سرايا - سرايا – اكتشفت منذ مدة أن عندي سرطان .. وقال لي الأطباء أن حالتي متقدمة وسوف أموت بعد 6 شهور بالكتير.. وعندي ولد وبنت صغار ..

فكرت شو رح يصير فيهم لما أموت..أكيد زوجي رح يتجوز بعدي.. وضليت ايام قلقانه وحزينه ومهمومه ..لحد ما خطر لي – كأي أم - اني أزوج زوجي.. واخترتُ له صاحبتي العزيزه..
وقلت لزوجي ورفض ..وحاولت معه لحد ما اقنعته.. بس وعدني يتجوزها "صورياً " طول ما أنا عايشة ..

وطلبت من صديقتي نفس الشيء واصريت عليهم يتجوزوا بدري حتى يتعود الاولاد عليها حتى تقدر تكون أمهم الجديده وسكنت معنا بغرفة في البيت ..وضلت فتره 3 شهور تقريبا وهي في غرفة وهو في غرفة .. وكنت طلبت منه أن ينام لوحده حتى يتعود على غيابي..

وبدأ يتقرب منها وهي كمان ..لحد ما في يوم تجوزها رسمي .. وهنا شعرت بالغيرة الشديدة ..وصار جسمي يهزل من الغيرة اكتر من المرض .. ولكن استمريت على العلاج رغم ان الاطباء قالوا لي ما في امل ..

وحملت الزوجة الجديدة ..وصار تقريبا زوجي ما يدخل لغرفتي الا نادرا ..وباقي الوقت مع زوجته الجديدة !!
ومر 6 شهور وسنه ولم أمت .. وفحصت واذا بالفحوصات تنزل كالصاعقة على رأسي..
لقد اختفى المرض وكانه لم يكن!!!!

وعندما اخبرت زوجي في اليوم الثاني علمت أنه اشترى للعروس شقة جديدة وأنه ينوي تركي مع أولادي

ماذا أفعل وقد خسرت الآن زوجي وأعز صديقاتي؟؟

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا