ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

طب مش ممكن يكون هالحكي الي سمعتي عن اخوكي كذب و تلفيق؟؟ انا بقول بس تحكي معو تسألي و تحكيلو إنو هيك هيك سمعتي إنتي .. يعني أخوكي هاد مش أي حد غريب .. بلكي ما صار هالحكي و مدايقة حالك عالفاضي من ورا لسان العالم.

لا تسمعي من الناس لانه ما بتخلصي
يمكن يكون اللي نقلك الخبر غيران مو شرط يكون صحيح
او يمكن يكون اخوك بحب الفشخره وانه وضعه منيح وما بتركك بالبلد لحالك
ما دامك انبسطي مع اخوك سيبيك من الناس واعملي باصلك

تلفون منك واساليه وسيزول العجب

مع التعليق 100/100 صحيح

أحسن شيء في هيك حالة المواجهة
وساعتها حيبين أنه هالكلام صحيح , ولا حدا ملفقه تلفيق وبدو يخرب بينك وبين أخوكي
وبتمنالك السعادة وهداة البال

اختي انت مشكلتك بالناس النمامين اللي حواليكي اللي هدفهم يفسدوا ا علاقتك باخوكي وممكن يكون صار جزء من هالحكي وهم زادوا عليه عشان يقهروكي والنمام مش بعيد عنه الكذب11! ومادام الموضوع مزعجك فعلا فاتحي اخوكي ولو بطريق العتب وتاكدي من صحة هالحكي ... يعني اخوكي وبتعرفي اطباعه اكتر من غيرك...وصراحة الك الحق انك تزعلي من اخوكي بعد ما تتاكدي لانه مش هيك بشكر نسيبه على استضافته اله طول هالمدة بالنهايه لاتسمحي لحدا يدخل بينك وبين اخوكي وزي ما بحكو صيت كريم ولاصيت كذاب اما مسالة انه معطي جوزك فلوس لاء احكي هاي مزحة بايخة جوزك مش مضطر يتحمل هالكذبة ... ادعي لاخوكي الله يشفيه وخففي علاقتك بهيك ناس لانهم ما بيجيبو الا اثام ووجع راس

مع التعليق رقم 1
100/100

السؤال اللي بطرح نفسو هل اخوكي من هالنوعية؟؟ وكمان مين اللي حكى هاد الحكي ومن مين ومين مصدره؟؟ لانو ممكن يكون هالشي مجرد حسد بمعنى انو في ناس حاسديتك على عيشتك وبنفس الوقت انو اخوكي باميركا وبدو يخرب العلاقة بينكم سواء من قريب او من بعيد . حكمي عقلك واعرفي الصح قبل ما يجيلك ظن السوء قال تعالى وان جاءكم فاسق بنبا فتبينوا ان تصيبوا قوما بجالهة فتصبحوا على ما فعلتم نادمين

ممكن الي نقل الكلام لك عمل شويه تكبير للامور ومع شويه بهارات والمهم انه اخوكي وحتى لو حكى شي مثل هيك لا تحاولي تخسريه وانتي اخته والمفروض بتعرفي شو هو من الرجال وانه من عاداته يحكي ويالف هيك قصص ولا الي نقل الكلام زاده شوي

نصيحتي لك....اعفي عمن اساء إليك واصفحي عمن ظلمك تجدي السعادة تغمرك من حيث لا تدري...فنصيحتي ان تعفو عن اخيك رغم ما بدر منه...واعتبري ان شيء لم يحدث...ولا تعطي الموضوع اي بال...والتمسي لأخيك عذرا...وإياك ان يدخل الشيطان بينك وبين اخيك...هذه حال الدنيا منفصة اللذات كثيرة التبعات جاهمة المحيا كثيرة التلون مزجت بالكدر وخلطت بالنكد وانت منها في كبد ولن تجدي والدا ولا اخا ولا صديقة ولا وظيفة إلا وفيه ما يكدر وعنده ما يسوء احيانا,فأطفئي حر شره ببرد خيره لتنجي رأسا برأس...واعلمي ان الأقولا السيئة التي قيلت فيك لن تضرك,بل تضر صاحبها فلا تفكري فيها...تعاملي مع القريب والبعيد برؤية المحاسن وغض الطرف عن المعائب ...فلن يكمل لك اخا ولا زوجا فينبغي ان نسدد ونقارب,ونعفو ونصفح ,ونأخذ ما تيسر ونذر ما تعسر ونغض الطرف احيانا ونسدد الخطى ونتغافر عن امور....الله اسأل ان يؤلف بينك وبين اخيك وان يحفظ لك زوجك واولادك وان ينزل عليك وعلى زوجك رحمة تسعدي فيها ولا تشقي بعدها ابدا....محب فلا تلوموني

اساليني انا , انا الي اقرباء كثر بأمريكا ولما يجو عنا على الأردن ويسافرو بيضلو يحكو للناس جبنالهم وسوينالهم ووووو ولما يصير اي شي بيناتنا بصيرو يحكو مش احنا جبنالكم ومش احنا عملنالكم
مع احترامي الك هاي هي النفسيه المريضه وهاي هي نتيجة الشبع من بعد جوووووع

اختي حتى لو انه الكلام صحيح لاتهتمي بضلو اخوكي حاولي تعرفي الصحيح واجهيه بالكلام اللي سمعتيه