زوجي عاد لزوجته الاولى،افيدوني

24-07-2014 09:12 AM

تعديل حجم الخط:

سرايا - سرايا - السلام عليكم ،انا فتاه تزوجت من ثلاث سنوات من رجل متزوج ولديه اطفال والزواج كان سرا دون علم زوجته الاولى واهله
طبعا اهلي على علم بزواجنا وكان زواجنا رسميا ولكن غير موثق بالمحكمه
قبل الزواج احببنا بعض بشكل جنوني وتقدم لخطبتي واقتنع اهلي به ووافقوا على الزواج،بحيث انه يعيش حياه تعيسه مع زوجته وأنها نكديه لابعد مدى
عشنا اجمل قصص الحب بعد الزواج ولم ابخل عليه بالحب والحنان الذي يفتقده عند زوجته الانانيه،وبذلت كل جهدي لشراء الملابس الجميله واحياء الاجواء الرومانسيه لاعوضه عن النقص في بيته
المهم في الموضوع انني بدأت الحظ على زوجي انه يحرص كثيرا على مشاعرها ويتغيب عن الاتصال بي لساعات طويله وبصراحه صايره أحسه بميل لها وببعد عني شوي ،وبيخلي حاله قدامي يكرهها وانا متأكده انه يحبها
مع العلم انها منكده عليه عيشته وانا بكتيبييير اصغر منها واحلى،وهلا بعيش حاله من الاكتئاب وبتظاهر امامه اني طبيعيه حتى ما اخسره.
وصرت أزيد الاهتمام بحالي وفيه،بس ليش ليصير هيك؟
هل من الممكن يرجع الزوج لزوجته الي بكرهها ومستاء منها ؟
وشو اعمل لحتى ارجعه ملهوف علي متل اول ؟
آسفه كتير عالاطاله وبتمنى تساعدوني

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 150611


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	24-07-2014 09:12 AM سرايا
2 -	اولا ليش يتزوج بالسر تانيا هي زوجته وانت اختى وانت عارفة انوا مش مطلق ثالثا ما بصير تبعدين عن بيتوا مرتوا واولادو حطي حالك مكانها بترضي زوجك يتزوج عليكي بالسر فش مرة عاطلة هاي قناعتي في للبيوت اسرار احنا ما بنعرفها بعدين نص الرجال كزابين بتعجبهم وحدة بروحوا بيوخدوها وبالفوا 1000قصة كذب على نسوانهم ممكن تكوني اعجبتي وحبك عشان هيك تزوجك وما عرف كيف بدوا يوصلك فالف قصص على مرتوا لا تخليها تعيش لحالها المرا بدها سند بالدنيا وانت اخذتي وعارفة انوا متزوج فبرضاي عليكي اتفهمي الموقف وخلي يصارحها بعدين شكلوا وضعك المادي منيح لانك بتشتريلوا ملابس ويمكن هي مش متعلمة او وضعا المادي اسوا منك فما قدرت توفرلوا الي انت بتوفري حرام عليكم توخدا الزلام من نسوانهم اذا احنا مش متعلمات وما معنا مصاري بتضحكوا عليهم والله حرام	24-07-2014 09:25 AM 000 التبليغ عن إساءة
3 -	لفيتي الزلمه عن مرتو وكمان الك عين تحكي واهلك ما وثقو الزواج بالمحكمه يا بعدي	24-07-2014 09:42 AM فتوش التبليغ عن إساءة
4 -	اسمعي بدك الصراحه قصتك ولا انت متل بعض لو ما حكيتي احسلك طيري انتي وقصدك الله يستر عليكي يارب ههه وليش مش مصدقها في المحكمه الله يعينك ع عقلك يارب	24-07-2014 09:55 AM اااااميره الورد التبليغ عن إساءة
