اخواني لا يزورونني .. ما الحل ؟

15-01-2018 02:30 PM

تعديل حجم الخط:

سرايا - انا متزوجه وعندي ولد .. ابوي متوفي الله يرحمو .. امي الله يطول بعمرها وعندي اخوان ..
بس انا اخواني مابسألو عني .. مابرفعو علي سماعة التلفون من سنه لسنه ع العيد بس بيجو علي .. ماحدا بسأل عني غير امي ..

احيانا بحكي لحالي معقول هذول اخواني اللي عشت معهم طول عمري اللي فتحنا ععيوننا ع الدنيا مع بعض .. ليش القطيعه ..
يعني عندهم اجيت زرت امي بشوفوني ما اجيت .. خلص الله معااي .. مع انو وضعنا تعيس المادي وانا مابطلب اشي الحمد لله بس ولا واحد بكلف خاطرو يحكي محتاجه شي يختي ؟ بدك شي ؟
ليش هيك ؟؟ انا بعرف بنات كثير نفس الشي ؟ ليش يعني انتو اخواننا ؟ والله احنا مابدنا الا تجبرو خاطرنا بكلمه ولا بسؤال !! كل وحده بتكون عارفه ظروف اخوانها ومقدريتها ..
هذا واحنا مسلمين وبنعرف شو يعني صلة رحم .. وعلى فكره اخواني في منهم متزوج وعزابي .. يعني محدا يحكي الواحد لما يتزوج بتغيير .. انا والله حبيت افضفض
امانة الله ما حدا يغلط او يسب عليهم "

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 36939


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	15-01-2018 02:30 PM سرايا
2 -	روحي انتي زوريهم واحكي معهم تليفونات اطمني عنهم فهميهم انك عتبانه عليهم لانهم ما بيسألوا عنك ولا بيحكوا معك . احكيلهم انك ما بدك اشي من هالدنيا الا انهم يظلوا يسألوا عنك بس.وربنا يحنن قلوبهم وقلوب غيرهم.(آمين يا رب العالمين)	15-01-2018 03:07 PM امونه التبليغ عن إساءة
3 -	تقريبا كل الاخوه هيك ما في صله رحم واذا هم ما بسألوا انتي اسألي عنهم . واذا بتظلك تسألي عنهم اكيد رح يفقدوكي ويسألوا عنك . والله يهدي بالك يااارب	15-01-2018 05:01 PM عبير الزهور التبليغ عن إساءة
4 -	والله اقوى علاقه بالدنيا علاقة الاخ بالاخت متميزه عن دون كل العلاقات.مثال الخنساء ضلت تبكي اخاها صخر قبل الاسلام وبعد الاسلام.اما استشهاد ابناءها الثلاث مع بعض لم تبكيهم قالت انا لله وانا اليه راجعون	15-01-2018 07:09 PM سائر حسين التبليغ عن إساءة
5 -	والله يا ست عبير ما شفت تعليقك الا بعد ما علقت .سامحيني المره هاي ام نكد.بس حقيقة علاقة الاخ بالاخت الطبيعيين.مميزه ولها طعم احلى من علاقة الام بابنها او علاقة الاب بابنته تحياتي ام نكد	15-01-2018 07:15 PM سائر حسين التبليغ عن إساءة
6 -	كل الاحترام الك بس ليش اتواصل معك وانا عارفه ما رح يكون في نصيب لانه الديانه تختلف وبكره بتصير مشاكل بالمستقبل الك كل الاحترام والله يوفقك يا رب وتلاقي احسن مني سامحني	15-01-2018 09:39 PM من ساره الى سعد التبليغ عن إساءة
7 -	في اخوه علاقتهم متينه جدا . وفي اخوه لا . واذا اخوي ما سأل عني انا بسأل بحسسه بجودي مشان يعرف اني مهتمه فيه ويهتم . بعدين البنت بتظل ضلع قاصر لاخوها . والاخ سند لاخته اذا جار عليها الزمن . بس في اخوه بتحسهم جامدين ما بهمهم غير نفسهم .ولا بفكروا لا بأخت ولا اخ كل الاحترام لك يا ابو نكد .....	15-01-2018 11:12 PM من عبير الزهور الى سائر التبليغ عن إساءة
8 -	والله انا لو مكانك بروح عليهم وبحكيلهم ليش كل هالقطيعه هاي منا اختكو ما الي غيركو وما بدي تهيبو علي ومن هالحكي وان شاء الله رب العالمين يحنن قلوبهم عليكي	16-01-2018 03:51 AM ياسر الروسان التبليغ عن إساءة
9 -	صباح الخير	16-01-2018 08:15 AM سعد الى ساره التبليغ عن إساءة
10 -	في ناس بحشروا حالهم باشي ما بخصهم	16-01-2018 08:16 AM سعد الى بعض المعلقين التبليغ عن إساءة
11 -	السلام عليكم ،،،،،،،،،، يا صاحبة المشكلة :- قومي بعمل وليمة واعزمي إخوتك عليها ، وإن لم يتغير الوضع ، فقومي بعمل وليمة واعزمي إخوتك عليها ، وإن لم يتغير الوضع ، فقومي بعمل وليمة واعزمي إخوتك عليها . وبعدها ........ إن لم يتغير الوضع المأساوي وقاموا بزيارتك ، فقومي بالاتصال عليهم فردا فردا بحجة الاطمئنان عليهم ، ( ونحن نعلم أنك تريدين منهم رد العزائم التي قمت بها ، والحكي بناتنا ) . طبعا من الأصول والواجب عليهم رد تلك العزائم التي قمت بها ، وإن لم يتغير الوضع ........... يعني ....... خلص ....... بتكوني اخسرتي اللي اخسرتيه ......... وراحت عليك العزايم ............بس لا تزعلي ولا على بالك ........... إلك الله أحسن منهم . محمدكو . سلام .	16-01-2018 09:24 AM محمدكو التبليغ عن إساءة
12 -	اتدري اين سكناه اخوك واين مسعاه وهل عيناك تدركه اذا فاتتك عيناه اخوك يعيش كالتاريخ في جنبيك ترعاه بل لغة تصافحه وتدمع حين تلقاه	16-01-2018 11:33 AM Rmr التبليغ عن إساءة
13 -	خليكي احسن منهم وكون الاتصالات صارت رخيصة رني انتي عليهم وحسسيهم انك مشتاقة الهم مرة على مرة بصيرو يشمو على حالهم وبصيرو يرنو عليكي او يزوروكي	17-01-2018 11:23 AM غسان الزيود التبليغ عن إساءة