ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

اعتقد م صح انك تحكي لابوك لانو بيصير يشك فيك بالمستقبل .. بالنسبه للذنب . ببساطه استري لوالدك هديه بقيمة ما اخدت منو .. واحكيلو هاي هديه الك . طبعا لمى يتوفر مع فلوس لهالشي .. سلام

السلام عليكم اولا الحل للمشكلة انك سرقت احكي لوالدك واذا ما قدرت حاول توفر من مصروفك ورجع المبلغ الي اخذته وانا برجح انك تعمل الاولى وانا متأكده انه رح اسامحك .

وقصة الطش والعزايم هي عباره عن موديل عندكم الشباب والبنات متل اي موديل بنطلون ولا حلقة شعر اعتذر من كل بعزمك وما في داعي تروح لانه احنا في مجتمع لازم ترد الدين انا طالبة جامعه والله من البيت للدوام وغير هيك ما في ومش مستعده احكي لاهلي زيدوا مصروفي مشان شو صاحباتي هو ما في هم عندهم غير انا يعني بجوز انتم الشباب بتفرق معكم لكن ما في داعي تكون عبء اقتصادي على اهلك لانه الله بعلم كيف والدك بجيب القرش وهو هلكان .

يعني حضرتك حرامي مشان تكون مسخره "لشلتك" سرقت ابوك!
ما تكون رجال و بلا سخف، ان شاء الله عمرهم ما ينعزموا، بتسرق ابوك!؟
خليهم ينفعوك عند ربك

يلعن أبو الهبل ، تسرق وتكسب اثم منشان حضرة اصحابك يرضوا عنك ؟ ليش هم رح يكسبوا اثمك يوم القيامة ؟ ولا بتفكر انه هذا عذر ومبرر للسرقة؟ انت عارف انك غلطان وأكيد مارح ترضى انه ابنك المستقبلي يمد ايده عمحفظتك لانها هاي خيانة للأهل . بعدين اصحابك عارفين وضعك المادي وبما انهم عارفين انه في واحد من الاصحاب وضعه المادي مش بزيادة معناها لايحطوه بموقف محرج والعزايم هاي يالي ما الها داعي خلص ما الها داعي أنا بستغرب من الناس يالي بتعزم بدون سبب لازم يراعوا ظروف الناس ، حتى ولو انه أنا شخصيا وضعي المادي ممتاز والحمد لله لكن بشكل عام أنا بقدر انه معظم الناس ماكلة هوا فلذلك ياريت انها الناس تبطل عادة العزايم المش ضرورية أو شغلة النقوط بكل المناسبات لانه التعبير عن الحب مش شرط انه يكون بالهدية أو العزومة أو النقوط بل بالعكس انت ممكن انك تحط هالشخص بموقف محرج لحتى يردلك معروفك .

حاول رجعهم بالسر و هيك بتكون رجعت لابوك حقه

دلع انت مبين عليك انسانة متفهمة وبتقدر الحياة ، تعليقاتك ماشالله عليها دايما صايبة وصحيحة .

والله جيل طايش! مهو ياحبيبي صحابك يالي بالجامعةبتلاقيهم بشتغلوا وهالعزومة من قوت عملهم مابوخذوا مصروفهم من أبوهم متلك فأحسن شي انك تشتغل لحتى ترد عزايمهم ؛ أو بالاحرى مش ضروري تعزمهم لانه غلط الاصحاب يعزموا بعض يعني مازالوا طلاب عمقاعد الدراسة وصاروا يتعازموا؟ بعدهم ملحقين بكير عالتوجيبات والهموم.

ياعيب الشوم عليك ياحرامي الله يعين يالي بدها توخذك . بئس الزوج والاب الفاشل والقدوة السيئة لولاده.

بلله عليك مش عارف انه هالاشي غلط؟ الله عمرهم لاينعزموا، شو مفكرين حالكوا كبرتوا تامنكوا توجبوا اصحابكوا؟؟؟

شوف يا خالتو ...الصاحب ساحب ...دور ع اصدقاء من حالك او كون على قدر من الصبر والمسؤولية ....ربنا قسم الارزاق ولو تقتنع انه الرزق من عند رب العالمين نفسك رح ترضى ...صراحة الاوضاع كمان صعبة ويمكن المصروف السهل عندناس يكون صعب عند غيرهم ....اصلا فرصة تجدد علاقتك مع ابوك وتتقرب منه وتحكيلو قديش انت بتقدر تعبو وان غلطت لما مديت ايدك كون شجاع وان شا الله يا سيدي بتتخرج وبتعوض حالك واهلك يا رب

أنا كل صاحباتي بيلبسوا أحسن مني ومصروفهم أكتر مني وعايشين حياتهم أحسن مني معناها لازم أتشرط عأهلي وأحكيلهم يا اما بتزيدولي مصروفي أو اني بسرق.

