بقلم : يوسف سليم أبو شعيب
بكرج على الدّفاية...

خيمة ولعبة غُمّاية...

وأجر الدّاية تحْلاية...

ومُخيّمنا ما في دُور...

تَنكة...

وقِصّة...

وتحواية...

وفْي الْشُّمُوْسَةْ تفْلاية...

حنفيات وتِملاية...

والمِسعد عنده حَنْطور...

الْبُيَضْةُ في الْغلّاية...

وحَلَقة ما بدها مراية...

إن مافي صحن قلاية...

والحلّاق هو الدكتور....

في الصّحية التدواية....

و خراريف وتسلاية ...

وقصة ما إلها نهاية...

والدوا ...

حِجبة وبخور....

وعلى المؤن ...

بدي أحكي....

بالفلسطيني والتُركي...

قومي يا صبحة بلكي ...

نلحق...

نوقف...

راس الدُور...

ما في قلب اللمظة...

كاز...

كت الشنْبر...

بدنا اجزاز...

سحرة في قلبي...

شو معتاز...

هالمُخيّم حتى بفور...

والحكاية لسه طويلة .....

أقعد حدي واحكيلي...

عن حواش التعليلة ...

جاجة باضت فوق السور...

يا ربي ما بدنا طحين...

وبدنا بحر مش سردين...

قولي يا صبحة آمين...

نرجع على الأمّاية....

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا