرزقك زوجا صالحا تقيا ابيا ...ويعجل في زواجك ويحفظ لك عرضك ويستر عليك في الدنيا والآخرة ....وان ينزل على قلبك رحمة تسعدي فيها ولا تشقي بعدها ابدا......محب فلا تلوموني
|
06-08-2014 04:58 PM
محب فلا تلوموني التبليغ عن إساءة |
32 - |
اي دين يا ام الدين
|
06-08-2014 08:20 PM
ااا التبليغ عن إساءة |
33 - |
ضيعتي عمرك على حكي فاضي
و حضيعي دينك و بهدلتي حالك !!! |
06-08-2014 08:25 PM
من اربد التبليغ عن إساءة |
34 - |
احلقيله وسميه عطية
|
07-08-2014 04:44 AM
صرارية ماتهاب الموت التبليغ عن إساءة |
35 - |
اكثيري من الاستغفار وقيام الليل والدعاءوقراءة سورة ياسين كل يوم قبل مغيب الشمس واجعلي النية تسهيل امر الزواج وسترين الفرج باذن الله تعالى
|
07-08-2014 06:51 AM
السبعاوي التبليغ عن إساءة |
36 - |
والله انو حمار واخسارة فيه ان عمري 30 سنة وانا بشتغل موظف حكومي توخديني علما انو عندي سيارة xd 2003 وبيتي جاهز والحمد لله شو رايك ؟؟؟بس انا مستغرب من شغلة بصراحة انت بدوري على حل لمشكلتك ولا بتعرضي بحالك للزواج حبيبتي في مثل بحكي يلي بدلل على بضاعتو بتبور يلا امشي من هون يلا
|
07-08-2014 09:53 AM
الحلو التبليغ عن إساءة |
37 - |
غلطتي معه ؟؟؟؟ الى اي مدى غلطتي معه ؟؟؟ يعني فقدتي عذريتك ؟؟ اذا عملتيها بقول الله لا يقيمك ,,, اشربي منه لما تدوخي ,, واذا مسالة طلعه وشمة هوا فسيبك منه وسميه جعفر ,,, ما بنفعك بعدين انتي ليش مرخصه حالك هيك ؟؟؟ مش مستاهل
|
07-08-2014 10:10 AM
القبطااااان التبليغ عن إساءة |
38 - |
انتي انسة غبية اذا بتتنزلي عن اي شي لانك رح تندمي
اهم شي يكون هو بدو ياكي بس ما دام بتتنزلي اخرتو رح يتركك |
07-08-2014 10:18 AM
123nana التبليغ عن إساءة |
39 - |
تحياتي واحترامي ومحبتي للغالي مأمون...اما المذكورة سابقا(تاعة المشاكل) فقد كنت اعلم بأنها تافهه .....!!! ولكني تركتها نزولا عند رغبتك ووساطتك التي اقدرها واحترمها والتزم بها.....واما ان عادت الايام الى سابق عهدها..فاقسم لأجعلنها تندم على فعلتها...واسلم لأخيك..!
|
07-08-2014 10:31 AM
الرعـــــد ../ القبطااااان التبليغ عن إساءة |
40 - |
انا عندي استعداد احل مكاته واستر الطابق لله
|
07-08-2014 10:54 AM
انا جاهز التبليغ عن إساءة |
41 - |
ستي العزيزه و الله لو انا ما عندي مشاكل هذه الايام لاتزوجك ما شاء الله كلها صفاتك جميله
اتوكلي ع الله وانتي عمرك الان بسن الزواج و ما راح عليكي القطار |
07-08-2014 11:28 AM
ابو ابو محمد التبليغ عن إساءة |
42 - |
يعني اكل العريس ومادام اكل راحت عليكي والله يستر عليكي يا رب واهل ما يقتلوكي
|
07-08-2014 01:36 PM
محمود المصري التبليغ عن إساءة |
43 - |
اقسم بالله بس قرأت التعليق عرفت انو انتا من هبلك وغباءك وكأنو احنا هون جايين نعرض نكت واجمل نكته جد عيب ما عندك حل ومساعده مش ضروري تعرض عضلاتك وتتفلسف وتحكي حكي ما الو داعي لازم منعو مشاركة المرضى النفسيين ...
