28-11-2013 09:33 AM
سرايا - سرايا - انا عمري 41عام متزوجة من 9 سنوات وعمر زوجي 35
لدى زوجي مشكلة في الانجاب ولكن الاطباء قالوا انه ممكن في يوم ما ان يحدث حمل فجأة .. فكل شيء بيد رب العالمين ..
- من باب العلم بالشيء - حاولنا ولكنه لا يلتزم بعلاجه.. اكتشفت ان له علاقات ونزوات كثيرة ..
وكما تعلمون العمر يمضي ولم يبقى لي الكثير من الاحتمالات للانجاب لاني تعديت الاربعين .. وفي يوم سالته الا تريد ان تتعالج وتنهي الامر ؟ قال : الظروف الآن صعبة .. وتحجج بحجج واهية .. وقال : بعد كم سنة ممكن ..
وعندها قلت : كم سنة !!! وافرض انا بطلت أخلف ساعتها .. نظر وسكت طويلا ثم قال : انتي حبيبتي وزوجتي الاولى واكيد ما رح ترضي اضل بدون أولاد ..صح ؟؟؟
بصراحة هو اناني جدا .. يهتم بنفسه ولا يراني .. حتى الاكل والشرب والمصروف اذا لم احضرها انا فهو لا يفعل .. نصحني اهلي والجميع ان اتركه وابحث عن نفسي لان العمر يتسرب من بين يدي ..
ماذا افعل ارشدوني .. اخاف ان اتعدى سن الإنجاب وأخسر فرصتي في الأمومة ويتزوج غيري ويلقي بي في الشارع علما ان وضع اهلي المادي سيء جدا ..
بانتظار حلولكم وشكرا لكم
لمتابعة وكالة سرايا الإخبارية على "فيسبوك" : إضغط هنا
لمتابعة وكالة سرايا الإخبارية على "تيك توك" : إضغط هنا
لمتابعة وكالة سرايا الإخبارية على "يوتيوب" : إضغط هنا
1 - |
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
|
28-11-2013 09:33 AM
سرايا |
2 - |
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
|
28-11-2013 09:34 AM
سرايا التبليغ عن إساءة |
3 - |
السلام عليكم ورحمة الله وبركاته ..
كلنا نعلم الحاله النفسيه السيئة التي يمر بها الانسان في هذه الاوضاع .. أسال الله العلي العظيم أن يعجل بالفرج عليكي وعلى كل شخص في الأمه الاسلامية بما هو خير له .. التزمي الاستغفار واصبري واحتسبي أمرك لله ولا تستعجلي بقراراتك بسبب اوضاعك الهشه. |
28-11-2013 09:45 AM
بعيد الديار التبليغ عن إساءة |
4 - |
واحد مثل هاد بهاي الافكار اتركيه بدون تفكير وعشان تطلعي من خطيته اعملي استخاره والله الموفق
|
28-11-2013 09:48 AM
حلا التبليغ عن إساءة |
5 - |
اصلا انتي هلا تعديتي سن الانجاب لان الانجاب في العمر هذا خطير جدا على الام والطفل
|
28-11-2013 09:59 AM
فوفو التبليغ عن إساءة |
6 - |
اختي صاحبة المشكلة:
يفترض إنه قرارك بالانفصال أو البحث عن حل لمشكلتك, بدأ في وقت مبكر ومجرد ما اكتشفتي إنه زوجك إله نزواته وعلاقاته ... لازم عرفتي إنه مش شغل خلفة وأولاد. لأنه عنده اللي يسليه. وإذا انتي بتصرفي عليه... ليش يعني ما يشتغل ويصرف ع بيته حتى لو مرته بتشتغل. احكي لأهلك وصارحيهم بالوضع... وإذا أصر زوجك عاللي براسه... اتركيه ولا تندمي أبدا. الله بعوض ومش ضروري كل ست تكون متزوجة. |
28-11-2013 10:15 AM
قارئ التبليغ عن إساءة |
7 - |
هو من ناحيه العمر جرى وخلص لا تخافي من شي 41 لاتفكر بخلفه
وخصوصا والاب هيك هاد متزوجك من اول مابدو ولاد ولا ليش يوخد اكبر منو ؟انتي في البدايه ليش توافقي عليه بدك تتحملي وتعيشي اما تفكري وتنفصلي عنو وتتجوزي مره تانيه ؟؟؟ صعب" |
28-11-2013 10:29 AM
واحد التبليغ عن إساءة |
8 - |
غريب امرك اختي , ما حدا بنكر حقك في الانجاب , وما دمتي مش متنازلة عنه , وزوجك فيه كل هالموصفات الغير طيبة , شو صبرك لهلأ , صرتي فوق الاربعين . على كل الاحوال , اذا قررتي الانفصال .العريس جاهز ؟؟!! .... ما بعرف شو بدي احكيلك . تاخرتي كثيـــــــــــــــــــــــر يالبحث عن الحل .
|
28-11-2013 10:39 AM
حورية البحر التبليغ عن إساءة |
9 - |
انتي بتحلي مشاكل الناس؟ ومشكلة بتلاقي عندك مشاكل اكتر منهم عارف؟ بس نيالك بالك رايق وفاضي فعلا
|
28-11-2013 12:02 PM
عايش معاك الى حورية البحر التبليغ عن إساءة |
10 - |
معلش يعني (....) ولى في اشي بمخك اولا الوقت الان متاخرللانجاب ومتاخر للانفصال ثانيا لما يحكيلك انو انت زوجنو وحبيبتو ما بترضي انو يعيش بدون اولاد يعني ناوي يزوج عليك فتاة اخرى ما بدها ذكاء فكيف انت اصلا بتفكر ي الانجاب من هيك انسان لكن اذا انت عندك استعداد ترضي على نفسك الذل استمري معو واذا بدك تعيشي باقي عمرك بكرامة انفصلي عنة دون اي تفكير وعيشي باقي عمرك بكرامة وممكن اللة يعوضك خير
|
28-11-2013 12:25 PM
لينا التبليغ عن إساءة |
11 - |
ما في انسان بالدنيا خالي من المشاكل اسال حالك انت خالي ولا مش خالي يمكن تطلع عمي ههههههههه
|
28-11-2013 12:53 PM
الى عايش معاك التبليغ عن إساءة |
12 - |
بينك وبينه 6 سنوات انا انضر من زاويه تانيه اكيد ارتباطكو كان عن حب لان لا يمكن لرجل ان يرتبط بانثى بينه وبينها فرق في العمر الا اما بدافع الحب او اسباب تانيه اختي نصيحتي لك بالالتزام ولا تفكري بالطلاق لان ما رح يجيكي زوج عمره 35 هاد ازا تقدملك حدا من اصله اما بكون حتيار شو بدك بوجع هالراس ضلي مع زوجك ولا تخلي الشيطان يوسوسلك بامور يمكن غلط وحتى لو فيوم اتزوج وانجب من غيرك ازا بحبك وابن اصل ما برميكي بتمنالك التوفيق وهداة البال
|
28-11-2013 12:59 PM
بحب جوزي التبليغ عن إساءة |
13 - |
أها، انتي بدك تنفصلي بس عشان موضوع الانجاب بالاساس.. بسيطة اذا كثير مأآذيكي الموضوع، تكفلي طفل يتيم .اكثري من الصدقه والاستغفار.. لكن اتراجعي عن الانفصال..انتي الان بمرحلة عمرية متقدمه ..بدل الانفصال فكري بأمور ثانية تفتحلك باب السكينة والرزق سواء رزق مادي ام اطفال.. الله يفرجها عليكي و ع الجميع خية..
|
28-11-2013 01:16 PM
توليب التبليغ عن إساءة |
14 - |
حبيبتي ماتزعلي بس انتي بعمر هلا صعب فيه انك تنجبي اطفال وسالي اي طبيب نسائي رح ياكد هاد الكلام يعني لو انفصلتي عن زوجك انتي الخسرانه
|
28-11-2013 01:47 PM
رنوش التبليغ عن إساءة |
15 - |
انتي خسرتيها يا عمري فوق الاربعين كتير صعب تخلفي خاصه ان ماسبق الك الخلفه قبل هيك يا بتسكتي وبترضي بهالزلمه يا بتطلقي وبتقعدي لا زوج ولا اولاد سامحيني عباراتي ليست جارحه بقدر ما هي لمصلحتك
|
28-11-2013 01:55 PM
اخ من هالدنيا التبليغ عن إساءة |
16 - |
كل الدنيا بما فيها من مال وذهب واهل وقصور ما بتسوى كلمة ماما من طفل .انا الي اكثر من سنتين متزوجه محروق قلبي على ولد يا ريت يوخدو كل شي مني كل شي ويعطوني ولد انسى معاه هموم الدنيا اللي رح توكلني أكل
|
28-11-2013 01:59 PM
وطن التبليغ عن إساءة |
17 - |
اعتقد ان الانفصال والطلاق لن يكون في مصلحتك , سنك سيلعب دور كبير بايجاد فرصة جديده لزواج ربما لن يكون ناجح ايضا .. ارى ان اقتراح توووليب مناسب .. اتمنالك التوفيق
|
28-11-2013 02:16 PM
مثقال العزازي التبليغ عن إساءة |
18 - |
شوفي حبيبتي انك تنجبي بها العمر صعب كتير بدوا يتعالج وتحملي وتخلفي بدك شى خمس سنوات علي هادا الموال بس انتي اهملتي موضوع الخلفة لكبرتي يعني سامحيني اطلعتي من المولد بلا حمص بلنسبة لجوزك يعني فوق ما انو مريض وسكتي وكمان بتفلسف الله يعينك ويصبرك
|
28-11-2013 02:29 PM
متزوجة التبليغ عن إساءة |
19 - |
لا شيء يريح القلب المتعب من سماع قوله تعالى لا تدري لعل الله يحدث بعد دلك امرا
|
28-11-2013 03:22 PM
اخ من هالدنيا الى وطن وصاحبة المشكله التبليغ عن إساءة |
20 - |
الله كريم ........ شكرا
|
28-11-2013 04:35 PM
الى اخ من هالدنيا التبليغ عن إساءة |
21 - |
الزوج اللي وجوده وعدمه واحد اتركيه مش مشان ما بيجيب ولاد لانه هالشي بيد رب العالمين وهو ما اختاره بس يعاملك هالمعامله لأ ... ليش احنا هيك ليش بنعيش بعالم مليء بالمتناقضات ولا تفكري انا وحده من كتيييير بدنا حقنا بس ومع هيك ما بنسترجي نتنفس مشان الاهل ومشان الاولاد ومشان كلام الناس ومشان ما حد يشمت فينا ومشان جدي ومشان عمي ومشان ومشان وبننسى حالنا .اااااااااااااه من الدنيا هاي لوين بدها توصلنا
|
28-11-2013 06:45 PM
وحده انشروا تعليقها طيب التبليغ عن إساءة |
22 - |
ردي على تعليق 20 بكفينا هبل حبيبتي زمن سي السيد انتهى
|
28-11-2013 07:53 PM
شو مفهوم الرجوله التبليغ عن إساءة |
23 - |
زوج 1- اناني 2- لعوب 3 - لاينجب 4- كذاب 5- لا ينفق على زوجته 6- اذا جفت ينابيعه عند الاخريات انت البديل (......)
ولهذه الاسباب مجتمعة غير ماسوف عليه |
28-11-2013 08:39 PM
ورد الحمزات التبليغ عن إساءة |
24 - |
نصيحتي الك اقعدي (....) لانك مش راح تلتقي احسن منة البنات الي بعمر الوﻻد مش لاقين عريس وانتي بدك تتطلقي
اصلحيه واكسبي اجر من عند الله |
28-11-2013 10:33 PM
مأمون التبليغ عن إساءة |
25 - |
يعني هو عريس المستقبل جاهز وتحت الطلب
عمرك 41 ولسه بدك شي سنه او اكثر لحتا تكوني حره اذكري ربك واحمديه عندك زلمه ساتر عليكي.. |
28-11-2013 11:05 PM
برهم التبليغ عن إساءة |
26 - |
احيانا الطلاق ارحم من سترة زلمة مثل زوجها التعيس
|
29-11-2013 12:25 AM
الى مامون وبرهم التبليغ عن إساءة |
27 - |
اختي الخير فيما يختاره الله كم من الابناء كانو مصدر شقاء وتعاسه لاهاليهم ونصيحتي ان تتمسكي بزوجك لان الخيار البديل لن يكون افضل
|
29-11-2013 12:38 AM
الرقيقه التبليغ عن إساءة |
28 - |
الي بحكولك اربعين وراحت عليكي هادي عقليه عفى عليها الزمن انا عمري 45 وحاسه حالي بنت عشرين سنه الشباب شباب الروح والاخلاق ومو ضروري الوحده تتزوج عيشي لنفسك وحياتك واتركيه قبل ان يتركك
|
29-11-2013 02:08 AM
الله معاكي التبليغ عن إساءة |
29 - |
اكسري ورا ه جره وعجي زغروته
|
29-11-2013 10:13 AM
بيان هام التبليغ عن إساءة |
30 - |
اختي والله دائما الحل الآلتزام بطاعة الله افضل حل الى اية مشكلة مهما كانت مشكلتك توجهي الى الله جل جلاله
|
29-11-2013 11:02 AM
كركي التبليغ عن إساءة |