امي تدعو لاخواني من دوني

27-09-2017 01:48 PM

تعديل حجم الخط:

سرايا - سرايا - انا اصغر وحدة بالعيلة وكنت بشتغل وتركت من فترة ولهلا ماعم لاقي شغل. المشكلة مو هون المشكلة بامي بدايق لما بضل تدعي لكل اخواني وتحكيلن كلام حلو والله يرضى عليكو ومن هالكلام وانا لو شو مااعملا او اجيبلا او حتى وين ما اخدا ع مكان مابتحكيلي شي حتى بالبيت بشتغل وبعمل كل شي لحالي وشايلة كل البيت علي واخر شي بتنتظر انك تسمع كلمة او دعوة حلوة تفرحلك قلبك لكن مستحيل طيب ليه؟ هنا ولادك وانا لاء!! اللي بحز بالقلب انو اخر مرة دعتلي فيا لما وقت كنت اشتغل واعطيا..
يعني اذا بطلت تعطي امك بتبطل تدعيلك؟ جد مدايقة كتير مانا قصة غيرة بس جد الواحد بحب يسمع كلام حلو الحمدالله ماحدا مقصر باهلنا او بالبيت بس ليه لمجرد اني مابشتغل ومابعطيا بطل اسمع منا شي غير البهادل والانتقادات؟؟

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 28517


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	27-09-2017 01:48 PM سرايا
2 -	معلش هاي بتضل امك ولو ما دعتلك بلسانها اكيد قلبها بكون راضي عليكي والله وبتخاف عليكي انت بس ضلك جنبها واعملي الي بدها اياه موفقة حبيبتي	27-09-2017 02:31 PM عاشقة القهوة التبليغ عن إساءة
3 -	اول شي احترمي طريقة كلامك هاي أم مو بس تعطيا مصاري على فكرة السوريين شوي قصصكم غريبة عجيبة احترام الأم فوق كل شي وهي حرة وهادا الشي برجعلها بدها تدعي تدعي ما بدها مابتئدري تجبريها ممكن تدعيلك بدون ماتسمعك ماتخافي الا الأم ما بتكون لمصلحة بتدعيلك انتبهي وهيك قصة عيب تنشريها للعالم ناقشيها احكيلها أسأليها لانهم الناس مابحلولك هيك قصة امك ثم امك ثم أمك	27-09-2017 11:53 PM سندريلا التبليغ عن إساءة
4 -	هذا الشيء يطلق عليه عقوقو الوالدين للابناء. بكفيك رضى الله .. والله ما بنسى عبيده ولا تخفى عليه خافيه.	28-09-2017 08:16 AM فارس بلا جواد التبليغ عن إساءة
5 -	ذكريها بالوقت اللي كنت بتشتغلي وبتعطيها وهلا شي خارج عن ارادتك وقوليلها انكمحتاجه دعمها والكلمة الطيبة بتأثر بالواحد وبتعطيكي دعم ذكريها وقوليلها انك بتذكري سين من الناس وأنا لأ	28-09-2017 11:10 AM toto التبليغ عن إساءة
6 -	مهو امبين عليك غضيبة والدين ما في دخان بدون نار خلص ادعي انت لحالك والله لا يحوجك لحد يعني ايش نحكيلك احكيلك لا تغاري اصلا يمكن دعاء امك مش مستجاب اطمني	01-10-2017 09:57 AM الكاسر التبليغ عن إساءة