19-06-2014 08:45 AM
سرايا - سرايا - السلام عليكم انا رجل متزوج عمري 38 سنة عندي بنت وحيدة عمرها 13 سنة
من فترة اتصلت بي مديرة المدرسة واخبرتني بان ابنتي تغيرت بشكل ملحوظ في مستواها الدراسي
واصبحت تهمل واجباتها ولم تعد تستمع الى كلام المعلمات كما كانت في السابق
رجعت الى المنزل واخبرت والدتها بذلك وذهبنا الى غرفتها وبحثنا في اغراضها وهنا كانت المفاجاة ..
وجدنا رسائل حب وغرام من صديق لها
انا لم اتمالك نفسي لكن امها طلبت مني الصبر والتصرف بحكمة حتى لا ازيد الامر تعقيدا.
كيف نتعامل معها؟؟؟؟
لمتابعة وكالة سرايا الإخبارية على "فيسبوك" : إضغط هنا
لمتابعة وكالة سرايا الإخبارية على "تيك توك" : إضغط هنا
لمتابعة وكالة سرايا الإخبارية على "يوتيوب" : إضغط هنا
1 - |
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
|
19-06-2014 08:45 AM
سرايا |
2 - |
دقق في بيتك كويس راح تلاقي بنتك و امها مدمنات على المسلسلات التركية وللاسف
الله يعينا على تربية هالجيل |
19-06-2014 09:05 AM
عاشق الحلوين التبليغ عن إساءة |
3 - |
مع احترامي الك وكونك رجل كبير وعاقل وصبور المشكلة مش بالبنت المشكله فيكم البعد عن الدين هو اكبر سبب للمشكلة الي انتو فيها ما حد بقدر يرجعلها عقلها الا بشي واحد هوا الخوف من ربنا وافهمها يا كبير
|
19-06-2014 09:29 AM
زمن غدار التبليغ عن إساءة |
4 - |
ههههههههههههه كما قال المثل العربي الشهير .. عز ابنك يغنيك وعز بنتك تخزيك ... عمو ترباية البنات بدها شدة وحزم لانه البنات ما بجو الا بالخوف ... واتركك من وسائل الترباية الحديثة لانها افسدت الاجيال الحديثة والدليل انظر الى الاجيال الحديثة بالاردن واحكم بنفسك
|
19-06-2014 09:39 AM
البلقاوي التبليغ عن إساءة |
5 - |
في هاد السن للبنت بتكون مرحلة البلوغ او المراهقة ...فا من واجبك كأب الجلوس مع بنتك انت وامها ....وافهم منها كل شي ....واحكيلها عن الرسائل وفهما هاد الشي غلط ولساتك زغيري ع هالحكي وجها ع الصح والغلط...و ايش المسموح وايش اللي لا هاد افضل شي
|
19-06-2014 10:35 AM
تناهيد الصمت التبليغ عن إساءة |
6 - |
بنتك الان بسن المراهقة وحياتنا كلها اختلاط للاسف يمكن يكون صاحبها من معارفكو جيرانكو او قرايبكو لازم تعرف ,,, خلي الحكي معها على امها مش انت ما رح تستحي من امها مراقبة دائمة لدراستها وباشراف مباشرواحكولها عن شكوى المدرسة عشان تبرروا سبب الاهتمام الزايد تقنين الطلعات وما في داعي تطلع لحالها مع صاحباتها والله هالزمن الواحد بينا ما يثق باخوه شوف المصايب والامور لحالها بتنحل ان شاالله وسلامتك
|
19-06-2014 10:40 AM
مجرد راي التبليغ عن إساءة |
7 - |
لازم تتعامل مع هاي المشكلة بكل حذر لانه هاي التجربة يمكن تتأثر منها طول عمرها بنتك مش واعية اخي ويمكن حتى معتبرة الموضوع شي عادي يمكن الي خله تفكيرها يتجه هيك مسلسلات الحب او زميلاتها الكبار واغلب البنات نفس الشي بس مش بمرحلة هاي عشان هيك بنصحك تزور طبيب نفسي شاطر وتحكيله القصة لحتى تتعامل مع هاي المشكلة بدون ما تترك اثر على نفسيتها او تفكيرها او شخصيتها طوال عمرها .. لا تنسى انه هاي بنتك حبيبتك ومش واعية شو بتسوي لازم تتعامل بكل حذر وان شاء الله عن قريب بتنتهي هاي المشكلة و بتخبرنا
|
19-06-2014 10:50 AM
عابر سبيل التبليغ عن إساءة |
8 - |
يجب عليك الحزم وعدم التهاون في هيك موضوع اذا هيك وهي بسن صغير كيف لما توصل الجامعه اخي العزيز هذا عرض مولعبه
|
19-06-2014 01:18 PM
حويطي التبليغ عن إساءة |
9 - |
صاحبوها واهتمو فيها
وفهموها كيف الحياة ماشية وانه كل شي بيجي بوقته وحاولو كمان تشغلو حياتها بامور مفيدة ولا تتركوها لحالها فترات طويلة لازم تعالج الحب بالحب |
19-06-2014 01:57 PM
قرب انت وزوجتك من بنتكم التبليغ عن إساءة |
10 - |
برأيي خلي امها هي الي تكون بالصورة و تحكي معاها , و تستعملك انت كوسيلة تخويف ع اساس انه انت ما بتعرف ,,, و تحاول تتقرب لها و تحكي معاها .
