06-02-2014 09:27 AM
سرايا - سرايا - أنا مخطوبة لابن خالتي من سنة و3 شهور وبحبه وهو كمان يحبني.
هو بيشتغل في السياحة وعلى طول تعاملاته مع أجانب، في بداية خطوبتنا لقيت على موبايله رسائل من واحدة أجنبية، وهو كمان باعت لها رسائل، وكان مسجلها باسم " حبيبي " ، فلما سألته قال لي : " خلص إحنا نفتح صفحة جديدة" .
صدقته وفتحنا صفحة جديدة..
بعد 4 شهور لقيت برضه رسائل من واحدة تانية، و حكينا مرة تانية وبرضه قال لي نبدأ من جديد وأنا ما بحب غيرك..
المهم قفلنا الموضوع، لأني بحبه فعلا وبشدة..
سافر 5 شهور ومرة ثالثة لقيت رسائل حب فظيعة هو باعتها لواحدة زي الرسائل اللي كان بيبعتها لي..
بجد ساعتها انهرت وبكيت كتير، وكمان لما صارحته قال لي : نبدأ من جديد، فقلت له : كل مرة بتحكي هيك.. بس شكله ما في حل، إحنا لازم ننفصل.
هو رفض وقال لي أنا بحبك واتغيرت عشانك وما رح أسافر مرة تانية، رح أترك كل هالشغل ما دام ما بيريحك وحتى أبعد عن كل المغريات .. أعطيني فرصة أخيرة ورح تشوفي "
وأنا مش عارفة شو اعمل، كل ما أفكر ما بلاقي حل غير الانفصال، بس مش قادرة آخد هالقرار لأني بحبه.
وكمان خايفة إن العلاقة بين العيلتين تتدمر بسببي، وكمان أهله بيحبوني وأنا بحبهم،
بس هو بيكذب عليّ وإحنا لسه خاطبين...كيف بعد الزواج ؟؟.
لمتابعة وكالة سرايا الإخبارية على "فيسبوك" : إضغط هنا
لمتابعة وكالة سرايا الإخبارية على "تيك توك" : إضغط هنا
لمتابعة وكالة سرايا الإخبارية على "يوتيوب" : إضغط هنا
1 - |
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
|
06-02-2014 09:27 AM
سرايا |
2 - |
تعتذر " سرايا " عن نشر أي تعليق يحتوي أسماء داخل التعليق أو عناوين أو هواتف أو إيميلات .
كما ونرجو من الإخوة المعلقين احترام جميع المعلقين وعدم انتحال الشخصيات الأخرى وعدم تجريح أصحاب المشكلات المطروحة حفاظاً على الهدف من فتح باب التعليقات. |
06-02-2014 09:29 AM
سرايا التبليغ عن إساءة |
3 - |
لو بدك تتركيه مشان بحكي مع بنات عمرك ماتتجوزي
|
06-02-2014 12:10 PM
واحد التبليغ عن إساءة |
4 - |
لا يوجد مشكله ...انتي بالحقيقه مجاوبه على كل شي
عارفه انه بكذب بس بتحبيه وبدكش مشاكل .......انا مش عارفل وين المشكله ...انتي ماخذه القرار سلفا |
06-02-2014 02:35 PM
الدكتور فيل التبليغ عن إساءة |
5 - |
اكيد وبدون شك ان ابن خالتك هو الثعلب المخادع وقد استطاع خداعك وسيخدعك ويضحك عليك ويدعي اخر مرة وما تصدقيه لانه عمر (.....)ما بنعدل
|
06-02-2014 03:56 PM
الكنج علي الثعلب الماكر التبليغ عن إساءة |
6 - |
خليكي مرنه وجيبي دفتر ٦٢ لانه مطوله تفتحي صفحات جديده لانه كله هيك
|
06-02-2014 08:52 PM
مجنووووووووون التبليغ عن إساءة |
7 - |
