هل مساعدة حماتي في هذه الحالة هبل وإهانة لي ؟

03-05-2014 09:02 AM

تعديل حجم الخط:

سرايا - سرايا - مبارح كانت حماتي عاملة عزومة كبيرة لكل صاحباتها وجاراتها وبدها تطبخ طبخات كتير
وطلبت المساعدة من بناتها الأربعة بس كل وحدة فيهم تحججت بانها مشغولة .. قامت طلبت المساعدة
من كناينها الخمسة برضو تحججوا انهم مشغولين
قام زوجي لما شافهم هيك حكالها مرتي بتساعدك بدون حتى مايسألني .. وانا ماحبيت افشله مع اني لسه
عروس جديدة وصارلي سبع شهور متزوجة وما بقدر لحالي اقوم بعزومة
وفعلا ساعدت حماتي على اكمل وجه وهي مدحتني وحكت لي انها خجلانة مني لاني عملت الاكل
ونضفت قبل العزومة وبعدها وجليت جلي العزومة باكملها ..
انا ما بتمنن على حدا .. بالعكس مبسوطة من حالي اني ماخيبت ظن زوجي حبيبي فيّ

بس السؤال هل هاد يعتبر هبل وقلة قيمة قدام بقية سلفاتي وبنات حماي؟

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 45876


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	03-05-2014 09:02 AM سرايا
2 -	المساعده وفعل الخير صار هبل , وقلة الزوء ويتركوا ام ازواجهم لحالها وهيه ست كبيره بهاي العزيمه صارت شطاره , بنت الاصل بتعمل اللي هيه متربيه عليه من عمل كويس زي حضرتك بتكون عملت شي هبل ؟؟؟؟ انتي قيسي الامور بحكمه وخاصه مع حماتك واهل زوجك	03-05-2014 09:17 AM حسين التبليغ عن إساءة
3 -	لا طبعا انتي عملتي باصلك .......... واكيد كبرتي بنظر زوجك	03-05-2014 09:50 AM x-boy التبليغ عن إساءة
4 -	اولا بارك الله فيك ثانيا على العكس ان تصرفك ايجابي وصح وسوف يكون له اثر عليك بان يزداد حب زوجك لك ومن ناحية اخرى تقدير حماتك وبناتها وخجلهم من انفسهم حتى ولو لم يظهروا ذلك ومن الناحية الاخرى سترين في المرات القادمة ان جميع سلفاتك سيحاولون ان يفعلوا كما فعلت ويقومون بالمبادرة والمساعدة اذا طلبت الحماة ذلك عزيزتي. لا تندمي يوما على فعل الخير واحتسبيه لله وسيعود ذلك عليك بالمنفعة باذن الله	03-05-2014 10:13 AM صوت الحق التبليغ عن إساءة
5 -	ردي على مشكلتك...ما قمت به هو عين الصواب...ونصيحتي لك ان تقرأي كتاب بعنوان حماتي ازمة في حياتي كتاب رائع يبين لك حدود التعامل مع ام زوجك...وحتى تكسبي حب زوجك لك لا بد لك من كسب حب ام زوجك...فكم من زوجة كان سبب سعادتها مع زوجها هو حبها لأمه واحترامها لها....وصدقيني حتى تدخلي قلب زوجك اكسبي ود امه ودعيك من القيل والقال..ومما يعرض على التلفاز من كره الحماة للكنة...الله اسأل ان يبارك في زواجك وان يجملك في نظر زوجك ويجمل زوجك في نظرك وان يحببك لزوجك ويحبب زوجك فيك وان ينزل عليكما رحمة تسعدوا فيها ولا تشقوا بعدها ابدا.....محب فلا تلوموني	03-05-2014 10:42 AM محب فلا تلوموني التبليغ عن إساءة
6 -	بالعكس اللي عملتيه ببين تربايتك الاصيله وحبك لزوجك، الله يحيميكم ويخليكم لبعض.	03-05-2014 11:29 AM اردني اصيل التبليغ عن إساءة
7 -	أولا إنتي إلك 7 شهور متزوجة وبتحكيلي عروس جديدة وثاني شي أم زوجك مثل أمك ولازم تساعديها نوع من بر الوالدين لأنو والدتك كمان بحاجة إنو كنتها تساعدها .. وحاولي تكوني مخلصة بمساعدتها لوجه الله تعالى مش رياء ولك الأجر والثواب	03-05-2014 11:51 AM أنا التبليغ عن إساءة
8 -	ما قمتي به عين الصواب فمساعدة حماتك ليس بعيب او هبل بل افضل شي واعتبري ان امك طلبت هالشي . وبتكونلك مكانه خاصه عند حماتك لانك ما خجلتيها وفشلتيها في المستقبل رح تكوني مثل ما كانت حماتك ورح تلاقي من يساعدك بارك الله فيك وشكرا لمساعدتك حماتك انتي ست فاضله ومحترمه	03-05-2014 12:39 PM الرواجيح التبليغ عن إساءة
9 -	احمدي ربك انها شكرتك ومدحتك غيرها بيحكي واجبها وبتستت بناتها وبتحكي جايين يرتاحوا وانتي واجبك تساعديني هههههههههه	03-05-2014 12:58 PM انا 2 التبليغ عن إساءة
10 -	بالعكس اختي اللي عملتيه يدل على حسن تصرف كونك ما خجلتي زوجك وسمعتي كلامه بدون تردد ويدل على حسن تربيتك لانك ساعدتي حماتك اللي هي بمثابة والدتك ان شاالله وقمتي بكل اشي للآخر وان شاءالله ينطبق قوله تعالى عليك انت وزوجك ’’الطيِبون للطيبات’’ وهذا رح تلاقي اثره الجميل في قلب خالتك ام زوجك وكل العائلة بإذن الله والله يكفيكي شر الحسد والغيرة يارب ...وستنالي رضا الله ورحمته ~ الراحمون يرحمهم الله~	03-05-2014 01:15 PM لانا التبليغ عن إساءة
11 -	اللي بعمل خير ما بندم عليه يا اصيلة انت اخت رجال وبنت ابوكي والله يكثر من امثالك واتذكري انه ربنا حرم بناتها وكناينها الأجر وأخذتيه انت	03-05-2014 03:58 PM الملكاوي التبليغ عن إساءة
12 -	يسلم يديكي بالعكس هاد دليل على انك بنت اصول و بتفهمي بالواجب	03-05-2014 03:58 PM بسمة امل التبليغ عن إساءة
13 -	هاي اولها بعدين بتصيري متلك متل باقي سلافاتك .لانك شو مابتعملي لاهل زوجك مارح يثمر والله لو اضوي اصابعك شمع عشانهم مارح يقدروا هل شيء.	03-05-2014 04:45 PM مجربه التبليغ عن إساءة
14 -	fبوركت با بنية عملت عملا ستجازين عليه من رب العباد فحماتك يمثابه امك لا تكترثين لاحد . كما تدين تدان ان شاء الله تفرحي بابناء صالحين وذربه صالحة وسيتكرر الموقف معاك وستكون زوجة ابنك هي من تقف الى جا نيك بارك الله فيكي وفي اصلك.	03-05-2014 06:51 PM ابن الاردن التبليغ عن إساءة
15 -	ما قمت به تشكرين عليه وهو واجبك يا عروسة - 7 شهور - وواجب بناتها وزوجات ابنائها وكوني خادمة لها تخدمك بناتك قي المستقبل	03-05-2014 09:31 PM ورد الحمزات التبليغ عن إساءة
16 -	كيف انتي ساعدتيها وكسبتي حسنات ولا تهتمي سلفاتك وابصر شو بلاش الغيره خليهم مكرسحات وخليكي احسن منهم :)	03-05-2014 10:41 PM bya3 alward التبليغ عن إساءة
17 -	الاصيل مابدو نخوه ليس ماتسعدي حماتك اوغيرها هذه والدتك الاهبل الذي يدعي انه مشغول وهو غير مشغول الحماه بتفتح عينها بزوجة ابنها عشت وعاش زوجك	04-05-2014 08:46 AM حسن التبليغ عن إساءة
18 -	الله يسامحك اول شي بالعكس انتي عملتي عين الصواب يعني ما لازم تسالي هذا السؤال لانه زوجك ما كبر لوحده امه وابوه ماتو من التعب لما كبر بعدين يا جماعة في شغلة كانت كثير محيرتني انه هذا الجيل وقح بس هلا عرفت ليش السبب انه الاهل بدهم تربايه بحس المجتمع انقلبت مقاييسه يعني الصح انقلب خطا بكل شي تقريبا بعدين اجرك وثابك عند رب العاليمن	04-05-2014 12:20 PM حلا التبليغ عن إساءة
19 -	الي عملتيه اسمو قوة ايمان...........هيك انتتي اثبتتي لزوجك ولحماتك وللدنيا والي فيها انك اصيلة وبنت كرم بحييكي على هيك اخلاق	04-05-2014 03:05 PM عمر555 التبليغ عن إساءة
20 -	اه هبل	04-05-2014 07:06 PM هبله التبليغ عن إساءة
21 -	بالعكس انتي كنتي رائعة عملتي باصلك وبترباية اهلك..انتي كنتي في عونها والله اعانك..والله في عون العبد ما دام العبد في عون اخيه.."بسم الله الرحمن الرحيم ومن يعمل مثقال ذرة خيرا يره"...ازا كان هذا خطاب رب العباد..مش عارفة كيف البعض بيسميه هبل..لا حول ولا قوة ال بالله..حبيبتي كما تدين تدان والديان لايموت..رح تلاقي بالمقابل احسان وثواب من الله تعالى فعن الخير لاتسالي الناس ابدا..ولكن اسالي رب الناس ..	08-05-2014 02:22 PM SAFEERA التبليغ عن إساءة
22 -	ابدا مش هبل وما تفكري لواحد بالمية انو هيك بالعكس هيك زوجك وحماتك بحبوكي اكثر وكوني هيك دايما ولا تندمي ابدا اعتبريه حسنة لله والله بجازيكي ان شاء الله	09-05-2014 11:48 PM اسراء التبليغ عن إساءة