مشكلتي .. خطيبتي وتوأمها

16-06-2014 08:39 AM

تعديل حجم الخط:

سرايا - سرايا - بترجاكم ما تضحكوا على مشكلتي
انا خطبت بطريقة تقليدية بنت تنقاية امي و حبيتها من قلبي و مقتنع فيها .. حلوة و نظيفة و مرتبة و على كيف كيفي
بس بعد ما خطبت و صرت اروح ازورهم اكتشفت انه الها اخت توأم .. نسخة كربونة عنها
المشكلة يا اخوان انه الي ٥ شهور خاطب و لهسه ما بميزها عن اختها مع انها خطيبتي!!
بطلوا صحابي يقولولي لازم احساسك يدلك .. بس و الله ما بدلني و لا على باله
بنخزي من حالي بكل مرة بخربط فيها .. و بحاول اعلم خطيبتي بشيء اميزها فيه بس بدون فايدة
يعني لو طلعت اختها معي المشوار بدالها و الله ما بميز !! نفس الشكل و نفس الصوت و نفس كل شي
هاي مش عيشة...حاسس حالي اهبل و غشيم و ما بميز
هاد غير الاحراج قدامها و قدام اهلها .. حتى إني مرات بفكر اتركها مع انا متفاهمين

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 73157


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	16-06-2014 08:39 AM سرايا
2 -	اول اشي الله يسر امرك ويرزقك الذرية الصالحة وثاني اشي الا يكون في شي بينهم بمزهم عن بعض حاول تكتشفو من خلال جلساتك مع الخطيبة خليها تنادي اختها وتقعد معاهم الجوز وثالث اشي طري ايدك شوي واعمللها سنسال وخليها دايماص لابسيتو	16-06-2014 08:53 AM محمد كريشان التبليغ عن إساءة
3 -	والله يا صاحبي ما قدامك غير حل من اثنين ,, الحل الاول تعمللها وشم وهي بتصير تعرفها او بتعظها عظه قوية لحتى تعلم وكل ما تقرب تختفي بتعضها مرة ثانية هههه لا بمزح بس بامكانك تخليها مثلا تغير قصة شعراتها وهيك بتميزها	16-06-2014 08:56 AM تعاطف التبليغ عن إساءة
4 -	يا سيدي قبل ما تروح على بيت خطيبتك احكيلها تلبس لون معين اصفر اخضر احمر .... الخ والله بعينك على سنسال ذهب اشتريه واعطي لخطيبتك عشان تميزها .... (بس دير بالك تعطي لاخت خطيبتك). او اجرحها بإيدها ...... بس جرح خفيف .	16-06-2014 08:56 AM ابن البادية (العجارمة) التبليغ عن إساءة
5 -	يا زلمه شعب من مليار شخص كربونه متل الصين واليابان خلي إلبك دليلك	16-06-2014 08:59 AM هبله التبليغ عن إساءة
6 -	والله مشكلتك بتضحك يا حبيبي..من ناحية شرعية لازم تفرق بينهم...صارح خطيبتك حاليا بتحديد لون اللبس.وبعد الزواج يا سيدي ومع الايام راح تميز مرتك انشاء الله من بين مليون مرة.صدقني	16-06-2014 09:05 AM متزوج قديم التبليغ عن إساءة
7 -	لا مشكلة ولا اشي وبليش تتركها مدامكم متفاهم معاها ميزها من الدبلة م الحلق اكيد راح تكون لابسة لبسة بتختلف عن اختها مش للهدرجة مش قادر تميز اكيد راح تكون لابسة اشي مميز لتلفت انتباهك من الدبلة مش عارف شكل الدبلة ول يا رجل. اكيد في اختلاف بالاسلوب بينها وبين اختها بالحركات بلاراء ميزها اتفق مها على اشي معبن تلبسوا الي تميزها جيبلها هدية عقد او حلق واطلب منها تلبسوا دايما لانك بتحبها تلبسوا بحب احكيلك ما تحكيلها انك ما بتميزها عن اختها لانها راح تزعل منك اكير بس بالعقل جيب الها اشي تضلها دايما لابستوا عشان تميزها	16-06-2014 09:25 AM في حزن احيا التبليغ عن إساءة