مع كل الاحترام للمعلقين الي قبل , هي شغله ممكن تصير باي بيت , و ما حدا معصوم , |
19-06-2014 02:29 PM
واحد من الناس التبليغ عن إساءة |
11 - |
السلام عليكم
ارجوا انك ما تسمع لحدا يقولك شو تسوي لانهم بخربوا بيتك وممكن تضيع بنتك . اكيد انت عندك مصيبة وليست مشكلة صغيرة , ولكن ممكن تزيدها مشاكل اضعاف مضاعفة اذا سمعت لاي حدا بفتي عليك . أسأل استشاري مسلم وسوي خطة علاجية للمشكلة اللي عندك واشتغل عليها . في مواقع استشارات اسلامية على الانترنت وبتقدر تحل المشكلة وترجع المي لمجاريها , واحسن. |
19-06-2014 02:45 PM
LEARN05 التبليغ عن إساءة |
12 - |
حبيبي النسوان بحبوا الحكي و البنت وحيده و الام مشغوله يا بالعمل يا اما بصحباها و البنت بدها اهتمام و رعاية .,.,. لو جبتلك بنت كان مشت الامور .... الفراغ و الاهتمام هو المشكلة ..
|
19-06-2014 04:05 PM
م. احمد التبليغ عن إساءة |
13 - |
والله يااخي البعد عن الدين السبب والحل هو انك تصارحها وتعرف انك كشفت الموضوع اما انك طنش وتترك لامه لا والف لالالا لان بكره 100٪ الا ترجع تحكي معو وتحكيلو خلص ابعدن عني اهلي كشفوني انا كنت بحكي مع بنت بس حكت الي هيك تركت حوفا ع سمعتها وسمعتي
|
20-06-2014 12:12 AM
كركي التبليغ عن إساءة |
14 - |
ليش بتفكر حالك بس انت هيك صار معك ما كل بناتنا بيعملوا متلها ولاتنسى نفسك أيام ما كنت مراهق بلله عليك ماكنت متلها؟ ألله يكون بعونا كل الاردن حب وغرام كان من الشباب ولا البنات . اﻷه يهدي الجميع.
|
20-06-2014 11:19 AM
أبو بهاء التبليغ عن إساءة |
15 - |
هي تتلقى عليك بالمرسل ارسله للجحيم عليه اللعنه ههههههه
|
20-06-2014 01:01 PM
هبله التبليغ عن إساءة |
16 - |
اشي طبيعي أي فتاه في سنه المراهقة بتحب وبتصرف بشكل غير عقلاني
تحب عادي بس تواصل الى رسائل الغرام يعني يجب على رب المنزل ان يخوفها او ينصحها اذا وصلت للرسائل بتواصل للطلعة معا والله بعين |
20-06-2014 09:19 PM
داليا التبليغ عن إساءة |
17 - |
اذا انك بتفهم كان مابتحكي هالمثل لانه ظلم للبنت الله يعين يلي بدها تاخذك
|
24-06-2014 11:19 AM
الى البلقاوي التبليغ عن إساءة |
18 - |
يعني ليش لو كان ابنك هو يلي بيتلقى رسائل غرامية عادي؟ هل بتسامحه؟؟؟ اذا انك بتسامحه معناها انت أب فاشل
|
24-06-2014 11:21 AM
ديمة التبليغ عن إساءة |
19 - |
سن المراهقة ببلش من عشر سنين أو اهدعشر سنة وبيستمر لحد العشري أو 21 والله بعين لانه بهذا السن سواء البنت أو الشب بصيروا يقلدوا بالكبار ويتصرفوا تصرفات غبية وكذا فلا تلومهم هيك المراهقة .
|
24-06-2014 11:25 AM
هي مراهقة التبليغ عن إساءة |