نصبت له كمينا بمسجات SMS فوقع في الفخ

22-09-2013 03:22 PM

تعديل حجم الخط:

سرايا - سرايا - حاولت ان اتأكد ان زوجي لا يخونني مع اخرى فلجأت الى هذه الطريقة، وانا الآن في حيرة من امري ولا ادري هل اندم على فعلتي ام احمد الله على فطنتي .......

زوجي الحبيب يتجاهلني و مش كتير بغار عليه مع اني حلوه وصغيره وهو كمان حلو وشب وسيم بيطلع المسا من البيت الساعه 8 بحكلي زهقان وبدو يسهر عند اصحابو وانا بزعل وبدايق وبحكيلو اسهر معي و بحكلي ما رح اتاخر بدي اغير جو وبيرجع الساعة 11مساء وانا بلشت اشك فيه انا متاكده انه بسهر عند اصحابو بس خايفه يكون بطل يحبني .. وحكيت لحالي خليني اختبرو .. واشتريت خط تلفون تاني وبلشت ابعتلو مسجات غراميه ع اساس اني واحده معجبه مش مرتو وارن عليه واشغل المسجل و هو صار يرن ع رقم وبدو المعجبه تحكي و انا ما بقدر احكي لانو بيعرف صوتي مش عارفه شو اعمل كيف بدي اغير صوتي؟ وانا هلاء كتير زعلانه لاني اكتشفت انو عندو ميول يعمل علاقه بس بدي اتاكد ميه بالميه انو رح يعمل علاقه عشان اقرر مصيري معه بدي طريقه احكي معه من دون مايعرفني وانا ماعندي صحابات ثقه عشان اسلمهم هاي المهمه ... ساعدوني شو الحل؟

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 41981


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	22-09-2013 03:22 PM سرايا
2 -	الحل تقعدي وتسكتي وما تكملي الشغله هاي لان انت بتقومي بدور الشيطان ، ويمكن زوجك يكون عارف انو هاي تتمثيليه منك وماشي معك وبالاخير تيجي القصة على راسك يا شطورة .	22-09-2013 03:56 PM نصيحه التبليغ عن إساءة
3 -	ما في رجل مخلص تماما لا تخربي بيتك مشان مزحة اذا زوجك صار عنده ميول يتعرف على غيرك حاولي تغيري من شكلك من سلوكك اعمليله جو جديد شوقيه ولاوعيه الطير بيلف الدنيا كلها لكنه بالنهاية بيرجع لعشه والطير اذا طيتيه جوا قفص بيموت لا تحاولي تضيقي على زوجك ولا تخسريه وما بتعرفي اذا لا سمح الله خسرتيه شو ممكن يكون البديل الله يوفقك ويصلح بالك	22-09-2013 07:32 PM نصيحة التبليغ عن إساءة
4 -	يعني بدك تغلطية وتضعفية ومن ثم تلومية شو الشيطنة هاي بدل ما تنمي الثقة بينك وبينة وتحافضي علية بدك تغلطية ومن ثم تلومية والله واعلم انك انتي الي على علاقة	22-09-2013 09:06 PM خاااااااااااااااااااااااااااالد التبليغ عن إساءة
5 -	لاتسمحي لفضولك ان يدمر حياتك ولاتسمحي لذكائك ان يكون وبالا عليك	22-09-2013 09:33 PM قرفان التبليغ عن إساءة
6 -	ديري بالك هاي القصص بتخرب العلاقه حاولي تتاكدي بطريقه تانيه ما تضرك نهايتها	22-09-2013 10:32 PM فرح التبليغ عن إساءة
7 -	وحدي الله هاي الشغلات يلي بتخرب بيتك خلي حياتك طبيعيه وسيبك من هشغلت وانت اتقربي رمن جوزك وبعدين لو صاد الخط التاني معك هاي مشكله راح يحكي شي تاني انتبهي لبيتك وجوزك وسيبك من هل هبل	23-09-2013 12:31 AM جمال الناصر التبليغ عن إساءة
8 -	هذا اسمه تجسس حرام عليك اولا وبعدين الانسان طبعه خطاء	23-09-2013 08:38 AM خالد الاحمد التبليغ عن إساءة
9 -	هالشي الي عملتيه غلط وغلط كبير مو هيك بيختبروا الرجال ... لا تكوني متل براقش جنت على نفسها .. على فكرة انت هيك فتحتي عيونه على العلاقات وخلته يجرب هالشعور ... وقفي هالمهزلة ولا تبعتيله شي ولا تحكيله شي بس اهتمي فيه وادعي رب العالمين يعمي نظره عن غيرك ويحببه فيكي واعمليله جو بالبيت حتى ما يضل يطلع يسهر بره ... الله يهديكي ويهديه ويصلح حالكم	23-09-2013 09:39 AM العياصرة التبليغ عن إساءة
10 -	حبيبتي عندك مشكلة مع زوجك لأنو الرجل اللي بحب مرتو مستحيل يتركها ويطلع يسهر مع صحابو حاولي تعرفي شو الأسباب اللي بتدفعو يطلع من البيت وعالجيها قبل ما يفوت الأوان .	23-09-2013 10:30 AM جود التبليغ عن إساءة
11 -	تصرف خاطىء 100% حرام عليكي لانه يمكن ما يكون خائن لاكن عنده فضول يعرف هذه الفتاه حتى يمكن يمشي معها ع التلفون وبعدين انتي تنصدمي هذه طريقه غبيه جدا حتى ولا صاحباتك غلط يلعبن هذا الدور يكن يصير علاقه من وراكي الانه بالايام هاي ما فيه اشي اسمه صاحب واخيرا هذه طريقه غبيه جدا منك واللى ع راسه بطحه يحسس عليها	23-09-2013 10:48 AM نصيحه التبليغ عن إساءة
12 -	انا اصلا كان في عقل وكنت ناوي اتزوج اما هلكيت بعد ما قرأت مش ناوي نهائيا ولا مفكر . " ان كيدكن عظيم " . الله يهديكي يا اختي	23-09-2013 11:00 AM أحمد بن بلا التبليغ عن إساءة
13 -	بتقدري فيه اجهزه خلويه صينيه بتقدري من خلالها تغيري صوتك لوحده ثانيه وبالتوفيق	23-09-2013 11:13 AM mmm التبليغ عن إساءة
14 -	شو تقرري مصيرك معه يعني؟!!!! كل الرجال مثل بعض وكل وحدة فينا لو علمت مثل ما عملت زوجها رح يتجاوب، كلهم عندهم ميول للانحراف، الا من رحم ربي، علي بن ابي طالب بقول لو اتيحت كل نساء الارض لرجل الا واحدة لاشتهاها. والمثل بقول يا مأمنة للرجال يا مأمنة للمي بالغربال، ديري بالك على زوجك وحافظي عليه، وكوني رومانسية معه	23-09-2013 11:38 AM حلوة التبليغ عن إساءة