8 -	اضربها موس وعلمها	16-06-2014 09:27 AM كاسر التبليغ عن إساءة
9 -	بتميزها مع العمر لقدام... بلا هبل اوعك تتركها مشان انو الها اخت توأم... انظر بعينها و نظراتها بالعاده التوأم يكون احدهم اكثر سيطره و اندفاعيه	16-06-2014 09:34 AM من اربد التبليغ عن إساءة
10 -	اطلب منها تلبس شي مختلف او اتفقوا على كلمه او حركه معينه بينكم	16-06-2014 09:37 AM لولو التبليغ عن إساءة
11 -	بعد اول ليله من العرس بتسير تميز مليح	16-06-2014 09:39 AM المساعد التبليغ عن إساءة
12 -	خلي خطيبتك حط شامة على وجها ...اعتقد إنه الدبلة كافية لحتى تميز...	16-06-2014 10:04 AM رحمه التبليغ عن إساءة
13 -	فعلا ضحكتني ليش معتبرها مشكله يعني بعدين ليش اصلا ما تتفئ مع خطيبتك ع شي تخليه فيها دايما لحتى تميزها عن اختها بعدين مو لدرجة تتركها عشان مو ئدران تميزها عن اختها هاد وانتا بتحكي عنها ع كيفى كيفك ههههههههه عجبتني والله ع كيف كيفك جسستني انك بمحل بندوره وطلعت البندوره حمرا ع كيف كيغك ههههه بس بلاش شو هالمشكله هاي هاتلي خطيبتك بفقعلك اياها كف بتصير تميزها اولىما تشوفها .....بس بلاااااش يا شيخ	16-06-2014 10:15 AM سنسونه التبليغ عن إساءة
14 -	بكل بساطة خطيبتك لما تروح عندهم هي اللي تستقبلك وخليها تحكيلك شو لابسة الا إذا هي بتتعمد تعملك لبكة هي واختها(مزح) وانت ماعليك اشي من حيث الحلال والحرام لانه هي اللي لازم تكون حريصة بعدين لهفة البنت على خطيبها بتبين اكيد انت مش لهالدرجة لوح الا ما متميز نبرة صوتها . بس شو تتركها بلا جنان توكل على الله	16-06-2014 10:27 AM مجرد راي التبليغ عن إساءة
15 -	طيب إنت خطيبتك البيضا ولا السودا	16-06-2014 10:30 AM حكيم التبليغ عن إساءة
16 -	ما في داعي للضحك على الناس بمثل هيك قصص .. مستحيل ان يكون التطابق 100% .. فعلا سخافة	16-06-2014 10:39 AM مش مهم التبليغ عن إساءة
17 -	كون ذكي و استريلها ساعة او سنسال و قلها كل مرة باجي بدي اشوغها عليكي, او اشتريلها عطر و قلها بدي اشمو عليكي و ابتنحل مشكلتك ان شاء الله	16-06-2014 10:43 AM كون ذكي التبليغ عن إساءة
18 -	الموضوع لايحتاج كل هذا التوتر في فترة الخطوبة ممكن تلخبط ولكن بعد الزواج لن تواجهك تلك المشكلة , انا في فترة الجامعه كان لي صديقين توأم ماكنت اميز بينهم مع انه يوجد اصدقاء لي يفرقوا بينهم يمكن لانهم كانوا اكثر اختلاط معهم واكثر قرب مني	16-06-2014 11:32 AM المهندس التبليغ عن إساءة
19 -	مرحبا هادي المشكلة بسيطة فيك تجيب تعليق ذهب او فضة بأسمها وتحكييلها ما تشلحها بالمره	16-06-2014 11:37 AM ضوء القمر التبليغ عن إساءة