5 -	الرجل قد ما غاب مرجوعه لمرته واولاده وبصراحه انت خربتي بيته وحده بتحب واحد متزوج لا لا مش منيح وهاي مرته واذا هو حكالك ما بحبها وانت صدقتي بتكوني غلطانه بظل ام الاولاد والها الحق عليه وكيف يعني مش موثقين العقد بامحكمه حكم يعني ما حدا بقدر يساعدك هاي مرته واولاده وهو مجبور بخدمتهم وما بقدر ينساهم بكم كلمه منك ولا بكم،البسه ولا حركات هاي مرته الاولى الحق كله الها انت الي دخلتي حاجز بنهم مش هي	24-07-2014 10:29 AM مهاجر التبليغ عن إساءة
6 -	تزوجتيه رسمي بس غير موثق بالمحكمة كيف هاي فهميني اياها؟؟؟؟؟؟؟؟؟؟؟ انت تزوجتي و الا لا؟ انتى بتعرفي انو الزواج الغير موثق بالمحكمة الشرعية لا يصح و ل يعترف فيه قانونا؟؟؟؟	24-07-2014 11:26 AM sami التبليغ عن إساءة
7 -	الزواج الرسمي لازم يتوثق بالمحكمه وانت عامله علاقه غير شرعيه مع رجل متزوج استغفر الله توبي الى الله واستغفري وابعدي عنه	24-07-2014 01:09 PM لمار التبليغ عن إساءة
8 -	غير موثق بالمحكمة يعني عرفي إذا عرفي بكووووووووون زوووووووواجك حرام اتق الله إنتي وهذا الرجل	24-07-2014 02:01 PM اتق الله التبليغ عن إساءة
9 -	اختي الكريمة انتي من البداية رضيتي تتزوجي الرجل وعارفة ظروفه اذا انتي زوجة ثانية ولازم تحافظي على زوجك وبنفس الوقت لا تكوني سبب تركه لزوجته وام اولاده اللي تركها عشان سعادته معك ((مثل ما حكالك )) وهاي حجة الرجال دايما والنسوان بتحب تصدقها عشان تمشي امورها لا تزعلي من صراحتي ! وبالنسبة الك لازم توثقي زواجك بالمحكمة بس من أجل حماية حقوقك لانه أهلك غلطانين صحيح ((زواجك بوجود ولي امرك وشهود صحيح بس كان لازم يوصلوه للمحكمة عشانك )) وبالتوفيق	24-07-2014 02:16 PM مجرد رأي التبليغ عن إساءة
10 -	عدم توثيق العقد بالمحكمة عليه حبس روحي باسرع وقت وثقي العقد و اشهرو الزواج للناس و اتقو الله	24-07-2014 02:17 PM سلطي التبليغ عن إساءة
11 -	انا مستغرب من اهلك كيف برضو على شرفهم يجوزوكي بهيك طريقة شكلهم ما صدقو يلاقو عريس باي طريقة يلزقوكي فيها حتى لو بطريقة غير شرعية	24-07-2014 02:25 PM سلطي التبليغ عن إساءة
12 -	ضحك عليك مع الأسف. ما الحب الا للحبيب الأولي بالله شو بدنا نعلمك في غيرك مش لاقية عريس قصتك عاديه كتيررررر وكمان عرفي وبعلم اهلك موضوعك مش خاش مخي	24-07-2014 03:09 PM عجيب التبليغ عن إساءة
13 -	السلام عليكم ما بصير الواحد يفتي من عنده لازم يسأل مفتي بعدين بتحكي أهلها معهم خبر	24-07-2014 03:12 PM الى7 التبليغ عن إساءة
14 -	رجاء اخوتي إذا زواج الاخت صار امام اهلها (ولي امرها موجود + شاهدي عدل ) وصار ايجاب وقبول بين الطرفين ومحيطها يعني أقارب وجيران بعرفوا انه زوجها(ثلاث سنين) حتى وإن لم يوَثَق بالمحكمة ـ للأسف ـ فهو زواج مكتمل الاركان والشروط وانظروا في قسم الفتاوى بشكل عام وانظروا في فتاوى الشيخ محمد نوح القضاة بشكل خاص انا قراتها قبل ان أنقلها لكم ..... ويا اختي خلي زوجك يوثق زواجك عشان مسائل النسب والميراث ...	24-07-2014 04:31 PM إياس العمري....الى الاخوة والاخوات اللي بحكو انه زواج عرفي التبليغ عن إساءة