طيب كل الناس عندها امنيات وحاجات للمصاري بس الغاية لا تبرر الوسيلة يعني لازم تحصل عالمصاري بطريقة مشروعة .
مش مبرر ابدآ انك تسرق لحتى تعزم اصحابك لانه يمكن لو تبرر لكل حرامي بهالبلد غير يحسسك بالشفقة عليه بس فعليا هالاشي غلط ، أنا وانت وكلنا بنعرف انه هالاشي غلط.

السلام عليكم اشتغل ورجع المصاري لأبوك وبما أنوا عندك وقت فراغ اشتغل وهيك ما بتروح مع اصحابك طشات ع الطالعة والنازلة وبتوفر مصاري

الناس درجات تاكد او يستطيع والدك ان يحضر الدنيا جميعها لك ماقصر وهو اعطاك ويمكن حرم نفسو من اشياء ويمكن يكون دواء من اجلك على كل حال شعورك بالذنب هذا يعني انك الى خير كثير خليك زلمة واعترف لبوك بالي صار معك وصدقني ما راح يقصر ابدا

اسرق من شنطة الماما و حطهم في محفظة البابا

عن ابي هريرة ~رضي الله عنه~:’’جاء رجل الى الرسول عليه الصلاة والسلام يشكو قسوة قلبه؛ فقال الرسول: امسح راس اليتيم وأطعم المسكين’’ وفضل إحسانك لليتيم كثيرة::: 1.يزيل قسوة القلب 2.مرافقة الرسو بالجنة 3.تكن من المتقين 4. بيتك خير بيوت المسلمين 5. مضاعفة الاجور 6.مطهرة لمالك وبركة لك فيه.7. واولا وآخرا رضا الله ومحبه نبيه (مبتغانا جميعا)....الله صل على محمد وعلى بيته الطيبين الطاهرين وصحبه أجمعي

اذا صحابك عارفين وضعك المادي فانت معذور....ما حد فيهم رح يعاتبك....بعدين اذا همه راضين بهالمصاريف و التبذير انت مالك؟؟؟
اقعد و اتفرج

بالنسبه للسرقة رح ضلها دين برقبتك.....الافضل ترجع المصاري و الافضل من غير علم الوالد يا اما على شكل هدية بنفس للقيمه الي سرقته او فلوس

اعترف لابيك بفعلتك واطلب منه زيادة مصروفك ، حتى لا تضطر الى فعلتك

عمو الاعتراف بالذنب فضيلة واحنا مرينا بمرحلة الشباب وهالقصص والطشات وغيره....بس ما وصلت لمد الايد والسرقة بس كنا نوخذ من الوالدة من الاخت الكبيرة او نسمسر الباقي بعد ما نشتري للاهل اي غرض بس بعلمهم ,,, على كل حال اللي حكاه الاخ(( منذر )) المحترم كله صحيح بس كمان نصيحة اذا خايف من ابوك دخِل امك بالموضوع ((الام الها اسلوبها)) وبنصحك تدور على شغل بالإجازة ولو بسيط عشان تأمن مصروف جيب اضافي ,, تتهنى بعمرك

بالعكس لازم تفرح لانه هاي بشرى اللك راح تصير مسؤل كبير....

وبالمناسبه السعيده لاتنسى البشاره

أخس عليك واج ما بتستحي على حالك يا حرامي ,هذا جزاءه ابوك اللي رباك وعلمك ودخلك الجامعة,بتسرق قلوسه اللي هي كلها لليبت عشان تصرفهم على أصحابك يا طايش يا هامل الله لا يسامحك إلهي .انت عملت زي ما بيعمل أبني بيسرق مني عشان بخلي حاله في مستوى أصحابه وبشتري بفلوسي أنا دخان وبيعزم على أصحابه وبيطش فيهم ( أبو عبدالله متوفي ) طبعا هو تعود هالعادة السيئة وصرت أخبي محفظتي في البيت من قرنة لقرنة علما أنع كل شي محتاجه أنا موفرته له بس هو بده يعرط قدام صحابه ,هو توجيهي وكل طلعه بدو عشر دنانبر طبعا هو في دراسته فاشل.من وين يعني اروح اجيبله ,وكل خوفي بكره يروح يسرق من محل وتمسكه الشرطة ويصير صاحب سوابق هالحقير الله يهديه .وبالنسبة ألك يا محترم بترضى أنه أخوك يسرق من أبوك رسوم الجامعة اللي رح يدفعها إلك ,الله يعينه أبوك على هالخلفة الهاملة ,حسبي الله ونعم الوكيل عليك , حوش المصاري ورجعها لأبوك وقول أنه تقديرا له وشعورا معه وفرتهم من مصرفك عشان تساهم معه ,انا متأكدة أنه أبوك ما رح ياخذهم منك ورح يحس أنك صرت رجل (بس لو يدري) وأوعى يا أبني تعيدها ,ترى ما في أسوأ من هالعادة إذا تعودت عليها

