حرية سقفها السماء

وكالة سرايا الإخبارية

إبحــث في ســــرايا
انت الزائر رقم: 8418108 الخميس ,14 ديسمبر, 2017 م يوجد الآن عدد (4948) زائر
طباعة
  • التعليقات: 9
  • المشاهدات: 20891

نصيحة لكل شب متزوج او رح يتزوج ..

نصيحة لكل شب متزوج او رح يتزوج ..

نصيحة لكل شب متزوج او رح يتزوج ..

16-09-2017 12:06 PM

تعديل حجم الخط:

سرايا -

سرايا - 

نصيحة لكل شب متزوج او رح يتزوج...
ازا بدك مرتك تصونك وما تخونك اوعى تهملها اوعى تخليها تحتاج لحب او حنان
المرأة بشكل عام وانا وحدة منهن بتحن لايام الخطوبة واول ايام الزواج لما يكون في حب في اهتمام
ولما تفقد هالشي بعد كم سنة والله
مهما كانت اخلاقها عالية ومهما كانت بتخاف ربها رح يكون عندها فراغ عاطفي وممكن تلجأ لبرامج التواصل وتتعرف ع اي حدا لتعبي هالفراغ وممكن تحن لحبها الاولي اللي انت ما عندك علم انو مرتك كانت تحب
لتحس بانوثتها
خفف سهر برا البيت
احكي معها ايام دوامك
عادي لو بتمرقلك كلمتين حلوين ع التليفون او بس ترجع من شغلك
يا ما عم نسمع قصص خيانات ومنلوم المرأة ع هالشي ومننسى نلوم الرجال ليش؟؟؟
حبيت بس اوصل هالفكرة للشباب لانو نفسي توصل لجوزي اللي مقضي كل وقتو شغل وسهر وبشوفو ع الغدا مو اكتر...
دمتم بود...






طباعة
  • التعليقات: 9
  • المشاهدات: 20891
 
1 -
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
16-09-2017 12:06 PM

سرايا

2 -
مسا الخير

بعين الله اختي



برضو لا تنسي انه المراة لازم تهتم بحالها ولا تهملها لانه الرجل بحب المراة المغندرة وبحب الدلع لانه ادا ما لقيه في بيته رح يدور عليه برة والمراة نفس الشي

موفقة عزيزتي
16-09-2017 01:04 PM

عاشقة القهوة

التبليغ عن إساءة
3 -
نصيحة لكل شب اوعك تخلي حلم حياتك زوجة، اوعك تفكر قصص الحب و الافلام حقيقة. الزواج هو فقط للاولاد. نساء تربية دينيه لهن مش موجودة بالاضافة للشباب. لانه بالنهاية ربتهم امهم. مشان هيك لجيل اليوم اوعى ان تعتقد يان مرتك سوف تحبك ان تنازلت لها. دع الايام تفعل ما تشاء
16-09-2017 01:43 PM

عن تجربة

التبليغ عن إساءة
4 -
يعني انت هسه بتخونيه وبتبرري موقفك ولا شو عشان نفهم؟
16-09-2017 01:50 PM

SAM

التبليغ عن إساءة
5 -
المرأة الصالحه وذات الدين لا يمكن لأي مغريات أن تبعدها عن دينها وتصون شرفها وكرامتها مهما كانت الأسباب والمغريات،لذلك قال رسولنا الكريم فاظفر بذات الدين تربت يداك.

وكما انت نصحت الرجال فانا ايضا احب ان أوجه لك انت بالذات هذه النصيحه:حافظي على زوجك واولادك وبيتك وانسي الأفكار السلبيه والعواطف الشيطانيه التي تدغدغ عواطفك،اظن فهمتي قصدي وطبعا انت يلي حكيتي مش انا،انصحي نفسك قبل ما تنصحي غيرك وكوني قدوة حسنه للجميع.

زوجك يقضي وقته في العمل من اجلكم ومن أجل رزقه،اظن بطلعلوا يرفه عن نفسه من ضغط العمل مع أصدقائه.

خفي عليه شوي ولا تضغطيه زياده ما هو مضغوط

الله يهديك ويهدي بالك
16-09-2017 02:22 PM

MبرشلونيO

التبليغ عن إساءة
6 -
يا بنت الناس استهدي بالله وانا متل اخوكي الله يستر عليكي و بترجاكي اصحك تتصرفي تصرف مش مزبوط و حاولي انت تغيري مثلا قصة شعرك تسريحتك لون شعرك ليشوف هو اشي جديد مثلا و تلفتي انتباهه و انا هون ما بلومك لا والله بس خلي الفهم منك متل ما بيحكو ... بربك لا تخلي حدا يضحك عليكي اسألك بالله و انتبهي لبيتك و عيالك و ربي يدخل الفرحة لبيتك دايما وباستمرار و يسعدك و عيالك و يديم عليكم الفرح و الهنا وهداة البال
16-09-2017 02:22 PM

Green eyes

التبليغ عن إساءة
7 -
صح السانك ياعمتي الشيخه





الحال من بعضه يمه
16-09-2017 04:01 PM

ام ادم

التبليغ عن إساءة
8 -
والله يا اختي بنات الاصول ما بطلعوا على شي بالحرام بلى مشاعر بلى حنيه

يتركها الانسان لربه

تملئ وئتها بالصلاة والاستغفار. والبرامج التوعية

ليه ازا زوجها ماحس بمشاعرها وهداك شو يختلف عنه يعني عنده مشاعر زيادة بوزعهم عن روحه ؟؟؟

الدنيا اخر وئت
16-09-2017 11:39 PM

سندريلا

التبليغ عن إساءة
9 -
تبرير لتهوني فيه عن اشي بتعمليه مثلا!

ما في مبرر للخيانة، اطلاقا

لو انك ارمله او مطلقة شو كان عملتي؟؟!
17-09-2017 07:36 AM

احمد

التبليغ عن إساءة
10 -
السلام عليكم ،،،،،،،،،،،
نصيحة لكل فتاة متزوجة أو رح تتزوج
إذا بدك زوجك يحترمك وما ايخونك ، إوعي تهمليه أو اتخليه يحتاج للحب .
الرجل بشكل عام يحتاج إلى الكلام الرائع والذي يكون محتواه الاحترام والتقدير مثل الحديث الذي كانت المرأة تتحدث معه فيه كأيام الخطوبة على أن يكون فيه الصدق والوفاء .
إحرصي كل الحرص على السؤال الدائم عن زوجك وذلك بإظهار الاهتمام به ، خوفا وتجنبا لأن لا تقع عينه على غيرك ويصيبك الندم بعدها وخاصة أن نسبة العنوسة تتزايد عاما بعد عام ، مع العلم أن العنوسة حصلت مع البنات فما بالك عندما تصبحين مطلقة ؟؟؟ إحسبيها صح أديري بالك على حالك .
ملاحظة :- الله العليم التي كتبت النصيحة { إمقضيتها اصيام !!! } .
أهم النصائح للمقبلات على الزواج :-
1- طاعة الزوج دائما على أن يكون غير مخالفا للدين .
2- التفاهم من قبل الزوجين .
3- الاهتمام بنظافة البيت .
4- الاحساس بالمسؤولية المطلقة .
5- الاهتمام بشؤون المنزل .
6- الصدق والامانة من قبل الزوجين .
7- عدم الخيانة لكلا الطرفين .
8- وجود العامل المشترك { الثقة } .
9- نظافة الزوجة .... هذه النقطة حساسة وتحتاج لمجلد ، فهمكم كفاية .
10- تخفيف الطلبات من الزوج المسكين .
11- السترة والعفة من المرأة ، فهذا ما يعشقه الرجل فيها .
12- المتزوجة :- تضع المكياج والأمنشل خارج المنزل ، { لمين ؟؟؟ } .
13- أمور أخرى كثيرة ..... أنحرج أن أكتبها .
بصراحة أكثر والله هذه الأيام الشباب الذين يبحثون عن سترة وقتهم ، والبنات يبحثن عن الفيس والأكل الجاهز والنوم والراحة .
فلو قلت لها قومي إجلي لقالت أنا مريضة !!!!
ولو قلت لها تعالي كلي لقالت أين معلقتي العريضة ؟؟؟؟
هذا الجيل بتنادي عليه ما بسمع ، وبوكل وما بشبع ، وبروح وما برجع ، وبوكل كتل وما بتوجع ، والعياذ بالله اتقول إنهن ....... من شان الله خلوني ساكت ، والله مقهور مقهور مقهور ، عوجا وياما حانشوف . محمدكو . سلام .
17-09-2017 10:34 AM

محمدكو

التبليغ عن إساءة
الاسم : *
البريد الالكتروني :
التعليق : *
رمز التحقق : تحديث الرمز
أكتب الرمز :

الأكثر مشاهدة خلال اليوم

إقرأ أيـضـاَ

أخبار فنية

رياضـة

منوعات من العالم