15 -	زواج عرفي وغير موثق في المحكمة وما دام رخّصتي حالك وتفنّنت بإغوائه وأهنت نفسك فهو الان شبع منك وأعطيتيه كل ما يريد فسيعود الى زوجته وام اولاده وانت الى دار اهلك ويكفيك تلك الذكريات الجميلة والليالي المليحة	24-07-2014 04:43 PM ورد الحمزات التبليغ عن إساءة
16 -	مشكلتك نرفزتني كيف هيك بتحكي عن زوجتو الاولى شو يعني منكده عليه عيشتو وانانيه وما بعرف شو طيب انتي شو خصك بعدين كيف بتقارني حالك فيها انا احلا واصغر وبلبسلو وما بعرف شو جد تفكيرك مو طبيعي لأ وكمان زواج مو موثق يعني انتي ما فكرتي فيها طيب اهلك وين راحو ما فكرو فيها ولا بس بدهم يزوجوكي هاد غلط واكبر غلط ارتكبتيه انتي واهلك بعدين ليه مستغربه طبيعي الزلمه يرجع لزوجتو الاولى وام اولادي خاصة انك قبلتي تتزوجي بدون توثيق بالمحكمه يعني متل كأنك ما سدئتي جد مو طبيعي وضعك ... وما بتعرفي يمكن زوجتو الاولى عرفت غلطها وتغيرت وطبعا الفضل الك انها تغيرت لانو تزوج عليها وزوجك رجعلها ما في حل غير انك تتئبلي الوضع لانك اخدتيه وانتي عارفه هاد الوضع والمفروض اهلك حطو هيك احتمالات وفكرو فيها ابل ما تتزوجي ... وما تغلبي حالك وتحاولي تعملي اي شي عشان ما يرجعلها لانو هاي مرتو متل ما انتي مرتو ....اتئبلي الوضع وعيشي حياتك بدون ما تفكري فيها لانك رح تتعبي ... وبالتوفيئ	24-07-2014 05:15 PM سنسونه التبليغ عن إساءة
17 -	إذا عنجد بدك تفهم اذهب الى الاسلام سؤال وجواب واطرح عليهم السؤال هل يصح عقد النكاح بوجود الاهل بس بدون توثيق بالمحكمة ؟؟؟ ولو سمحت ارجع اكتب الفتوى وشاكرين لك وبالنسبة للاخت ....*..زوجته واولاده لهم حق عليه وما مرَبه الرجل هي نزوة واولا واخيرا برجع الواحد لام اولاده وهذا دليل والله أعلم انه كان مبالغ بتشويه صورتها قدامك حتى ترضي فيه وتصبحي ضرِتها اصبري عليه وثبتي زواجك بعقد رسمي أخيتي	24-07-2014 06:18 PM الى سامي sami المحترم رقم 5 التبليغ عن إساءة
18 -	اسمعي مني هالنصيحة ... اطلبي الطلاق ..لا تضلك على ذمتو ..الزلمة رجع على بيتو ومش قادر على بعاد حبيبتو الاولى .. ولا تتوقعي انو يرجعلك مثل اول ... علاقتوا معك وزواجوا منك اللي انا مش عارف شو اسميه ( نزوه ؟؟) ... بعدين شو هاي شو زواج غير موثق ؟؟!!! انتي ما الك اهل ؟؟؟؟ ولا شو ... ؟؟ يعني مقطوعة من شجرة ؟؟ ولا مغتربة .. ولا شو قصتك ....!!!! فعلا طلبك عجيب !!!! قال يرجعلي ملهوف !!!!	24-07-2014 06:43 PM مرجان احمد مرجان التبليغ عن إساءة
19 -	لا تفتوا من عندك رجاء................ الزواج العرفي اله نوعين وللي بهمه الامر يدرس عنهم	24-07-2014 06:49 PM ....... التبليغ عن إساءة