الله يشفيك يا اخوي |
07-08-2014 01:37 PM
الى حبيب الروح التبليغ عن إساءة |
44 - |
أخي أسعد الله صباحك
ان ما تتحدثي فيه له عدة جوانب نفسية وجوانب ذاتية وشخصية انت سبب في الغلط الذي تبحثين عن حل له والحل موجود لايوجد شي ليس له حل أنما الوقوف على المشكله لابد من التروي بايجاد الحل وعدم الافصاح أمام الكل بذلك الا انه يجب الجلوس مع ذاتك ومساعدة المختصين في ايجاد الحل الناجع والذي هو مبرر لك لعيش حياة سليمة خالية من اية شوائب قد تؤدي بك الى الانهيار العصبي وفقدان ذاتك وان يكون هذا درس قويم لك الى الابد مع تحميل نفسك الذنب وان تنصاعي الى أمر الله فهو الذي سترك ربي كيف تودين ان تبوحي على الملاء لا بد من جلسة تفرغين فيها عما بداخلك من هموم ومشاكل وكل شي سيحل بأذن الله تعالى وان تكوني اقوى من نفسك على نفسك وثقي بالله أولاً وثقي بنفسك وستخرجين من هذا المازق ويكون لك درس ابدي . |
07-08-2014 01:54 PM
مرشد نفسي التبليغ عن إساءة |
45 - |
اختي الكريمة اغلب البنات بفكروا انه البنت رح ترتبط من شب عملت معه علاقة والي بتنظر عالواقع بتشوف غير هيك لانه ما بني على حرام لا يؤدي لطريق حلال الا بحالات نادرة جدا ... الشب ما بده الارتباط هاي هيه المشكلة ونصيحة لا تجربيها مرة ثانية لانه رح تطلعي بنفس النتيجة ولكن بنفسية اسوأ .......... والله لو تلتزمي الاستغفار وتدعي ربنا رح تتزوجي ابن الحلال الله ما فيه اكرم منه وكمان بحب انصحك نصيحة اتعلمي صلاة الاستخارة و كل امر مهم بحياتك صلي صلاة استخارة لو كان فيه خير بتيسر الك بكل سهولة ولو كان شر بنصرف عنك لا تنسي بتمنالك التوفيق اختي
|
07-08-2014 03:00 PM
عابر سبيل التبليغ عن إساءة |
46 - |
ما حدا بتعمل اللي عملتيه وببتتنازل الا اذا كان ذنبها كبير وعلاقة 3 سنوات مدة بتكفي لاخطاء كتير تصير بينكم ولدرجة انك تتنازلي وتترجيه كمان وهو لا عندو ولا عند بالو . الحق عليكي من الاول انك عملتي هيك من الاساس وما بعرف شو شغلة مشاكل البنات اول ما تحكي مشكلتها بتحكي انها حلوة ومتدينة وين الدين بكل اللي بتحكي فيه؟؟
|
07-08-2014 03:33 PM
عاشق التبليغ عن إساءة |
47 - |
اي ما هو زهق منك وهسا بده يدور على وحدة غيرك, من كل عقلك مصدقة انه رح يتقدملك بعد 3 سنين حب بالحرام, بروح بيتعرف على بنت ما عمرها حكت مع شب اضمنله وصلى الله وبارك
|
07-08-2014 03:58 PM
حميدة التبليغ عن إساءة |
48 - |
أنت أذللت نفسك ولم تبق لنفسك كرامة أبدا واندلقت عليه والرّجال يحبّون المرأة المتمنّعة التي لا تعطي لآدم كلما طلب منها وقد أخذ منك ما يريد و 3 سنوات تمزمز أحلى مزمزة ,وهو يشعر الآن أن ّصلاحيتك قد انتهت عنده وها هو الآن يتمنّع .
