خطيبي بخيل

10-12-2017 12:20 PM

تعديل حجم الخط:

سرايا - طبيعي انه العريس يجيب لعروسته اثاث مستخدم وخاصه غرفه النوم .... انا خطيبي هيك عمل معي وغير انه ببعتلي مصاري الجهاز بالقطاره وكمان ما عمره حاول يبادر يبعتلي مبلغ سعر هديه او شي بنفسي لانه هو مسافر ... غير هيك كتير بخيل مشاعر ولا بهتم ولا برن اذا انا ما بادرت بمكالمه او كلام ع اساس انه هو مش رومنسي وما بعرف يحكي كلام حلو .. هلا لانه انا مطلقه عادي يتعامل معي هيك .. صارلنا شهر ما بنحكي ولا بنتواصل زعلان لانه حكيتله تواصلت مع زوجته القديمه وانا بالفعل ما تواصلت معها بس كنت بدي اشوف ردة فعله وبحكي لاهله انه انا متغيره بعد ما حكيت معها ... وانا فعليا ما حكيت معها بصراحه انا بفكر بالانفصال بستاهل اتركه ولا اغامر واكمل خاصه انه اجار البيت رح يكون علي لانه ما بقدر يستاجر بيت .. شو اعمل مش سهل الانفصال كمان مره تعبت من التفكير

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

وسوم: #سرايا #اريد #حلا

طباعة

المشاهدات: 43815


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	10-12-2017 12:20 PM سرايا
2 -	بالمختصر اختي وكمتخصص في علم النفس ورجل اقول لكي القليل من الرجال يجيدون الكلام الرومانسي وهذه طبيعتهم التي فطروا عليها ولا يتسطيعون تغييرها الا مع الوقت . ويبدو انه فعلا ظروفة المادية صعبة وبالتالي له العذر لكن يجب ان تكون ذكية بان تسلمسي منه الصدق في الارتباط معك وتشعري بذلك .	10-12-2017 12:55 PM اخصائي نفسي التبليغ عن إساءة
3 -	قكك منو ما بلزمك،، لا حبيبتي مو طبيعي يعمل هيك اصلا ليش ترضي بعفش مستعمل ،،. نصيحه لوجه الله هاد رح ينشف ريقك لقدام ،،، بلا منو احسن ،،، ومن الواضح انو في شي بينو و بين مرتو القديمه كان سبب الطلاق وخايف انك تعرفي ،،،، و فكرك هلا انك بتعرفي اسباب الخلاف ،، اصلا كيف بترتبطي بواحد مطلق بدون ما تحكي مع طليقتو لازم تعرفي اسباب الطلاق بلكي كان يضربها مثلا ،، بلا منو احسن نصيحه	10-12-2017 03:11 PM Heba التبليغ عن إساءة
4 -	هبل يلي يهبلك . شو يعني مطلقة؟ و هو مطلق . بس من متى العروس بترضى عحالها تعيش بغرفة نوم مستعملة ؟ و عدا عن هيك منتي مشاركيته بالدفع .. الظاهر إنه مركن عحضرتك وانت متل الهبلة . شو بدك بهالزواج ؟ أنا متأكدة إنك تطلقتي بسبب زوجك ظالم لا و فوق هيك تروحي عواحد حقير طمعان براتبك . انسي و ظلك ببيت أهلك أشرفلك.شكله راكبك ركوب	10-12-2017 04:50 PM أم عبدالله التبليغ عن إساءة
5 -	طيب أنا تطلقت و عندي بنت من طليقي و تزوجت عزابي و بغرفة نوم جديدة و الحمد لله هسا أنا و زوجي أسعد زوجين و عنا بنات و بنين بفضل ألله . فلا تحكي إنه هيك حظك لإنك مطلقة لأ القصة و ما فيها إنه هيك حظك لإنك ما سألتي عنه قبل ما توافقي عليه . عاد كونك مطلقة معناها لازم كان عندك الإدارة و الوعي بهيك أمور و ما لازم انك استسلمتي للزواج بهالسرعة يعني يكفي إنك بتشاركيه بلوازم البيت معناها هو شووعامل بهالحياة سو واجبه كزلمة هو و قلته واحد . قال أثاث مستعمل قال . ما بدكياه	10-12-2017 06:42 PM أنا مطلقة التبليغ عن إساءة
6 -	أنا لما تزوجت كان وضعي مش بزيادة بس مع ذلك لا يمكن إني أسمح لنفسي إني أعيش عروستي بغرفة نوم مستعملة . بل حتى ليش أرضى عنفسي إنها تشاركني بالنفقات ؟!! ليش أنا مش كاين زلمة ؟ لعاد هذا خطيبك شو المستفاد منه ؟ هو متطاول عليك مفكر إنك مطلقة يعني رح نرضي بأي شي يعني بمعنى آخر بمن عليك إنه تزوجك بالرغم من إنه المطلق مستحيل تلاقي بنت ترضى فيه . أنا زلمة و شايف و عارف مجتمع الزلام. فما بدكيش هيك زوج	10-12-2017 07:22 PM ابو ريماس التبليغ عن إساءة
7 -	شو هل الهبل اكيد ما بدها اثنين يفتي فيها اكيد لازم تتركيه حتى لو كان العاشر مش الثاني لانه واضح داخل على طمع .	10-12-2017 09:41 PM فرح التبليغ عن إساءة
8 -	خطيبك بخيل و طماع	11-12-2017 12:16 AM خطيبك بخيل و طماع التبليغ عن إساءة
9 -	اقلعية /كبية	11-12-2017 08:38 AM هيثم التبليغ عن إساءة
10 -	سلام عليكم ...حبيبتي صاحبة المشكله اسف اذا قلتلك انك هبله ومو عايشه بالعصر الا احنا في اما زوج يلتزم بكل متطلباتك او بالناقص منه اذا هلأ مشرط اجرة البيت عليك بس تزوجي شو رح يعمل رح يستلم الراتب عنك وتصير تشحدي منه من راتبك خليك معززه احسنلك بلاش تندمي حيث لا ينفع الندم.	11-12-2017 10:40 AM رانيا التبليغ عن إساءة
11 -	كبيه في سلة المهملات وخلي راسك مرفوع	11-12-2017 11:23 AM خخخخخخخخخ التبليغ عن إساءة
12 -	خطيبك بتعامل معك هيك ولسا ما تزوجتي وعشتي معاه في بيت واحد هاد كيف لو عندك بالبيت في القطاره بصير يصرف	12-12-2017 02:12 PM سامي التبليغ عن إساءة
13 -	أرجو أن لاتردي على كل من يدعوك لترك خطيبك . الوضع الاقتصادي عموما غير جيد و الحصول على زوج ليس سهلا هذه الأيام . المساعدة بحد ذاتها ليست خطأ إذا كان الشاب غير منحرف و عنده الحد الأدنى من الأخلاق .	12-12-2017 04:45 PM سمية التبليغ عن إساءة
14 -	الى الاخت بالله شو جابرك على القرف من البداية اسهل بعد انجاب الاطفال بتحسي حالك انك ارتكبتي جريمة كبيرة انك استهنتي بكرامتك ليه تدفعي أجرة البيت شو اللي	12-12-2017 08:33 PM سندريلا التبليغ عن إساءة
15 -	شو يلي جابرك تتزوجي .. والله أكتر شي بعيب الزلمة هو الطمع من زوجته و البخل عليها . روحي هذا من هسا هيك و الواحد بتلاقيه لو يهم اله يجيب كلشي لخطيبته ما بقول لأ . بس هذا طماع من الدرجة الأولى و بخيل بنفس الوقت . نصيحة من أقصى أعماق قلبي إنك تتركيه لإنه الطلاق صار متل شربة الميي	14-12-2017 06:33 AM ما بدك هالجيزة الردية والله التبليغ عن إساءة