20 -	أخي حط فيها علامه مميزه مثلاً أخزق وحده من عيونها أو اقطع جزء من أذنها أو جزء من أنفها أوضربه بسيطه في الوجهه بمشرط .......الخ وهيك بتميزها 100%100	16-06-2014 11:50 AM شايف وعايف التبليغ عن إساءة
21 -	الحل عندي وهو انك تخطبلي اياها وبهيك منصير انا وانته عدايل وبعد ما اتزوج توئم خطيبتك رح ابعدها عنكم ومابخليك تشوف خلقتى وخلقتها الا بالمناسبات	16-06-2014 11:57 AM جمرة غضى التبليغ عن إساءة
22 -	هلا لو اخت خطيبتك متحجبة لعرفت تمييز بينها بس كانو للاسف اختها مش متحجبة بطلعولك 2 مع بعض	16-06-2014 12:07 PM حجاب هو الحل التبليغ عن إساءة
23 -	حول الامر الى دعابة واهديها حلقا او اسوارة او عقدا واتفق معها على لبسه خاصة ىعندما تحضر واختها-شرط عليها - ان لا تشتري مثله ولا تلبسه وهكذا تميزها بسهولة	16-06-2014 12:16 PM ورد الحمزات التبليغ عن إساءة
24 -	الله يعينك ويوفقك احسن شي كلمة سر بينكم او سر الليل ههههههههههه متل العسكر	16-06-2014 12:21 PM حلا التبليغ عن إساءة
25 -	يا اخي الموضوع سهل يعني خطيبتك لابسة دبلة بايدها او اشتريلها خاتم ثاني الو لون مميز او تغير لون شعرها يعني في كثير طرق عشان تميز	16-06-2014 02:02 PM ابوتايه التبليغ عن إساءة
26 -	لا تروح عليهم	16-06-2014 04:11 PM مقنع التبليغ عن إساءة
27 -	أحلى لااااااايك رائع	16-06-2014 05:34 PM الى 21 التبليغ عن إساءة
28 -	يا سيدي انا باخذ الاخت الثانيه	16-06-2014 05:38 PM ASAD التبليغ عن إساءة
29 -	هي كتير صعبه يعني بكره لما تصير مشاكل بتتنكد عال تنتين لان التواءم علميا بحسو بمشاعر بعض حلو التميز خليها تقص شعرها ب قصير وتغير لونو اذا كان حلو عليها واعتقد اختها ما في داعي تنط بكل قعده معكو حتى لو ما تحضر العرس أفضل مش تيجي لابسه ابيض كارثه هههههههههه	16-06-2014 09:35 PM ساندريلا التبليغ عن إساءة
30 -	بدك تتركها مشان عندها توءم ؟؟؟؟؟ يـ.....	16-06-2014 09:56 PM انا التبليغ عن إساءة
31 -	هههههههههههههههههههههههه اقسم بالله العظيم فقعت من الضحك على سلافته ، عجبتني هاي لو طلعت اختها معي المشوار بدالها و الله ما بميز، ههههههههههههههه والله عنجد اشي بحير ، الله يعينك عنجد، بس ما الك الا انك تميزها بضربة موس او شومه او تعمللها وشم بكتفها او علامة بمكان ظاهر او احكيلك خليها تحط حلق بمناخيرها تخزق وتحط حلق وهيك بتميزها عن اختها بس انك تتركها عشان مش عارف تميز بينهم برضو مش حال خاصة انكم متفاهمين، بعدين زي ما حكى تعليق رقم 24 (أبو تايه) يعني خطيبتك لابسة دبلة بايدها مش معقول ما تميزها ولا كمان اختها لابسة دبلة؟ مش معقول يعني ، دبر حالك يا زلمة او خليها بس تفوت عليك لما تزورهم تمسك وردة بايدها او تلبس لبسة وتحكيلك شو هيه اللبسة قبل لا تيجي عليهم واصلا فش داعي اختها تفوت وتبين قدامك من الاساس، ليش هي بتفوت اصلا وبتقعد معكم؟ على كل حال الله يوفقك بحياتك وانشالله بتصير تميز مرتك .	16-06-2014 09:56 PM نسرين الشمايلة التبليغ عن إساءة