اخيتي ....انت الآن على بر الآمان..فانظري في خطيبك وحبيبك إن كانت مقومات اختيار الزوجة لزوجها متوفرة فيه وهي الدين والخلق...(من التزام بالصلوات والنوافل بالإضافة إلى احترام الناس له وانه محبب لدى الناس)فامسكي عليك خطيبك وانصحيه مرة ومرتين وثلاثة بالتوبة وعدم الرجوع لمثل هذه التصرفات...وهو يقول لك انه (تغير عشانك وما رح يسافر ورح يترك كل الشغل ما دام ما بيريحك )فاطلبي منه ترك هذا العمل لأنه لا يخلو من الغفلة والفتن والإختلاط بالنساء الكاسيات العاريات....فاعطيه الفرصة الأخيرة واختبري توبته واجعلي تغيره وتوبته لله وليس لأجل ان يكسب حبك ...فإن رأيت فيه صدق توبته وندمه على ما اقترف من محرمات ...فأمسكيه...وإن استمر على افعاله فكما قلت في مشكلة سابقة إن لم تطمئني إلى صدقه، أو شعرت أن الظنون تفسد عليك عيشك ، وتشتت عليك أمرك ، وأن الحياة لن تستقيم بينكما بالمعروف فاتركيه بإحسان ، ولا تفضحي لهسرا ، ولا تهتكي لهسترا : ( وَمَنْ سَتَرَ مُسْلِمًا سَتَرَهُ اللَّهُ فِي الدُّنْيَا وَالْآخِرَةِ )فاعلمي ان مثل هذا الشاب الحياة معه عذاب والم وحسرة وشك وغيرة وقلق ...وان مثل هذا الشاب يكون غير متحمل للمسؤوليه ولان من قطع علاقته بربه سهل عليه ان يقطعها مع اي انسان حتى لو حبيبته....فإن قررتي تركه اتركيه بنية خالصة لله تعالى ومن ترك شيئا لله عوضه الله خيرا منه.....والله اعلم ....محب فلا تلوموني
|
06-02-2014 09:47 PM
محب فلا تلوموني التبليغ عن إساءة |
8 - |
اقرائي كتاب احببتك اكثر مما ينبغي و كتاب فلتغفري و قرري بعدين شو بدك تعملي
|
06-02-2014 10:22 PM
zena التبليغ عن إساءة |
9 - |
اعطيه فرصة اختي ازا فعلا ترك اشغل واتجه لغيره ..بتكون انحلت المشكلة ولكن ازا ضل مصر على حاله...عذرا..ما دامه مع السائحات الكاسيات العاريات ..صعب ترتاحي وتطمئني لاخلاقهه..ومن لا يصلح تركٌه أصلُح..الاصلح لكي ان تتركيه..
زعل العيلتين ..ما تخافي منه ..تبات ناار وتصبح رماد..وازا تزوجتو وانجبتي رح تواجهي مستقبل صعب مع رجل يبدو انه غير ملتزم دينيا..وبكل الاحواال "الرجال ما بيقدر عليهم غير الله" |
07-02-2014 08:45 AM
مورية التبليغ عن إساءة |
10 - |
اتعرفين ما هو الحب الحقيقي هو ان تعجز عن الخيانه ولو كانت كل مغريات الدنيا بين يديك ؛؛؛؛؛؛؛؛؛؛
|
07-02-2014 01:38 PM
قلوبنا الجبانه وشيء من الجنون التبليغ عن إساءة |
11 - |
انفضلي احسنلك ل انها هاي عاده ما رح يتركها ولو كان بحبك ما خانك انتي بتخوني جاوبي حالك ازا اه كملي معه وبتكون الخيانة الزوجية شي عادي
|
08-02-2014 05:20 AM
غريب التبليغ عن إساءة |
12 - |
اتركيه الي فيه عاذه ما بغيرها ولاتخافي لا علاقه العيلتن انت فهمي خالتك انك ما بتقدري تستمري معه حبت تفهم حبت ما حبت عمرين عمرها المهم انت لانه ما ضلت علا قبل الخطوبه المشكله انه وانت خاطبه يعني عنده حبيبه علا اساس ليش يحكي مع غيرك اذا من كل ولابد طولي فتره الخطبه كمان ولا تحكي عن حالك بتحبيه الي بحب صحيح ما بقدر يخون وهو خانك وحاولي اختبريه جيبي رقم ما بعرفه وابعتيله مسجات ولا تردي علا المكلمات واكتبيله انك وحده بتحبيه كتير ومغرمه فيه ويعني من الحكي وجربي بس انا متاكد انه رح يتجاوب لانه مبين انه انسان خفيف والله يجيبلك الي فيه الخير
|
10-02-2014 02:07 AM
اردنيه التبليغ عن إساءة |
13 - |
الله يهديه
اصلا انتي ليش فترة الخطوبه طولت حتى لو بدك تفسخي الخطبه مين بدو يخطبك سنه 3 شهور وكلام الناس كثير اصبري وضغطي عليه وتزوجي في اسرع وقت لايروح يحب اجنبيه وتخذو منك |
11-02-2014 12:59 AM
شغل ويش التبليغ عن إساءة |