الأخ ورد الحمزات
كلامك صح على عينين وراسي وانا معاك

اذا حكيت لابوك سيشل املك وممكن يضربك ويجيب لك التايهة وممكن يهمل لك اعاقة دائمة يضلوا اصحابك يضحكوا عليك لذا اعمل يوم بالاسبوع مثل الطلاب المثابرين ورجع الفلوس وعلى الحرمنة دوس لانه ابوك لو قتلك بيكون تخلص من حرامي بالبيت ممكن يصبح حرامي فنان في المستقبل

صارح ابوك واحكيلو لانو ردة العزومة واجبة عليك وليش سرقت ابوك لو طلبت منو بعطيك ما بقصر البين يسلخ هيك جيل لا متكل على حالو ولا اشي

احساسك بالذنب ومراجعتك لنفسك دليل على انك متربي صح..عزيزي بجوز صعب تعترف لوالدك بالامر.

1- اقرا كتاب الله القران الكريم..واقرا كتاب الحسين مهنتي كملك وشوف الملوك كيف كانو عايبشين بحسب ظروفهم وما خبوها ع الناس ابدااااااا وما استحوا فيها .

2- اتركهم وصاحب ناس من توبك وعيش بامكانياتك اليوم والى يوم الدين بتعيش بكرامة وراسك مرفوع.3

2- حاول اترجع المبلغ لوالدك ولكن بالتقسيط وبالتدريج..لو كل اسبوع دينار وبتحطه بجزدانه من حيث لا يشعر..

والدك رجل محترم..وياما الحياه وقساوتها كسرت قلبه واتحملها كرمال تربايتك وطلباتك وتلاقيه بيستنى بيوم التخريج علشان يشوفك بالروب " عريس الله كريم".لا تكسر انت كمان خاطره

.........................

وأوعى يا أبني تعيدها ..

من اصله ما في داعي للعبارة الاولى..ما في داعي للشتم والشب عم يعترف...كلنا بنغلط واغلبنا ما بيحب يواجه غلطه لو بينه وبين نفسه ...صاحب المشكلة احسن من ناس كتير عايشه معنا .

يا صاحب المشكلة خليك رجل وما تعود لها نهائي وربنا بيعوضك لانه بيحب التوابين العائدين اليه..

الاخت ملكة بمملكة
لك احترامي وشكرا على زوئك والله يسعدك

يا جماعة شو هالفهم..الله لا يحرمكو من هالنعمة..

انا ابوك وعارف انك سرقت مني بامكانك تيجي وتحكيلي وانا بسامحك واذا مو مصدق اني عارف بكتب اول حرف من اسمك واول حرف من اسمي

وضع اهلك شيىء يعني ابوك دخله قليل ومفلس وحضرتك بدك تتفشخر قدام اصحابك ... حرامي ...... انا لو مكان ابوك وبعرف بقصتك برميك بالشارع والله لو تجي كل الاردن جاهة ارجعوك ما رجعتك

احلا لايك

لازم تعترف لابوك وحتى لو بهدلك انت مستاهل.

التوبة والرجوع إلى الله والعزم على عدم العودة لمثل هذه التصرفات وارجاع الحقوق إلى اهلها....ترد المال لأبيك ولا تبلغه. بفعلتك..ومن تاب تاب الله عليه....وبخصوص مشاويرك وطلعاتك انت تستطيع ان تتحكم بها على قدر ما تملك من مال...وتستطيع ان تتحجج بعدم الخروج حتى لا تخوض في بيئة قد تكون اعلى من مستواك فتجعلك تتصرف تصرفات قد تغضب رب السماوات....دائما اخي الكريم انظر إلى ما هو دونك في الصحة والمال والجمال تكن اسعد الناس...واصدقائك إن هم يحبوك ويحترموك ويقدروك يعرفوا وضعك ويتعاملوا معك على حسب مقدرتك اقصد قد لا يطلبوا منك ان ترد لهم العزومة بمثلها....الله اسأل ان يرزقك النجاح في الدنيا والآخرة وان يرزقك حب ابيك وان لا تخيب ظنه فيك وان يقر عين ابيك بصلاحك وفلاحك ونجاحك....اللهم ارزقه من حيث لا يحتسب...محب فلا تلوموني

لا تصارح ابوك ولا تحكيله المصاري حلال زلا ل عليك لانه اخذ المال من الاهل لا تعد سرقة

تسلم هاذا من زوقك بعدين ما شاء الله عليك بتفهم الله يحميك ويخليك لأهلك ورمضان كريم عليك وعلى الجميع

شكلو ما بتعرف قديش هالتصرف بحرق قلب كل أم وأب, ربما أنت أعزب , الواحد بشيل اللقمة من فمه من أجل أبنه ,بنص الليل في عز البرد بروح عشان ياخذ أبنه على الدكتور أم مرض .قلبي على ولدي وقلب ولدي على الحجر