20 -	الاصل بالزواج هو ان يكون موثق وبما انو مو موثق هيك بصير زواجك عرفي ( اي بمعرفة الاهل فقط) والزواج العرفي حرام ، وعدا عن هيك بكرا ممكن يرميكي باي لحظة وما يكون الك اي شي عندو . مش عارف كيف بتتصرفو بدون وعي ولا نتفة فقه بالدين عندكم . وكمان متزوجة واحد ومو مطلق يعني هي مرتو كمان . على حسب اللي حكيتيه اكيد الغلط الكبير عليكي وانتي اصلا عارفة هالشي من اول راح يصير ورضيتي فيه بالتالي بدك تتحملي بس الاهم من هاد كلو عشان ما تضلوا بالجرام لازم توثقي العقد ولا بكون زنا	24-07-2014 08:26 PM عاشق التبليغ عن إساءة
21 -	عدم التوثيق بالمحكمة لايجعل من الزواج عرفي او زنا (شو هالتخلف) الرجل كبير وولي نفسه واهلها موجودين وصار ايجاب وقبول امااااااااا امحكمة والماذون بس لحماية حقوق المراة بالنسب والميراث لانه الناس بطلت تخاف من الله بعدين رجااااااااااااااءً لاتفتوا بدون ما تتاكدوا الله اكبر عالجهل استغفروا ربكو بليلة القدر .....شكرا	24-07-2014 11:07 PM يااااااااااااجماعة اتقوا الله التبليغ عن إساءة
22 -	ياجماعة الخير المره بدها نصيحه ترجعه ملهوف عليها،مش تقعدوا تفتوا حلال ولا حرام،وانا رأيي انه يا اختي راحت عليكي وبحلق شنبي اذا ماكانت مرته بتسواكي وبتحطك تحت باطها بس انتي قد ما انتي مغلوله عليها بتقولي هيك عنها،واقلك بحبها وطقي وموتي،وطبعا لو انا مكانه رح اعمل نفس الشي رح اشبع منك واروح بعدين ارتمي عند اجريها حتى ترأف علي بكلمه،انتي مسكينه والظاهر مراهقه واهلك خربوا بيتك ،وحياتك لو انا مكانه لالطعك بهالجيزه الي تضلي مخبيه او امل منك واطلقك بعد فتره لأنه هيك وضع بستنزف من صحة الرجل وراحته لما يكون شابك عجبهتين جبهة وحده بتسليه بفراغه وجبهة ديته ومرته وحبيبته واولاده واساس حياته الي مابضحي فيهم كرمال ملابسك ودلعك ورقصك كمان،روحي الله يهديكي ويصبرك عالايام الجايه،واتذكري انه ما الحب الا للحبيب الاولي.	25-07-2014 02:53 AM الله بعين التبليغ عن إساءة
23 -	اطمني و حطي اجريكي بمي باردة لا يمكن زلمة يرجع لمرة نكدية بس انت غلطتي بعدم توثيق الزواج بالمحكمة لانه الوضع بهالطريقة في ضياع لحقوقك	25-07-2014 07:57 AM اطمني التبليغ عن إساءة
24 -	,وضع طبيعي يرجع لمرتو ام ولادو اول فرحه بحياتو لن يتخلى عنها والمثل بيقول القديمه تحلى حتى لو كانت وحله لو انه حبك وناوي يخليكي معه للابد كان وثق زواجكو	25-07-2014 09:39 AM ام براء التبليغ عن إساءة
25 -	هو الزلمه زعل من مرتو ولقاكي بوجهو وقا ل نغير جو بس بالحلال لفتره وبس يزهق منك يكبك بسهوله ولا في اشي يثبت عليه ما الحب الا للحبيب الاول	25-07-2014 09:44 AM هاني التبليغ عن إساءة
26 -	بصراحة انت واهلك اغبى من بعض لانك تزوجتي برجل متزوج ولالاسف الحق عليكي وعلى اهلك والرجل ما لو غير زوجتو الاولى زي مابكي المتل تعالي يا جديدة عدلي بخت العتيقة	25-07-2014 12:35 PM اردنية التبليغ عن إساءة