32 -	يبدولي انها قصة من الخيال وليست واقعية ومجرد افتراضات	16-06-2014 10:19 PM ابو سلام التبليغ عن إساءة
33 -	اصلا ليش اخت خطيبتك بتطلع حرام في الدين الواحد يدوب يقعد مع خطيبتو	16-06-2014 11:04 PM نزار التبليغ عن إساءة
34 -	يا اخي اذا الكلام جد معناتا انت اكيد مضروب على راسك ... يعني هبل	16-06-2014 11:08 PM Farajat التبليغ عن إساءة
35 -	شكلو اختها التوام جايبه نفس خاتم الخطبه	16-06-2014 11:16 PM عابس الوجاهجة التبليغ عن إساءة
36 -	لا لا لا لا تترك البنت عشان تطابق الشكل لا لا لا وألف لا هو كم مره الواحد بدو يلاقي روح تنسجم مع روحه لا لا وألف لا الزمن والعشره رح تميزها من بين ملاييييييين الناس لو بتشبها ابحث عن روحك في روحها فالارواح جنود مجنده تكسرش بقلب البنت الله يديم عليكو تفاهمكو وحبكو	17-06-2014 12:29 AM Momo التبليغ عن إساءة
37 -	احلا لاااااااااايك ههههههه	17-06-2014 01:21 AM مجنوووووووون ل سنسونه التبليغ عن إساءة
38 -	الا يكون في اشى يميزعن اختها انا واختي توم مع هيك كان خطيبي يميزني عن اختي لاني ان اطول من اختي مع انو نفس الشكل درسن نفس التخصص كان الدكتور ما يفرق بنا	17-06-2014 08:55 AM بنت معان ـ الشامية التبليغ عن إساءة
39 -	ليش بتحكي لااااااايك لسنسونه اه لا مش لايك مش حكت عنا معنا انفصام بال شخصيه انا من زمان مخاصمها روحي كبه يا شيخه ههههخه	17-06-2014 10:57 AM هبله لمجنوووون التبليغ عن إساءة
40 -	بي الهبل	17-06-2014 11:22 AM نور222 التبليغ عن إساءة
41 -	ما في مشكلة بس بدك تعمل اثارة والا هو عادي فيه واحد ما بميز خطيبته من توامها مبالغ فيها الخ	17-06-2014 11:32 AM كركية التبليغ عن إساءة
42 -	مدري متى حكت؟؟؟ خلص الغاء اعجابي هههه	17-06-2014 12:42 PM مجنوووووووون ل هبله التبليغ عن إساءة
43 -	هههههه لا مشان الله ما تسحب اللايك ههههه بس بلاش بعدين هبله انتي ليش زعلانه من الحئ بعدين انا بتعليقي ما قصدت شخص معين الا ازا انتي عارفه حالك هههه وازا بدك بعرف دكتور نفسي لا تشغلي بالك بالموضوع ولا يهمك ..... لأ هاي بدها ضحكه هههههتههههه	17-06-2014 02:42 PM سنسونه لمجنون وهبله التبليغ عن إساءة
44 -	انا مع تعليق رقم 10 وا 7 هههههههههههه نهفه	17-06-2014 02:46 PM داليا التبليغ عن إساءة
45 -	شو بالنسبة لخاتم الخطبة والا جايب اتنين كمان	17-06-2014 03:06 PM اشعر بالقرف التبليغ عن إساءة
46 -	هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه	17-06-2014 09:00 PM هههههههههههههههه التبليغ عن إساءة
47 -	بسيطه كتير مشكلتك خدها ع صالون وخليها تغير لون شعرها وتقصه	18-06-2014 08:46 AM jem التبليغ عن إساءة
48 -	احلق راسها على الصفر	18-06-2014 09:27 AM الحويطي التبليغ عن إساءة
49 -	يا راجل انت مش عارفها خليها هي تعرفك معقول اللي بتقوله	21-06-2014 11:13 AM ابو العز التبليغ عن إساءة