ومن يهن يسهل الهوان عليه ما لجرح بميّت إيلام أنت الآن بطور الميّت بنظره ولا يشعر بإحساسك |
07-08-2014 06:55 PM
ورد الحمزات التبليغ عن إساءة |
49 - |
فش بنت ما حكت مع شباب حتى بنت ١٣سنه فأنا ريحت راسي ورح أضل عزابي ههههههههههههههه
|
07-08-2014 06:59 PM
الى حميده التبليغ عن إساءة |
50 - |
سيبيه وتركيه وراح ييجي يترجاكي جربي وشوفي بعدين غير نصيبك والله ما بتاخدي واستتعيني بالله وشوفي النتيجة
|
07-08-2014 07:16 PM
الغول التبليغ عن إساءة |
51 - |
ههههههه انتي ليش مش كاتبه اسمك ولا خايفه ابهدلك
بس انا اخلاقي اكبر من هيك وانتي ولاااااا حدا فالقك وقااااهرك غيري انا الاختلاف في الرأي لايفسد في الود قضيه عشان هيك رح اظل احترمك وما ابهدلك |
08-08-2014 12:04 AM
حبيب الروح الى سنسونه التبليغ عن إساءة |
52 - |
اللي بدلل على بضاعته بترخص انت رخصت نفسك وهذه النتيجة فرطت بشرفك
|
08-08-2014 04:50 AM
بركات التبليغ عن إساءة |
53 - |
كيف مش ناقصك شي اهم شي ناقصك وهو الدين
|
08-08-2014 10:13 AM
QSam التبليغ عن إساءة |
54 - |
ههههههه ليش مش حاطه اسمي ليش يعني حكولك انو انا هون عشان ادور هاحترامك لا وشو رح اضل محترمك وما رح اغلط عليكي يا سيدي اغلط والله بكسب فيك حسنه وبساهم بعلاجك ولاو الناس لبعضها .........
|
08-08-2014 08:35 PM
ست راسك سنسونه التبليغ عن إساءة |
55 - |
بلا كذب وبهوره انتي غلطانه معو للاذان وانتي عافه قصدي كل انسان يقلع شوكو بايدو
|
09-08-2014 11:59 PM
بدوي التبليغ عن إساءة |
56 - |
اول شي انا بشكر كل شخص علق على القصة باحترام وذوق.
............... كانت ردود افعال الناس جيدة ونصحوني بمنتهى الادب والاخلاق انا صاحبة المشكلة اقر واعترف اني ما غلطت معه هذا الشاب غلطة من الي فكروا فيها اكثر المعلقين على الموضوع ولا يخطر ببالكم انه ممكن اسمح وهو اصلا قبل كل شي انسان محترم ما بيرضى هيك اشي وعلاقتنا كانت ولازالت محترمة ورح تنتهي باحترام... انا لا ديني ناقص ولاعندي قوانص ولا بعرض حالي من خلال القصة وبدور على ابن الحلال حتى لو انا ما بعرفك ولا بتعرفني ولا عمرنا رح نلتقي واخرتك تسكر الجهاز وتكمل يومك وتكون بعيد عن القصة والتعليق ما بصير لا بشرع ولا باخلاق تحكم علي وتغلط بلغة شوارع لانه الغلط بلحقك وبلزق فيك حتى لو ما بتكتب اسمك تحياتي للجميع |
11-08-2014 01:26 PM
صاحبة المشكلة التبليغ عن إساءة |
57 - |
والله توقعت انك بنت حلال و ما بتعمليها
الله يوفقك و يسعدك |
12-08-2014 07:36 AM
ابو ابو محمد التبليغ عن إساءة |
58 - |
والله انا نفس مشكلتك بس الفرق بيني وبينك انه انا حبيته وكنت يومي انا واياه والمشكله كل الناس الي بيعرفوني وبيعرفوه بعرفوه انه احنا خاطبين وبعديها هو تغير وصار اسلوبه معي بغزي وكنت لما احكيله تعال اطلبني كان كل مره يطلع حجه شكل واخر شي قررت اني اتركه ولما تركته فتره طوياه رجعلي وحكالي انا بدي اياكي ونتجوز بس وقتها انا رفضت احساسي ما طاوعني اني ارتبط فيه وبعد فتره اسمعت انه خطب انا كنت ناسيته بس المشكله لما حكالي انه خطب انا انجنيت وما بعرف شو صرلي وهو صار يحكيلي انتي الي تركتني وابعدتي واضريت اخطب انا من جو عم بحترق بس انا رجعت لربي لانه هو عالم بحالي وعليه اتكالي بس المشكله اني مش ادره انسى انا بدي حل مشان الله ادعولي اللهم الهمني صبر ايوب وقويني يارب وحسبي الله ونعم الوكيل فيه الي عنده حل الي يا ريت يحكيه ...... وشكرا
|
18-08-2014 01:22 PM
لليان التبليغ عن إساءة |