27 -	اختي اجتهدي انه زوجك يظل مرتاح معك ولا تنكدي عليه ولا تفتحي موضوع زوجته والاولاد الا بالخير (انت ضحية عدم التزامك الله يسامحك وضحية زوج تمسكن وتحجج بنكد مرته ^ويمكن ما يكون كذَاب ^وفعلا مرته بدها ترباية ..عادي اختي التزمي وحافظي عليه وبهدوء افتحي موضوع تثبيت زواجك زي ما حكو الاخوان عشانك انتي والله يرزقك الذرية الصالحة ويقَعينك بزواج هنيء آميييييين إنه وليُ ذلك والقادر عليه	25-07-2014 05:15 PM ملتزم والحمدلله التبليغ عن إساءة
28 -	اخوتي لا تنسوا انفسكم من خير إدخال السرور على قلوب الفقراء والمحتاجين وابدأوا باقاربكم والجيران وزملاء العمل اللي في ضائقة مالية ومحتاجين لمساعدة فالصدقات تطفيء غضب الرب وتفرح القلوب المنكسرة واعملوا طرود للعيد مواد غذائية + عيدية بسيطة +العاب وملابس حتى لو مستعملة بس نظيفة ومكوية وفرحوهم بكعك العيد والحلويات للاطفال .....	25-07-2014 05:22 PM ملتزم والحمدلله ....للجميع كل عام وانتم بخير التبليغ عن إساءة
29 -	1-استخدمي السياسه لجعل زواجك رسمي بالمحكمه 2-هاي ام اولاده بالنهايه!!!! الله ييسر	04-08-2014 09:34 PM ابو ابو محمد التبليغ عن إساءة
30 -	حبيبتي أنا بدي إحكي قصتي مثل قصة هالمرا يللي دخلت حياتها ، وخربت بيتها ... أنا جوزي عمل فيي فصل كرمال يتجوز حبيبة القلب ... أنا ما عارضت أول شي ... بس قلت له المهم العدل قال أوكي ... بعد كم يوم بقل لي إنس الموضوع ، قلت أنا ما تم النصيب بعدين خبرني على موضوع سفره و لازم يكون أعزب ... فكرمال الفيزا بدي إضطر شيلك عن النفوس ... كرمال أمن حياة لإبنا ... قمت أنا قلت طالما القصة كرمال نأمن حياة لإبنا ... بعمل المستحيل ... و إنه طلعت ....... بس عرف إني ....... بقل لي أنا ما بقدر إفتح بيتين ... و لازم نطلق ، و الولد ما بدي ياه ... شوفي بنت الحلال الثانية ، شو عملت فيي ؟ و المصاري اللي كنت عم صمدهم أثناء سفره ... لعمر بيت لإبني ...أخدلها ياهم ... بس بختك أهلها رفضوه ... بس بعدين رجع سجلني باللمحكمة ... بس بعدها كرمال الحب ... وهو مش عايش معي ... مثل العالم و الناس عأساس أنا ما بعت نص ذهباتي لحتى إنستر فيهم ... ما كنت عم إشتغل و إقبض معاش و بطلت الشغل كرمال ما لقيت حضاني لإبني ... ما رهنتله نصف ذهباتي لحتى سافر فيهم ، وهو بيعرف هالشي ... بس لما مشي حاله صرت أنا مش منيحة و انتبهي هي مطلقة عندها بنت ، وبتعرف إني على ذمته و عنده ولاد ، و طلبت تتعرف علي ... هيدي بالمختصر حبيبتي ... أكيلة حقوق الطفل ... مش قصة حب و غرام ...	12-05-2015 01:31 PM شيرين التبليغ عن إساءة
31 -	اكثري من قول حسبي الله الذي لا اله الا هو الحي القيوم واتوب اليه كذلك قول لا حول ولا قوة الا بالله فان لها اثر عجيب بتغيير وضعك الى جانب الدعاء الدائم والصدقه	05-10-2018 02:18 AM فوز التبليغ عن إساءة